Tohfa

aaj bhi shayad koi phulon ka tohfa bhej de titliyan mandla rahi hain kanch ke gul-dan par

apna dil pesh karun apni wafa pesh karun

apna dil pesh karun apni vafa pesh karun kuchh samajh men nahin aata tujhe kya pesh karun tere milne ki khushi men koi naghhma chhedun ya tire dard-e-judai ka gila pesh karun mere khvabon men bhi tu mere khayalon men bhi tu kaun si chiiz tujhe tujh se juda pesh karun jo tire dil ko lubhae vo ada mujh men nahin kyuun na tujh ko koi teri hi ada pesh karun apna dil pesh karun apni wafa pesh karun kuchh samajh mein nahin aata tujhe kya pesh karun tere milne ki khushi mein koi naghma chhedun ya tere dard-e-judai ka gila pesh karun mere khwabon mein bhi tu mere khayalon mein bhi tu kaun si chiz tujhe tujh se juda pesh karun jo tere dil ko lubhae wo ada mujh mein nahin kyun na tujh ko koi teri hi ada pesh karun

us mehrban nazar ki inayat ka shukriya tohfa diya hai eid pe hum ko judai ka

ek pal mein zindagi bhar ki udasi de gaya

ek pal men zindagi bhar ki udasi de gaya vo juda hote hue kuchh phuul baasi de gaya noch kar shakhon ke tan se khushk patton ka libas zard mausam banjh-rut ko be-libasi de gaya subh ke taare miri pahli dua tere liye tu dil-e-be-sabr ko taskin zara si de gaya log malbon men dabe saae bhi dafnane lage zalzala ahl-e-zamin ko bad-havasi de gaya tund jhonke ki ragon men ghol kar apna dhuan ik diya andhi hava ko khud-shanasi de gaya le gaya 'mohsin' vo mujh se abr banta asman us ke badle men zamin sadiyon ki pyasi de gaya ek pal mein zindagi bhar ki udasi de gaya wo juda hote hue kuchh phul basi de gaya noch kar shakhon ke tan se khushk patton ka libas zard mausam banjh-rut ko be-libasi de gaya subh ke tare meri pahli dua tere liye tu dil-e-be-sabr ko taskin zara si de gaya log malbon mein dabe sae bhi dafnane lage zalzala ahl-e-zamin ko bad-hawasi de gaya tund jhonke ki ragon mein ghol kar apna dhuan ek diya andhi hawa ko khud-shanasi de gaya le gaya 'mohsin' wo mujh se abr banta aasman us ke badle mein zamin sadiyon ki pyasi de gaya

chand alfaz ke moti hain mere daman mein hai magar teri mohabbat ka taqaza kuchh aur

gulon ko sunna zara tum sadaen bheji hain

gulon ko sunna zara tum sadaen bheji hain gulon ke haath bahut si duaen bheji hain jo aftab kabhi bhi ghhurub hota nahin hamara dil hai usi ki shuaen bheji hain agar jalae tumhen bhi shifa mile shayad ik aise dard ki tum ko shuaen bheji hain tumhari khushk si ankhen bhali nahin lagtin vo saari chizen jo tum ko rulaen, bheji hain siyah rang chamakti hui kanari hai pahan lo achchhi lagengi ghataen bheji hain tumhare khvab se har shab lipat ke sote hain sazaen bhej do ham ne khataen bheji hain akela patta hava men bahut buland uda zamin se paanv uthao havaen bheji hain gulon ko sunna zara tum sadaen bheji hain gulon ke hath bahut si duaen bheji hain jo aaftab kabhi bhi ghurub hota nahin hamara dil hai usi ki shuaen bheji hain agar jalae tumhein bhi shifa mile shayad ek aise dard ki tum ko shuaen bheji hain tumhaari khushk si aankhen bhali nahin lagtin wo sari chizen jo tum ko rulaen, bheji hain siyah rang chamakti hui kanari hai pahan lo achchhi lagengi ghataen bheji hain tumhaare khwab se har shab lipat ke sote hain sazaen bhej do hum ne khataen bheji hain akela patta hawa mein bahut buland uda zamin se panw uthao hawaen bheji hain

aur kuchh tohfa na tha jo late hum tere niyaz ek do aansu the aankhon mein so bhar lae hain hum

hum tohfe mein ghadiyan to de dete hain ek duje ko waqt nahin de pate hain

asar ye tere anfas-e-masihai ka hai 'akbar' allahabad se langda chala lahore tak pahuncha

main tohfa le ke aaya hun tamannaon ke phulon ka lutane ko bahaar-e-zindagani le ke aaya hun

chahiye kya tumhein tohfe mein bata do warna hum to bazar ke bazar utha laenge

kai tarah ke tahaif pasand hain us ko magar jo kaam yahan phul se nikalta hai

main ne bheji thi gulabon ki bashaarat us ko tohfatan us ne bhi khushbu-e-wafa bheji hai

tohfa ek kamsin ke liye hai in kaliyon ka rang ho halka

chand khushbu ke diye sath mein le aae hain shakh-e-gul daman-e-saughat mein le aae hain