koi ummid bar nahin aati
koi ummid bar nahin aati
koi surat nazar nahin aati
no hope is there that now comes to light
nor is there any avenue in sight
maut ka ek din muayyan hai
niind kyuun raat bhar nahin aati
when for death a day has been ordained
what reason that i cannot sleep all night?
aage aati thi hal-e-dil pe hansi
ab kisi baat par nahin aati
nothing now could even make me smile,
i once could laugh at my heart's own plight
janta huun savab-e-taat-o-zohd
par tabiat idhar nahin aati
virtues of restraint and prayer i know
but neither do my temperament excite
hai kuchh aisi hi baat jo chup huun
varna kya baat kar nahin aati
do you think i know not how to speak?
there's something- my tongue i have to bite
kyuun na chikhun ki yaad karte hain
meri avaz gar nahin aati
when absence of my voice makes her pine
why then should i not shout with all my might?
daghh-e-dil gar nazar nahin aata
bu bhi ai chara-gar nahin aati
o healer does not any smell persist
if burning scars of heart are not in sight?
ham vahan hain jahan se ham ko bhi
kuchh hamari khabar nahin aati
i'm at a place from where no news of me
now even to myself can come to light
marte hain aarzu men marne ki
maut aati hai par nahin aati
i die yearning as i hope for death
death does come to me but then not quite
ka'ba kis munh se jaoge 'ghhalib'
sharm tum ko magar nahin aati
ghalib,what face will you to the kaabaa take
when you are not ashamed and not contrite
koi ummid bar nahin aati
koi surat nazar nahin aati
no hope is there that now comes to light
nor is there any avenue in sight
maut ka ek din muayyan hai
nind kyun raat bhar nahin aati
when for death a day has been ordained
what reason that i cannot sleep all night?
aage aati thi haal-e-dil pe hansi
ab kisi baat par nahin aati
nothing now could even make me smile,
i once could laugh at my heart's own plight
jaanta hun sawab-e-taat-o-zohd
par tabiat idhar nahin aati
virtues of restraint and prayer i know
but neither do my temperament excite
hai kuchh aisi hi baat jo chup hun
warna kya baat kar nahin aati
do you think i know not how to speak?
there's something- my tongue i have to bite
kyun na chikhun ki yaad karte hain
meri aawaz gar nahin aati
when absence of my voice makes her pine
why then should i not shout with all my might?
dagh-e-dil gar nazar nahin aata
bu bhi ai chaara-gar nahin aati
o healer does not any smell persist
if burning scars of heart are not in sight?
hum wahan hain jahan se hum ko bhi
kuchh hamari khabar nahin aati
i'm at a place from where no news of me
now even to myself can come to light
marte hain aarzu mein marne ki
maut aati hai par nahin aati
i die yearning as i hope for death
death does come to me but then not quite
ka'ba kis munh se jaoge 'ghaalib'
sharm tum ko magar nahin aati
ghalib,what face will you to the kaabaa take
when you are not ashamed and not contrite
pareshan raat sari hai sitaro tum to so jao
pareshan raat saari hai sitaro tum to so jaao
sukut-e-marg taari hai sitaro tum to so jaao
hanso aur hanste hanste dubte jaao khalaon men
hamin pe raat bhari hai sitaro tum to so jaao
hamen to aaj ki shab pau phate tak jagna hoga
yahi qismat hamari hai sitaro tum to so jaao
tumhen kya aaj bhi koi agar milne nahin aaya
ye baazi ham ne haari hai sitaro tum to so jaao
kahe jaate ho ro ro kar hamara haal duniya se
ye kaisi razdari hai sitaro tum to so jaao
hamen bhi niind aa jaegi ham bhi so hi jaenge
abhi kuchh be-qarari hai sitaro tum to so jaao
pareshan raat sari hai sitaro tum to so jao
sukut-e-marg tari hai sitaro tum to so jao
hanso aur hanste hanste dubte jao khalaon mein
hamin pe raat bhaari hai sitaro tum to so jao
hamein to aaj ki shab pau phate tak jagna hoga
yahi qismat hamari hai sitaro tum to so jao
tumhein kya aaj bhi koi agar milne nahin aaya
ye bazi hum ne haari hai sitaro tum to so jao
kahe jate ho ro ro kar hamara haal duniya se
ye kaisi raazdari hai sitaro tum to so jao
hamein bhi nind aa jaegi hum bhi so hi jaenge
abhi kuchh be-qarari hai sitaro tum to so jao
mere bare mein kuchh socho mujhe nind aa rahi hai
mire baare men kuchh socho mujhe niind aa rahi hai
mujhe zaaea na hone do mujhe niind aa rahi hai
mire andar ke dukh chehre se zahir ho rahe hain
miri tasvir mat khincho mujhe niind aa rahi hai
to kya saare gile-shikve abhi kar loge mujh se
kuchh ab kal ke liye rakkho mujhe niind aa rahi hai
sahar hogi to dekhenge ki hain kya kya masail
zara si der sone do mujhe niind aa rahi hai
tumhara kaam hai saari hisen bedar rakhna
mire shane pe sar rakkho mujhe niind aa rahi hai
bahut kuchh tum se kahna tha magar main kah na paaya
lo meri diary rakh lo mujhe niind aa rahi hai
mere bare mein kuchh socho mujhe nind aa rahi hai
mujhe zaea na hone do mujhe nind aa rahi hai
mere andar ke dukh chehre se zahir ho rahe hain
meri taswir mat khincho mujhe nind aa rahi hai
to kya sare gile-shikwe abhi kar loge mujh se
kuchh ab kal ke liye rakkho mujhe nind aa rahi hai
sahar hogi to dekhenge ki hain kya kya masail
zara si der sone do mujhe nind aa rahi hai
tumhaara kaam hai sari hisen bedar rakhna
mere shane pe sar rakkho mujhe nind aa rahi hai
bahut kuchh tum se kahna tha magar main kah na paya
lo meri diary rakh lo mujhe nind aa rahi hai
khwabon se na jao ki abhi raat bahut hai
khvabon se na jaao ki abhi raat bahut hai
pahlu men tum aao ki abhi raat bahut hai
ji bhar ke tumhen dekh luun taskin ho kuchh to
mat shama bujhao ki abhi raat bahut hai
kab pau phate kab raat kate kaun ye jaane
mat chhod ke jaao ki abhi raat bahut hai
rahne do abhi chand sa chehra mire aage
mai aur pilao ki abhi raat bahut hai
kat jaae yunhi pyaar ki baton men har ik pal
kuchh jaago jagao ki abhi raat bahut hai
khwabon se na jao ki abhi raat bahut hai
pahlu mein tum aao ki abhi raat bahut hai
ji bhar ke tumhein dekh lun taskin ho kuchh to
mat shama bujhao ki abhi raat bahut hai
kab pau phate kab raat kate kaun ye jaane
mat chhod ke jao ki abhi raat bahut hai
rahne do abhi chand sa chehra mere aage
mai aur pilao ki abhi raat bahut hai
kat jae yunhi pyar ki baaton mein har ek pal
kuchh jago jagao ki abhi raat bahut hai
wo kab aaen khuda jaane sitaro tum to so jao
vo kab aaen khuda jaane sitaro tum to so jaao
hue hain ham to divane sitaro tum to so jaao
kahan tak mujh se hamdardi kahan tak meri ghham-khvari
hazaron ghham hain anjane sitaro tum to so jaao
guzar jaegi ghham ki raat ummido to jaag uttho
sambhal jaenge divane sitaro tum to so jaao
hamen rudad-e-hasti raat bhar men khatm karni hai
na chhedo aur afsane sitaro tum to so jaao
hamare dida-e-be-khvab ko taskin kya doge
hamen luuta hai duniya ne sitaro tum to so jaao
use 'qabil' ki chashm-e-nam se derina taalluq hai
shab-e-ghham tum ko kya jaane sitaro tum to so jaao
wo kab aaen khuda jaane sitaro tum to so jao
hue hain hum to diwane sitaro tum to so jao
kahan tak mujh se hamdardi kahan tak meri gham-khwari
hazaron gham hain anjaane sitaro tum to so jao
guzar jaegi gham ki raat ummido to jag uttho
sambhal jaenge diwane sitaro tum to so jao
hamein rudad-e-hasti raat bhar mein khatm karni hai
na chhedo aur afsane sitaro tum to so jao
hamare dida-e-be-khwab ko taskin kya doge
hamein luta hai duniya ne sitaro tum to so jao
use 'qabil' ki chashm-e-nam se derina talluq hai
shab-e-gham tum ko kya jaane sitaro tum to so jao
zara si raat dhal jae to shayad nind aa jae
zara si raat dhal jaae to shayad niind aa jaae
zara sa dil bahal jaae to shayad niind aa jaae
abhi to karb hai be-chainiyan hain be-qarari hai
tabiat kuchh sambhal jaae to shayad niind aa jaae
hava ke narm jhonkon ne jagaya teri yadon ko
hava ka rukh badal jaae to shayad niind aa jaae
ye tufan ansuon ka jo umad aaya hai palkon tak
kisi surat ye tal jaae to shayad niind aa jaae
ye hansta muskurata qafila jo chand taron ka
'farah' aage nikal jaae to shayad niind aa jaae
zara si raat dhal jae to shayad nind aa jae
zara sa dil bahal jae to shayad nind aa jae
abhi to karb hai be-chainiyan hain be-qarari hai
tabiat kuchh sambhal jae to shayad nind aa jae
hawa ke narm jhonkon ne jagaya teri yaadon ko
hawa ka rukh badal jae to shayad nind aa jae
ye tufan aansuon ka jo umad aaya hai palkon tak
kisi surat ye tal jae to shayad nind aa jae
ye hansta muskuraata qafila jo chand taron ka
'farah' aage nikal jae to shayad nind aa jae
din dhala raat phir aa gai so raho so raho
din dhala raat phir aa gai so raho so raho
manzilon chha gai khamushi so raho so raho
saara din tapte suraj ki garmi men jalte rahe
thandi thandi hava phir chali so raho so raho
garm sunsan qariyon ki dharti mahakne lagi
khaak rashk-e-iram ban gai so raho so raho
razm-gah-e-jahan ban gai ja-e-aman-o-aman
hai yahi vaqt ki ragni so raho so raho
kaise sunsan hain asman chup khade hain makan
hai faza ajnabi ajnabi so raho so raho
thak gae naaqa o sarban tham gae karvan
ghantiyon ki sada so gai so raho so raho
chandni aur dhuen ke siva duur tak kuchh nahin
so gai shahr ki har gali so raho so raho
gardish-e-vaqt ki loriyan raat ki raat hain
phir kahan ye hava ye nami so raho so raho
saari basti ke log is madhur lai men khoe gae
duur bajne lagi bansuri so raho so raho
duur shakhon ke jhurmut men jugnu bhi gum ho gae
chand men so gai chandni so raho so raho
ghar ke divar-o-dar raah tak tak ke shal ho gae
ab na aaega shayad koi so raho so raho
sust raftar taare bhi ankhen jhapakne lage
ghham ke maaro ghadi do ghadi so raho so raho
munh-andhere hi 'nasir' kise dhundne chal diye
duur hai subh-e-raushan abhi so raho so raho
din dhala raat phir aa gai so raho so raho
manzilon chha gai khamushi so raho so raho
sara din tapte suraj ki garmi mein jalte rahe
thandi thandi hawa phir chali so raho so raho
garm sunsan qariyon ki dharti mahakne lagi
khak rashk-e-iram ban gai so raho so raho
razm-gah-e-jahan ban gai ja-e-aman-o-aman
hai yahi waqt ki ragni so raho so raho
kaise sunsan hain aasman chup khade hain makan
hai faza ajnabi ajnabi so raho so raho
thak gae naqa o sarban tham gae karwan
ghantiyon ki sada so gai so raho so raho
chandni aur dhuen ke siwa dur tak kuchh nahin
so gai shahr ki har gali so raho so raho
gardish-e-waqt ki loriyan raat ki raat hain
phir kahan ye hawa ye nami so raho so raho
sari basti ke log is madhur lai mein khoe gae
dur bajne lagi bansuri so raho so raho
dur shakhon ke jhurmut mein jugnu bhi gum ho gae
chand mein so gai chandni so raho so raho
ghar ke diwar-o-dar rah tak tak ke shal ho gae
ab na aaega shayad koi so raho so raho
sust raftar tare bhi aankhen jhapakne lage
gham ke maro ghadi do ghadi so raho so raho
munh-andhere hi 'nasir' kise dhundne chal diye
dur hai subh-e-raushan abhi so raho so raho
sula kar tez dhaaron ko kinaro tum na so jaana
sula kar tez dharon ko kinaro tum na so jaana
ravani zindagani hai to dharo tum na so jaana
mujhe tum ko sunani hai mukammal dastan apni
adhuri dastan sun kar sitaro tum na so jaana
tumhare daere men zindagi mahfuz rahti hai
nizam-e-bazm-e-hasti ke hisaro tum na so jaana
tumhin se jagta hai dil men ehsas-e-rava-dari
qayam-e-rabt-e-baham ke saharo tum na so jaana
agar niind aa gai tum ko to chashme suukh jaenge
kabhi ghhaflat men pad kar kohsaro tum na so jaana
tumhin se bahr-e-hasti men ravan hai kashti-e-hasti
agar sahil bhi so jaaen to dharo tum na so jaana
sada-e-dard ki khatir tumhen 'kausar' ne chheda hai
shikasta-saz ke bedar taaro tum na so jaana
sula kar tez dhaaron ko kinaro tum na so jaana
rawani zindagani hai to dhaaro tum na so jaana
mujhe tum ko sunani hai mukammal dastan apni
adhuri dastan sun kar sitaro tum na so jaana
tumhaare daere mein zindagi mahfuz rahti hai
nizam-e-bazm-e-hasti ke hisaro tum na so jaana
tumhin se jagta hai dil mein ehsas-e-rawa-dari
qayam-e-rabt-e-baham ke sahaaro tum na so jaana
agar nind aa gai tum ko to chashme sukh jaenge
kabhi ghaflat mein pad kar kohsaro tum na so jaana
tumhin se bahr-e-hasti mein rawan hai kashti-e-hasti
agar sahil bhi so jaen to dhaaro tum na so jaana
sada-e-dard ki khatir tumhein 'kausar' ne chheda hai
shikasta-saz ke bedar taro tum na so jaana
dhal chuki raat mulaqat kahan so jao
dhal chuki raat mulaqat kahan so jaao
so gaya saara jahan saara jahan so jaao
so gae vahm-o-guman vahm-o-guman so jaao
so gaya dard-e-nihan dard-e-nihan so jaao
kab talak dida-e-nam dida-e-nam dida-e-nam
kab talak ah-o-fughhan ah-o-fughhan so jaao
aah ab tuut chala tuut chala tuut chala
aah ye rishta-e-jan rishta-e-jan so jaao
uth chale dil ke makin dil ke makin dil ke makin
lut gaya saara makan saara makan so jaao
dhal chuki raat mulaqat kahan so jao
so gaya sara jahan sara jahan so jao
so gae wahm-o-guman wahm-o-guman so jao
so gaya dard-e-nihan dard-e-nihan so jao
kab talak dida-e-nam dida-e-nam dida-e-nam
kab talak aah-o-fughan aah-o-fughan so jao
aah ab tut chala tut chala tut chala
aah ye rishta-e-jaan rishta-e-jaan so jao
uth chale dil ke makin dil ke makin dil ke makin
lut gaya sara makan sara makan so jao
naqab ulta hai shamon ne sitaro tum to so jao
naqab ulta hai shamon ne sitaro tum to so jaao
karenge raqs parvane sitaro tum to so jaao
nigahon men nigah daale nashe men chuur matvale
padhenge dil ke afsane sitaro tum to so jaao
sajegi mahfil-e-yaran badan simabi jumenge
karenge raqs paimane sitaro tum to so jaao
bhatakte hain gulistan men bayabanon men sahra men
misal-e-qais divane sitaro tum to so jaao
vo baithe hain jhukae sar ada-e-dil-navazi se
lage hain khud se sharmane sitaro tum to so jaao
khuli zulfen liye vo jhiil ki janib khiraman se
barahna-pa lage aane sitaro tum to so jaao
dabae hont danton men lage hain chashm-o-mizhgan se
nazar ke tiir barsane sitaro tum to so jaao
utar kar asman se dekhiye ruthe sanam ko ab
qamar aaya hai bahlane sitaro tum to so jaao
hue hain tukde tukde ab dil-e-bismil ke ai 'kaifi'
ki hoga kya khuda jaane sitaro tum to so jaao
naqab ulta hai shamon ne sitaro tum to so jao
karenge raqs parwane sitaro tum to so jao
nigahon mein nigah dale nashe mein chur matwale
padhenge dil ke afsane sitaro tum to so jao
sajegi mahfil-e-yaran badan simabi jumenge
karenge raqs paimane sitaro tum to so jao
bhatakte hain gulistan mein bayabanon mein sahra mein
misal-e-qais diwane sitaro tum to so jao
wo baithe hain jhukae sar ada-e-dil-nawazi se
lage hain khud se sharmane sitaro tum to so jao
khuli zulfen liye wo jhil ki jaanib khiraman se
barahna-pa lage aane sitaro tum to so jao
dabae hont danton mein lage hain chashm-o-mizhgan se
nazar ke tir barsane sitaro tum to so jao
utar kar aasman se dekhiye ruthe sanam ko ab
qamar aaya hai bahlane sitaro tum to so jao
hue hain tukde tukde ab dil-e-bismil ke ai 'kaifi'
ki hoga kya khuda jaane sitaro tum to so jao
samundaron ke darmiyan so gae
samundaron ke darmiyan so gae
thake hue jahaz-ran so gae
daricha ek haule haule khul gaya
jab us gali ke sab makan so gae
sulagti dopahar men sab dukan-dar
khuli hi chhod kar dukan so gae
phir aaj ik sitara jagta raha
phir aaj saat asman so gae
hava chali khule samundaron ke biich
thakan se chuur badban so gae
sahar hui to regzar jaag utha
magar tamam sarban so gae
us aankh ki panah ab nahin nasib
palak palak vo saeban so gae
'jamal' akhir aisi adaten bhi kya
ki ghar men shaam hi se aan so gae
samundaron ke darmiyan so gae
thake hue jahaz-ran so gae
daricha ek haule haule khul gaya
jab us gali ke sab makan so gae
sulagti dopahar mein sab dukan-dar
khuli hi chhod kar dukan so gae
phir aaj ek sitara jagta raha
phir aaj sat aasman so gae
hawa chali khule samundaron ke bich
thakan se chur baadban so gae
sahar hui to regzar jag utha
magar tamam sarban so gae
us aankh ki panah ab nahin nasib
palak palak wo saeban so gae
'jamal' aakhir aisi aadaten bhi kya
ki ghar mein sham hi se aan so gae
munh kahan ye ki kahun jaiye aur so rahiye
munh kahan ye ki kahun jaiye aur so rahiye
khuub gar niind hai to aaiye aur so rahiye
takiya zaanu ka mire kijiye be-khauf-o-khatar
aap tashrif idhar laiye aur so rahiye
aaj ki chandni vo hai ki kisi shokh ke saath
khol aghhosh lipat jaiye aur so rahiye
yuun to hargiz nahin aane ki tumhen niind magar
mujh se qissa mira kahvaiye aur so rahiye
ghham raha tha miri baton ka tumhen kis kis din
munh mira aap na khulvaiye aur so rahiye
gar rahen ham bhi kahin paenti ab jaaen kahan
aap itna hamen farmaiye aur so rahiye
bakht jaage hain shab-e-mah men jo yaar hai paas
chandni takht pe bichhvaiye aur so rahiye
us ada ka huun main divana ki angdai le
mujh se kahta hai kahin jaiye aur so rahiye
dar khuda ka hai nahin aur sanam ko le kar
ek ja par tujhe dikhlaiye aur so rahiye
tapish-e-ishq ki garmi se jale jaate hain
chhanv thandi kahin tuk paiye aur so rahiye
ye bila fikr se kuchh ned hui hai 'hasan'
ji men aata hai ki kuchh khaiye aur so rahiye
munh kahan ye ki kahun jaiye aur so rahiye
khub gar nind hai to aaiye aur so rahiye
takiya zanu ka mere kijiye be-khauf-o-khatar
aap tashrif idhar laiye aur so rahiye
aaj ki chandni wo hai ki kisi shokh ke sath
khol aaghosh lipat jaiye aur so rahiye
yun to hargiz nahin aane ki tumhein nind magar
mujh se qissa mera kahwaiye aur so rahiye
gham raha tha meri baaton ka tumhein kis kis din
munh mera aap na khulwaiye aur so rahiye
gar rahen hum bhi kahin paenti ab jaen kahan
aap itna hamein farmaiye aur so rahiye
bakht jage hain shab-e-mah mein jo yar hai pas
chandni takht pe bichhwaiye aur so rahiye
us ada ka hun main diwana ki angdai le
mujh se kahta hai kahin jaiye aur so rahiye
dar khuda ka hai nahin aur sanam ko le kar
ek ja par tujhe dikhlaiye aur so rahiye
tapish-e-ishq ki garmi se jale jate hain
chhanw thandi kahin tuk paiye aur so rahiye
ye bila fikr se kuchh ned hui hai 'hasan'
ji mein aata hai ki kuchh khaiye aur so rahiye
You have reached the end.