Rang

tamam raat nahaya tha shahr barish mein wo rang utar hi gae jo utarne wale the

kisi kali kisi gul mein kisi chaman mein nahin wo rang hai hi nahin jo tere badan mein nahin

rang darkar the hum ko teri khamoshi ke ek aawaz ki taswir banani thi hamein

lab-e-nazuk ke bose lun to missi munh banati hai kaf-e-pa ko agar chumun to mehndi rang lati hai

ghair se kheli hai holi yar ne dale mujh par dida-e-khun-bar rang

kab tak chunari par hi zulm hon rangon ke rangreza teri bhi qaba par barse rang

tumhaare rang phike pad gae nan meri aankhon ki virani ke aage

mujh ko ehsas-e-rang-o-bu na hua yun bhi aksar bahaar aai hai

ab ki holi mein raha be-kar rang aur hi laya firaq-e-yar rang

bahaar aai ki din holi ke aae gulon mein rang khela ja raha hai

ajab bahaar dikhai lahu ke chhinton ne khizan ka rang bhi rang-e-bahaar jaisa tha

rang hi se fareb khate rahen khushbuen aazmana bhul gae

wo aae to rang sanwarne lagte hain jaise bichhda yar bhi koi mausam hai

sans leta hua har rang nazar aaega tum kisi roz mere rang mein aao to sahi

wo rang rang ke chhinte pade ki us ke baad kabhi na phir nae kapde pahan ke nikla main

hazar rang-ba-daman sahi magar duniya bas ek silsila-e-etibar hai, kya hai

kis ki holi jashn-e-nau-rozi hai aaj surkh mai se saqiya dastar rang

ujalon mein chhupi thi ek ladki falak ka rang-roghan kar gai hai

main dur tha to apne hi chehre pe mal liya is zindagi ke hath mein jitna gulal tha

saikdon rangon ki barish ho chukegi us ke baad itr mein bhigi hui shamon ka manzar aaega

tu bhi dekhega zara rang utar len tere hum hi rakhte hain tujhe yaad ki sab rakhte hain

shab jo holi ki hai milne ko tere mukhde se jaan chand aur tare liye phirte hain afshan hath mein

wo kudte uchhalte rangin pairahan the masum qahqahon mein udta gulal dekha

dasht-e-wafa mein jal ke na rah jaen apne dil wo dhup hai ki rang hain kale pade hue

main ne kuchh rang uchhaale the hawaon mein 'nabil' aur taswir teri dhyan se bahar aai

kitni ranginiyon mein teri yaad kis qadar sadgi se aati hai

idhar bhi ek nazar ai jalwa-e-rangin-o-begana tulu-e-mah ka hai muntazir mera siyah-khana

lab-e-dariya pe dekh aa kar tamasha aaj holi ka bhanwar kale ke daf baje hai mauj ai yar pani mein

maslahat ka ye kafan rakhta hai be-dagh hamein ahl-e-iman hain ham-rang se dar lagta hai

main jinhen dil pe khae phirta hun tere hisse ke ranj the maula