Paan

lagawat ki ada se un ka kahna pan hazir hai qayamat hai sitam hai dil fida hai jaan hazir hai

suna ke koi kahani hamein sulati thi duaon jaisi bade pan-dan ki khushbu

hum na uthte hain na wo dete hain hath mein pan hai kya mushkil hai

honthon mein dab kar jo gilauri di yar ne kya dant pise ghairon ne kya kya chabae honth

uthaya us ne bida qatl ka kuchh dil mein thana hai chabana pan ka bhi khun bahane ka bahana hai

pan khane ki ada ye hai to ek aalam ko khun rulaega meri jaan dahan-e-surkh tera

jab ham-kalam hum se hota hai pan kha kar kis rang se kare hai baaten chaba chaba kar meer captures a flirtatious everyday moment: the beloved’s paan becomes a prop for elegance and teasing. the act of chewing makes the speech deliberately slow, colored with affectation and charm. the lover is captivated not just by the words, but by the manner—each “chewed” syllable turns into coquetry.

gilauri raqibon ne bheji hai sahab kisi aur ko bhi khila lijiyega

pan kha kar jo ugal aap ne thuka sahab jauhari mahw hue lal-e-yaman yaad aaya

baalon mein bal hai aankh mein surma hai munh mein pan ghar se nikal ke panw nikale nikal chale

bahut se khun-kharabe machenge khana-kharab yahi hai rang agar tere pan khane ka

kajal mehndi pan misi aur kanghi choti mein har aan kya kya rang banawegi aur kya kya naqshe dhaalegi

ek janam ke pyase bhi sair hon to hum jaanen yun to rahmat-e-yazdan chaar-su barasti hai

kab pan raqibon ko inayat nahin hote kis roz mere qatl ka bida nahin uthta

tha bahut un ko gilauri ka uthana mushkil dast-e-nazuk se diya pan badi mushkil se

aae bhi to khae na gilauri na mala itr roki meri dawat mujhe mehman se gila hai

pan ban ban ke meri jaan kahan jate hain ye mere qatl ke saman kahan jate hain

pan ke thele hotel logon ka jamghat apne tanha hone ka ehsas bhi kya

mere qatl par tum ne bida uthaya mere hath ka pan khaya to hota

tumhaare lab ki surkhi lal ki manind asli hai agar tum pan ai pyare na khaoge to kya hoga

gar maza chaho to katro dil saraute se mera tum supari ki dali rakhte ho nahaq pan mein

jabhi tu pan kha kar muskuraya tabhi dil khil gaya gul ki kali ka

tere honthon ke tain pan se lal dekh kar khun-e-jigar khata hun

khun-e-ushshaq hai maani mein shauq se pan khaiye sahab

hath mein le kar gilauri mujh ko dikhla kar kaha munh to banwae koi is pan khane ke liye

sada pan kha kha ke nikle hai bahar zamane mein khun-khwar paida hua hai

khun-e-ushshaq ka utha bida be-sabab kab wo pan khata hai

aate hain wo kahin se to ai 'mehr' qarz dam chikni dali ilaichi manga pan chhaaliya

kya hai mujhe dete ho gilauri chune mein kahin na sankhiya ho