Aadmi

har aadmi mein hote hain das bis aadmi jis ko bhi dekhna ho kai bar dekhna

'zafar' aadmi us ko na jaaniyega wo ho kaisa hi sahab-e-fahm-o-zaka jise aish mein yaad-e-khuda na rahi jise taish mein khauf-e-khuda na raha the couplet defines “human” not by intellect but by moral and spiritual awareness. comfort is a test of gratitude: remembering god in ease shows humility. rage is a test of restraint: fearing god in anger keeps one from ظلم and excess. without these, wisdom becomes hollow and character collapses.

yahan libas ki qimat hai aadmi ki nahin mujhe gilas bade de sharab kam kar de

isi liye to yahan ab bhi ajnabi hun main tamam log farishte hain aadmi hun main

wo kaun tha jo din ke ujale mein kho gaya ye chand kis ko dhundne nikla hai sham se

ittifaq apni jagah khush-qismati apni jagah khud banata hai jahan mein aadmi apni jagah

aadmi aadmi se milta hai dil magar kam kisi se milta hai people meet each other, fairly frequently but, meeting of hearts, seldom does one see

meri ruswai ke asbab hain mere andar aadmi hun so bahut khwab hain mere andar

samjhega aadmi ko wahan kaun aadmi banda jahan khuda ko khuda manta nahin

girja mein mandiron mein azanon mein bat gaya hote hi subh aadmi khanon mein bat gaya

jaanwar aadmi farishta khuda aadmi ki hain saikadon qismen barbaric and human, angelic, divine man, by many names, one may well define

sab se pur-amn waqia ye hai aadmi aadmi ko bhul gaya

bhid tanhaiyon ka mela hai aadmi aadmi akela hai

rah mein baitha hun main tum sang-e-rah samjho mujhe aadmi ban jaunga kuchh thokaren khane ke baad

hazar chehre hain maujud aadmi ghaeb ye kis kharabe mein duniya ne la ke chhod diya

main aadmi hun koi farishta nahin huzur main aaj apni zat se ghabra ke pi gaya

farishta hai to taqaddus tujhe mubarak ho hum aadmi hain to aib-o-hunar bhi rakhte hain

main tere dar ka bhikari tu mere dar ka faqir aadmi is daur mein khuddar ho sakta nahin

aadmi ka aadmi har haal mein hamdard ho ek tawajjoh chahiye insan ko insan ki taraf

main aakhir aadmi hun koi laghzish ho hi jati hai magar ek wasf hai mujh mein dil-azari nahin karta

zindagi se zindagi ruthi rahi aadmi se aadmi barham raha

na jaane bahar bhi kitne aaseb muntazir hon abhi main andar ke aadmi se dara hua hun

khush-haal ghar sharif tabiat sabhi ka dost wo shakhs tha ziyaada magar aadmi tha kam

aadmi kya wo na samjhe jo sukhan ki qadr ko nutq ne haiwan se musht-e-khak ko insan kiya

khuda badal na saka aadmi ko aaj bhi 'hosh' aur ab tak aadmi ne saikdon khuda badle

ajib shakhs tha khud apne dukh banata tha dil-o-dimagh pe kuchh din asar raha us ka

milta hai aadmi hi mujhe har maqam par aur main hun aadmi ki talab se bhara hua

rup rang milta hai khadd-o-khal milte hain aadmi nahin milta aadmi ke paikar mein

itna be-asra nahin hun main aadmi hun khuda nahin hun main

tatolo parakh lo chalo aazma lo khuda ki qasam ba-khuda aadmi hun