Musafir

musafir hain hum bhi musafir ho tum bhi kisi mod par phir mulaqat hogi

nagri nagri phira musafir ghar ka rasta bhul gaya kya hai tera kya hai mera apna paraya bhul gaya

musafiron se mohabbat ki baat kar lekin musafiron ki mohabbat ka e'tibar na kar

musafir hi musafir har taraf hain magar har shakhs tanha ja raha hai

kai sal se kuchh khabar hi nahin kahan din guzara kahan raat ki

wo raat ka be-nawa musafir wo tera shair wo tera 'nasir' teri gali tak to hum ne dekha tha phir na jaane kidhar gaya wo

ai adam ke musafiro hoshiyar rah mein zindagi khadi hogi

musafir apni manzil par pahunch kar chain pate hain wo maujen sar patakti hain jinhen sahil nahin milta

din mein pariyon ki koi kahani na sun jangalon mein musafir bhatak jaenge

hum musafir hain gard-e-safar hain magar ai shab-e-hijr hum koi bachche nahin jo abhi aansuon mein naha kar gae aur abhi muskuraate palat aaenge

kante bone wale sach-much tu bhi kitna bhola hai jaise rahi ruk jaenge tere kante bone se

musafir tera zikr karte rahe mahakta raha rasta der tak

zara rahne do apne dar pe hum khana-ba-doshon ko musafir jis jagah aaram pate hain thaharte hain

tumhaare sath hi us ko bhi dub jaana hai ye jaanta hai musafir tere safine ka

idhar wo sahra mein khak dhunta udhar wo dariya kinare gum-sum ajib hote hain ye ta'alluq musafiron ke musafiron se

rasta bhi hami log the rahi bhi hamin the aur apni masafat ki gawahi bhi hamin the

kuchh tute phate sine ko sath apne safar mein kya wo bhi musafir jo na rakkhe sui taga

hota hai musafir ko do-rahe mein tawaqquf rah ek hai uth jae jo shak dair-o-haram ka

palat aata hun main mayus ho kar un maqamon se jahan se silsila nazdik-tar hota hai manzil ka

rah-e-hayat ka main aisa ek musafir tha ki jaise shahr ki sadkon se bus ka rishta tha

ek jam-e-mai ki khatir palkon se ye musafir jarob-kash raha hai barson dar-e-mughan ka

qadam badha ki abhi dur hai teri manzil shikast-e-abla-pai hai khar ki had tak