Izhaar

mujhe ab tum se dar lagne laga hai tumhein mujh se mohabbat ho gai kya

samne uske kabhi uski sataish nahin ki

samne us ke kabhi us ki sataish nahin ki dil ne chaha bhi agar honton ne jumbish nahin ki ahl-e-mahfil pe kab ahval khula hai apna main bhi khamosh raha us ne bhi pursish nahin ki jis qadar us se ta'alluq tha chala jaata hai us ka kya ranj ho jis ki kabhi khvahish nahin ki ye bhi kya kam hai ki donon ka bharam qaaem hai us ne bakhshish nahin ki ham ne guzarish nahin ki ik to ham ko adab adab ne pyasa rakkha us pe mahfil men surahi ne bhi gardish nahin ki ham ki dukh odh ke khalvat men pade rahte hain ham ne bazar men zakhmon ki numaish nahin ki ai mire abr-e-karam dekh ye virana-e-jan kya kisi dasht pe tu ne kabhi barish nahin ki kat mare apne qabile ki hifazat ke liye maqtal-e-shahr men thahre rahe jumbish nahin ki vo hamen bhuul gaya ho to ajab kya hai 'faraz' ham ne bhi mel-mulaqat ki koshish nahin ki samne us ke kabhi us ki sataish nahin ki dil ne chaha bhi agar honton ne jumbish nahin ki ahl-e-mahfil pe kab ahwal khula hai apna main bhi khamosh raha us ne bhi pursish nahin ki jis qadar us se ta'alluq tha chala jata hai us ka kya ranj ho jis ki kabhi khwahish nahin ki ye bhi kya kam hai ki donon ka bharam qaem hai us ne bakhshish nahin ki hum ne guzarish nahin ki ek to hum ko adab aadab ne pyasa rakkha us pe mahfil mein surahi ne bhi gardish nahin ki hum ki dukh odh ke khalwat mein pade rahte hain hum ne bazar mein zakhmon ki numaish nahin ki ai mere abr-e-karam dekh ye virana-e-jaan kya kisi dasht pe tu ne kabhi barish nahin ki kat mare apne qabile ki hifazat ke liye maqtal-e-shahr mein thahre rahe jumbish nahin ki wo hamein bhul gaya ho to ajab kya hai 'faraaz' hum ne bhi mel-mulaqat ki koshish nahin ki

ishq hai to ishq ka izhaar hona chahiye

ishq hai to ishq ka izhar hona chahiye aap ko chehre se bhi bimar hona chahiye aap dariya hain to phir is vaqt ham khatre men hain aap kashti hain to ham ko paar hona chahiye aire-ghhaire log bhi padhne lage hain in dinon aap ko aurat nahin akhbar hona chahiye zindagi tu kab talak dar-dar phiraegi hamen tuta-phuta hi sahi ghar-bar hona chahiye apni yadon se kaho ik din ki chhutti de mujhe ishq ke hisse men bhi itvar hona chahiye ishq hai to ishq ka izhaar hona chahiye aap ko chehre se bhi bimar hona chahiye aap dariya hain to phir is waqt hum khatre mein hain aap kashti hain to hum ko par hona chahiye aire-ghaire log bhi padhne lage hain in dinon aap ko aurat nahin akhbar hona chahiye zindagi tu kab talak dar-dar phiraegi hamein tuta-phuta hi sahi ghar-bar hona chahiye apni yaadon se kaho ek din ki chhutti de mujhe ishq ke hisse mein bhi itwar hona chahiye

ye kahna tha un se mohabbat hai mujh ko ye kahne mein mujh ko zamane lage hain

ishq ke izhaar mein har-chand ruswai to hai par karun kya ab tabiat aap par aai to hai

tu bhi chup hai main bhi chup hun ye kaisi tanhai hai

tu bhi chup hai main bhi chup huun ye kaisi tanhai hai tere saath tiri yaad aai kya tu sach-much aai hai shayad vo din pahla din tha palken bojhal hone ka mujh ko dekhte hi jab us ki angdai sharmai hai us din pahli baar hua tha mujh ko rifaqat ka ehsas jab us ke malbus ki khushbu ghar pahunchane aai hai husn se arz-e-shauq na karna husn ko zak pahunchana hai ham ne arz-e-shauq na kar ke husn ko zak pahunchai hai ham ko aur to kuchh nahin sujha albatta us ke dil men soz-e-raqabat paida kar ke us ki niind udaai hai ham donon mil kar bhi dilon ki tanhai men bhatkenge pagal kuchh to soch ye tu ne kaisi shakl banai hai ishq-e-pechan ki sandal par jaane kis din bel chadhe kyari men paani thahra hai divaron par kaai hai husn ke jaane kitne chehre husn ke jaane kitne naam ishq ka pesha husn-parasti ishq bada harjai hai aaj bahut din baa'd main apne kamre tak aa nikla tha juun hi darvaza khola hai us ki khushbu aai hai ek to itna habs hai phir main sansen roke baitha huun virani ne jhadu de ke ghar men dhuul udaai hai tu bhi chup hai main bhi chup hun ye kaisi tanhai hai tere sath teri yaad aai kya tu sach-much aai hai shayad wo din pahla din tha palken bojhal hone ka mujh ko dekhte hi jab us ki angdai sharmai hai us din pahli bar hua tha mujh ko rifaqat ka ehsas jab us ke malbus ki khushbu ghar pahunchane aai hai husn se arz-e-shauq na karna husn ko zak pahunchana hai hum ne arz-e-shauq na kar ke husn ko zak pahunchai hai hum ko aur to kuchh nahin sujha albatta us ke dil mein soz-e-raqabat paida kar ke us ki nind udai hai hum donon mil kar bhi dilon ki tanhai mein bhatkenge pagal kuchh to soch ye tu ne kaisi shakl banai hai ishq-e-pechan ki sandal par jaane kis din bel chadhe kyari mein pani thahra hai diwaron par kai hai husn ke jaane kitne chehre husn ke jaane kitne nam ishq ka pesha husn-parasti ishq bada harjai hai aaj bahut din ba'd main apne kamre tak aa nikla tha jun hi darwaza khola hai us ki khushbu aai hai ek to itna habs hai phir main sansen roke baitha hun virani ne jhadu de ke ghar mein dhul udai hai

haal-e-dil kyun kar karen apna bayan achchhi tarah ru-ba-ru un ke nahin chalti zaban achchhi tarah the couplet expresses the helplessness of a lover who wants to confess inner feelings but cannot. “state of the heart” stands for deep emotion, and the “tongue not working” is a metaphor for speech failing under the beloved’s presence. the emotional core is shyness mixed with longing: feelings are clear inside, yet words collapse at the moment of encounter.

un ko ye shikayat hai ki hum kuchh nahin kahte

un ko ye shikayat hai ki ham kuchh nahin kahte apni to ye aadat hai ki ham kuchh nahin kahte majbur bahut karta hai ye dil to zaban ko kuchh aisi hi halat hai ki ham kuchh nahin kahte kahne ko bahut kuchh tha agar kahne pe aate duniya ki inayat hai ki ham kuchh nahin kahte kuchh kahne pe tufan utha leti hai duniya ab is pe qayamat hai ki ham kuchh nahin kahte un ko ye shikayat hai ki hum kuchh nahin kahte apni to ye aadat hai ki hum kuchh nahin kahte majbur bahut karta hai ye dil to zaban ko kuchh aisi hi haalat hai ki hum kuchh nahin kahte kahne ko bahut kuchh tha agar kahne pe aate duniya ki inayat hai ki hum kuchh nahin kahte kuchh kahne pe tufan utha leti hai duniya ab is pe qayamat hai ki hum kuchh nahin kahte

ek din kah lijiye jo kuchh hai dil mein aap ke ek din sun lijiye jo kuchh hamare dil mein hai

mujh se nafrat hai agar us ko to izhaar kare kab main kahta hun mujhe pyar hi karta jae

tujh se kis tarah main izhaar-e-tamanna karta lafz sujha to maani ne baghawat kar di

sab kuchh hum un se kah gae lekin ye ittifaq kahne ki thi jo baat wahi dil mein rah gai

aur is se pahle ki sabit ho jurm-e-khamoshi hum apni rae ka izhaar karna chahte hain

zaban khamosh magar nazron mein ujala dekha us ka izhaar-e-mohabbat bhi nirala dekha

dil pe kuchh aur guzarti hai magar kya kije lafz kuchh aur hi izhaar kiye jate hain

main ne puchha tha ki izhaar nahin ho sakta dil pukara ki khabar-dar nahin ho sakta

izhaar-e-ishq us se na karna tha 'shefta' ye kya kiya ki dost ko dushman bana diya

izhaar pe bhaari hai khamoshi ka takallum harfon ki zaban aur hai aankhon ki zaban aur

kije izhaar-e-mohabbat chahe jo anjam ho zindagi mein zindagi jaisa koi to kaam ho

zaban dil ki haqiqat ko kya bayan karti kisi ka haal kisi se kaha nahin jata

ishq hai to ishq ka izhaar hona chahiye aap ko chehre se bhi bimar hona chahiye

koi mila hi nahin jis se haal-e-dil kahte mila to rah gae lafzon ke intikhab mein hum

haal-e-dil sunte nahin ye kah ke khush kar dete hain phir kabhi fursat mein sun lenge kahani aap ki

kis se izhaar-e-muddaa kije aap milte nahin hain kya kije

haal-e-dil yar ko mahfil mein sunaen kyun-kar muddai kan idhar aur udhar rakhte hain

dil sabhi kuchh zaban par laya ek faqat arz-e-muddaa ke siwa

izhaar-e-haal ka bhi zariya nahin raha dil itna jal gaya hai ki aankhon mein nam nahin

muskurae wo haal-e-dil sun kar aur goya jawab tha hi nahin

tu ne jis baat ko izhaar-e-mohabbat samjha baat karne ko bas ek baat rakhi thi hum ne

achchhi-khasi dosti thi yar hum donon ke bich ek din phir us ne izhaar-e-mohabbat kar diya