Mulaqat

na ji bhar ke dekha na kuchh baat ki badi aarzu thi mulaqat ki

musafir hain hum bhi musafir ho tum bhi kisi mod par phir mulaqat hogi

aaj dekha hai tujh ko der ke baad aaj ka din guzar na jae kahin

gahe gahe ki mulaqat hi achchhi hai 'amir' qadr kho deta hai har roz ka aana jaana

kaise kah dun ki mulaqat nahin hoti hai roz milte hain magar baat nahin hoti hai

jaane wale se mulaqat na hone pai dil ki dil mein hi rahi baat na hone pai

naqsha utha ke koi naya shahr dhundhiye is shahr mein to sab se mulaqat ho gai

mil rahi ho bade tapak ke sath mujh ko yaksar bhula chuki ho kya

kya kahun us se ki jo baat samajhta hi nahin wo to milne ko mulaqat samajhta hi nahin

ghairon se to fursat tumhein din raat nahin hai han mere liye waqt-e-mulaqat nahin hai

na udas ho na malal kar kisi baat ka na khayal kar kai sal ba'd mile hain hum tere nam aaj ki sham hai

doston se mulaqat ki sham hai ye saza kat kar apne ghar jaunga

'faraaz' tark-e-talluq to khair kya hoga yahi bahut hai ki kam kam mila karo us se

ye mulaqat mulaqat nahin hoti hai baat hoti hai magar baat nahin hoti hai

aankh bhar aai kisi se jo mulaqat hui khushk mausam tha magar tut ke barsat hui

yun sar-e-rah mulaqat hui hai aksar us ne dekha bhi nahin hum ne pukara bhi nahin

aaj to mil ke bhi jaise na mile hon tujh se chaunk uthte the kabhi teri mulaqat se hum

sunte rahe hain aap ke ausaf sab se hum milne ka aap se kabhi mauqa nahin mila

tujh se milne ki tamanna bhi bahut hai lekin aane jaane mein kiraya bhi bahut lagta hai

muddaten guzrin mulaqat hui thi tum se phir koi aur na aaya nazar aaine mein

aaj nagah hum kisi se mile baad muddat ke zindagi se mile today i chanced on someone unexpectedly it was after ages life was face to face with me

thani thi dil mein ab na milenge kisi se hum par kya karen ki ho gae na-chaar ji se hum the couplet contrasts firm resolve with human helplessness. the speaker vows to withdraw from people—likely after emotional hurt—yet admits that the demands of life and the heart overpower that decision. “ji” (life/inner self) becomes the force that compels connection despite pride or caution. the emotional core is surrender: intention breaks under longing and necessity.

kafi nahin khutut kisi baat ke liye tashrif laiyega mulaqat ke liye

yar sab jama hue raat ki khamoshi mein koi ro kar to koi baal bana kar aaya

milna jo na ho tum ko to kah do na milenge ye kya kabhi parson hai kabhi kal hai kabhi aaj

hazar talkh hon yaaden magar wo jab bhi mile zaban pe achchhe dinon ka hi zaiqa rakhna

tu ne hi to chaha tha ki milta rahun tujh se teri yahi marzi hai to achchha nahin milta

suna hai aise bhi hote hain log duniya mein ki jin se miliye to tanhai khatm hoti hai

din bhi hai raat bhi hai subh bhi hai sham bhi hai itne waqton mein koi waqt-e-mulaqat bhi hai

kabhi milenge jo raste mein to munh phira kar palat padenge kahin sunenge jo nam tera to chup rahenge nazar jhuka ke