Samundar

kya dukh hai samundar ko bata bhi nahin sakta

kya dukh hai samundar ko bata bhi nahin sakta aansu ki tarah aankh tak aa bhi nahin sakta tu chhod raha hai to khata is men tiri kya har shakhs mira saath nibha bhi nahin sakta pyase rahe jaate hain zamane ke savalat kis ke liye zinda huun bata bhi nahin sakta ghar dhund rahe hain mira raton ke pujari main huun ki charaghhon ko bujha bhi nahin sakta vaise to ik aansu hi baha kar mujhe le jaae aise koi tufan hila bhi nahin sakta kya dukh hai samundar ko bata bhi nahin sakta aansu ki tarah aankh tak aa bhi nahin sakta tu chhod raha hai to khata is mein teri kya har shakhs mera sath nibha bhi nahin sakta pyase rahe jate hain zamane ke sawalat kis ke liye zinda hun bata bhi nahin sakta ghar dhund rahe hain mera raaton ke pujari main hun ki charaghon ko bujha bhi nahin sakta waise to ek aansu hi baha kar mujhe le jae aise koi tufan hila bhi nahin sakta

kaun kahta hai ki maut aai to mar jaunga main to dariya hun samundar mein utar jaunga

girte hain samundar mein bade shauq se dariya lekin kisi dariya mein samundar nahin girta

apne chehre se jo zahir hai chhupaen kaise

apne chehre se jo zahir hai chhupaen kaise teri marzi ke mutabiq nazar aaen kaise ghar sajane ka tasavvur to bahut baad ka hai pahle ye tai ho ki is ghar ko bachaen kaise laakh talvaren badhi aati hon gardan ki taraf sar jhukana nahin aata to jhukaen kaise qahqaha aankh ka bartao badal deta hai hansne vaale tujhe aansu nazar aaen kaise phuul se rang juda hona koi khel nahin apni mitti ko kahin chhod ke jaaen kaise koi apni hi nazar se to hamen dekhega ek qatre ko samundar nazar aaen kaise jis ne danista kiya ho nazar-andaz 'vasim' us ko kuchh yaad dilaen to dilaen kaise apne chehre se jo zahir hai chhupaen kaise teri marzi ke mutabiq nazar aaen kaise ghar sajaane ka tasawwur to bahut baad ka hai pahle ye tai ho ki is ghar ko bachaen kaise lakh talwaren badhi aati hon gardan ki taraf sar jhukana nahin aata to jhukaen kaise qahqaha aankh ka bartao badal deta hai hansne wale tujhe aansu nazar aaen kaise phul se rang juda hona koi khel nahin apni mitti ko kahin chhod ke jaen kaise koi apni hi nazar se to hamein dekhega ek qatre ko samundar nazar aaen kaise jis ne danista kiya ho nazar-andaz 'wasim' us ko kuchh yaad dilaen to dilaen kaise

unhen thahre samundar ne duboya jinhen tufan ka andaza bahut tha

main tere sang kaise chalun ham-safar tu samundar hai main sahilon ki hawa

main tire sang kaise chalun ham-safar tu samundar hai main sahilon ki hava tu kahan main kahan al-aman al-hazar tu samundar hai main sahilon ki hava tujh se hai sab ye husn-e-jahan mo'tabar tujh ko sajde kare kahkashan sar ba-sar tu harim-e-qamar main hazin-e-sahar tu samundar hai main sahilon ki hava gaah shorida-sar gaah khamosh-tar tujh men poshida hain raaz sab basta-sar tere lal-o-gohar aur main khak-sar tu samundar hai main sahilon ki hava tu baharon ki ja tu libas-e-shajar main khizan ki sada main ghhubar-e-safar tu numud-e-matar main hadis-e-digar tu samundar hai main sahilon ki hava vusat-e-be-karan makhzan-e-sim-o-zar be-had-o-be-nishan teri har rah-guzar tu ba-hadd-e-nazar main kanar-e-safar tu samundar hai main sahilon ki hava main tere sang kaise chalun ham-safar tu samundar hai main sahilon ki hawa tu kahan main kahan al-aman al-hazar tu samundar hai main sahilon ki hawa tujh se hai sab ye husn-e-jahan mo'tabar tujh ko sajde kare kahkashan sar ba-sar tu harim-e-qamar main hazin-e-sahar tu samundar hai main sahilon ki hawa gah shorida-sar gah khamosh-tar tujh mein poshida hain raaz sab basta-sar tere lal-o-gohar aur main khak-sar tu samundar hai main sahilon ki hawa tu bahaaron ki ja tu libas-e-shajar main khizan ki sada main ghubar-e-safar tu numud-e-matar main hadis-e-digar tu samundar hai main sahilon ki hawa wusat-e-be-karan makhzan-e-sim-o-zar be-had-o-be-nishan teri har rah-guzar tu ba-hadd-e-nazar main kanar-e-safar tu samundar hai main sahilon ki hawa

nazron se napta hai samundar ki wusaten sahil pe ek shakhs akela khada hua

tu meri ibtida tu meri intiha main samundar hun tu sahilon ki hawa

tu miri ibtida tu miri intiha main samundar huun tu sahilon ki hava teri manzil bane mera har rasta main samundar huun tu sahilon ki hava roz-o-shab mauj-dar-mauj huun dar-ba-dar roz-o-shab sahilon par patakta huun sar haath aata nahin phir bhi daman tira main samundar huun tu sahilon ki hava meri shoridgi ke ye tufan sab meri khamoshiyon ke ye arman sab kuchh nahin ik tiri aarzu ke siva main samundar huun tu sahilon ki hava tu hi manzil miri tu hi had hai miri tujh se vabastagi nam-zad hai miri tu na ho gar to main khud men kho jaunga main samundar huun tu sahilon ki hava khushbuon se tiri ye mahakta safar yuun hi jaari rahega mire auj par tu masafat miri main tira rasta main samundar huun tu sahilon ki hava tu meri ibtida tu meri intiha main samundar hun tu sahilon ki hawa teri manzil bane mera har rasta main samundar hun tu sahilon ki hawa roz-o-shab mauj-dar-mauj hun dar-ba-dar roz-o-shab sahilon par patakta hun sar hath aata nahin phir bhi daman tera main samundar hun tu sahilon ki hawa meri shoridgi ke ye tufan sab meri khamoshiyon ke ye arman sab kuchh nahin ek teri aarzu ke siwa main samundar hun tu sahilon ki hawa tu hi manzil meri tu hi had hai meri tujh se wabastagi nam-zad hai meri tu na ho gar to main khud mein kho jaunga main samundar hun tu sahilon ki hawa khushbuon se teri ye mahakta safar yun hi jari rahega mere auj par tu masafat meri main tera rasta main samundar hun tu sahilon ki hawa

dost ahbab se lene na sahaare jaana dil jo ghabrae samundar ke kinare jaana

sitare chup hain ki naghma-sara samundar hai

sitare chup hain ki naghhma-sara samundar hai shab-e-khamosh ke dil ki sada samundar hai sukut-e-lab ko sadaon ka pesh-rau samjho ki rud-bar ke aage khula samundar hai vo dekhta hai mire iztirab ko hans kar main tez-rau huun vo thahra hua samundar hai mah-o-nujum dikhate hain aaina us ko falak ke samne chehra-numa samundar hai mita chale hain masafat ka naqsh ahl-e-talab hava saron men hai aur zer-e-pa samundar hai nazar men surat-e-sahil abhi nahin aai mire safar ka har ik marhala samundar hai sitare chup hain ki naghma-sara samundar hai shab-e-khamosh ke dil ki sada samundar hai sukut-e-lab ko sadaon ka pesh-rau samjho ki rud-bar ke aage khula samundar hai wo dekhta hai mere iztirab ko hans kar main tez-rau hun wo thahra hua samundar hai mah-o-nujum dikhate hain aaina us ko falak ke samne chehra-numa samundar hai mita chale hain masafat ka naqsh ahl-e-talab hawa saron mein hai aur zer-e-pa samundar hai nazar mein surat-e-sahil abhi nahin aai mere safar ka har ek marhala samundar hai

chhed kar jaise guzar jati hai doshiza hawa der se khamosh hai gahra samundar aur main

hote hain wahi ilm ke darje mein samundar

hote hain vahi 'ilm ke darje men samundar aata hai samona jinhen kuuze men samundar ik roz padhane se mu'allim nahin bante banta hai samundar bhi to 'arse men samundar pyase ko bhi lazzat ki padi hai ye sitam hai ab kya kare batlaiye aise men samundar ab chhin ke bhi khush nahin talab vo ham se qismat se hamen mil gaya badle men samundar mushkil men bhi kuchh ho to vo bad-hal lagega abad hai jis ke bhi mohalle men samundar jab nikle tamanna liye ham ek nadi ki phir rukte nahin dekh ke raste men samundar paani ke bhi shohrat ke taqaze hain juda sab mithe men nadi nahr hain khare men samundar 'gauhar' ki mohabbat men koi duub na jaae rahta hai isi baat ke khadshe men samundar hote hain wahi 'ilm ke darje mein samundar aata hai samona jinhen kuze mein samundar ek roz padhane se mu'allim nahin bante banta hai samundar bhi to 'arse mein samundar pyase ko bhi lazzat ki padi hai ye sitam hai ab kya kare batlaiye aise mein samundar ab chhin ke bhi khush nahin talab wo hum se qismat se hamein mil gaya badle mein samundar mushkil mein bhi kuchh ho to wo bad-haal lagega aabaad hai jis ke bhi mohalle mein samundar jab nikle tamanna liye hum ek nadi ki phir rukte nahin dekh ke raste mein samundar pani ke bhi shohrat ke taqaze hain juda sab mithe mein nadi nahr hain khaare mein samundar 'gauhar' ki mohabbat mein koi dub na jae rahta hai isi baat ke khadshe mein samundar

band ho jata hai kuze mein kabhi dariya bhi aur kabhi qatra samundar mein badal jata hai

chamak raha hai khema-e-raushan dur sitare sa dil ki kashti tair rahi hai khule samundar mein

kati hui hai zamin koh se samundar tak mila hai ghao ye dariya ko rasta de kar

rakkhi hui hai donon ki buniyaad ret par sahra-e-be-karan ko samundar likhenge hum

samundar ada-fahm tha ruk gaya ki hum panw pani pe dharne ko the

ye mere dil ki hawas dasht-e-be-karan jaisi wo teri aankh ke tewar samundaron wale

aap sagar hain to sairab karen pyase ko aap baadal hain to mujh dasht pe saya kijiye

main ghar basa ke samundar ke bich soya tha utha to aag ki lapton mein tha makan mera

apne lahu se pyas bujhani hai ta-hayat ab raste mein koi samundar na aaega

kisi bhi pyas ke mare ki pyas bujh na saki samundaron mein to aate rahe uchhaal bahut

ai fana tut sakegi na kabhi kashti-e-umr main kisi aur samundar mein utar jaunga

nakhuda hai maut jo dam hai so hai baad-e-murad azm hai kashti-e-tan ko bahr-e-hasti yar ka