Farewell

tumhein zarur koi chahaton se dekhega magar wo aankhen hamari kahan se laega

us gali ne ye sun ke sabr kiya jaane wale yahan ke the hi nahin

ab to jate hain but-kade se 'mir' phir milenge agar khuda laya the couplet is a quiet goodbye filled with uncertainty: the speaker departs from the beloved’s place, called a “but-kadah” in the lover’s idiom. by saying “if god brings it about,” he admits that reunion is not in his control but in fate’s hands. the emotional core is a restrained sadness—hope remains, yet it is surrendered to divine will.

aankh se dur sahi dil se kahan jaega jaane wale tu hamein yaad bahut aaega

us ko rukhsat to kiya tha mujhe malum na tha sara ghar le gaya ghar chhod ke jaane wala

jate ho khuda-hafiz han itni guzarish hai jab yaad hum aa jaen milne ki dua karna

jaane wale se mulaqat na hone pai dil ki dil mein hi rahi baat na hone pai

tumhaare sath ye mausam farishton jaisa hai tumhaare ba'd ye mausam bahut sataega

agar talash karun koi mil hi jaega magar tumhaari tarah kaun mujh ko chahega

chhodne main nahin jata use darwaze tak laut aata hun ki ab kaun use jata dekhe

jaane wale ko kahan rok saka hai koi tum chale ho to koi rokne wala bhi nahin

ab tum kabhi na aaoge yani kabhi kabhi rukhsat karo mujhe koi wada kiye baghair

ajib hote hain aadab-e-rukhsat-e-mahfil ki wo bhi uth ke gaya jis ka ghar na tha koi

yaad hai ab tak tujh se bichhadne ki wo andheri sham mujhe tu khamosh khada tha lekin baaten karta tha kajal

ye ek ped hai aa is se mil ke ro len hum yahan se tere mere raste badalte hain

tum suno ya na suno hath badhao na badhao dubte dubte ek bar pukarenge tumhein

us se milne ki khushi ba'd mein dukh deti hai jashn ke ba'd ka sannata bahut khalta hai

gunjte rahte hain alfaz mere kanon mein tu to aaram se kah deta hai allah-hafiz

ye ghar mera gulshan hai gulshan ka khuda hafiz allah nigahban nasheman ka khuda hafiz

rail dekhi hai kabhi sine pe chalne wali yaad to honge tujhe hath hilate hue hum

use jaane ki jaldi thi so main aankhon hi aankhon mein jahan tak chhod sakta tha wahan tak chhod aaya hun

tere paimane mein gardish nahin baqi saqi aur teri bazm se ab koi utha chahta hai

waqt-e-rukhsat alwidaa ka lafz kahne ke liye wo tere sukhe labon ka thartharana yaad hai

kaleja rah gaya us waqt phat kar kaha jab alwida us ne palat kar

us se mile zamana hua lekin aaj bhi dil se dua nikalti hai khush ho jahan bhi ho

rawana kar to raha hai wo hanste hanste mujhe main jaanta hun mere ba'd khub roega

tum isi mod par hamein milna laut kar hum zarur aaenge

dukh ke safar pe dil ko rawana to kar diya ab sari umr hath hilate rahenge hum

ab ke jate hue is tarah kiya us ne salam dubne wala koi hath uthae jaise

jada jada chhod jao apni yaadon ke nuqush aane wale karwan ke rahnuma ban kar chalo