Ehsaas

apni haalat ka khud ehsas nahin hai mujh ko main ne auron se suna hai ki pareshan hun main

khuda aise ehsas ka nam hai rahe samne aur dikhai na de

taklif mit gai magar ehsas rah gaya khush hun ki kuchh na kuchh to mere pas rah gaya

aagahi karb wafa sabr tamanna ehsas mere hi sine mein utre hain ye khanjar sare

mujhe ye dar hai dil-e-zinda tu na mar jae ki zindagani ibarat hai tere jine se

maut ki pahli alamat sahib yahi ehsas ka mar jaana hai

main us ke samne se guzarta hun is liye tark-e-talluqat ka ehsas mar na jae it is for this reason, i often pass her by the pain of our breaking up, may not ever die

kaisi bipta pal rakhi hai qurbat ki aur duri ki khushbu mar rahi hai mujh ko apni hi kasturi ki

tanhai ke lamhat ka ehsas hua hai jab taron bhari raat ka ehsas hua hai

reza reza kar diya jis ne mere ehsas ko kis qadar hairan hai wo mujh ko yakja dekh kar

mere andar kai ehsas patthar ho rahe hain ye shiraaza bikharna ab zaruri ho gaya hai

mujh ko ehsas-e-rang-o-bu na hua yun bhi aksar bahaar aai hai

har taraf apne hi apne hae tanhai na puchh kis qadar khalti hai aksar hum ko binai na puchh

auron ki aag kya tujhe kundan banaegi apni bhi aag mein kabhi chup-chap jal ke dekh

hamein kam-bakht ehsas-e-khudi us dar pe le baitha hum uth jate to wo parda bhi uth jata jo hail tha

dushman-e-dil hi nahin dushman-e-jaan hota hai uf wo ehsas jo piri mein jawan hota hai

gham se ehsas ka aaina jila pata hai aur gham sikhe hai aa kar ye saliqa mujh se

ye bhi kya kam hai basirat ki nazar hasil hui doston ne ki jo tujh se dushmani matam na kar

log nazuk the aur ehsas ke virane tak wo guzarte hue aankhon ki jalan se aae

nazar mili bhi na thi aur un ko dekh layya zaban khuli bhi na thi aur baat bhi kar li

yun mahsus hua apni gahrai mein ja kar jaise koi mauj kinare par le aai

khuda hamari sama'at ko jab rasai de wo jo bhi soche hamein dur se sunai de

hum jaison ko bas itni ijazat hai mere dost hum dekh hi sakte hain pasand aaya hua shakhs

aaj wo kuchh aur bhi achchha laga us ka chehra mujh ko aaina laga

alam-bardar tanhai tha apna 'farhat-ehsas' hujum-e-shahr ke hathon jo mara ja raha hai

shiddat-e-pyas ke ehsas ko badhne dije ediyon se kabhi chashme bhi ubal sakte hain

use hunar hai nigahon se baat karne ka main be-zaban sa lagta hun ye zaban liye

'ehsas' ne buton mein khuda ko kiya sharik is shirk ke baghair to iman hi nahin