Manzil

main akela hi chala tha jaanib-e-manzil magar log sath aate gae aur karwan banta gaya

kisi ko ghar se nikalte hi mil gai manzil koi hamari tarah umr bhar safar mein raha

jis din se chala hun meri manzil pe nazar hai aankhon ne kabhi mil ka patthar nahin dekha

sirf ek qadam utha tha ghalat rah-e-shauq mein manzil tamam umr mujhe dhundhti rahi

uqabi ruh jab bedar hoti hai jawanon mein nazar aati hai un ko apni manzil aasmanon mein allama iqbal uses the “eagle” as a metaphor for courage, freedom, and high resolve. when the youth’s inner self becomes alert and confident, their viewpoint rises above small goals. they recognize a lofty purpose and aim for heights that match their potential. the couplet is a call to awaken inner strength so one’s ambition naturally turns skyward.

nahin nigah mein manzil to justuju hi sahi nahin visal mayassar to aarzu hi sahi

'faiz' thi rah sar-ba-sar manzil hum jahan pahunche kaamyab aae

koi manzil ke qarib aa ke bhatak jata hai koi manzil pe pahunchta hai bhatak jaane se

us ne manzil pe la ke chhod diya umr bhar jis ka rasta dekha

nahin hoti hai rah-e-ishq mein aasan manzil safar mein bhi to sadiyon ki masafat chahiye hai

wo kya manzil jahan se raste aage nikal jaen so ab phir ek safar ka silsila karna padega

ai jazba-e-dil gar main chahun har chiz muqabil aa jae manzil ke liye do gam chalun aur samne manzil aa jae mine heart's resolve if i so wish, all will be so nigh and clear i take two steps toward my goal, and straight ahead it would appear

sab ko pahuncha ke un ki manzil par aap raste mein rah gaya hun main

mujhe aa gaya yaqin sa ki yahi hai meri manzil sar-e-rah jab kisi ne mujhe dafatan pukara i then came to believe it was, my goal, my destiny when someone in my path called out to me repeatedly

meri taqdir mein manzil nahin hai ghubar-e-karwan hai aur main hun

hasrat pe us musafir-e-be-kas ki roiye jo thak gaya ho baith ke manzil ke samne

manzilen gard ke manind udi jati hain wahi andaz-e-jahan-e-guzaran hai ki jo tha firaq gorakhpuri pictures “goals” and “endpoints” as dust, suggesting how quickly achievements and hopes disperse. the second line resigns itself to a hard truth: the nature of this moving world never changes. together, the couplet conveys a quiet disillusionment with permanence and a sober acceptance of time’s relentless drift.

ek manzil hai magar rah kai hain 'azhar' sochna ye hai ki jaoge kidhar se pahle

koi manzil aakhiri manzil nahin hoti 'fuzail' zindagi bhi hai misal-e-mauj-e-dariya rah-rau

manzil mili murad mili muddaa mila sab kuchh mujhe mila jo tera naqsh-e-pa mila destination and desire and my ends attained i got everything when your footprints i obtained

mohabbat aap hi manzil hai apni na jaane husn kyun itra raha hai

manzil na mili to gham nahin hai apne ko to kho ke pa gaya hun

rahbar rahzan na ban jae kahin is soch mein chup khada hun bhul kar raste mein manzil ka pata

mujh ko manzil bhi na pahchan saki main ki jab gard-e-safar se nikla

chala main jaanib-e-manzil to ye hua malum yaqin guman mein gum hai guman hai poshida

kis manzil-e-murad ki jaanib rawan hain hum ai rah-rawan-e-khak-basar puchhte chalo

na to ranj-o-gham se hi rabt hai na hi aashna-e-khushi hun main meri zindagi bhi ajib hai ise manzilon ka pata nahin

khud-bakhud rah liye jati hai us ki jaanib ab kahan tak hai rasai mujhe malum nahin

manzil pe pahunch sakte nahin aise musafir har gam pe ho khauf jinhen aabla-pa ka

tum khud hi chale aaoge shayad sar-e-manzil ek rah nikali hai meri dar-badari ne