Muskurahat

hamari muskurahat par na jaana diya to qabr par bhi jal raha hai

ai gham-e-zindagi na ho naraaz mujh ko aadat hai muskurane ki

tum hanso to din nikle chup raho to raaten hain kis ka gham kahan ka gham sab fuzul baaten hain

muskurahat hai husn ka zewar muskurana na bhul jaya karo

dil mein tufan ho gaya barpa tum ne jab muskura ke dekh liya

ek aisa bhi waqt hota hai muskurahat bhi aah hoti hai

dhup nikli hai barishon ke baad wo abhi ro ke muskurae hain

yun muskurae jaan si kaliyon mein pad gai yun lab-kusha hue ki gulistan bana diya

bujh gai shama ki lau tere dupatte se to kya apni muskan se mahfil ko munawwar kar de

nahin itab-e-zamana khitab ke qabil tera jawab yahi hai ki muskurae ja

muskura kar dekh lete ho mujhe is tarah kya haq ada ho jaega

ab aur is ke siwa chahte ho kya 'mulla' ye kam hai us ne tumhein muskura ke dekh liya

aur bhi kitne tariqe hain bayan-e-gham ke muskuraati hui aankhon ko to pur-nam na karo

mere honton pe muskurahat hai garche sine mein dagh rakhta hun

muskurana kabhi na ras aaya har hansi ek wardat bani

mahfil mein log chaunk pade mere nam par tum muskura diye meri qimat yahi to hai

mere habib meri muskurahaton pe na ja khuda-gawah mujhe aaj bhi tera gham hai

shamil nahin hain jis mein teri muskurahaten wo zindagi kisi bhi jahannam se kam nahin

jaise pau phat rahi ho jangal mein yun koi muskurae jata hai

wahan salam ko aati hai nange panw bahaar khile the phul jahan tere muskurane se

muskurane ka yahi andaz tha jab kali chatki to wo yaad aa gaya

muskurane ki kya zarurat hai aap yun bhi udas lagte hain

itna roya hun gham-e-dost zara sa hans kar muskuraate hue lamhat se ji darta hai

wo muskura ke koi baat kar raha tha 'shumar' aur us ke lafz bhi the chandni mein bikhre hue

'nazir' log to chehre badalte rahte hain tu itna sada na ban muskurahaten pahchan

jine marne ka ek hi saman us ki muskan ho gai hogi

guzar raha hai idhar se to muskuraata ja charagh-e-majlis-e-ruhaniyan jalata ja

uthao camera taswir khinch lo in ki udas log kahan roz muskuraate hain

dilon ko tere tabassum ki yaad yun aai ki jagmaga uthen jis tarah mandiron mein charagh the couplet compares the remembrance of the beloved’s smile to a sacred illumination. that memory doesn’t merely comfort—it brightens the inner world the way temple lamps spread a pure, steady glow. the metaphor turns love into a kind of devotion, where the heart becomes a temple and the smile its light.

hamare ghar se jaana muskura kar phir ye farmana tumhein meri qasam dekho meri raftar kaisi hai