Kitab

ye ilm ka sauda ye risale ye kitaben ek shakhs ki yaadon ko bhulane ke liye hain

andheri shab mein hamesha se ilm wale log

andheri shab men hamesha se ilm vaale log kitab padhte hue raushni banate hain andheri shab mein hamesha se ilm wale log kitab padhte hue raushni banate hain

dhup mein niklo ghataon mein naha kar dekho zindagi kya hai kitabon ko hata kar dekho

kuchh apne kaam nahin aawe jam-e-jam ki kitab

kuchh apne kaam nahin aave jam-e-jam ki kitab kifayat apne ko bas ek apne ghham ki kitab nahin khayal siva us ke aur hai dil men jo maktab ishq men jaise padha sanam ki kitab khat aane se nahin khatir jama hue mutlaq ise to khat kahun ya sabza ya sitam ki kitab shab-e-firaq se teri gaya huun sab kuchh bhuul viqaya kanz-o-hidaya sabhi ilam ki kitab hua ba-madrasa-e-ishq jab se talib-e-ilm bahut hai apne mutala ko ek dam ki kitab na barhaman huun na mulla na maulvi na atiit jo pothi dair ki pancho o ya haram ki kitab kitab-e-husn ki 'qasim-ali' mutala kar banai sanea ne sanat se yak-qalam ki kitab kuchh apne kaam nahin aawe jam-e-jam ki kitab kifayat apne ko bas ek apne gham ki kitab nahin khayal siwa us ke aur hai dil mein jo maktab ishq mein jaise padha sanam ki kitab khat aane se nahin khatir jama hue mutlaq ise to khat kahun ya sabza ya sitam ki kitab shab-e-firaq se teri gaya hun sab kuchh bhul wiqaya kanz-o-hidaya sabhi ilam ki kitab hua ba-madrasa-e-ishq jab se talib-e-ilm bahut hai apne mutala ko ek dam ki kitab na barhaman hun na mulla na maulwi na atit jo pothi dair ki pancho o ya haram ki kitab kitab-e-husn ki 'qasim-ali' mutala kar banai sanea ne sanat se yak-qalam ki kitab

kis tarah jama kijiye ab apne aap ko kaghaz bikhar rahe hain purani kitab ke

tujhe kitab se mumkin nahin faragh ki tu kitab-khwan hai magar sahib-e-kitab nahin allama iqbal contrasts mere study with inner ownership of knowledge. the “book” stands for learning and scripture-like guidance; being a “book-reader” is only intellectual engagement. not being “sahib-e-kitab” implies the truth has not become one’s lived understanding and character. the couplet gently reproaches empty scholarship and calls for embodied insight.

kaghaz mein dab ke mar gae kide kitab ke diwana be-padhe-likhe mashhur ho gaya

khada hun aaj bhi roti ke chaar harf liye sawal ye hai kitabon ne kya diya mujh ko

ek charagh aur ek kitab aur ek ummid asasa us ke ba'd to jo kuchh hai wo sab afsana hai

qabron mein nahin hum ko kitabon mein utaro hum log mohabbat ki kahani mein maren hain

kitaben bhi bilkul meri tarah hain alfaz se bharpur magar khamosh

kuchh aur sabaq hum ko zamane ne sikhae kuchh aur sabaq hum ne kitabon mein padhe the

chehra khuli kitab hai unwan jo bhi do jis rukh se bhi padhoge mujhe jaan jaoge

kabhi aankhen kitab mein gum hain kabhi gum hai kitab aankhon mein

kidhar se barq chamakti hai dekhen ai waiz main apna jam uthata hun tu kitab utha where does lightening strike, priest, let us look i will raise my glass you raise your holy book

rahta tha samne tera chehra khula hua padhta tha main kitab yahi har class mein

wahi firaq ki baaten wahi hikayat-e-wasl nai kitab ka ek ek waraq purana tha

jo padha hai use jina hi nahin hai mumkin zindagi ko main kitabon se alag rakhta hun

jism to khak hai aur khak mein mil jaega main bahar-haal kitabon mein milunga tum ko

barud ke badle hathon mein aa jae kitab to achchha ho ai kash hamari aankhon ka ikkiswan khwab to achchha ho

wafa nazar nahin aati kahin zamane mein wafa ka zikr kitabon mein dekh lete hain

bhula din hum ne kitaben ki us pari-ru ke kitabi chehre ke aage kitab hai kya chiz

chhupi hai an-ginat chingariyan lafzon ke daman mein zara padhna ghazal ki ye kitab aahista aahista

khuli kitab thi phulon-bhari zamin meri kitab meri thi rang-e-kitab us ka tha

main us ke badan ki muqaddas kitab nihayat aqidat se padhta raha

kamre mein maze ki raushni ho achchhi si koi kitab dekhun

kitab khol ke dekhun to aankh roti hai waraq waraq tera chehra dikhai deta hai

falsafe sare kitabon mein ulajh kar rah gae dars-gahon mein nisabon ki thakan baqi rahi

sab kitabon ke khul gae mani jab se dekhi 'nazir' dil ki kitab

ulat rahi thin hawaen waraq waraq us ka likhi gai thi jo mitti pe wo kitab tha wo