Bahana

justuju jis ki thi us ko to na paya hum ne is bahane se magar dekh li duniya hum ne

jis taraf tu hai udhar hongi sabhi ki nazren id ke chand ka didar bahana hi sahi

bahane aur bhi hote jo zindagi ke liye hum ek bar teri aarzu bhi kho dete

meri zindagi to guzri tere hijr ke sahaare meri maut ko bhi pyare koi chahiye bahana

wo puchhta tha meri aankh bhigne ka sabab mujhe bahana banana bhi to nahin aaya

yunhi dil ne chaha tha rona-rulana teri yaad to ban gai ek bahana

hamein to khair bikharna hi tha kabhi na kabhi hawa-e-taza ka jhonka bahana ho gaya hai

bahana dhundte rahte hain koi rone ka hamein ye shauq hai kya aastin bhigone ka

tamasha-e-dair-o-haram dekhte hain tujhe har bahane se hum dekhte hain the lover claims to be roaming between “dair” (temple) and “haram” (the sacred sanctuary), as if on a religious or cultural outing. but this is only a veil: every journey and every ‘spectacle’ is a pretext to catch a glimpse of the beloved. the couplet fuses sacred spaces with romantic desire, showing how obsession turns the whole world into a route toward one face.

talash ek bahana tha khak udane ka pata chala ki hamein justuju-e-yar na thi

shairi jhut sahi ishq fasana hi sahi zinda rahne ke liye koi bahana hi sahi

kisi ke ek ishaare mein kis ko kya na mila bashar ko zist mili maut ko bahana mila

sataya aaj munasib jagah pe barish ne isi bahane thahar jaen us ka ghar hai yahan

sach to ye hai phul ka dil bhi chhalni hai hansta chehra ek bahana lagta hai

pas-e-ghubar bhi udta ghubar apna tha tere bahane hamein intizar apna tha

bahana mil na jae bijliyon ko tut padne ka kaleja kanpta hai aashiyan ko aashiyan kahte

kabhi kabhi arz-e-gham ki khatir hum ek bahana bhi chahte hain jab aansuon se bhari hon aankhen to muskurana bhi chahte hain

uthaya us ne bida qatl ka kuchh dil mein thana hai chabana pan ka bhi khun bahane ka bahana hai

khamoshi meri lai mein gungunana chahti hai kisi se baat karne ka bahana chahti hai

junun ka koi fasana to hath aane do main ro padunga bahana to hath aane do

kisi ke jaur-o-sitam ka to ek bahana tha hamare dil ko bahar-haal tut jaana tha

wo be-khudi thi mohabbat ki be-rukhi to na thi pe us ko tark-e-talluq ko ek bahana hua

ik-adh bar to jaan warni hi padti hai mohabbaten hon to banta nahin bahana koi

ab kisi aur taraf baat ghumane wale main samajhti hun teri baat ka matlab samjhe

koi sada koi aawaza-e-jaras hi sahi koi bahana ki hum jaan nisar karte rahen

ek bahana chahiye un ko bigadne ke liye main ne zulfon ki balaen lin mere sar ho gae

qasid ko us ne jate hi rukhsat kiya tha lek bad-zat mandgi ke bahane se rah gaya

wo aana chahta hai mere dil mein magar koi bahana chahta hai

din chadh aaya kyon nahin aae jaen un se puchh aaen lekin un ke pas to ai dil koi bahana hoga hi