Karbala

qatl-e-husain asl mein marg-e-yazid hai islam zinda hota hai har karbala ke baad

kuchh faede bhi hote hain ujde makan ke

kuchh faede bhi hote hain ujde makan ke alfaz is men gunjte hain raftagan ke ai chand is men teri bhi sazish zarur hai taare kidhar gae hain mire asman ke ud jaega yaqin ke pinjre ko tod kar thode se par nikalne do vahm-o-guman ke ghhazlen miri bacha lo bure vaqt ke liye alfaz bech dalna mujh be-zaban ke karbal ki ret dekh ke itne the mutmain jaise ki muntazir hon isi imtihan ke ik baar mere lafzon ko padh kar zaban se kirdar zinda kar do miri dastan ke itna asar to rakhti hai maan ki du'a 'ali' dekhe hain main ne khulte kivad asman ke kuchh faede bhi hote hain ujde makan ke alfaz is mein gunjte hain raftagan ke ai chand is mein teri bhi sazish zarur hai tare kidhar gae hain mere aasman ke ud jaega yaqin ke pinjre ko tod kar thode se par nikalne do wahm-o-guman ke ghazlen meri bacha lo bure waqt ke liye alfaz bech dalna mujh be-zaban ke karbal ki ret dekh ke itne the mutmain jaise ki muntazir hon isi imtihan ke ek bar mere lafzon ko padh kar zaban se kirdar zinda kar do meri dastan ke itna asar to rakhti hai man ki du'a 'ali' dekhe hain main ne khulte kiwad aasman ke

mere sine se zara kan laga kar dekho sans chalti hai ki zanjir-zani hoti hai

phir karbala ke ba'd dikhai nahin diya aisa koi bhi shakhs ki pyasa kahen jise

jab bhi zamir-o-zarf ka sauda ho dosto qaem raho husain ke inkar ki tarah

salam un pe tah-e-tegh bhi jinhon ne kaha jo tera hukm jo teri raza jo tu chahe

hawa-e-zulm sochti hai kis bhanwar mein aa gai wo ek diya bujha to sainkadon diye jala gaya

buland hathon mein zanjir dal dete hain ajib rasm chali hai dua na mange koi

pa-ba-gil sab hain rihai ki kare tadbir kaun dast-basta shahr mein khole meri zanjir kaun

sans leta hun to rota hai koi sine mein dil dhadakta hai to matam ki sada aati hai

ishrat-e-qatl-gah-e-ahl-e-tamanna mat puchh id-e-nazzara hai shamshir ka uryan hona ask not the delight of those for martyrdom who wait unsheathing of the sword for them is cause to celebrate ghalib captures the extreme passion of a lover who seeks annihilation at the hands of the beloved. the 'slaughterhouse' is not a place of fear but of joy, and the flash of the naked sword is compared to the sighting of the eid moon. it signifies that the ultimate union and celebration for a lover lies in being martyred by the object of their desire.

ta-qayamat zikr se raushan rahegi ye zamin zulmaton ki sham mein ek raushni hai karbala

hawa-e-kufa-e-na-mehrban ko hairat hai ki log khema-e-sabr-o-raza mein zinda hain

husain-ibn-e-ali karbala ko jate hain magar ye log abhi tak gharon ke andar hain

sahil tamam ashk-e-nadamat se at gaya dariya se koi shakhs to pyasa palat gaya

dil hai pyasa husain ke manind ye badan karbala ka maidan hai

kal jahan zulm ne kati thin saron ki faslen nam hui hai to usi khak se lashkar nikla

tanha tere matam mein nahin sham-e-siyah-posh rahta hai sada chaak gareban-e-sahar bhi the night's black garb is not alone / there in your lament the ever-tattered collar of / the dawn too is present

tanha khada hun main bhi sar-e-karbala-e-asr aur sochta hun mere taraf-dar kya hue

tum jo kuchh chaho wo tarikh mein tahrir karo ye to neza hi samajhta hai ki sar mein kya tha

hum se tai hoga zamane mein bulandi ka waqar nok-e-neza se bhi hum niche nahin dekhenge

zawal-e-asr hai kufe mein aur gadagar hain khula nahin koi dar bab-e-iltija ke siwa

'mushafi' karb-o-bala ka safar aasan nahin sainkadon basra-o-baghdad mein mar jate hain

sina-kubi se zamin sari hila ke utthe kya alam dhum se tere shohada ke utthe the couplet captures the intensity of communal mourning: the act of sina-kobi is so forceful it feels like it shakes the ground. in the second line, the poet shifts to reverence, picturing the ‘alam (standards) of the martyrs rising amid great clamor and glory. grief and honor merge—lament becomes a public, earth-moving declaration of devotion.

khinch lai jaanib-e-dariya hamein bhi tishnagi ab gulu-e-khushk ka khanjar pe ram hone ko hai

main usi koh-sifat khun ki ek bund hun jo reg-zar-e-najaf o khak-e-khurasan se mila

shu’ur-e-tishnagi ek roz mein pukhta nahin hota mere honton ne sadiyon karbala ki khak chumi hai

koi dariya ki taraf jaane ko tayyar nahin hath sab ke hain magar koi 'alam-dar nahin