Abr

aae kuchh abr kuchh sharab aae is ke ba'd aae jo azab aae

gungunati hui aati hain falak se bunden koi badli teri pazeb se takrai hai

ye ek abr ka tukda kahan kahan barse tamam dasht hi pyasa dikhai deta hai

sabza o gul kahan se aae hain abr kya chiz hai hawa kya hai ... ... ghalib expresses deep philosophical wonder about the physical world. he questions the reality and origin of nature's elements like plants, clouds, and wind, suggesting they might be illusions or mere manifestations of a divine mystery. it reflects on the enigma of creation.

abr barse to inayat us ki shakh to sirf dua karti hai

go barasti nahin sada aankhen abr to bara mas hota hai

falak par udte jate baadalon ko dekhta hun main hawa kahti hai mujh se ye tamasha kaisa lagta hai

ya abr-e-karam ban ke baras khushk zamin par ya pyas ke sahra mein mujhe jina sikha de

hum ne barsat ke mausam mein jo chahi tauba abr is zor se garja ki ilahi tauba

barsat ka maza tere gesu dikha gae aks aasman par jo pada abr chha gae

uttha jo abr dil ki umangen chamak uthin lahrain bijliyan to main lahra ke pi gaya

abr ki tirgi mein hum ko to sujhta kuchh nahin siwae sharab

duaen mangi hain saqi ne khol kar zulfen basan-e-dast-e-karam abr-e-dajla-bar baras

dasht phir kyon nahin rahe aabaad abr aazad hai hawa mahfuz