Top 20 Sher by Ameer Qazalbash

usi ka shahr wahi muddai wahi munsif hamein yaqin tha hamara qusur niklega

mere junun ka natija zarur niklega isi siyah samundar se nur niklega

log jis haal mein marne ki dua karte hain main ne us haal mein jine ki qasam khai hai

tum rah mein chup-chap khade ho to gae ho kis kis ko bataoge ki ghar kyun nahin jate

ek parinda abhi udan mein hai tir har shakhs ki kaman mein hai

yakum january hai naya sal hai december mein puchhunga kya haal hai

aaj ki raat bhi guzri hai meri kal ki tarah hath aae na sitare tere aanchal ki tarah translation tonight, same as the night before, has been spent, vying for the stars, which like thy drape, remained distant. sagar akbarabadi

suna hai ab bhi mere hath ki lakiron mein najumiyon ko muqaddar dikhai deta hai

mere pados mein aise bhi log baste hain jo mujh mein dhund rahe hain buraiyan apni

mujh se bach bach ke chali hai duniya mere nazdik khuda ho jaise

zindagi aur hain kitne tere chehre ye bata tujh se ek umr ki haalanki shanasai hai

yar kya zindagi hai suraj ki subh se sham tak jala karna

kya guzarti hai mere baad us par aaj main us se bichhad kar dekhun

main ne kyun tark-e-talluq ki jasarat ki hai tum agar ghaur karoge to pashiman hoge

sukut-e-shab mein dar-e-dil pe ek dastak thi bikhar gai teri yaadon ki kahkashan mujh se

mere ghar mein to koi bhi nahin hai khuda jaane main kis se dar raha hun

na jaane kaisa masiha tha chahta kya tha tamam shahr ko bimar dekh kar khush tha

jahan jahan bhi hai nahr-e-furaat ka imkan wahin yazid ka lashkar dikhai deta hai

zara badlunga is be-manzari ko phir us ke baad mar jaunga main bhi

mere us ke darmiyan hail kai kohsar hain mujh tak aate-ate baadal tishna-lab ho jaega

ada hua hai jo ek lafz be-asas na ho mera khuda kahin meri tarah udas na ho