Wajood

ada hua na qarz aur wajud khatm ho gaya main zindagi ka dete dete sud khatm ho gaya

ye jo main hun zara sa baqi hun wo jo tum the wo mar gae mujh mein

khak hun lekin sarapa nur hai mera wajud is zamin par chand suraj ka numainda hun main

lamhon ke azab sah raha hun main apne wajud ki saza hun

khatm hone de mere sath hi apna bhi wajud tu bhi ek naqsh kharabe ka hai mar ja mujh mein

agar hai insan ka muqaddar khud apni mitti ka rizq hona to phir zamin par ye aasman ka wajud kis qahr ke liye hai

mera wajud meri ruh ko pukarta hai teri taraf bhi chalun to thahar thahar jaun

tera wajud gawahi hai mere hone ki main apni zat se inkar kis tarah karta

mujhe shak hai hone na hone pe 'khalid' agar hun to apna pata chahta hun

mera wajud haqiqat mera adam dhoka fana ki shakl mein sar-chashma-e-baqa hun main

mere wajud ko parchhaiyon ne tod diya main ek hisar tha tanhaiyon ne tod diya

hamein to is liye ja-e-namaz chahiye hai ki hum wajud se bahar qayam karte hain

raat din gardish mein hain lekin pada rahta hun main kaam kya mera yahan hai sochta rahta hun main translation day and night are in motion, but unmoved i remain, who, what is mine here, i keep thinking in disdain. sagar akbarabadi

ab koi dhund-dhand ke lao naya wajud insan to bulandi-e-insan se ghat gaya

hum ek fikr ke paikar hain ek khayal ke phul tera wajud nahin hai to mera saya nahin

main bhi yahan hun is ki shahadat mein kis ko laun mushkil ye hai ki aap hun apni nazir main

kabhi mohabbat se baz rahne ka dhyan aae to sochta hun ye zahr itne dinon se mere wajud mein kaise pal raha hai

sitar-e-khwab se bhi badh kar ye kaun be-mehr hai ki jis ne charagh aur aaine ko apne wajud ka raaz-dan kiya hai

main ek khwab hun tera dekha hua hun tu ek nind hai mujh mein soi padi hai

uchhaale jis pe malamat ke sang logon ne wajud us ka muqaddas kitab sa ubhra

zamin paon mein aur sar pe aasman liye bhatak raha hun main itna bada makan liye

mera maqam har ek dil mein hai judagana agar yaqin nahin hun to ehtimal hun main