Ghar

koi virani si virani hai dasht ko dekh ke ghar yaad aaya what kind of desolation there this be home comes to mind the desert when i see this couplet subverts the traditional metaphor where a home is a sanctuary and the wilderness is a place of ruin. the poet expresses that the vast emptiness of the desert reminds him of his home, implying that his house is even more desolate and destroyed than the wilderness itself.

tum parindon se ziyaada to nahin ho aazad sham hone ko hai ab ghar ki taraf laut chalo

mere khuda mujhe itna to mo'tabar kar de main jis makan mein rahta hun us ko ghar kar de translation o god merciful! at least bestow on me such a fame, the house i live in may become a home, worth its name. sagar akbarabadi

sab kuchh to hai kya dhundti rahti hain nigahen kya baat hai main waqt pe ghar kyun nahin jata

pata ab tak nahin badla hamara wahi ghar hai wahi qissa hamara

ab kaun muntazir hai hamare liye wahan sham aa gai hai laut ke ghar jaen hum to kya

doston se mulaqat ki sham hai ye saza kat kar apne ghar jaunga

ghar ki tamir tasawwur hi mein ho sakti hai apne naqshe ke mutabiq ye zamin kuchh kam hai

ab ghar bhi nahin ghar ki tamanna bhi nahin hai muddat hui socha tha ki ghar jaenge ek din

mujhe bhi lamha-e-hijrat ne kar diya taqsim nigah ghar ki taraf hai qadam safar ki taraf

ghar ki wahshat se larazta hun magar jaane kyun sham hoti hai to ghar jaane ko ji chahta hai

ye dasht wo hai jahan rasta nahin milta abhi se laut chalo ghar abhi ujala hai

kabhi to sham dhale apne ghar gae hote kisi ki aankh mein rah kar sanwar gae hote

gurez-pa hai naya rasta kidhar jaen chalo ki laut ke hum apne apne ghar jaen

dar-ba-dar thokaren khain to ye malum hua ghar kise kahte hain kya chiz hai be-ghar hona

koi bhi ghar mein samajhta na tha mere dukh sukh ek ajnabi ki tarah main khud apne ghar mein tha

apna ghar aane se pahle itni galiyan kyun aati hain

tamam khana-ba-doshon mein mushtarak hai ye baat sab apne apne gharon ko palat ke dekhte hain

makan hai qabr jise log khud banate hain main apne ghar mein hun ya main kisi mazar mein hun

dhalegi sham jahan kuchh nazar na aaega phir is ke ba'd bahut yaad ghar ki aaegi

pahle har chiz thi apni magar ab lagta hai apne hi ghar mein kisi dusre ghar ke hum hain

kis se puchhun ki kahan gum hun kai barson se har jagah dhundhta phirta hai mujhe ghar mera

hum ne ghar ki salamti ke liye khud ko ghar se nikal rakkha hai

suna hai shahr ka naqsha badal gaya 'mahfuz' to chal ke hum bhi zara apne ghar ko dekhte hain

'kaif' pardes mein mat yaad karo apna makan ab ke barish ne use tod giraya hoga

kab aaoge ye ghar ne mujh se chalte waqt puchha tha yahi aawaz ab tak gunjti hai mere kanon mein

bhid ke khauf se phir ghar ki taraf laut aaya ghar se jab shahr mein tanhai ke dar se nikla

dard-e-hijrat ke satae hue logon ko kahin saya-e-dar bhi nazar aae to ghar lagta hai

us ki aankhon mein utar jaane ko ji chahta hai sham hoti hai to ghar jaane ko ji chahta hai

ab tak na khabar thi mujhe ujde hue ghar ki wo aae to ghar be-sar-o-saman nazar aaya