Dosti

mohabbaton mein dikhawe ki dosti na mila

mohabbaton men dikhave ki dosti na mila agar gale nahin milta to haath bhi na mila gharon pe naam the namon ke saath ohde the bahut talash kiya koi aadmi na mila tamam rishton ko main ghar pe chhod aaya tha phir us ke baa'd mujhe koi ajnabi na mila khuda ki itni badi kaenat men main ne bas ek shakhs ko manga mujhe vahi na mila bahut ajiib hai ye qurbaton ki duuri bhi vo mere saath raha aur mujhe kabhi na mila mohabbaton mein dikhawe ki dosti na mila agar gale nahin milta to hath bhi na mila gharon pe nam the namon ke sath ohde the bahut talash kiya koi aadmi na mila tamam rishton ko main ghar pe chhod aaya tha phir us ke ba'd mujhe koi ajnabi na mila khuda ki itni badi kaenat mein main ne bas ek shakhs ko manga mujhe wahi na mila bahut ajib hai ye qurbaton ki duri bhi wo mere sath raha aur mujhe kabhi na mila

ye kahan ki dosti hai ki bane hain dost naseh koi chaarasaz hota koi gham-gusar hota ghalib questions a hollow “friendship” where companions only preach instead of caring. the word “naseh” suggests judgment and sermonizing, not warmth. in contrast, he longs for a healer of troubles and a comforter in grief—someone who helps or at least sits with pain. the emotional core is disappointment: advice without empathy feels like abandonment.

hum ko yaron ne yaad bhi na rakha 'jaun' yaron ke yar the hum to

kya karoge bachaw suraj ka

kya karoge bachav suraj ka jante ho subhav suraj ka garm hai vo to kam nahin ham bhi kaun sahta hai taao suraj ka mere ghar ka charaghh bujhte hi chadh gaya kitna bhaav suraj ka surmai shaam aae kamre men ab to parda hatao suraj ka raat se jang kar ke aaya hai taaza taaza hai ghaav suraj ka milne jaata hai raat se chhup kar ik fasana banao suraj ka asmanon se dosti kar ke badh gaya hai tanav suraj ka ho gai shaam sochte kya ho ab janaza uthao suraj ka raat bhar munh chhupae phirta raha kam nahin phir bhi taao suraj ka roz dariya kinare baith ke ham jodte hain ghatao suraj ka jugnuon se muqabla tha 'fahim' kaun karta bachao suraj ka kya karoge bachaw suraj ka jaante ho subhaw suraj ka garm hai wo to kam nahin hum bhi kaun sahta hai tao suraj ka mere ghar ka charagh bujhte hi chadh gaya kitna bhaw suraj ka surmai sham aae kamre mein ab to parda hatao suraj ka raat se jang kar ke aaya hai taza taza hai ghaw suraj ka milne jata hai raat se chhup kar ek fasana banao suraj ka aasmanon se dosti kar ke badh gaya hai tanaw suraj ka ho gai sham sochte kya ho ab janaza uthao suraj ka raat bhar munh chhupae phirta raha kam nahin phir bhi tao suraj ka roz dariya kinare baith ke hum jodte hain ghatao suraj ka jugnuon se muqabla tha 'fahim' kaun karta bachao suraj ka

mohabbaton mein dikhawe ki dosti na mila agar gale nahin milta to hath bhi na mila

hua jo khatm mera sim-o-zar gae ahbab

hua jo khatm mira sim-o-zar gae ahbab isi sabab mire dil se utar gae ahbab yuun kaat di miri shah-rag mujhe khabar na hui bade hunar se mira qatl kar gae ahbab kabhi tha vaqt ki thi dosti 'aziz az-jan guzar gai vo sadi vo guzar gae ahbab unhen nikal do dil se rakho na soch men bhi 'mudassir' aise hi samjho ki mar gae ahbab hua jo khatm mera sim-o-zar gae ahbab isi sabab mere dil se utar gae ahbab yun kat di meri shah-rag mujhe khabar na hui bade hunar se mera qatl kar gae ahbab kabhi tha waqt ki thi dosti 'aziz az-jaan guzar gai wo sadi wo guzar gae ahbab unhen nikal do dil se rakho na soch mein bhi 'mudassir' aise hi samjho ki mar gae ahbab

dosti jab kisi se ki jae dushmanon ki bhi rae li jae translation while befriending someone, opinion of the foes may also be sought. sagar akbarabadi

darakhton se nadi se panchhiyon se dosti hai

darakhton se nadi se panchhiyon se dosti hai miri ik 'umr se in jangalon se dosti hai kahin jaun mujhe le jaenge teri taraf hi so tere shahr ke sab raston se dosti hai tire ghham ka asar aisa hua dil par hamare hamari ab jahan bhar ke ghhamon se dosti hai bharosa kya karen un doston ki dosti ka bhali jin ki hamare dushmanon se dosti hai hamari dosti ke darmiyan kuchh bhi na aaya hamari dosti bas muddaton se dosti hai agar asaniyan hain to zara mushkil rahegi nahin dar mushkilon ka mushkilon se dosti hai zamane ki zarurat hi kahan hai 'bhaskar' ko vo 'ashiq hai aur us ki 'ashiqon se dosti hai darakhton se nadi se panchhiyon se dosti hai meri ek 'umr se in jangalon se dosti hai kahin jaun mujhe le jaenge teri taraf hi so tere shahr ke sab raston se dosti hai tere gham ka asar aisa hua dil par hamare hamari ab jahan bhar ke ghamon se dosti hai bharosa kya karen un doston ki dosti ka bhali jin ki hamare dushmanon se dosti hai hamari dosti ke darmiyan kuchh bhi na aaya hamari dosti bas muddaton se dosti hai agar aasaniyan hain to zara mushkil rahegi nahin dar mushkilon ka mushkilon se dosti hai zamane ki zarurat hi kahan hai 'bhaskar' ko wo 'ashiq hai aur us ki 'ashiqon se dosti hai

agar tumhaari ana hi ka hai sawal to phir chalo main hath badhata hun dosti ke liye

yaron ne apne apne gharon ko basa liya

yaron ne apne apne gharon ko basa liya ik tum ki apni zaat ko zindan bana liya gumrah to hue the magar khud ko pa liya apne hi aaine se tumhara pata liya in na-tavaniyon pe bhi the itne khud-nigar ye zindagi ka koh-e-giran bhi utha liya ankhon se motiyon ka hai tanta bandha hua duube hain is tarah ki samundar chura liya bas ik shu'ur-e-rah-navardi tha as-pas kya kya na raston men luteron ne aa liya duube hain ham to biich bhanvar men magar bata sahil pe ja ke tu ne bhi kya na-khuda liya khud bhi to imtihan-e-vafa se guzar ke dekh tu ne to laakh baar hamen aazma liya is daur-e-be-hunar men hain donon girafta-dil kya de sake hain ham bhi tumhen aur kya liya ham ne to chahaton ke khazane luta diye duniya ne pattharon ko gale se laga liya me’yar-e-dosti hai ki bazar-e-dosti sauda mohabbaton ka kiya rasta liya aage nikal gae the bahut ham-safar 'jamil' ham ne bhi manzilon pe magar un ko ja liya yaron ne apne apne gharon ko basa liya ek tum ki apni zat ko zindan bana liya gumrah to hue the magar khud ko pa liya apne hi aaine se tumhaara pata liya in na-tawaniyon pe bhi the itne khud-nigar ye zindagi ka koh-e-giran bhi utha liya aankhon se motiyon ka hai tanta bandha hua dube hain is tarah ki samundar chura liya bas ek shu'ur-e-rah-nawardi tha aas-pas kya kya na raston mein luteron ne aa liya dube hain hum to bich bhanwar mein magar bata sahil pe ja ke tu ne bhi kya na-khuda liya khud bhi to imtihan-e-wafa se guzar ke dekh tu ne to lakh bar hamein aazma liya is daur-e-be-hunar mein hain donon girafta-dil kya de sake hain hum bhi tumhein aur kya liya hum ne to chahaton ke khazane luta diye duniya ne pattharon ko gale se laga liya me’yar-e-dosti hai ki bazar-e-dosti sauda mohabbaton ka kiya rasta liya aage nikal gae the bahut ham-safar 'jamil' hum ne bhi manzilon pe magar un ko ja liya

dushmanon se pyar hota jaega doston ko aazmate jaiye

mere ham-nafas mere ham-nawa mujhe dost ban ke dagha na de main hun dard-e-ishq se jaan-ba-lab mujhe zindagi ki dua na de my companion, my intimate, be not a friend and yet betray the pain of love is fatal now, for my life please do not pray

dosti aam hai lekin ai dost dost milta hai badi mushkil se friendship is commonplace my dear but friends are hard to find i fear

tujhe kaun jaanta tha meri dosti se pahle tera husn kuchh nahin tha meri shairi se pahle

bhul shayad bahut badi kar li dil ne duniya se dosti kar li

mujhe dost kahne wale zara dosti nibha de ye mutalba hai haq ka koi iltija nahin hai

dushmanon ne jo dushmani ki hai doston ne bhi kya kami ki hai

patthar to hazaron ne mare the mujhe lekin jo dil pe laga aa kar ek dost ne mara hai

log darte hain dushmani se teri hum teri dosti se darte hain

main ab har shakhs se ukta chuka hun faqat kuchh dost hain aur dost bhi kya

aql kahti hai dobara aazmana jahl hai dil ye kahta hai fareb-e-dost khate jaiye

dosti khwab hai aur khwab ki tabir bhi hai rishta-e-ishq bhi hai yaad ki zanjir bhi hai

hatae the jo rah se doston ki wo patthar mere ghar mein aane lage hain

khuda ke waste mauqa na de shikayat ka ki dosti ki tarah dushmani nibhaya kar

jo dost hain wo mangte hain sulh ki dua dushman ye chahte hain ki aapas mein jang ho

ai dost tujh ko rahm na aae to kya karun dushman bhi mere haal pe ab aab-dida hai

dost do-chaar nikalte hain kahin lakhon mein jitne hote hain siwa utne hi kam hote hain

dosti aur kisi gharaz ke liye wo tijarat hai dosti hi nahin

suna hai aise bhi hote hain log duniya mein ki jin se miliye to tanhai khatm hoti hai

main hairan hun ki kyun us se hui thi dosti apni mujhe kaise gawara ho gai thi dushmani apni