Andhera

shahr ke andhere ko ek charagh kafi hai sau charagh jalte hain ek charagh jalne se

roz taron ko numaish mein khalal padta hai

roz taron ko numaish men khalal padta hai chand pagal hai andhere men nikal padta hai ek divana musafir hai miri ankhon men vaqt-be-vaqt thahar jaata hai chal padta hai apni taabir ke chakkar men mira jagta khvab roz suraj ki tarah ghar se nikal padta hai roz patthar ki himayat men ghhazal likhte hain roz shishon se koi kaam nikal padta hai us ki yaad aai hai sanso zara ahista chalo dhadkanon se bhi ibadat men khalal padta hai roz taron ko numaish mein khalal padta hai chand pagal hai andhere mein nikal padta hai ek diwana musafir hai meri aankhon mein waqt-be-waqt thahar jata hai chal padta hai apni tabir ke chakkar mein mera jagta khwab roz suraj ki tarah ghar se nikal padta hai roz patthar ki himayat mein ghazal likhte hain roz shishon se koi kaam nikal padta hai us ki yaad aai hai sanso zara aahista chalo dhadkanon se bhi ibaadat mein khalal padta hai

andheron ko nikala ja raha hai magar ghar se ujala ja raha hai

abhi ek shor sa utha hai kahin

abhi ik shor sa utha hai kahin koi khamosh ho gaya hai kahin hai kuchh aisa ki jaise ye sab kuchh is se pahle bhi ho chuka hai kahin tujh ko kya ho gaya ki chizon ko kahin rakhta hai dhundhta hai kahin jo yahan se kahin na jaata tha vo yahan se chala gaya hai kahin aaj shamshan ki si bu hai yahan kya koi jism jal raha hai kahin ham kisi ke nahin jahan ke siva aisi vo khaas baat kya hai kahin tu mujhe dhund main tujhe dhundun koi ham men se rah gaya hai kahin kitni vahshat hai darmiyan-e-hujum jis ko dekho gaya hua hai kahin main to ab shahr men kahin bhi nahin kya mira naam bhi likha hai kahin isi kamre se koi ho ke vidaa isi kamre men chhup gaya hai kahin mil ke har shakhs se hua mahsus mujh se ye shakhs mil chuka hai kahin abhi ek shor sa utha hai kahin koi khamosh ho gaya hai kahin hai kuchh aisa ki jaise ye sab kuchh is se pahle bhi ho chuka hai kahin tujh ko kya ho gaya ki chizon ko kahin rakhta hai dhundhta hai kahin jo yahan se kahin na jata tha wo yahan se chala gaya hai kahin aaj shamshan ki si bu hai yahan kya koi jism jal raha hai kahin hum kisi ke nahin jahan ke siwa aisi wo khas baat kya hai kahin tu mujhe dhund main tujhe dhundun koi hum mein se rah gaya hai kahin kitni wahshat hai darmiyan-e-hujum jis ko dekho gaya hua hai kahin main to ab shahr mein kahin bhi nahin kya mera nam bhi likha hai kahin isi kamre se koi ho ke widaa isi kamre mein chhup gaya hai kahin mil ke har shakhs se hua mahsus mujh se ye shakhs mil chuka hai kahin

aaj ki raat bhi tanha hi kati aaj ke din bhi andhera hoga

charagh-e-tur jalao bada andhera hai

charaghh-e-tur jalao bada andhera hai zara naqab uthao bada andhera hai abhi to subh ke mathe ka rang kaala hai abhi fareb na khaao bada andhera hai vo jin ke hote hain khurshid astinon men unhen kahin se bulao bada andhera hai mujhe tumhari nigahon pe e'timad nahin mire qarib na aao bada andhera hai faraz-e-arsh se tuuta hua koi taara kahin se dhund ke laao bada andhera hai basiraton pe ujalon ka khauf taari hai mujhe yaqin dilao bada andhera hai jise zaban-e-khirad men sharab kahte hain vo raushni si pilao bada andhera hai ba-nam-e-zohra-jzbinan-e-khitta-e-firdaus kisi kiran ko jagao bada andhera hai charagh-e-tur jalao bada andhera hai zara naqab uthao bada andhera hai abhi to subh ke mathe ka rang kala hai abhi fareb na khao bada andhera hai wo jin ke hote hain khurshid aastinon mein unhen kahin se bulao bada andhera hai mujhe tumhaari nigahon pe e'timad nahin mere qarib na aao bada andhera hai faraaz-e-arsh se tuta hua koi tara kahin se dhund ke lao bada andhera hai basiraton pe ujalon ka khauf tari hai mujhe yaqin dilao bada andhera hai jise zaban-e-khirad mein sharab kahte hain wo raushni si pilao bada andhera hai ba-nam-e-zohra-jzbinan-e-khitta-e-firdaus kisi kiran ko jagao bada andhera hai

ishq mein kuchh nazar nahin aaya jis taraf dekhiye andhera hai

kisi ke chhut jaane ka use kyon gham nahin hota

kisi ke chhut jaane ka use kyon ghham nahin hota tira dil hai ki patthar hai kabhi jo nam nahin hota parinde gungunate hain tumhare shahr men lekin hamare shahr ka aisa kabhi mausam nahin hota ba-zahir jugnuon ki raushni se ghar to raushan hai magar phir bhi mire ghar ka andhera kam nahin hota khuda se gar tujhe manga nahin hota du'aon men tujhe khone ka phir ham ko zara bhi ghham nahin hota nigahon ne hamari ek manzar vo bhi dekha hai jahan apnon ke marne ka koi matam nahin hota kisi ke chhut jaane ka use kyon gham nahin hota tera dil hai ki patthar hai kabhi jo nam nahin hota parinde gungunate hain tumhaare shahr mein lekin hamare shahr ka aisa kabhi mausam nahin hota ba-zahir jugnuon ki raushni se ghar to raushan hai magar phir bhi mere ghar ka andhera kam nahin hota khuda se gar tujhe manga nahin hota du'aon mein tujhe khone ka phir hum ko zara bhi gham nahin hota nigahon ne hamari ek manzar wo bhi dekha hai jahan apnon ke marne ka koi matam nahin hota

ulfat ka hai maza ki 'asar' gham bhi sath hon tarikiyan bhi sath rahen raushni ke sath

luta raha hun main lal-o-gohar andhere mein

luta raha huun main laal-o-gohar andhere men talash karti hai kis ko nazar andhere men vo jis ki raah men main ne diye jalae the gaya vo shakhs mujhe chhod kar andhere men charaghh kaun utha le gaya mire ghar se sisak rahe hain mire bam-o-dar andhere men tha tirgi ke janaze pe ek hashr bapa jo us ke aane se phaili khabar andhere men koi hatheli pe phirta hai aftab liye bhatak raha hai koi dar-ba-dar andhere men men koh-e-nur huun nadan tujhe khabar bhi nahin mujhe chhupane ki koshish na kar andhere men musafiron ko vo rahen dikhaega 'afzal' charaghh rakh do sar-e-rahguzar andhere men luta raha hun main lal-o-gohar andhere mein talash karti hai kis ko nazar andhere mein wo jis ki rah mein main ne diye jalae the gaya wo shakhs mujhe chhod kar andhere mein charagh kaun utha le gaya mere ghar se sisak rahe hain mere baam-o-dar andhere mein tha tirgi ke janaze pe ek hashr bapa jo us ke aane se phaili khabar andhere mein koi hatheli pe phirta hai aaftab liye bhatak raha hai koi dar-ba-dar andhere mein mein koh-e-nur hun nadan tujhe khabar bhi nahin mujhe chhupane ki koshish na kar andhere mein musafiron ko wo rahen dikhaega 'afzal' charagh rakh do sar-e-rahguzar andhere mein

raushni phaili to sab ka rang kala ho gaya kuchh diye aise jale har-su andhera ho gaya

dete nahin sujhai jo duniya ke khatt-o-khal aae hain tirgi mein magar raushni se hum

udas raaton ki tirgi mein na koi tara na koi jugnu kisi ka naqsh-e-qadam hi chamke to nur ka e'tibar aae

dam andhere mein ghut raha hai 'khumar' aur chaaron taraf ujala hai

sau diye jalae hain doston ke aangan mein phir bhi mere aangan mein har taraf andhera hai

andhere chhu nahin sakte hain mujh ko ki mere sath teri raushni hai

muqaddar mein yahi likkha hai 'sagar' andhera aur ye aahon ka jangal

andheron mein rahe par mange ke ujalon se ghar apna hum ne kabhi zau-fishan kiya hi nahin

samne wo hain zulf bikhere kitne hasin hain aaj andhere