Inquilab

zulm phir zulm hai badhta hai to mit jata hai khun phir khun hai tapkega to jam jaega

hum amn chahte hain magar zulm ke khilaf gar jang lazmi hai to phir jang hi sahi

hum parwarish-e-lauh-o-qalam karte rahenge jo dil pe guzarti hai raqam karte rahenge we will nourish the pen and tablet; we will tend them ever we will write what the heart suffers; we will defend them ever

mere sine mein nahin to tere sine mein sahi ho kahin bhi aag lekin aag jalni chahiye

kuchh usulon ka nasha tha kuchh muqaddas khwab the har zamane mein shahadat ke yahi asbab the translation intoxication of the principles, and pious dreams were some, in every age these alone were the reasons for martyrdom. sagar akbarabadi

koi to sud chukae koi to zimma le us inqalab ka jo aaj tak udhaar sa hai

duniya mein wahi shakhs hai tazim ke qabil jis shakhs ne haalat ka rukh mod diya ho only such a person is praiseworthy perchance who has altered the aspect of adverse circumstance

rang-e-mahfil chahta hai ek mukammal inqalab chand shamon ke bhadakne se sahar hoti nahin

kaam hai mera taghayyur nam hai mera shabab mera nara inqilab o inqilab o inqilab

sutun-e-dar pe rakhte chalo saron ke charagh jahan talak ye sitam ki siyah raat chale

inqalab aaega raftar se mayus na ho bahut aahista nahin hai jo bahut tez nahin

dekh raftar-e-inqalab 'firaq' kitni aahista aur kitni tez the couplet points to the paradoxical rhythm of real change: outwardly it may crawl for long stretches, but when conditions ripen it can surge rapidly. “revolution” here stands for deep social or inner transformation, whose motion is uneven and surprising. the emotional core is wonder mixed with alertness—an invitation to watch time’s hidden work and its sudden leaps.

ye kah rahi hai ishaaron mein gardish-e-gardun ki jald hum koi sakht inqalab dekhenge

inqalab-e-subh ki kuchh kam nahin ye bhi dalil pattharon ko de rahe hain aaine khul kar jawab

inqilabon ki ghadi hai har nahin han se badi hai

bahut barbaad hain lekin sada-e-inqalab aae wahin se wo pukar uthega jo zarra jahan hoga

inqilabaat-e-dahr ki buniyaad haq jo haqdar tak nahin pahuncha

ai inqalab-e-nau teri raftar dekh kar khud hum bhi sochte hain ki ab tak kahan rahe

jo ek pal ke liye khud badal nahin sakte ye kah rahe hain ki sara jahan badal dalo