Shohrat

shohrat ki bulandi bhi pal bhar ka tamasha hai jis dal pe baithe ho wo tut bhi sakti hai

hum talib-e-shohrat hain hamein nang se kya kaam badnam agar honge to kya nam na hoga

ishq mujh ko nahin wahshat hi sahi meri wahshat teri shohrat hi sahi if not love, then madness, my feelings deem you be and so be it my craziness is cause of fame for thee the poet adopts a tone of defiant resignation, accepting that his intense passion might be labeled as insanity ('wahshat') rather than true love. however, he cleverly flips the narrative by pointing out that this very obsession is what keeps the beloved in the spotlight. he implies that the beloved's reputation relies on the intensity of his 'madness,' making their relationship symbiotic despite the rejection.

kisi ko be-sabab shohrat nahin milti hai ai 'wahid' unhin ke nam hain duniya mein jin ke kaam achchhe hain

shohrat ki fazaon mein itna na udo 'saghar' parwaz na kho jae in unchi udanon mein

main ise shohrat kahun ya apni ruswai kahun mujh se pahle us gali mein mere afsane gae

ab tu darwaze se apne nam ki takhti utar lafz nange ho gae shohrat bhi gali ho gai

kya puchhte ho kaun hai ye kis ki hai shohrat kya tum ne kabhi 'dagh' ka diwan nahin dekha the couplet is a confident, slightly teasing assertion of the poet’s renown. by answering a question with a sharper question, the speaker implies that the fame is self-evident. “diwan” stands for the poet’s work itself—his verses are presented as the proof of his identity and reputation. the emotional core is pride in artistic achievement and the demand for recognition.

us ghar ki badaulat mere sheron ko hai shohrat wo ghar ki jo is shahr mein badnam bahut hai

ulajh rahe hain bahut log meri shohrat se kisi ko yun to koi mujh se ikhtilaf na tha

bulandi der tak kis shakhs ke hisse mein rahti hai bahut unchi 'imarat har ghadi khatre mein rahti hai

khuli na mujh pe bhi diwangi meri barson mere junun ki shohrat tere bayan se hui

wo junun ko badhae jaenge un ki shohrat hai meri ruswai

meri shohrat ke pichhe hai hath bahut ruswai ka

apne afsane ki shohrat use manzur na thi us ne kirdar badal kar mera qissa likhkha

bikta rahta sar-e-bazar kai qiston mein shukr hai mere khuda ne mujhe shohrat nahin di

miyan ye chadar-e-shohrat tum apne pas rakho ki is se panw jo dhanpen to sar nikalta hai

ghar se us ka bhi nikalna ho gaya aakhir muhaal meri ruswai se shohrat ku-ba-ku us ki bhi thi

mujh se ye puchh rahe hain mere ahbab 'aziz' kya mila shahr-e-sukhan mein tumhein shohrat ke siwa

kaun maslub hua husn ka kirdar ki hum shohrat-e-ishq mein badnam hua yar ki hum

jo aasman ki bulandi ko chhune wala tha wahi minara zamin par dhadam se aaya

'farhat' tere naghmon ki wo shohrat hai jahan mein wallah tera rang-e-sukhan yaad rahega

kho diya shohrat ne apni sher-khwani ka maza dad mil jati hai 'natiq' har ratab yabis ke baad

tujh se waqif hai ek jahan 'nayyar' kya zarurat hai khud-numai ki