sarfaroshi ki tamanna ab hamare dil mein hai
sarfaroshi ki tamanna ab hamare dil men hai
dekhna hai zor kitna bazu-e-qatil men hai
ai shahid-e-mulk-o-millat main tire uupar nisar
le tiri himmat ka charcha ghhair ki mahfil men hai
vaae qismat paanv ki ai zoaf kuchh chalti nahin
karvan apna abhi tak pahli hi manzil men hai
rahrav-e-rah-e-mohabbat rah na jaana raah men
lazzat-e-sahra-navardi duri-e-manzil men hai
shauq se rah-e-mohabbat ki musibat jhel le
ik khushi ka raaz pinhan jada-e-manzil men hai
aaj phir maqtal men qatil kah raha hai baar baar
aaen vo shauq-e-shahadat jin ke jin ke dil men hai
marne vaalo aao ab gardan katao shauq se
ye ghhanimat vaqt hai khanjar kaf-e-qatil men hai
mane-e-izhar tum ko hai haya, ham ko adab
kuchh tumhare dil ke andar kuchh hamare dil men hai
mai-kada sunsan khum ulte pade hain jaam chuur
sar-nigun baitha hai saaqi jo tiri mahfil men hai
vaqt aane de dikha denge tujhe ai asman
ham abhi se kyuun bataen kya hamare dil men hai
ab na agle valvale hain aur na vo arman ki bhiid
sirf mit jaane ki ik hasrat dil-e-'bismil' men hai
sarfaroshi ki tamanna ab hamare dil mein hai
dekhna hai zor kitna bazu-e-qatil mein hai
ai shahid-e-mulk-o-millat main tere upar nisar
le teri himmat ka charcha ghair ki mahfil mein hai
wae qismat panw ki ai zoaf kuchh chalti nahin
karwan apna abhi tak pahli hi manzil mein hai
rahraw-e-rah-e-mohabbat rah na jaana rah mein
lazzat-e-sahra-nawardi duri-e-manzil mein hai
shauq se rah-e-mohabbat ki musibat jhel le
ek khushi ka raaz pinhan jada-e-manzil mein hai
aaj phir maqtal mein qatil kah raha hai bar bar
aaen wo shauq-e-shahadat jin ke jin ke dil mein hai
marne walo aao ab gardan katao shauq se
ye ghanimat waqt hai khanjar kaf-e-qatil mein hai
mane-e-izhaar tum ko hai haya, hum ko adab
kuchh tumhaare dil ke andar kuchh hamare dil mein hai
mai-kada sunsan khum ulte pade hain jam chur
sar-nigun baitha hai saqi jo teri mahfil mein hai
waqt aane de dikha denge tujhe ai aasman
hum abhi se kyun bataen kya hamare dil mein hai
ab na agle walwale hain aur na wo arman ki bhid
sirf mit jaane ki ek hasrat dil-e-'bismil' mein hai
kab yaad mein tera sath nahin kab hat mein tera hat nahin
kab yaad men tera saath nahin kab haat men tera haat nahin
sad-shukr ki apni raton men ab hijr ki koi raat nahin
mushkil hain agar halat vahan dil bech aaen jaan de aaen
dil vaalo kucha-e-janan men kya aise bhi halat nahin
jis dhaj se koi maqtal men gaya vo shaan salamat rahti hai
ye jaan to aani jaani hai is jaan ki to koi baat nahin
maidan-e-vafa darbar nahin yaan nam-o-nasab ki puchh kahan
ashiq to kisi ka naam nahin kuchh ishq kisi ki zaat nahin
gar baazi ishq ki baazi hai jo chaho laga do dar kaisa
gar jiit gae to kya kahna haare bhi to baazi maat nahin
kab yaad mein tera sath nahin kab hat mein tera hat nahin
sad-shukr ki apni raaton mein ab hijr ki koi raat nahin
mushkil hain agar haalat wahan dil bech aaen jaan de aaen
dil walo kucha-e-jaanan mein kya aise bhi haalat nahin
jis dhaj se koi maqtal mein gaya wo shan salamat rahti hai
ye jaan to aani jaani hai is jaan ki to koi baat nahin
maidan-e-wafa darbar nahin yan nam-o-nasab ki puchh kahan
aashiq to kisi ka nam nahin kuchh ishq kisi ki zat nahin
gar bazi ishq ki bazi hai jo chaho laga do dar kaisa
gar jit gae to kya kahna haare bhi to bazi mat nahin
har tarah ke jazbaat ka elan hain aankhen
har tarah ke jazbat ka elaan hain ankhen
shabnam kabhi shoala kabhi tufan hain ankhen
ankhon se badi koi tarazu nahin hoti
tulta hai bashar jis men vo mizan hain ankhen
ankhen hi milati hain zamane men dilon ko
anjan hain ham tum agar anjan hain ankhen
lab kuchh bhi kahen is se haqiqat nahin khulti
insan ke sach jhuut ki pahchan hain ankhen
ankhen na jhukin teri kisi ghhair ke aage
duniya men badi chiiz miri jaan! hain ankhen
har tarah ke jazbaat ka elan hain aankhen
shabnam kabhi shoala kabhi tufan hain aankhen
aankhon se badi koi taraazu nahin hoti
tulta hai bashar jis mein wo mizan hain aankhen
aankhen hi milati hain zamane mein dilon ko
anjaan hain hum tum agar anjaan hain aankhen
lab kuchh bhi kahen is se haqiqat nahin khulti
insan ke sach jhut ki pahchan hain aankhen
aankhen na jhukin teri kisi ghair ke aage
duniya mein badi chiz meri jaan! hain aankhen
aabaad rahenge virane shadab rahengi zanjiren
abad rahenge virane shadab rahengi zanjiren
jab tak divane zinda hain phulengi phalengi zanjiren
azadi ka darvaza bhi khud hi kholengi zanjiren
tukde tukde ho jaengi jab had se badhengi zanjiren
jab sab ke lab sil jaenge hathon se qalam chhin jaenge
batil se loha lene ka elaan karengi zanjiren
andhon bahron ki nagri men yuun kaun tavajjoh karta hai
mahaul sunega dekhega jis vaqt bajengi zanjiren
jo zanjiron se bahar hain azad unhen bhi mat samjho
jab haath katenge zalim ke us vaqt katengi zanjiren
aabaad rahenge virane shadab rahengi zanjiren
jab tak diwane zinda hain phulengi phalengi zanjiren
aazadi ka darwaza bhi khud hi kholengi zanjiren
tukde tukde ho jaengi jab had se badhengi zanjiren
jab sab ke lab sil jaenge hathon se qalam chhin jaenge
baatil se loha lene ka elan karengi zanjiren
andhon bahron ki nagri mein yun kaun tawajjoh karta hai
mahaul sunega dekhega jis waqt bajengi zanjiren
jo zanjiron se bahar hain aazad unhen bhi mat samjho
jab hath katenge zalim ke us waqt katengi zanjiren
wo shakhs ki main jis se mohabbat nahin karta
vo shakhs ki main jis se mohabbat nahin karta
hansta hai mujhe dekh ke nafrat nahin karta
pakda hi gaya huun to mujhe daar pe khincho
sachcha huun magar apni vakalat nahin karta
kyuun bakhsh diya mujh se gunahgar ko maula
munsif to kisi se bhi riayat nahin karta
ghar valon ko ghhaflat pe sabhi kos rahe hain
choron ko magar koi malamat nahin karta
kis qaum ke dil men nahin jazbat-e-barahim
kis mulk pe namrud hukumat nahin karta
dete hain ujale mire sajdon ki gavahi
main chhup ke andhere men ibadat nahin karta
bhula nahin main aaj bhi adab-e-javani
main aaj bhi auron ko nasihat nahin karta
insan ye samjhen ki yahan dafn khuda hai
main aise mazaron ki ziyarat nahin karta
duniya men 'qatil' us sa munafiq nahin koi
jo zulm to sahta hai baghhavat nahin karta
wo shakhs ki main jis se mohabbat nahin karta
hansta hai mujhe dekh ke nafrat nahin karta
pakda hi gaya hun to mujhe dar pe khincho
sachcha hun magar apni wakalat nahin karta
kyun bakhsh diya mujh se gunahgar ko maula
munsif to kisi se bhi riayat nahin karta
ghar walon ko ghaflat pe sabhi kos rahe hain
choron ko magar koi malamat nahin karta
kis qaum ke dil mein nahin jazbaat-e-barahim
kis mulk pe namrud hukumat nahin karta
dete hain ujale mere sajdon ki gawahi
main chhup ke andhere mein ibaadat nahin karta
bhula nahin main aaj bhi aadab-e-jawani
main aaj bhi auron ko nasihat nahin karta
insan ye samjhen ki yahan dafn khuda hai
main aise mazaron ki ziyarat nahin karta
duniya mein 'qatil' us sa munafiq nahin koi
jo zulm to sahta hai baghawat nahin karta
jala ke mishal-e-jaan hum junun-sifat chale
jala ke mishal-e-jan ham junun-sifat chale
jo ghar ko aag lagae hamare saath chale
dayar-e-sham nahin manzil-e-sahar bhi nahin
ajab nagar hai yahan din chale na raat chale
hamare lab na sahi vo dahan-e-zakhm sahi
vahin pahunchti hai yaaro kahin se baat chale
sutun-e-dar pe rakhte chalo saron ke charaghh
jahan talak ye sitam ki siyah raat chale
hua asiir koi ham-nava to duur talak
ba-pas-e-tarz-e-nava ham bhi saath saath chale
bacha ke laae ham ai yaar phir bhi naqd-e-vafa
agarche lutte rahe rahzanon ke haath chale
phir aai fasl ki manind barg-e-avara
hamare naam gulon ke muraslat chale
qatar-e-shisha hai ya karvan-e-ham-safaran
khiram-e-jam hai ya jaise kaenat chale
bhula hi baithe jab ahl-e-haram to ai 'majruh'
baghhal men ham bhi liye ik sanam ka haath chale
jala ke mishal-e-jaan hum junun-sifat chale
jo ghar ko aag lagae hamare sath chale
dayar-e-sham nahin manzil-e-sahar bhi nahin
ajab nagar hai yahan din chale na raat chale
hamare lab na sahi wo dahan-e-zakhm sahi
wahin pahunchti hai yaro kahin se baat chale
sutun-e-dar pe rakhte chalo saron ke charagh
jahan talak ye sitam ki siyah raat chale
hua asir koi ham-nawa to dur talak
ba-pas-e-tarz-e-nawa hum bhi sath sath chale
bacha ke lae hum ai yar phir bhi naqd-e-wafa
agarche lutte rahe rahzanon ke hath chale
phir aai fasl ki manind barg-e-awara
hamare nam gulon ke muraslat chale
qatar-e-shisha hai ya karwan-e-ham-safaran
khiram-e-jam hai ya jaise kaenat chale
bhula hi baithe jab ahl-e-haram to ai 'majruh'
baghal mein hum bhi liye ek sanam ka hath chale
ishq ke shoale ko bhadkao ki kuchh raat kate
ishq ke shoale ko bhadkao ki kuchh raat kate
dil ke angare ko dahkao ki kuchh raat kate
hijr men milne shab-e-mah ke ghham aae hain
charasazon ko bhi bulvao ki kuchh raat kate
koi jalta hi nahin koi pighalta hi nahin
mom ban jaao pighal jaao ki kuchh raat kate
chashm o rukhsar ke azkar ko jaari rakkho
pyaar ke naame ko doharao ki kuchh raat kate
aaj ho jaane do har ek ko bad-mast-o-kharab
aaj ek ek ko pilvao ki kuchh raat kate
koh-e-ghham aur giran aur giran aur giran
ghham-zado teshe ko chamkao ki kuchh raat kate
ishq ke shoale ko bhadkao ki kuchh raat kate
dil ke angare ko dahkao ki kuchh raat kate
hijr mein milne shab-e-mah ke gham aae hain
chaarasazon ko bhi bulwao ki kuchh raat kate
koi jalta hi nahin koi pighalta hi nahin
mom ban jao pighal jao ki kuchh raat kate
chashm o rukhsar ke azkar ko jari rakkho
pyar ke name ko doharao ki kuchh raat kate
aaj ho jaane do har ek ko bad-mast-o-kharab
aaj ek ek ko pilwao ki kuchh raat kate
koh-e-gham aur giran aur giran aur giran
gham-zado teshe ko chamkao ki kuchh raat kate
har ek ghar mein diya bhi jale anaj bhi ho
har ek ghar men diya bhi jale anaaj bhi ho
agar na ho kahin aisa to ehtijaj bhi ho
rahegi vaadon men kab tak asiir khush-hali
har ek baar hi kal kyuun kabhi to aaj bhi ho
na karte shor-sharaba to aur kya karte
tumhare shahr men kuchh aur kam-kaj bhi ho
hukumaton ko badalna to kuchh muhal nahin
hukumaten jo badalta hai vo samaj bhi ho
badal rahe hain kai aadmi darindon men
maraz purana hai is ka naya ilaaj bhi ho
akele ghham se nai shairi nahin hoti
zaban-e-'mir' men 'ghhalib' ka imtizaj bhi ho
har ek ghar mein diya bhi jale anaj bhi ho
agar na ho kahin aisa to ehtijaj bhi ho
rahegi wadon mein kab tak asir khush-haali
har ek bar hi kal kyun kabhi to aaj bhi ho
na karte shor-sharaba to aur kya karte
tumhaare shahr mein kuchh aur kaam-kaj bhi ho
hukumaton ko badalna to kuchh muhaal nahin
hukumaten jo badalta hai wo samaj bhi ho
badal rahe hain kai aadmi darindon mein
maraz purana hai is ka naya ilaj bhi ho
akele gham se nai shairi nahin hoti
zaban-e-'mir' mein 'ghaalib' ka imtizaj bhi ho
masti-e-rindana hum sairabi-e-mai-khana hum
masti-e-rindana ham sairabi-e-mai-khana ham
gardish-e-taqdir se hain gardish-e-paimana ham
khun-e-dil se chashm-e-tar tak chashm-e-tar se ta-ba-khak
kar gae akhir gul-o-gulzar har virana ham
kya bala jabr-e-asiri hai ki azadi men bhi
dosh par apne liye phirte hain zindan-khana ham
raah men faujon ke pahre sar pe talvaron ki chhanv
aae hain zindan men bhi ba-shaukat-e-shahana ham
mitte mitte de gae ham zindagi ko rang-o-nur
rafta rafta ban gae is ahd ka afsana ham
ya jaga dete hain zarron ke dilon men mai-kade
ya bana lete hain mehr-o-mah ko paimana ham
qaid ho kar aur bhi zindan men udta hai khayal
raqs zanjiron men bhi karte hain azadana ham
masti-e-rindana hum sairabi-e-mai-khana hum
gardish-e-taqdir se hain gardish-e-paimana hum
khun-e-dil se chashm-e-tar tak chashm-e-tar se ta-ba-khak
kar gae aakhir gul-o-gulzar har virana hum
kya bala jabr-e-asiri hai ki aazadi mein bhi
dosh par apne liye phirte hain zindan-khana hum
rah mein faujon ke pahre sar pe talwaron ki chhanw
aae hain zindan mein bhi ba-shaukat-e-shahana hum
mitte mitte de gae hum zindagi ko rang-o-nur
rafta rafta ban gae is ahd ka afsana hum
ya jaga dete hain zarron ke dilon mein mai-kade
ya bana lete hain mehr-o-mah ko paimana hum
qaid ho kar aur bhi zindan mein udta hai khayal
raqs zanjiron mein bhi karte hain aazadana hum
aao koi tafrih ka saman kiya jae
aao koi tafrih ka saman kiya jaae
phir se kisi vaaiz ko pareshan kiya jaae
be-laghhzish-e-pa mast huun un ankhon se pi kar
yuun mohtasib-e-shahr ko hairan kiya jaae
har shai se muqaddas hai khayalat ka rishta
kyuun maslahaton par use qurban kiya jaae
muflis ke badan ko bhi hai chadar ki zarurat
ab khul ke mazaron pe ye elaan kiya jaae
vo shakhs jo divanon ki izzat nahin karta
us shakhs ka bhi chaak gareban kiya jaae
pahle bhi 'qatil' ankhon ne khaae kai dhoke
ab aur na binai ka nuqsan kiya jaae
aao koi tafrih ka saman kiya jae
phir se kisi waiz ko pareshan kiya jae
be-laghzish-e-pa mast hun un aankhon se pi kar
yun mohtasib-e-shahr ko hairan kiya jae
har shai se muqaddas hai khayalat ka rishta
kyun maslahaton par use qurban kiya jae
muflis ke badan ko bhi hai chadar ki zarurat
ab khul ke mazaron pe ye elan kiya jae
wo shakhs jo diwanon ki izzat nahin karta
us shakhs ka bhi chaak gareban kiya jae
pahle bhi 'qatil' aankhon ne khae kai dhoke
ab aur na binai ka nuqsan kiya jae
nai subh chahte hain nai sham chahte hain
nai subh chahte hain nai shaam chahte hain
jo ye roz o shab badal de vo nizam chahte hain
vahi shaah chahte hain jo ghhulam chahte hain
koi chahta hi kab hai jo avaam chahte hain
isi baat par hain barham ye sitamgaran-e-alam
ki jo chhin gaya hai ham se vo maqam chahte hain
kise harf-e-haq sunaun ki yahan to us ko sunna
na khavas chahte hain na avaam chahte hain
ye nahin ki tu ne bheja hi nahin payam koi
magar ik vahi na aaya jo payam chahte hain
tiri raah dekhti hain miri tishna-kam ankhen
tire jalve mere ghar ke dar-o-bam chahte hain
vo kitab-e-zindagi hi na hui murattab ab tak
ki ham intisab jis ka tire naam chahte hain
na murad hogi puuri kabhi un shikariyon ki
mujhe dekhna jo 'zahid' tah-e-dam chahte hain
nai subh chahte hain nai sham chahte hain
jo ye roz o shab badal de wo nizam chahte hain
wahi shah chahte hain jo ghulam chahte hain
koi chahta hi kab hai jo awam chahte hain
isi baat par hain barham ye sitamgaran-e-alam
ki jo chhin gaya hai hum se wo maqam chahte hain
kise harf-e-haq sunaun ki yahan to us ko sunna
na khawas chahte hain na awam chahte hain
ye nahin ki tu ne bheja hi nahin payam koi
magar ek wahi na aaya jo payam chahte hain
teri rah dekhti hain meri tishna-kaam aankhen
tere jalwe mere ghar ke dar-o-baam chahte hain
wo kitab-e-zindagi hi na hui murattab ab tak
ki hum intisab jis ka tere nam chahte hain
na murad hogi puri kabhi un shikariyon ki
mujhe dekhna jo 'zahid' tah-e-dam chahte hain
ghabraen hawadis se kya hum jine ke sahaare niklenge
ghabraen havadis se kya ham jiine ke sahare niklenge
dubega agar ye suraj bhi to chand sitare niklenge
andaz-e-zamana kahta hai phir mauj-e-hava rukh badlegi
angaron se gulshan phutega shabnam se sharare niklenge
firdaus-e-nazar ke divane tarik faza se kya darna
tu sham-e-nazar ko tez to kar zulmat se nazare niklenge
anjam-e-kashakash hoga kuchh dekhen to tamasha divane
ya khaak udegi gardun par ya farsh pe taare niklenge
'masrur' karen ahl-e-sahil kuchh fikr na himmat valon ki
dubenge safine jitne bhi ik din vo kinare niklenge
ghabraen hawadis se kya hum jine ke sahaare niklenge
dubega agar ye suraj bhi to chand sitare niklenge
andaz-e-zamana kahta hai phir mauj-e-hawa rukh badlegi
angaron se gulshan phutega shabnam se sharare niklenge
firdaus-e-nazar ke diwane tarik faza se kya darna
tu sham-e-nazar ko tez to kar zulmat se nazare niklenge
anjam-e-kashakash hoga kuchh dekhen to tamasha diwane
ya khak udegi gardun par ya farsh pe tare niklenge
'masrur' karen ahl-e-sahil kuchh fikr na himmat walon ki
dubenge safine jitne bhi ek din wo kinare niklenge
khirad walo junun walon ke viranon mein aa jao
khirad vaalo junun valon ke viranon men aa jaao
dilon ke baaghh zakhmon ke gulistanon men aa jaao
ye daman o gareban ab salamat rah nahin sakte
abhi tak kuchh nahin bigda hai divanon men aa jaao
sitam ki teghh khud dast-e-sitam ko kaat deti hai
sitam-rano tum ab apne aza-khanon men aa jaao
ye kab tak sard lashen be-hisi ke barf-khanon men
charaghh-e-dard se raushan shabistanon men aa jaao
ye kab tak sim-o-zar ke jangalon men mashk-e-khun-khvari
ye insanon ki basti hai ab insanon men aa jaao
kabhi shabnam ka qatra ban ke chamko lala-o-gul par
kabhi dariyaon ki surat bayabanon men aa jaao
hava hai sakht ab ashkon ke parcham ud nahin sakte
lahu ke surkh parcham le ke maidanon men aa jaao
jarahat-khana-e-dil hai talash-e-rang-o-nikhat men
kahan ho ai gulistano garebanon men aa jaao
zamana kar raha hai ehtimam-e-jashn-e-bedari
gareban chaak kar ke shoala-damanon men aa jaao
khirad walo junun walon ke viranon mein aa jao
dilon ke bagh zakhmon ke gulistanon mein aa jao
ye daman o gareban ab salamat rah nahin sakte
abhi tak kuchh nahin bigda hai diwanon mein aa jao
sitam ki tegh khud dast-e-sitam ko kat deti hai
sitam-rano tum ab apne aza-khanon mein aa jao
ye kab tak sard lashen be-hisi ke barf-khanon mein
charagh-e-dard se raushan shabistanon mein aa jao
ye kab tak sim-o-zar ke jangalon mein mashk-e-khun-khwari
ye insanon ki basti hai ab insanon mein aa jao
kabhi shabnam ka qatra ban ke chamko lala-o-gul par
kabhi dariyaon ki surat bayabanon mein aa jao
hawa hai sakht ab ashkon ke parcham ud nahin sakte
lahu ke surkh parcham le ke maidanon mein aa jao
jarahat-khana-e-dil hai talash-e-rang-o-nikhat mein
kahan ho ai gulistano garebanon mein aa jao
zamana kar raha hai ehtimam-e-jashn-e-bedari
gareban chaak kar ke shoala-damanon mein aa jao
ab nau-khirad jawan hai uljha junun se
ab nau-khirad javan hai uljha junun se
tum ko shikast dega vo 'ilm-o-funun se
khulti nahin girah jo lagai ho vaqt ne
bach ke guzar saka na koi is fusun se
becha zamir ham ne to ik chikh si uthi
ye akhri pukar thi dil ke darun se
dharti pe zakhm boe the ugte kahan se gul
maqtal ko ham ne sincha hai apne hi khuun se
zalim kisi bhi daur ka ho bhulta nahin
dekho yazid yaad hai kitne qurun se
'saulat' hai koi saaya ki aaseb shahr par
sote nahin hain log yahan par sukun se
ab nau-khirad jawan hai uljha junun se
tum ko shikast dega wo 'ilm-o-funun se
khulti nahin girah jo lagai ho waqt ne
bach ke guzar saka na koi is fusun se
becha zamir hum ne to ek chikh si uthi
ye aakhri pukar thi dil ke darun se
dharti pe zakhm boe the ugte kahan se gul
maqtal ko hum ne sincha hai apne hi khun se
zalim kisi bhi daur ka ho bhulta nahin
dekho yazid yaad hai kitne qurun se
'saulat' hai koi saya ki aaseb shahr par
sote nahin hain log yahan par sukun se
hain to mazlum magar tegh utha sakte hain
hain to mazlum magar teghh utha sakte hain
zulm aur jabr ko mitti men mila sakte hain
hakim-e-vaqt ke pairon men pade hain buzdil
kis tarah haq ki ye avaz utha sakte hain
aap ke vaste qurban to ho jaun magar
aap ik lamhe men ehsan bhula sakte hain
apne honton pe mohabbat ka tabassum rakh kar
aap chahen jise divana bana sakte hain
jitne bhi gunge hain vo bolne lag jaaen agar
ek zalim ko ye masnad se utha sakte hain
bas yahi baat ki vo pahli mohabbat hai 'nizam'
varna ham to use auqat dikha sakte hain
hain to mazlum magar tegh utha sakte hain
zulm aur jabr ko mitti mein mila sakte hain
hakim-e-waqt ke pairon mein pade hain buzdil
kis tarah haq ki ye aawaz utha sakte hain
aap ke waste qurban to ho jaun magar
aap ek lamhe mein ehsan bhula sakte hain
apne honton pe mohabbat ka tabassum rakh kar
aap chahen jise diwana bana sakte hain
jitne bhi gunge hain wo bolne lag jaen agar
ek zalim ko ye masnad se utha sakte hain
bas yahi baat ki wo pahli mohabbat hai 'nizam'
warna hum to use auqat dikha sakte hain
lamhat mein barson se mahinon se ladenge
lamhat men barson se mahinon se ladenge
ham jab bhi laden yaar qarinon se ladenge
tarikh ke mathe pe hai likkha hua dekho
bimar badan shah ke khazinon se ladenge
sarmae se barud kharidega muqabil
mazdur to mehnat ke pasinon se ladenge
mat mod mashinon se mire shahr ka paani
jazbat jo biphre to mashinon se ladenge
ye jabr ka ye jahl ka ye zar ka tasallut
tum dekhna ik vaqt men tinon se ladenge
'ashron ke tadabbur ne yahi hukm sunaya
ab khak-nashin takht-nashinon se ladenge
ham log nae she'r ki takhliq ki khatir
firdaus men bhi zohra-jabinon se ladenge
lamhat mein barson se mahinon se ladenge
hum jab bhi laden yar qarinon se ladenge
tarikh ke mathe pe hai likkha hua dekho
bimar badan shah ke khazinon se ladenge
sarmae se barud kharidega muqabil
mazdur to mehnat ke pasinon se ladenge
mat mod mashinon se mere shahr ka pani
jazbaat jo biphre to mashinon se ladenge
ye jabr ka ye jahl ka ye zar ka tasallut
tum dekhna ek waqt mein tinon se ladenge
'ashron ke tadabbur ne yahi hukm sunaya
ab khak-nashin takht-nashinon se ladenge
hum log nae she'r ki takhliq ki khatir
firdaus mein bhi zohra-jabinon se ladenge
You have reached the end.