Poetry Collection

Girya-o-zari

The act of wailing is an expression of human misery. It is, however, typically associated with lovers. He keeps lamenting over his separation from the beloved. It is one of the stock themes of classical poetry. Here are some examples

Total

Sher

Ghazal

Nazm

All Sher 23 Ghazal 23 Nazm 0

Featured Picks

Is collection se writer-diverse top picks for quick reading.

GhazalRead Full

kabhi khud pe kabhi haalat pe rona aaya

kabhi khud pe kabhi halat pe rona aaya baat nikli to har ik baat pe rona aaya ham to samjhe the ki ham bhuul gae hain un ko kya hua aaj ye kis baat pe rona aaya kis liye jiite hain ham kis ke liye jiite hain barha aise savalat pe rona aaya kaun rota hai kisi aur ki khatir ai dost sab ko apni hi kisi baat pe rona aaya kabhi khud pe kabhi haalat pe rona aaya baat nikli to har ek baat pe rona aaya hum to samjhe the ki hum bhul gae hain un ko kya hua aaj ye kis baat pe rona aaya kis liye jite hain hum kis ke liye jite hain barha aise sawalat pe rona aaya kaun rota hai kisi aur ki khatir ai dost sab ko apni hi kisi baat pe rona aaya

~ Sahir Ludhianvi

GhazalRead Full

ai mohabbat tere anjam pe rona aaya

ai mohabbat tire anjam pe rona aaya jaane kyuun aaj tire naam pe rona aaya love your sad conclusion makes me weep wonder why your mention makes me weep yuun to har shaam umidon men guzar jaati hai aaj kuchh baat hai jo shaam pe rona aaya every evening was, by hope, sustained this evening's desperation makes me weep kabhi taqdir ka matam kabhi duniya ka gila manzil-e-ishq men har gaam pe rona aaya lamenting fate, complaining of this life in course of love each station makes me weep mujh pe hi khatm hua silsila-e-nauhagari is qadar gardish-e-ayyam pe rona aaya the cycle of all mourning stops at me life's inconstant rotation makes me weep jab hua zikr zamane men mohabbat ka 'shakil' mujh ko apne dil-e-nakam pe rona aaya whenever talk of happiness i hear my failure and frustration makes me weep ai mohabbat tere anjam pe rona aaya jaane kyun aaj tere nam pe rona aaya love your sad conclusion makes me weep wonder why your mention makes me weep yun to har sham umidon mein guzar jati hai aaj kuchh baat hai jo sham pe rona aaya every evening was, by hope, sustained this evening's desperation makes me weep kabhi taqdir ka matam kabhi duniya ka gila manzil-e-ishq mein har gam pe rona aaya lamenting fate, complaining of this life in course of love each station makes me weep mujh pe hi khatm hua silsila-e-nauhagari is qadar gardish-e-ayyam pe rona aaya the cycle of all mourning stops at me life's inconstant rotation makes me weep jab hua zikr zamane mein mohabbat ka 'shakil' mujh ko apne dil-e-nakaam pe rona aaya whenever talk of happiness i hear my failure and frustration makes me weep

~ Shakeel Badayuni

GhazalRead Full

meri dastan-e-hasrat wo suna suna ke roe

miri dastan-e-hasrat vo suna suna ke roe mire azmane vaale mujhe aazma ke roe koi aisa ahl-e-dil ho ki fasana-e-mohabbat main use suna ke rouun vo mujhe suna ke roe miri aarzu ki duniya dil-e-na-tavan ki hasrat jise kho ke shadman the use aaj pa ke roe tiri bevafaiyon par tiri kaj-adaiyon par kabhi sar jhuka ke roe kabhi munh chhupa ke roe jo sunai anjuman men shab-e-ghham ki ap-biti kai ro ke muskurae kai muskura ke roe meri dastan-e-hasrat wo suna suna ke roe mere aazmane wale mujhe aazma ke roe koi aisa ahl-e-dil ho ki fasana-e-mohabbat main use suna ke roun wo mujhe suna ke roe meri aarzu ki duniya dil-e-na-tawan ki hasrat jise kho ke shadman the use aaj pa ke roe teri bewafaiyon par teri kaj-adaiyon par kabhi sar jhuka ke roe kabhi munh chhupa ke roe jo sunai anjuman mein shab-e-gham ki aap-biti kai ro ke muskurae kai muskura ke roe

~ Saifuddin Saif

GhazalRead Full

kabhi khud pe kabhi haalat pe rona aaya

~ Sahir Ludhianvi

GhazalRead Full

ai mohabbat tere anjam pe rona aaya

~ Shakeel Badayuni

GhazalRead Full

meri dastan-e-hasrat wo suna suna ke roe

~ Saifuddin Saif

GhazalRead Full

ashkon ko aarzu-e-rihai hai roiye

ashkon ko arzu-e-rihai hai roiye ankhon ki ab isi men bhalai hai roiye rona ilaj-e-zulmat-e-duniya nahin to kya kam-az-kam ehtijaj-e-khudai hai roiye taslim kar liya hai jo khud ko charaghh-e-haq duniya qadam qadam pe sabai hai roiye khush hain to phir musafir-e-duniya nahin hain aap is dasht men bas abla-pai hai roiye ham hain asir-e-zabt ijazat nahin hamen ro pa rahe hain aap badhai hai roiye ashkon ko aarzu-e-rihai hai roiye aankhon ki ab isi mein bhalai hai roiye rona ilaj-e-zulmat-e-duniya nahin to kya kam-az-kam ehtijaj-e-khudai hai roiye taslim kar liya hai jo khud ko charagh-e-haq duniya qadam qadam pe sabai hai roiye khush hain to phir musafir-e-duniya nahin hain aap is dasht mein bas aabla-pai hai roiye hum hain asir-e-zabt ijazat nahin hamein ro pa rahe hain aap badhai hai roiye

~ Abbas Qamar

GhazalRead Full

aaj phir gardish-e-taqdir pe rona aaya

aaj phir gardish-e-taqdir pe rona aaya dil ki bigdi hui tasvir pe rona aaya ishq ki qaid men ab tak to umidon pe jiye mit gai aas to zanjir pe rona aaya kya hasin khvab mohabbat ne dikhaya tha hamen khul gai aankh to tabir pe rona aaya pahle qasid ki nazar dekh ke dil sahm gaya phir tiri surkhi-e-tahrir pe rona aaya dil ganva kar bhi mohabbat ke maze mil na sake apni khoi hui taqdir pe rona aaya kitne masrur the jiine ki duaon pe 'shakil' jab mile ranj to tasir pe rona aaya aaj phir gardish-e-taqdir pe rona aaya dil ki bigdi hui taswir pe rona aaya ishq ki qaid mein ab tak to umidon pe jiye mit gai aas to zanjir pe rona aaya kya hasin khwab mohabbat ne dikhaya tha hamein khul gai aankh to tabir pe rona aaya pahle qasid ki nazar dekh ke dil sahm gaya phir teri surkhi-e-tahrir pe rona aaya dil ganwa kar bhi mohabbat ke maze mil na sake apni khoi hui taqdir pe rona aaya kitne masrur the jine ki duaon pe 'shakil' jab mile ranj to tasir pe rona aaya

~ Shakeel Badayuni

GhazalRead Full

zakhm jhele dagh bhi khae bahut

zakhm jhele daaghh bhi khaae bahut dil laga kar ham to pachhtae bahut jab na tab jagah se tum jaaya kiye ham to apni or se aae bahut dair se su-e-haram aaya na tuk ham mizaj apna idhar laae bahut phuul gul shams o qamar saare hi the par hamen in men tumhin bhaae bahut gar buka is shor se shab ko hai to rovenge sone ko ham-sae bahut vo jo nikla subh jaise aftab rashk se gul phuul murjhae bahut 'mir' se puchha jo main ashiq ho tum ho ke kuchh chupke se sharmae bahut zakhm jhele dagh bhi khae bahut dil laga kar hum to pachhtae bahut jab na tab jagah se tum jaya kiye hum to apni or se aae bahut dair se su-e-haram aaya na tuk hum mizaj apna idhar lae bahut phul gul shams o qamar sare hi the par hamein in mein tumhin bhae bahut gar buka is shor se shab ko hai to rowenge sone ko ham-sae bahut wo jo nikla subh jaise aaftab rashk se gul phul murjhae bahut 'mir' se puchha jo main aashiq ho tum ho ke kuchh chupke se sharmae bahut

~ Meer Taqi Meer

GhazalRead Full

puchha kisi ne haal kisi ka to ro diye

puchha kisi ne haal kisi ka to ro diye paani men 'aks chand ka dekha to ro diye naghhma kisi ne saaz pe chheda to ro diye ghhuncha kisi ne shakh se toda to ro diye udta hua ghhubar sar-e-rah dekh kar anjam ham ne 'ishq ka socha to ro diye badal faza men aap ki tasvir ban gae saaya koi khayal se guzra to ro diye rang-e-shafaq se aag shagufon men lag gai saghhar hamare haath se chhalka to ro diye puchha kisi ne haal kisi ka to ro diye pani mein 'aks chand ka dekha to ro diye naghma kisi ne saz pe chheda to ro diye ghuncha kisi ne shakh se toda to ro diye udta hua ghubar sar-e-rah dekh kar anjam hum ne 'ishq ka socha to ro diye baadal faza mein aap ki taswir ban gae saya koi khayal se guzra to ro diye rang-e-shafaq se aag shagufon mein lag gai saghar hamare hath se chhalka to ro diye

~ Saghar Siddiqui

GhazalRead Full

ashk zaea ho rahe the dekh kar rota na tha

ashk zaaea ho rahe the dekh kar rota na tha jis jagah banta tha rona main udhar rota na tha sirf teri chup ne mere gaal giile kar diye main to vo huun jo kisi ki maut par rota na tha mujh pe kitne sanahe guzre par in ankhon ko kya mera dukh ye hai ki mera ham-safar rota na tha main ne us ke vasl men bhi hijr kaata hai kahin vo mire kandhe pe rakh leta tha sar rota na tha pyaar to pahle bhi us se tha magar itna nahin tab main us ko chhu to leta tha magar rota na tha girya-o-zari ko bhi ik khaas mausam chahiye meri ankhen dekh lo main vaqt par rota na tha ashk zaea ho rahe the dekh kar rota na tha jis jagah banta tha rona main udhar rota na tha sirf teri chup ne mere gal gile kar diye main to wo hun jo kisi ki maut par rota na tha mujh pe kitne sanahe guzre par in aankhon ko kya mera dukh ye hai ki mera ham-safar rota na tha main ne us ke wasl mein bhi hijr kata hai kahin wo mere kandhe pe rakh leta tha sar rota na tha pyar to pahle bhi us se tha magar itna nahin tab main us ko chhu to leta tha magar rota na tha girya-o-zari ko bhi ek khas mausam chahiye meri aankhen dekh lo main waqt par rota na tha

~ Tahzeeb Hafi

GhazalRead Full

ret bhari hai in aankhon mein aansu se tum dho lena

ret bhari hai in ankhon men aansu se tum dho lena koi sukha ped mile to us se lipat ke ro lena us ke baad bahut tanha ho jaise jangal ka rasta jo bhi tum se pyaar se bole saath usi ke ho lena kuchh to ret ki pyaas bujhao janam janam ki pyasi hai sahil par chalne se pahle apne paanv bhigo lena main ne dariya se sikhi hai paani ki ye parda-dari uupar uupar hanste rahna gahrai men ro lena rote kyuun ho dil valon ki qismat aisi hoti hai saari raat yunhi jagoge din nikle to so lena ret bhari hai in aankhon mein aansu se tum dho lena koi sukha ped mile to us se lipat ke ro lena us ke baad bahut tanha ho jaise jangal ka rasta jo bhi tum se pyar se bole sath usi ke ho lena kuchh to ret ki pyas bujhao janam janam ki pyasi hai sahil par chalne se pahle apne panw bhigo lena main ne dariya se sikhi hai pani ki ye parda-dari upar upar hanste rahna gahrai mein ro lena rote kyun ho dil walon ki qismat aisi hoti hai sari raat yunhi jagoge din nikle to so lena

~ Bashir Badr

GhazalRead Full

hum ko to gardish-e-haalat pe rona aaya

ham ko to gardish-e-halat pe rona aaya rone vaale tujhe kis baat pe rona aaya kaise jiite hain ye kis tarah jiye jaate hain ahl-e-dil ki basar-auqat pe rona aaya ji nahin aap se kya mujh ko shikayat hogi haan mujhe talkhi-e-halat pe rona aaya husn-e-maghhrur ka ye rang bhi dekha akhir akhir un ko bhi kisi baat pe rona aaya kaise mar mar ke guzari hai tumhen kya malum raat bhar taron bhari raat pe rona aaya kitne betab the rim-jhim men piyenge lekin aai barsat to barsat pe rona aaya husn ne apni jafaon pe bahae aansu ishq ko apni shikayat pe rona aaya kitne anjan hain kya sadgi se puchhte hain kahiye kya meri kisi baat pe rona aaya avval avval to bas ek aah nikal jaati thi akhir akhir to mulaqat pe rona aaya 'saif' ye din to qayamat ki tarah guzra hai jaane kya baat thi har baat pe rona aaya hum ko to gardish-e-haalat pe rona aaya rone wale tujhe kis baat pe rona aaya kaise jite hain ye kis tarah jiye jate hain ahl-e-dil ki basar-auqat pe rona aaya ji nahin aap se kya mujh ko shikayat hogi han mujhe talkhi-e-haalat pe rona aaya husn-e-maghrur ka ye rang bhi dekha aakhir aakhir un ko bhi kisi baat pe rona aaya kaise mar mar ke guzari hai tumhein kya malum raat bhar taron bhari raat pe rona aaya kitne betab the rim-jhim mein piyenge lekin aai barsat to barsat pe rona aaya husn ne apni jafaon pe bahae aansu ishq ko apni shikayat pe rona aaya kitne anjaan hain kya sadgi se puchhte hain kahiye kya meri kisi baat pe rona aaya awwal awwal to bas ek aah nikal jati thi aakhir aakhir to mulaqat pe rona aaya 'saif' ye din to qayamat ki tarah guzra hai jaane kya baat thi har baat pe rona aaya

~ Saifuddin Saif

GhazalRead Full

ulfat ka jab kisi ne liya nam ro pade

ulfat ka jab kisi ne liya naam ro pade apni vafa ka soch ke anjam ro pade har shaam ye saval mohabbat se kya mila har shaam ye javab ki har shaam ro pade rah-e-vafa men ham ko khushi ki talash thi do gaam hi chale the ki har gaam ro pade rona nasib men hai to auron se kya gila apne hi sar liya koi ilzam ro pade ulfat ka jab kisi ne liya nam ro pade apni wafa ka soch ke anjam ro pade har sham ye sawal mohabbat se kya mila har sham ye jawab ki har sham ro pade rah-e-wafa mein hum ko khushi ki talash thi do gam hi chale the ki har gam ro pade rona nasib mein hai to auron se kya gila apne hi sar liya koi ilzam ro pade

~ Sudarshan Faakir

GhazalRead Full

aaj ro kar to dikhae koi aisa rona

aaj ro kar to dikhae koi aisa rona yaad kar ai dil-e-khamosh vo apna rona raqs karna kabhi khvabon ke shabistanon men kabhi yadon ke sutunon se lipatna rona tujh se sikhe koi rone ka saliqa ai abr kahin qatra na girana kahin dariya rona rasm-e-duniya bhi vahi rah-e-tamanna bhi vahi vahi mil baith ke hansna vahi tanha rona ye tira taur samajh men nahin aaya 'mushtaq' kabhi hanste chale jaana kabhi itna rona aaj ro kar to dikhae koi aisa rona yaad kar ai dil-e-khamosh wo apna rona raqs karna kabhi khwabon ke shabistanon mein kabhi yaadon ke sutunon se lipatna rona tujh se sikhe koi rone ka saliqa ai abr kahin qatra na girana kahin dariya rona rasm-e-duniya bhi wahi rah-e-tamanna bhi wahi wahi mil baith ke hansna wahi tanha rona ye tera taur samajh mein nahin aaya 'mushtaq' kabhi hanste chale jaana kabhi itna rona

~ Ahmad Mushtaq

GhazalRead Full

raat ke pichhle pahar rone ke aadi roe

raat ke pichhle pahar rone ke aadi roe aap aae bhi magar rone ke aadi roe un ke aa jaane se kuchh tham se gae the aansu un ke jaate hi magar rone ke aadi roe haae pabandi-e-adab tiri mahfil ki ki sar-e-rahguzar rone ke aadi roe ek taqrib-e-tabassum thi baharan lekin phir bhi ankhen huiin tar rone ke aadi roe dard-mandon ko kahin bhi to qarar aa na saka koi sahra ho ki ghar rone ke aadi roe ai 'faraz' aise men barsat kategi kyunkar gar yunhi sham-o-sahar rone ke aadi roe raat ke pichhle pahar rone ke aadi roe aap aae bhi magar rone ke aadi roe un ke aa jaane se kuchh tham se gae the aansu un ke jate hi magar rone ke aadi roe hae pabandi-e-adab teri mahfil ki ki sar-e-rahguzar rone ke aadi roe ek taqrib-e-tabassum thi bahaaran lekin phir bhi aankhen huin tar rone ke aadi roe dard-mandon ko kahin bhi to qarar aa na saka koi sahra ho ki ghar rone ke aadi roe ai 'faraaz' aise mein barsat kategi kyunkar gar yunhi sham-o-sahar rone ke aadi roe

~ Ahmad Faraz

GhazalRead Full

meri dastan mujhe hi mera dil suna ke roe

miri dastan mujhe hi mira dil suna ke roe kabhi ro ke muskurae kabhi muskura ke roe mile ghham se apne fursat to main haal puchhun un ka shab-e-ghham se koi kah de kahin aur ja ke roe hamen vasta tadap se hamen kaam ansuon se tujhe yaad kar ke roe ya tujhe bhula ke roe vo jo aazma rahe the miri be-qarariyon ko mire saath saath vo bhi mujhe aazma ke roe meri dastan mujhe hi mera dil suna ke roe kabhi ro ke muskurae kabhi muskura ke roe mile gham se apne fursat to main haal puchhun un ka shab-e-gham se koi kah de kahin aur ja ke roe hamein wasta tadap se hamein kaam aansuon se tujhe yaad kar ke roe ya tujhe bhula ke roe wo jo aazma rahe the meri be-qarariyon ko mere sath sath wo bhi mujhe aazma ke roe

~ Rajendera Krishan

GhazalRead Full

sahil pe lai aur safine dubo diye

sahil pe laai aur safine dubo diye yuun zindagi ne ham ko hansaya ki ro diye ahl-e-chaman ne jashn-e-baharan ke naam se vo dastan sunai ki daman bhigo diye zabt-e-ghham-e-firaq ki majburiyan na puchh dil men kisi ka naam liya aur ro diye fariyad ki hai baat magar ab sunega kaun ik nakhuda ne kitne safine dubo diye ai vae-sai-e-zabt ki aksar tire huzur hansne ka ehtimam kiya aur ro diye un ansuon ka dekhne vaala koi na tha jin ansuon men ham ne tabassum samo diye rah-e-junun men kaam khirad se liya hi tha zoaf-e-talab ne paanv men kante chubho diye tajdid-e-ahd-e-ishq hui aaj yuun 'shamim' nazren milin salam kiya aur ro diye sahil pe lai aur safine dubo diye yun zindagi ne hum ko hansaya ki ro diye ahl-e-chaman ne jashn-e-bahaaran ke nam se wo dastan sunai ki daman bhigo diye zabt-e-gham-e-firaq ki majburiyan na puchh dil mein kisi ka nam liya aur ro diye fariyaad ki hai baat magar ab sunega kaun ek nakhuda ne kitne safine dubo diye ai wae-sai-e-zabt ki aksar tere huzur hansne ka ehtimam kiya aur ro diye un aansuon ka dekhne wala koi na tha jin aansuon mein hum ne tabassum samo diye rah-e-junun mein kaam khirad se liya hi tha zoaf-e-talab ne panw mein kante chubho diye tajdid-e-ahd-e-ishq hui aaj yun 'shamim' nazren milin salam kiya aur ro diye

~ Shamim Jaipuri

GhazalRead Full

haalat na badlen to isi baat pe rona

halat na badlen to isi baat pe rona badlen to badalte hue halat pe rona pad jaega tum ko bhi ghham-e-zat pe rona jis baat pe hanste ho usi baat pe rona izhar men quvvat hai to mil jaega mauzua sukha nahin padta hai to barsat pe rona is shahr men sab thiik hai kya soch rahe ho rona hai to apne hi khayalat pe rona main aap ki is sard-mizaji pe hansunga aur aap miri shiddat-e-jazbat pe rona haalat na badlen to isi baat pe rona badlen to badalte hue haalat pe rona pad jaega tum ko bhi gham-e-zat pe rona jis baat pe hanste ho usi baat pe rona izhaar mein quwwat hai to mil jaega mauzua sukha nahin padta hai to barsat pe rona is shahr mein sab thik hai kya soch rahe ho rona hai to apne hi khayalat pe rona main aap ki is sard-mizaji pe hansunga aur aap meri shiddat-e-jazbaat pe rona

~ Shuja Khaavar

GhazalRead Full

tumhaare hath se kal hum bhi ro liye sahib

tumhare haath se kal ham bhi ro liye sahib jigar ke daaghh jo dhone the dho liye sahib ghhulam ashiq o chakar musahib o hamraz ghharaz jo tha hamen hona so ho liye sahib qarar-o-sabr jo karne the kar chuke barbad havas-o-hosh jo khone the kho liye sahib hamare vazn-e-mohabbat men kuchh ho farq to ab phir imtihan ki tarazu men tauliye sahib kuchh intiha-e-buka ho to aur bhi yak-chand sarishk-e-chashm se moti ko roliye sahib kal us sanam ne kaha dekh kar hamen khamosh ki ab to aap bhi tuk lab ko kholiye sahib ye sun ke main ne 'nazir' us se yuun kaha hans kar jo koi bole to albatta boliye sahib tumhaare hath se kal hum bhi ro liye sahib jigar ke dagh jo dhone the dho liye sahib ghulam aashiq o chaakar musahib o hamraaz gharaz jo tha hamein hona so ho liye sahib qarar-o-sabr jo karne the kar chuke barbaad hawas-o-hosh jo khone the kho liye sahib hamare wazn-e-mohabbat mein kuchh ho farq to ab phir imtihan ki taraazu mein tauliye sahib kuchh intiha-e-buka ho to aur bhi yak-chand sarishk-e-chashm se moti ko roliye sahib kal us sanam ne kaha dekh kar hamein khamosh ki ab to aap bhi tuk lab ko kholiye sahib ye sun ke main ne 'nazir' us se yun kaha hans kar jo koi bole to albatta boliye sahib

~ Nazeer Akbarabadi

GhazalRead Full

khwab-e-gul-rang ke anjam pe rona aaya

khvab-e-gul-rang ke anjam pe rona aaya amad-e-subh-e-shab-andam pe rona aaya dil ka mafhum isharon se ujagar na hua be-kasi-e-gila-e-kham pe rona aaya kabhi ulfat si jhalakti hai kabhi nafrat si ai taalluq tire ibham pe rona aaya miri khushiyan kabhi jis naam se vabasta thiin jaane kyuun aaj usi naam pe rona aaya le ke ubhregi sahar phir vahi pazhmurda kiran kya kahun tirgi-e-sham pe rona aaya be-sabab apni nigahon se gira jaata huun is fusun-kari-e-ilzam pe rona aaya itne arzan to nahin the mire ashkon ke guhar aaj kyuun talkhi-e-alam pe rona aaya layaq-e-husn-e-nazar the na kabhi un ke khutut aaj mahrumi-e-paighham pe rona aaya ab bhi manzil mire qadmon ki tamannai hai kya kahun hasrat-e-yak-gam pe rona aaya rone vaala to karega na kisi ka shikva laakh kahiye ghham-e-ayyam pe rona aaya un ke shubhat men kuchh aur izafa tha 'shakeb' ashk-e-sada ke is inaam pe rona aaya khwab-e-gul-rang ke anjam pe rona aaya aamad-e-subh-e-shab-andam pe rona aaya dil ka mafhum ishaaron se ujagar na hua be-kasi-e-gila-e-kham pe rona aaya kabhi ulfat si jhalakti hai kabhi nafrat si ai talluq tere ibham pe rona aaya meri khushiyan kabhi jis nam se wabasta thin jaane kyun aaj usi nam pe rona aaya le ke ubhregi sahar phir wahi pazhmurda kiran kya kahun tirgi-e-sham pe rona aaya be-sabab apni nigahon se gira jata hun is fusun-kari-e-ilzam pe rona aaya itne arzan to nahin the mere ashkon ke guhar aaj kyun talkhi-e-alam pe rona aaya layaq-e-husn-e-nazar the na kabhi un ke khutut aaj mahrumi-e-paigham pe rona aaya ab bhi manzil mere qadmon ki tamannai hai kya kahun hasrat-e-yak-gam pe rona aaya rone wala to karega na kisi ka shikwa lakh kahiye gham-e-ayyam pe rona aaya un ke shubhat mein kuchh aur izafa tha 'shakeb' ashk-e-sada ke is inam pe rona aaya

~ Shakeb Jalali

GhazalRead Full

apni tadbir na taqdir pe rona aaya

apni tadbir na taqdir pe rona aaya dekh kar chup tiri tasvir pe rona aaya kya hasin khvab mohabbat ne dikhae the hamen jab khuli aankh to taabir pe rona aaya ashk bhar aae jo duniya ne sitam dil pe kiye apni lutti hui jagir pe rona aaya khun-e-dil se jo likha tha vo mita ashkon se apne hi naame ki tahrir pe rona aaya jab talak qaid the taqdir pe ham rote the aaj tuuti hui zanjir pe rona aaya rah-e-hasti pe chala maut ki manzil pe mila ham ko is raah ke rahgir pe rona aaya jo nishane pe laga aur na palat kar aaya ham ko 'naushad' usi tiir pe rona aaya apni tadbir na taqdir pe rona aaya dekh kar chup teri taswir pe rona aaya kya hasin khwab mohabbat ne dikhae the hamein jab khuli aankh to tabir pe rona aaya ashk bhar aae jo duniya ne sitam dil pe kiye apni lutti hui jagir pe rona aaya khun-e-dil se jo likha tha wo mita ashkon se apne hi name ki tahrir pe rona aaya jab talak qaid the taqdir pe hum rote the aaj tuti hui zanjir pe rona aaya rah-e-hasti pe chala maut ki manzil pe mila hum ko is rah ke rahgir pe rona aaya jo nishane pe laga aur na palat kar aaya hum ko 'naushad' usi tir pe rona aaya

~ Naushad Ali

GhazalRead Full

ajib dard ka rishta tha sab ke sab roe

ajiib dard ka rishta tha sab ke sab roe shajar gira to parinde tamam shab roe kisi ka bhi na charaghhon ki samt dhyan gaya shab-e-nashat vo kab kab bujhe the kab roe hazar girya ke pahlu nikalne vaale hain use kaho ki vo yunhi na be-sabab roe hamare zad-e-safar men bhi dard rakkha gaya so ham bhi tuut ke roe safar men jab roe kisi ki aankh hi bhigi na sail-e-dard gaya tumhari yaad men ab ke baras ajab roe tire khayal ki lau hi safar men kaam aai mire charaghh to lagta tha roe ab roe kuchh apna dard hi 'tariq'-naim aisa tha baghhair mausam-e-girya bhi ham ghhazab roe ajib dard ka rishta tha sab ke sab roe shajar gira to parinde tamam shab roe kisi ka bhi na charaghon ki samt dhyan gaya shab-e-nashat wo kab kab bujhe the kab roe hazar girya ke pahlu nikalne wale hain use kaho ki wo yunhi na be-sabab roe hamare zad-e-safar mein bhi dard rakkha gaya so hum bhi tut ke roe safar mein jab roe kisi ki aankh hi bhigi na sail-e-dard gaya tumhaari yaad mein ab ke baras ajab roe tere khayal ki lau hi safar mein kaam aai mere charagh to lagta tha roe ab roe kuchh apna dard hi 'tariq'-naim aisa tha baghair mausam-e-girya bhi hum ghazab roe

~ Tariq Naeem

GhazalRead Full

aaj phir un se mulaqat pe rona aaya

aaj phir un se mulaqat pe rona aaya bhuli-bisri hui har baat pe rona aaya ghhair ke lutf-o-inayat pe rona aaya aur apnon ki shikayat pe rona aaya aql ne tark-e-taalluq ko ghhanimat jaana dil ko badle hue halat pe rona aaya ahl-e-dil ne kiye taamir haqiqat ke sutun ahl-e-duniya ko rivayat pe rona aaya ham na samjhe the ki rusvai-e-ulfat to hai ai junun teri khurafat pe rona aaya vo bhi din the ki bahut naaz tha apne uupar aaj khud apni hi auqat pe rona aaya mana karte magar is tarah se lazim bhi na tha aap ke talkh javabat pe rona aaya chhodiye bhi miri qismat men likha tha ye bhi aap ko kyuun mire halat pe rona aaya aaj phir un se mulaqat pe rona aaya bhuli-bisri hui har baat pe rona aaya ghair ke lutf-o-inayat pe rona aaya aur apnon ki shikayat pe rona aaya aql ne tark-e-talluq ko ghanimat jaana dil ko badle hue haalat pe rona aaya ahl-e-dil ne kiye tamir haqiqat ke sutun ahl-e-duniya ko riwayat pe rona aaya hum na samjhe the ki ruswai-e-ulfat to hai ai junun teri khurafat pe rona aaya wo bhi din the ki bahut naz tha apne upar aaj khud apni hi auqat pe rona aaya mana karte magar is tarah se lazim bhi na tha aap ke talkh jawabaat pe rona aaya chhodiye bhi meri qismat mein likha tha ye bhi aap ko kyun mere haalat pe rona aaya

~ Zaki kakorvi

GhazalRead Full

aag ek aur laga denge hamare aansu

aag ik aur laga denge hamare aansu nikle ankhon se agar dil ke sahare aansu hasil-e-khun-e-jigar dil ke hain paare aansu be-baha laal-o-guhar hain ye hamare aansu hai koi ab jo lagi dil ki bujhae meri hijr men roke ganva baitha huun saare aansu us masiha ki jo furqat men huun roya shab-bhar ban gae charkh-e-chaharum ke sitare aansu khun-e-dil khun-e-jigar bah gaya paani ho kar kuchh na kaam aae mohabbat men hamare aansu mujh ko sone na diya ashk-fishani ne miri raat bhar ginte rahe charkh ke taare aansu vo sanvar kar kabhi aae jo tasavvur men mire chashm-e-mushtaq ne sadqe men utare aansu paas rusvai ne chhoda na sukun ka daman girte girte ruke ankhon ke kinare aansu lutf ab aaya miri ashk-fishani ka huzur pyari ankhon se kisi ke bahe pyare aansu meri qismat men hai rona mujhe ro lene do tum na is tarah bahao mire pyare aansu mah-o-anjum pe na phir apne kabhi naaz kare dekh le charkh kisi din jo hamare aansu yuun hi tufan jo uthate rahe kuchh din 'naushad' aag duniya men laga denge hamare aansu aag ek aur laga denge hamare aansu nikle aankhon se agar dil ke sahaare aansu hasil-e-khun-e-jigar dil ke hain pare aansu be-baha lal-o-guhar hain ye hamare aansu hai koi ab jo lagi dil ki bujhae meri hijr mein roke ganwa baitha hun sare aansu us masiha ki jo furqat mein hun roya shab-bhar ban gae charkh-e-chahaarum ke sitare aansu khun-e-dil khun-e-jigar bah gaya pani ho kar kuchh na kaam aae mohabbat mein hamare aansu mujh ko sone na diya ashk-fishani ne meri raat bhar ginte rahe charkh ke tare aansu wo sanwar kar kabhi aae jo tasawwur mein mere chashm-e-mushtaq ne sadqe mein utare aansu pas ruswai ne chhoda na sukun ka daman girte girte ruke aankhon ke kinare aansu lutf ab aaya meri ashk-fishani ka huzur pyari aankhon se kisi ke bahe pyare aansu meri qismat mein hai rona mujhe ro lene do tum na is tarah bahao mere pyare aansu mah-o-anjum pe na phir apne kabhi naz kare dekh le charkh kisi din jo hamare aansu yun hi tufan jo uthate rahe kuchh din 'naushad' aag duniya mein laga denge hamare aansu

~ Naushad Ali

GhazalRead Full

baithe baithe jo hum ai yar hanse aur roe

baithe baithe jo ham ai yaar hanse aur roe aa gaya yaad to ik baar hanse aur roe sher-e-tar padhne se yaron men hamen kya hasil magar itna hai ki do-char hanse aur roe shadi o ghham ki jo uth jaae jahan se rah-o-rasm phir to koi bhi na zanhar hanse aur roe na-tavani ne kiya us ko to naqsh-e-qalin kya tiri chashm ka bimar hanse aur roe 'mushafi' raat men afsana-e-dil kahta tha sun ke ham-sae kai baar hanse aur roe baithe baithe jo hum ai yar hanse aur roe aa gaya yaad to ek bar hanse aur roe sher-e-tar padhne se yaron mein hamein kya hasil magar itna hai ki do-chaar hanse aur roe shadi o gham ki jo uth jae jahan se rah-o-rasm phir to koi bhi na zanhaar hanse aur roe na-tawani ne kiya us ko to naqsh-e-qalin kya teri chashm ka bimar hanse aur roe 'mushafi' raat mein afsana-e-dil kahta tha sun ke ham-sae kai bar hanse aur roe

~ Mushafi Ghulam Hamdani

You have reached the end.

Explore Similar Collections

Aab Deedah Aab Aabla Aadmi Aagahi Aah Aahat Aajizi

Girya-o-zari FAQs

Girya-o-zari collection me kya milega?

Girya-o-zari se related curated sher, selected ghazal excerpts aur context-friendly reading flow milega.

Kya is page ki links internal hain?

Haan, collection links, writer links aur detail links sab Kuch Alfaaz ke internal routes par map kiye gaye hain.

Collection ko kaise explore karein?

Type filter (Sher/Ghazal/Nazm), featured picks aur similar collections rail use karke fast discovery kar sakte hain.