Aansoo

waise to ek aansu hi baha kar mujhe le jae aise koi tufan hila bhi nahin sakta

meri ruh ki haqiqat mere aansuon se puchho mera majlisi tabassum mera tarjuman nahin hai

wo aks ban ke meri chashm-e-tar mein rahta hai ajib shakhs hai pani ke ghar mein rahta hai

ek aansu bhi hukumat ke liye khatra hai tum ne dekha nahin aaankhon ka samundar hona

rone wale tujhe rone ka saliqa hi nahin ashk pine ke liye hain ki bahane ke liye

roz achchhe nahin lagte aansu khas mauqon pe maza dete hain

ek aansu ne duboya mujh ko un ki bazm mein bund bhar pani se sari aabru pani hui a single tear caused my fall in her company just a drop of water drowned my dignity the poet laments that a momentary lapse in emotional control, manifested as a single tear, destroyed his dignity in the beloved's assembly. he uses a clever play on the word 'water,' contrasting the physical teardrop with the metaphorical liquefying of his honor, implying that this small sign of weakness completely washed away his social standing.

un ke rukhsar pe dhalke hue aansu tauba main ne shabnam ko bhi shoalon pe machalte dekha

muddat ke ba'd us ne jo ki lutf ki nigah ji khush to ho gaya magar aansu nikal pade

aarzu hasrat aur ummid shikayat aansu ek tera zikr tha aur bich mein kya kya nikla

main rona chahta hun khub rona chahta hun main phir us ke baad gahri nind sona chahta hun main

shabnam ke aansu phul par ye to wahi qissa hua aankhen meri bhigi hui chehra tera utra hua

hasin teri aanhken hasin tere aansu yahin dub jaane ko ji chahta hai

is qadar roya hun teri yaad mein aaine aankhon ke dhundle ho gae

palkon ki had ko tod ke daman pe aa gira ek ashk mere sabr ki tauhin kar gaya

kya kahun kis tarah se jita hun gham ko khata hun aansu pita hun

jo aag lagai thi tum ne us ko to bujhaya ashkon ne jo ashkon ne bhadkai hai us aag ko thanda kaun kare

dil mein ek dard utha aankhon mein aansu bhar aae baithe baithe hamein kya jaaniye kya yaad aaya

mere ashk bhi hain is mein ye sharab ubal na jae mera jam chhune wale tera hath jal na jae my tears too this does contain,this wine may start to boil be careful for my goblet burns with rare intensity

phir meri aankh ho gai namnak phir kisi ne mizaj puchha hai

thamte thamte thamenge aansu rona hai kuchh hansi nahin hai

ghas mein jazb hue honge zamin ke aansu panw rakhta hun to halki si nami lagti hai

aur kuchh tohfa na tha jo late hum tere niyaz ek do aansu the aankhon mein so bhar lae hain hum

pahle nahai os mein phir aansuon mein raat yun bund bund utri hamare gharon mein raat

ashk-e-gham dida-e-pur-nam se sambhaale na gae ye wo bachche hain jo man bap se pale na gae

ye aansu be-sabab jari nahin hai mujhe rone ki bimari nahin hai

main ne chaha tha ki ashkon ka tamasha dekhun aur aankhon ka khazana tha ki khali nikla

udas aankhon se aansu nahin nikalte hain ye motiyon ki tarah sipiyon mein palte hain

meri aankhon mein hain aansu tere daman mein bahaar gul bana sakta hai tu shabnam bana sakta hun main

yun hi aankhon mein aa gae aansu jaiye aap koi baat nahin