chalti phirti hui aankhon se azaan dekhi hai main ne jannat to nahin dekhi hai maan dekhi hai

auratein beesiyon, saikdon ho sakti hain, maan sirf eik hoti hai.

dua ko haat uthate hue larazta huun kabhi dua nahin mangi thi maan ke hote hue

maan baap aur ustad sab hain khuda ki rahmat hai rok-tok un ki haq men tumhare neamat

maan ki dua na baap ki shafqat ka saaya hai aaj apne saath apna janam din manaya hai

muddaton baa'd mayassar hua maan ka anchal muddaton baa'd hamen niind suhani aai

kitabon se nikal kar titliyan ghhazlen sunati hain tiffin rakhti hai meri maan to basta muskurata hai

shahr men aa kar padhne vaale bhuul gae kis ki maan ne kitna zevar becha tha

ai raat mujhe maan ki tarah god men le le din bhar ki mashaqqat se badan tuut raha hai

sab ne maana marne vaala dahshat-gard aur qatil tha maan ne phir bhi qabr pe us ki raj-dulara likkha tha

baap ziina hai jo le jaata hai unchai tak maan dua hai jo sada saya-figan rahti hai

duur rahti hain sada un se balaen sahil apne maan baap ki jo roz dua lete hain

aaj phir maan mujhe maregi bahut rone par aaj phir gaanv men aaya hai khilaune vaala

abhi zinda hai maan meri mujhe kuchh bhi nahin hoga main ghar se jab nikalta huun dua bhi saath chalti hai

kisi ko ghar mila hisse men ya koi dukan aai main ghar men sab se chhota tha mire hisse men maan aai

jab bhi kashti miri sailab men aa jaati hai maan dua karti hui khvab men aa jaati hai

translation whenever my boat comes amidst tempest, mother comes praying in my dreams. sagar akbarabadi

munavvar maan ke aage yuun kabhi khul kar nahin rona jahan buniyad ho itni nami achchhi nahin hoti

barbad kar diya hamen pardes ne magar maan sab se kah rahi hai ki beta maze men hai

ye aisa qarz hai jo main ada kar hi nahin sakta main jab tak ghar na lautun meri maan sajde men rahti hai

main ne kal shab chahaton ki sab kitaben phaad den sirf ik kaghhaz pe likkha lafz-e-man rahne diya

chalti phirti hui aankhon se azaan dekhi hai main ne jannat to nahin dekhi hai maan dekhi hai

auratein beesiyon, saikdon ho sakti hain, maan sirf eik hoti hai.

abhi zinda hai maan meri mujhe kuchh bhi nahin hoga main ghar se jab nikalta huun dua bhi saath chalti hai

is tarah mere gunahon ko vo dho deti hai maan bahut ghhusse men hoti hai to ro deti hai

kisi ko ghar mila hisse men ya koi dukan aai main ghar men sab se chhota tha mire hisse men maan aai

maan baap aur ustad sab hain khuda ki rahmat hai rok-tok un ki haq men tumhare neamat

ghar laut ke roenge maan baap akele men mitti ke khilaune bhi saste na the mele men

maan ki dua na baap ki shafqat ka saaya hai aaj apne saath apna janam din manaya hai

munavvar maan ke aage yuun kabhi khul kar nahin rona jahan buniyad ho itni nami achchhi nahin hoti

barbad kar diya hamen pardes ne magar maan sab se kah rahi hai ki beta maze men hai

muddaton baa'd mayassar hua maan ka anchal muddaton baa'd hamen niind suhani aai

maan ki aghhosh men kal maut ki aghhosh men aaj ham ko duniya men ye do vaqt suhane se mile

kitabon se nikal kar titliyan ghhazlen sunati hain tiffin rakhti hai meri maan to basta muskurata hai

shahr men aa kar padhne vaale bhuul gae kis ki maan ne kitna zevar becha tha

ai raat mujhe maan ki tarah god men le le din bhar ki mashaqqat se badan tuut raha hai

main ne kal shab chahaton ki sab kitaben phaad den sirf ik kaghhaz pe likkha lafz-e-man rahne diya

jab tak matha chuum ke rukhsat karne vaali zinda thi darvaze ke bahar tak bhi munh men luqma hota tha

baap ziina hai jo le jaata hai unchai tak maan dua hai jo sada saya-figan rahti hai

duur rahti hain sada un se balaen sahil apne maan baap ki jo roz dua lete hain

bachche fareb kha ke chatai pe so gae ik maan ubalti rahi pathar tamam raat