Sach

main sach kahungi magar phir bhi haar jaungi wo jhut bolega aur la-jawab kar dega

khula hai jhut ka bazar aao sach bolen

khula hai jhuut ka bazar aao sach bolen na ho bala se kharidar aao sach bolen sukut chhaya hai insaniyat ki qadron par yahi hai mauqa-e-izhar aao sach bolen hamen gavah banaya hai vaqt ne apna ba-nam-e-azmat-e-kirdar aao sach bolen suna hai vaqt ka hakim bada hi munsif hai pukar kar sar-e-darbar aao sach bolen tamam shahr men kya ek bhi nahin mansur kahenge kya rasan-o-dar aao sach bolen baja ki khu-e-vafa ek bhi hasin men nahin kahan ke ham bhi vafadar aao sach bolen jo vasf ham men nahin kyuun karen kisi men talash agar zamir hai bedar aao sach bolen chhupae se kahin chhupte hain daaghh chehre ke nazar hai aina-bardar aao sach bolen 'qatil' jin pe sada pattharon ko pyaar aaya kidhar gae vo gunahgar aao sach bolen khula hai jhut ka bazar aao sach bolen na ho bala se kharidar aao sach bolen sukut chhaya hai insaniyat ki qadron par yahi hai mauqa-e-izhaar aao sach bolen hamein gawah banaya hai waqt ne apna ba-nam-e-azmat-e-kirdar aao sach bolen suna hai waqt ka hakim bada hi munsif hai pukar kar sar-e-darbar aao sach bolen tamam shahr mein kya ek bhi nahin mansur kahenge kya rasan-o-dar aao sach bolen baja ki khu-e-wafa ek bhi hasin mein nahin kahan ke hum bhi wafadar aao sach bolen jo wasf hum mein nahin kyun karen kisi mein talash agar zamir hai bedar aao sach bolen chhupae se kahin chhupte hain dagh chehre ke nazar hai aaina-bardar aao sach bolen 'qatil' jin pe sada pattharon ko pyar aaya kidhar gae wo gunahgar aao sach bolen

sadaqat ka jo paighambar raha hai

sadaqat ka jo paighhambar raha hai vo ab sach bolne se dar raha hai kahani ho rahi hai khatm shayad koi kirdar mujh men mar raha hai zara si der ko andhi ruki hai parinda phir udanen bhar raha hai mire ahbab kho jaenge ik din mujhe ye vahm sa aksar raha hai lagi hai raushni ki shart shab se sitara jugnuon se dar raha hai sadaqat ka jo paighambar raha hai wo ab sach bolne se dar raha hai kahani ho rahi hai khatm shayad koi kirdar mujh mein mar raha hai zara si der ko aandhi ruki hai parinda phir udanen bhar raha hai mere ahbab kho jaenge ek din mujhe ye wahm sa aksar raha hai lagi hai raushni ki shart shab se sitara jugnuon se dar raha hai

jhut bola hai to qaem bhi raho us par 'zafar' aadmi ko sahab-e-kirdar hona chahiye

jo dekhta hun wahi bolne ka aadi hun main apne shahr ka sab se bada fasadi hun

tumhaari jumbish-e-lab ne kaha hai

tumhari jumbish-e-lab ne kaha hai tumhare dil men ab bhi ik khala hai zara ai dost mujh ko bhi dikhao tumhare astin men kya chhupa hai vo mil jaae hamesha dil jo chahe phir aisi zindagi men kya rakha hai jo sach bole zaban us ki katar do yahi hakim ka ab ke faisla hai miri ghhazlen purani soch ki hain mira is daur men jiina saza hai suno 'umman' meri baat maano sabhi ko raz-dan karna bura hai tumhaari jumbish-e-lab ne kaha hai tumhaare dil mein ab bhi ek khala hai zara ai dost mujh ko bhi dikhao tumhaare aastin mein kya chhupa hai wo mil jae hamesha dil jo chahe phir aisi zindagi mein kya rakha hai jo sach bole zaban us ki katar do yahi hakim ka ab ke faisla hai meri ghazlen purani soch ki hain mera is daur mein jina saza hai suno 'umman' meri baat mano sabhi ko raaz-dan karna bura hai

sadiq hun apne qaul ka 'ghaalib' khuda gawah kahta hun sach ki jhut ki aadat nahin mujhe the couplet is a firm declaration of honesty: the speaker claims consistency between word and intent. by invoking god as witness, he turns a personal claim into a moral oath, stressing accountability beyond people’s opinions. emotionally it carries pride and clarity—he presents truth-telling as a settled character, not an occasional choice.

ji bahut chahta hai sach bolen kya karen hausla nahin hota i want to speak only what's true but courage fails, what can i do

jhut wale kahin se kahin badh gae aur main tha ki sach bolta rah gaya

zahr mitha ho to pine mein maza aata hai baat sach kahiye magar yun ki haqiqat na lage

aasmanon se farishte jo utare jaen wo bhi is daur mein sach bolen to mare jaen

ishq mein kaun bata sakta hai kis ne kis se sach bola hai

itna sach bol ki honton ka tabassum na bujhe raushni khatm na kar aage andhera hoga

ek ek baat mein sachchai hai us ki lekin apne wadon se mukar jaane ko ji chahta hai

raat ko raat kah diya main ne sunte hi baukhla gai duniya

sadaqat ho to dil sinon se khinchne lagte hain waiz haqiqat khud ko manwa leti hai mani nahin jati

sach ke saude mein na padna ki khasara hoga jo hua haal hamara so tumhaara hoga

kuchh log jo khamosh hain ye soch rahe hain sach bolenge jab sach ke zara dam badhenge

samjha hai haq ko apne hi jaanib har ek shakhs ye chand us ke sath chala jo jidhar gaya

jinhen ye fikr nahin sar rahe rahe na rahe wo sach hi kahte hain jab bolne pe aate hain

waqia kuchh bhi ho sach kahne mein ruswai hai kyun na khamosh rahun ahl-e-nazar kahlaun

wo kam-sukhan tha magar aisa kam-sukhan bhi na tha ki sach hi bolta tha jab bhi bolta tha bahut

main us se jhut bhi bolun to mujh se sach bole mere mizaj ke sab mausamon ka sathi ho

wafa ke shahr mein ab log jhut bolte hain tu aa raha hai magar sach ko manta hai to aa

har haqiqat hai ek husn 'hafiz' aur har husn ek haqiqat hai

main sach to bolta hun magar ai khuda-e-harf tu jis mein sochta hai mujhe wo zaban de

kis kaam ki aisi sachchai jo tod de ummiden dil ki thodi si tasalli ho to gai mana ki wo bol ke jhut gaya

kahiye jo jhut to hum hote hain kah ke ruswa sach kahiye to zamana yaro nahin hai sach ka

baat sach hai sach kahunga har ghadi har mod par lakh aae zindagi mein chahe dushwari mujhe

faqat ki thi himayat sach ki main ne ye duniya jaan ki dushman hai sahab