Saqi

pita hun jitni utni hi badhti hai tishnagi saqi ne jaise pyas mila di sharab mein

ijazat ho to main tasdiq kar lun teri zulfon se suna hai zindagi ek khub-surat dam hai saqi

baat saqi ki na tali jaegi kar ke tauba tod dali jaegi the wishes of my saaqii i will not ignore the vow of abstinence i take, will forthwith abjure

saqi zara nigah mila kar to dekhna kambakht hosh mein to nahin aa gaya hun main

abhi raat kuchh hai baqi na utha naqab saqi tera rind girte girte kahin phir sambhal na jae as yet the night does linger on do not remove your veil lest your besotten follower re-gains stability

aankhen saqi ki jab se dekhi hain hum se do ghunt pi nahin jati

tez hai aaj dard-e-dil saqi talkhi-e-mai ko tez-tar kar de

kisi ki bazm ke haalat ne samjha diya mujh ko ki jab saqi nahin apna to mai apni na jam apna

azan ho rahi hai pila jald saqi ibaadat karen aaj makhmur ho kar tis the call to prayer, hasten, pour me wine today inebriated, i'll worship the divine

koi samjhae ki kya rang hai maikhane ka aankh saqi ki uthe nam ho paimane ka

aata hai ji mein saqi-e-mah-wash pe bar bar lab chum lun tera lab-e-paimana chhod kar

ye dushmani hai saqi ya dosti hai saqi auron ko jam dena mujh ko dikha dikha ke

zaban-e-hosh se ye kufr sarzad ho nahin sakta main kaise bin piye le lun khuda ka nam ai saqi

sharab band ho saqi ke bas ki baat nahin tamam shahar hai do chaar das ki baat nahin

fareb-e-saqi-e-mahfil na puchhiye 'majruh' sharab ek hai badle hue hain paimane

saqi tujhe ek thodi si taklif to hogi saghar ko zara tham main kuchh soch raha hun

ruh kis mast ki pyasi gai mai-khane se mai udi jati hai saqi tere paimane se the poet wonders how anyone could depart unsatisfied from the wine-house—suggesting an intense, almost spiritual thirst. in the second line, he flatters the saqi: the cup (and the saqi’s charm) is so powerful that wine cannot stay in it, as if it vanishes instantly. wine and tavern stand for pleasure and mystical ecstasy, while thirst points to an unending desire that no amount can fully quench.

saqi mere bhi dil ki taraf tuk nigah kar lab-tishna teri bazm mein ye jam rah gaya

asar na puchhiye saqi ki mast aankhon ka ye dekhiye ki koi hoshyar baqi hai

chashm-e-saqi mujhe har gam pe yaad aati hai rasta bhul na jaun kahin maikhane ka

waiz ki aankhen khul gain pite hi saqiya ye jam-e-mai tha ya koi dariya-e-nur tha

dard-e-sar hai khumar se mujh ko jald le kar sharab aa saqi

saqi ne nigahon se pila di hai ghazab ki rindan-e-azal dekhiye kab hosh mein aaen

mast karna hai to khud munh se laga de saqi tu pilaega kahan tak mujhe paimane se if you want me merry let me sip on your lips divine for how long, in goblets pray, will you serve me wine

main to jab manun meri tauba ke baad kar ke majbur pila de saqi

na waiz hajw kar ek din duniya se jaana hai are munh saqi-e-kausar ko bhi aakhir dikhana hai

ye thodi thodi mai na de kalai mod mod kar bhala ho tera saqiya pila de khum nichod kar

aati jati hai ja-ba-ja badli saqiya jald aa hawa badli

pad gai kya nigah-e-mast tere saqi ki ladkhadate hue mai-khwar chale aate hain

shaikh-e-haram ka zikr nahin hai mere nadim pir-e-mughan ke kashf-o-karamat ki baat hai