New Year

aaj ek aur baras bit gaya us ke baghair jis ke hote hue hote the zamane mere

pichhle baras tum sath the mere aur december tha

pichhle baras tum saath the mere aur december tha mahke hue din-rat the mere aur december tha chandni-rat thi sard hava se khidki bajti thi un hathon men haath the mere aur december tha barish ki bundon se dil pe dastak hoti thi sab mausam barsat the mere aur december tha bhigi zulfen bhiga anchal niind thi ankhon men kuchh aise halat the mere aur december tha dhire dhire bhadak rahi thi atish-dan ki aag bahke hue jazbat the mere aur december tha pyaar bhari nazron se 'farah' jab us ne dekha tha bas vo hi lamhat the mere aur december tha pichhle baras tum sath the mere aur december tha mahke hue din-raat the mere aur december tha chandni-raat thi sard hawa se khidki bajti thi un hathon mein hath the mere aur december tha barish ki bundon se dil pe dastak hoti thi sab mausam barsat the mere aur december tha bhigi zulfen bhiga aanchal nind thi aankhon mein kuchh aise haalat the mere aur december tha dhire dhire bhadak rahi thi aatish-dan ki aag bahke hue jazbaat the mere aur december tha pyar bhari nazron se 'farah' jab us ne dekha tha bas wo hi lamhat the mere aur december tha

dekhiye pate hain ushshaq buton se kya faiz ek barahman ne kaha hai ki ye sal achchha hai ghalib juxtaposes the general optimism of an astrological prediction with the specific pessimism of a lover. while the brahmin predicts a 'good year' based on stars, the speaker remains skeptical, wondering if this cosmic good fortune will translate into any actual kindness from the notoriously indifferent beloveds (referred to as idols). it highlights that for a lover, luck is defined solely by the beloved's attitude.

nahin kaam rakhna koi dil lagi se yakum january se

nahin kaam rakhna koi dil lagi se yakum january se guzarna nahin ab tumhari gali se yakum january se guzishta baras sab ke nakhre uthae magar kuchh na paaya nahin mujh ko karni mohabbat kisi se yakum january se december ke akhir men apne gunahon se tauba karunga farishta hi ban jaunga aadmi se yakum january se khushi kya manaun ki dil ghham-zada hai nae saal par bhi ki ik come hua hai baras zindagi se yakum january se nahin kaam rakhna koi dil lagi se yakum january se guzarna nahin ab tumhaari gali se yakum january se guzishta baras sab ke nakhre uthae magar kuchh na paya nahin mujh ko karni mohabbat kisi se yakum january se december ke aakhir mein apne gunahon se tauba karunga farishta hi ban jaunga aadmi se yakum january se khushi kya manaun ki dil gham-zada hai nae sal par bhi ki ek come hua hai baras zindagi se yakum january se

ek sal gaya ek sal naya hai aane ko par waqt ka ab bhi hosh nahin diwane ko

tu naya hai to dikha subh nai sham nai warna in aankhon ne dekhe hain nae sal kai

na shab o roz hi badle hain na haal achchha hai kis barhaman ne kaha tha ki ye sal achchha hai

kuchh khushiyan kuchh aansu de kar tal gaya jiwan ka ek aur sunahra sal gaya

yakum january hai naya sal hai december mein puchhunga kya haal hai

na koi ranj ka lamha kisi ke pas aae khuda kare ki naya sal sab ko ras aae

kisi ko sal-e-nau ki kya mubarakbaad di jae calender ke badalne se muqaddar kab badalta hai

umr ka ek aur sal gaya waqt phir hum pe khak dal gaya

phir nae sal ki sarhad pe khade hain hum log rakh ho jaega ye sal bhi hairat kaisi

ek baras aur bit gaya kab tak khak udani hai

purane sal ki thithuri hui parchhaiyan simtin nae din ka naya suraj ufuq par uthta aata hai

ek ajnabi ke hath mein de kar hamara hath lo sath chhodne laga aakhir ye sal bhi

jis barahman ne kaha hai ki ye sal achchha hai us ko dafnao mere hath ki rekhaon mein

ek patta shajar-e-umr se lo aur gira log kahte hain mubarak ho naya sal tumhein

ye kis ne phone pe di sal-e-nau ki tahniyat mujh ko tamanna raqs karti hai takhayyul gungunata hai

nae sal mein pichhli nafrat bhula den chalo apni duniya ko jannat bana den

guzishta sal koi maslahat rahi hogi guzishta sal ke sukh ab ke sal de maula

chehre se jhad pichhle baras ki kuduraten diwar se purana calender utar de

khuda kare ki ye din bar bar aata rahe aur apne sath khushi ka khazana lata rahe

dulhan bani hui hain rahen jashn manao sal-e-nau ke

naya sal diwar par tang de purane baras ka calendar gira

pichhla baras to khun rula kar guzar gaya kya gul khilaega ye naya sal dosto

ab ke bar mil ke yun sal-e-nau manaenge ranjishen bhula kar hum nafraten mitaenge

naya sal aaya hai khushiyan manao nae aasmanon se aankhen milao

ek pal ka qurb ek baras ka phir intizar aai hai january to december chala gaya

is gae sal bade zulm hue hain mujh par ai nae sal masiha ki tarah mil mujh se