Rang

tamam raat nahaya tha shahr barish mein wo rang utar hi gae jo utarne wale the

teri har baat mohabbat mein gawara kar ke

teri har baat mohabbat men gavara kar ke dil ke bazar men baithe hain khasara kar ke aate jaate hain kai rang mire chehre par log lete hain maza zikr tumhara kar ke ek chingari nazar aai thi basti men use vo alag hat gaya andhi ko ishara kar ke asmanon ki taraf phenk diya hai main ne chand mitti ke charaghhon ko sitara kar ke main vo dariya huun ki har buund bhanvar hai jis ki tum ne achchha hi kiya mujh se kinara kar ke muntazir huun ki sitaron ki zara aankh lage chand ko chhat pe bula lunga ishara kar ke teri har baat mohabbat mein gawara kar ke dil ke bazar mein baithe hain khasara kar ke aate jate hain kai rang mere chehre par log lete hain maza zikr tumhaara kar ke ek chingari nazar aai thi basti mein use wo alag hat gaya aandhi ko ishaara kar ke aasmanon ki taraf phenk diya hai main ne chand mitti ke charaghon ko sitara kar ke main wo dariya hun ki har bund bhanwar hai jis ki tum ne achchha hi kiya mujh se kinara kar ke muntazir hun ki sitaron ki zara aankh lage chand ko chhat pe bula lunga ishaara kar ke

kisi kali kisi gul mein kisi chaman mein nahin wo rang hai hi nahin jo tere badan mein nahin

yun saja chand ki jhalka tere andaz ka rang

yuun saja chand ki jhalka tire andaz ka rang yuun faza mahki ki badla mire hamraz ka rang saya-e-chashm men hairan rukh-e-raushan ka jamal surkhi-e-lab men pareshan tiri avaz ka rang be-piye huun ki agar lutf karo akhir-e-shab shisha-e-mai men dhale subh ke aghhaz ka rang chang o nai rang pe the apne lahu ke dam se dil ne lai badli to maddham hua har saaz ka rang ik sukhan aur ki phir rang-e-takallum tera harf-e-sada ko inayat kare eajaz ka rang yun saja chand ki jhalka tere andaz ka rang yun faza mahki ki badla mere hamraaz ka rang saya-e-chashm mein hairan rukh-e-raushan ka jamal surkhi-e-lab mein pareshan teri aawaz ka rang be-piye hun ki agar lutf karo aakhir-e-shab shisha-e-mai mein dhale subh ke aaghaz ka rang chang o nai rang pe the apne lahu ke dam se dil ne lai badli to maddham hua har saz ka rang ek sukhan aur ki phir rang-e-takallum tera harf-e-sada ko inayat kare eajaz ka rang

rang darkar the hum ko teri khamoshi ke ek aawaz ki taswir banani thi hamein

gale mujhko laga lo ai mere dildar holi mein

gale mujh ko laga lo ai mire dildar holi men bujhe dil ki lagi bhi to ai mere yaar holi men nahin ye hai gulal-e-surkh udta har jagah pyare ye ashiq ki hai umdi ah-e-atish-bar holi men gulabi gaal par kuchh rang mujh ko bhi jamane do manane do mujhe bhi jan-e-man tyauhar holi men 'rasa' gar jam-e-mai ghhairon ko dete ho to mujh ko bhi nashili aankh dikhla kar karo sarshar holi men gale mujh ko laga lo ai mere dildar holi mein bujhe dil ki lagi bhi to ai mere yar holi mein nahin ye hai gulal-e-surkh udta har jagah pyare ye aashiq ki hai umdi aah-e-atish-bar holi mein gulabi gal par kuchh rang mujh ko bhi jamane do manane do mujhe bhi jaan-e-man tyauhaar holi mein 'rasa' gar jam-e-mai ghairon ko dete ho to mujh ko bhi nashili aankh dikhla kar karo sarshaar holi mein

lab-e-nazuk ke bose lun to missi munh banati hai kaf-e-pa ko agar chumun to mehndi rang lati hai

ab ki holi mein raha be-kar rang

ab ki holi men raha be-kar rang aur hi laaya firaq-e-yar rang surkh-ru kar de sharab aai bahar hai khizan se zard ai khummar rang hont uude sabz khat ankhen siyah chehre ka surkh-o-safed ai yaar rang ham ko saare gulshan-e-afaq men bas pasand aae yahi do-char rang ghhair se kheli hai holi yaar ne daale mujh par dida-e-khun-bar rang kis ki holi jashn-e-nau-rozi hai aaj surkh mai se saqiya dastar rang hijr-e-janan men thaharta hi nahin kya hi mere munh se hai bezar rang kya hai girgit asman ke samne badle ik ik dam men sau sau baar rang aati hai o qais laila dasht men khun-e-pa se jild ab pur-khar rang dhuup hai par mere roz-e-hijr ka hai ba-rang-e-saya-e-divar rang ho gaya kyuun zard 'nasikh' kya kahun hai zamane ka ajab ai yaar rang ab ki holi mein raha be-kar rang aur hi laya firaq-e-yar rang surkh-ru kar de sharab aai bahaar hai khizan se zard ai khummar rang hont ude sabz khat aankhen siyah chehre ka surkh-o-safed ai yar rang hum ko sare gulshan-e-afaq mein bas pasand aae yahi do-chaar rang ghair se kheli hai holi yar ne dale mujh par dida-e-khun-bar rang kis ki holi jashn-e-nau-rozi hai aaj surkh mai se saqiya dastar rang hijr-e-jaanan mein thaharta hi nahin kya hi mere munh se hai bezar rang kya hai girgit aasman ke samne badle ek ek dam mein sau sau bar rang aati hai o qais laila dasht mein khun-e-pa se jild ab pur-khar rang dhup hai par mere roz-e-hijr ka hai ba-rang-e-saya-e-diwar rang ho gaya kyun zard 'nasikh' kya kahun hai zamane ka ajab ai yar rang

ghair se kheli hai holi yar ne dale mujh par dida-e-khun-bar rang

ishq ki ek rangin sada par barse rang

ishq ki ik rangin sada par barse rang rang ho majnun aur laila par barse rang kab tak chunri par hi zulm hon rangon ke rangreza teri bhi qaba par barse rang khvab bharen tiri ankhen meri ankhon men ek ghata se ek ghata par barse rang ik satrangi khushbu odh ke nikle tu is be-rang udaas hava par barse rang ai devi rukhsar pe tere rang lage jogi ki almast jata par barse rang mere anasir khaak na hon bas rang banen aur jangal sahra dariya par barse rang suraj apne par jhatke aur subh ude niind nahai is duniya par barse rang ishq ki ek rangin sada par barse rang rang ho majnun aur laila par barse rang kab tak chunri par hi zulm hon rangon ke rangreza teri bhi qaba par barse rang khwab bharen teri aankhen meri aankhon mein ek ghata se ek ghata par barse rang ek satrangi khushbu odh ke nikle tu is be-rang udas hawa par barse rang ai dewi rukhsar pe tere rang lage jogi ki almast jata par barse rang mere anasir khak na hon bas rang banen aur jangal sahra dariya par barse rang suraj apne par jhatke aur subh ude nind nahai is duniya par barse rang

kab tak chunari par hi zulm hon rangon ke rangreza teri bhi qaba par barse rang

is shahr ke yahin kahin hone ka rang hai

is shahr ke yahin kahin hone ka rang hai is khaak men kahin kahin sone ka rang hai pain chaman hai khud-rav darakhton ka jhund sa mehrab-e-dar pe us ke na hone ka rang hai tufan-e-abr-o-bad nihan sahilon pe hai dariya ki khamushi men dubone ka rang hai is ahd se vafa ka sila marg-e-raegan us ki faza men har ghadi khone ka rang hai hai sar-zamin-e-shor ki ik chadar-e-safa kaisa ajiib murda bichhaune ka rang hai surkhi hai jo gulab si ankhon men ai 'munir' khar-e-bahar dil men chubhone ka rang hai is shahr ke yahin kahin hone ka rang hai is khak mein kahin kahin sone ka rang hai pain chaman hai khud-raw darakhton ka jhund sa mehrab-e-dar pe us ke na hone ka rang hai tufan-e-abr-o-baad nihan sahilon pe hai dariya ki khamushi mein dubone ka rang hai is ahd se wafa ka sila marg-e-raegan us ki faza mein har ghadi khone ka rang hai hai sar-zamin-e-shor ki ek chadar-e-safa kaisa ajib murda bichhaune ka rang hai surkhi hai jo gulab si aankhon mein ai 'munir' khar-e-bahaar dil mein chubhone ka rang hai

tumhaare rang phike pad gae nan meri aankhon ki virani ke aage

malal zard-qabai ko dho raha hoga

malal zard-qabai ko dho raha hoga ragon ka surkh kahin sabz ho raha hoga vo jis ke dam se gulabi thi khvab-gah miri na jaane kis ke dhundlakon se so raha hoga mire safed kisi ka ruju maan bhi le ki ab nahin vo siyah raaz go raha hoga vo kesari jo miri odhni pe khul na saka ab apna biich kahin aur bo raha hoga jo surmai men khila ja raha hai shaam dhale kahin to apna sunahra samo raha hoga male-dale se pade hain jo nilgun lamhe inhi ka zoam samavat ko raha hoga pada hai rang se aari bunat se udhda hua guzishta nuqrai jhilmil ko ro raha hoga faza yunhi to nahin malgaji hui jaati koi to khak-nashin hosh kho raha hoga qatil-e-rang na hoga vo sair-chashm kabhi vafa ki dudhiya banhon men jo raha hoga malal zard-qabai ko dho raha hoga ragon ka surkh kahin sabz ho raha hoga wo jis ke dam se gulabi thi khwab-gah meri na jaane kis ke dhundlakon se so raha hoga mere safed kisi ka ruju man bhi le ki ab nahin wo siyah raaz go raha hoga wo kesari jo meri odhni pe khul na saka ab apna bich kahin aur bo raha hoga jo surmai mein khila ja raha hai sham dhale kahin to apna sunahra samo raha hoga male-dale se pade hain jo nilgun lamhe inhi ka zoam samawat ko raha hoga pada hai rang se aari bunat se udhda hua guzishta nuqrai jhilmil ko ro raha hoga faza yunhi to nahin malgaji hui jati koi to khak-nashin hosh kho raha hoga qatil-e-rang na hoga wo sair-chashm kabhi wafa ki dudhiya banhon mein jo raha hoga

mujh ko ehsas-e-rang-o-bu na hua yun bhi aksar bahaar aai hai

koi pari ho agar ham-kanar holi mein

koi pari ho agar ham-kanar holi men to ab ki saal ho duuni bahar holi men kiya hai vaada to phir bazm-e-raqs men aana na kijiyo mujhe tum sharmsar holi men safed pairahan ab to utaar de allah basanti kapde hon ai gul-ezar holi men hamare ghar men utarenge raah agar bhule hain mast doli ke un ke kahar holi men mujhe jo qumquma maara to kar diya bismil ajiib rang se khele shikar holi men ye rang paash hue hain vo aaj ai 'nadir' hai farsh-e-bazm-e-tarab lala-zar holi men koi pari ho agar ham-kanar holi mein to ab ki sal ho duni bahaar holi mein kiya hai wada to phir bazm-e-raqs mein aana na kijiyo mujhe tum sharmsar holi mein safed pairahan ab to utar de allah basanti kapde hon ai gul-ezar holi mein hamare ghar mein utarenge rah agar bhule hain mast doli ke un ke kahaar holi mein mujhe jo qumquma mara to kar diya bismil ajib rang se khele shikar holi mein ye rang pash hue hain wo aaj ai 'nadir' hai farsh-e-bazm-e-tarab lala-zar holi mein

ab ki holi mein raha be-kar rang aur hi laya firaq-e-yar rang

bitha rakkha hai darwaze pe kyon darban holi mein

bitha rakkha hai darvaze pe kyon darban holi men gale milta hai har insan se insan holi men budhape men nazar aai khuda ki shaan holi men bani hain un se zaaid un ki amman jaan holi men hasinon se bhara hai rang ka maidan holi men miri rakhna tu hi ab aabru bhagvan holi men kisi rukh se koi ashiq nikal kar ja nahin sakta hasinon ne laga rakkha hai chuhe-dan holi men abhi rangin khali tan hai man bhi laal ho jaae tum apne haath se ham ko khila do paan holi men ba-nam-e-rang chhu sakte hain sab ke gore galon ko vahi mushkil jo kal tak thi vo hai asan holi men sasur se saas se aur saliyon ke baad salon se gale mil kar nikale jaenge arman holi men javani men hui shadi budhape men hua bachcha jua khela divali men hua chalan holi men sab is surat se khelen rang 'navak' ek dil ho kar rahe phir mard aurat ki na kuchh pahchan holi men bitha rakkha hai darwaze pe kyon darban holi mein gale milta hai har insan se insan holi mein budhape mein nazar aai khuda ki shan holi mein bani hain un se zaid un ki amman jaan holi mein hasinon se bhara hai rang ka maidan holi mein meri rakhna tu hi ab aabru bhagwan holi mein kisi rukh se koi aashiq nikal kar ja nahin sakta hasinon ne laga rakkha hai chuhe-dan holi mein abhi rangin khali tan hai man bhi lal ho jae tum apne hath se hum ko khila do pan holi mein ba-nam-e-rang chhu sakte hain sab ke gore galon ko wahi mushkil jo kal tak thi wo hai aasan holi mein sasur se sas se aur saliyon ke baad salon se gale mil kar nikale jaenge arman holi mein jawani mein hui shadi budhape mein hua bachcha jua khela diwali mein hua chaalan holi mein sab is surat se khelen rang 'nawak' ek dil ho kar rahe phir mard aurat ki na kuchh pahchan holi mein

bahaar aai ki din holi ke aae gulon mein rang khela ja raha hai

saqi hai na mai hai na daf-o-chang hai holi

saaqi hai na mai hai na daf-o-chang hai holi kya haal hai imsal ye kya rang hai holi aai hai jo furqat men mira khuun karegi ye bhi tire aane ka koi dhang hai holi ham khaak udate hain dholendi hai yahan par ham tak nahin aati kabhi kya lang hai holi sau baar jalata huun main ik aah se dam men aa kar mire virane men kya tang hai holi nikla mah-e-nakhshab ki gira chaah men yusuf ya hauz ke andar mah-e-gul-rang hai holi pichkari agar khama hai to rang siyahi rangini-e-mazmun se mire dang hai holi har but evaz-e-qumquma dil maang raha hai is saal ki vallah ki be-rang hai holi ai 'mehr' tire gird hain mah-ru kiye tasvir fanus-e-khayali hai ki arzhang hai holi saqi hai na mai hai na daf-o-chang hai holi kya haal hai imsal ye kya rang hai holi aai hai jo furqat mein mera khun karegi ye bhi tere aane ka koi dhang hai holi hum khak udate hain dholendi hai yahan par hum tak nahin aati kabhi kya lang hai holi sau bar jalata hun main ek aah se dam mein aa kar mere virane mein kya tang hai holi nikla mah-e-nakhshab ki gira chah mein yusuf ya hauz ke andar mah-e-gul-rang hai holi pichkari agar khama hai to rang siyahi rangini-e-mazmun se mere dang hai holi har but ewaz-e-qumquma dil mang raha hai is sal ki wallah ki be-rang hai holi ai 'mehr' tere gird hain mah-ru kiye taswir fanus-e-khayali hai ki arzhang hai holi

ajab bahaar dikhai lahu ke chhinton ne khizan ka rang bhi rang-e-bahaar jaisa tha

kaf-e-imkan pe khayalat ki lau mein ghul kar

kaf-e-imkan pe khayalat ki lau men ghul kar main naya rang bana rang-e-numu men ghul kar ye khalal kaun-o-makan ko hi baha le jaata main bahak jaata agar sail-e-subu men ghul kar meri tafhim se vazeh hue ye arz-o-sama raushni 'aks hui mere lahu men ghul kar jaise aflak men ajram banate hain jagah tu bhi chamka mire afkar ki lau men ghul kar daad hai us ke fan-e-bakhiya-gari ko 'tauhid' zakhm tatto sa hua tar-e-rafu men ghul kar kaf-e-imkan pe khayalat ki lau mein ghul kar main naya rang bana rang-e-numu mein ghul kar ye khalal kaun-o-makan ko hi baha le jata main bahak jata agar sail-e-subu mein ghul kar meri tafhim se wazeh hue ye arz-o-sama raushni 'aks hui mere lahu mein ghul kar jaise aflak mein ajram banate hain jagah tu bhi chamka mere afkar ki lau mein ghul kar dad hai us ke fan-e-bakhiya-gari ko 'tauhid' zakhm tattoo sa hua tar-e-rafu mein ghul kar

rang hi se fareb khate rahen khushbuen aazmana bhul gae

wo aae to rang sanwarne lagte hain jaise bichhda yar bhi koi mausam hai

sans leta hua har rang nazar aaega tum kisi roz mere rang mein aao to sahi

wo rang rang ke chhinte pade ki us ke baad kabhi na phir nae kapde pahan ke nikla main

hazar rang-ba-daman sahi magar duniya bas ek silsila-e-etibar hai, kya hai

kis ki holi jashn-e-nau-rozi hai aaj surkh mai se saqiya dastar rang

ujalon mein chhupi thi ek ladki falak ka rang-roghan kar gai hai

main dur tha to apne hi chehre pe mal liya is zindagi ke hath mein jitna gulal tha