Mother

chalti phirti hui aaankhon se azan dekhi hai main ne jannat to nahin dekhi hai man dekhi hai

auratein beesiyon, saikdon ho sakti hain, maan sirf eik hoti hai.

ek muddat se meri man nahin soi 'tabish' main ne ek bar kaha tha mujhe dar lagta hai

abhi zinda hai man meri mujhe kuchh bhi nahin hoga main ghar se jab nikalta hun dua bhi sath chalti hai

is tarah mere gunahon ko wo dho deti hai man bahut ghusse mein hoti hai to ro deti hai

dua ko hat uthate hue larazta hun kabhi dua nahin mangi thi man ke hote hue

kisi ko ghar mila hisse mein ya koi dukan aai main ghar mein sab se chhota tha mere hisse mein man aai

man bap aur ustad sab hain khuda ki rahmat hai rok-tok un ki haq mein tumhaare neamat

jab bhi kashti meri sailab mein aa jati hai man dua karti hui khwab mein aa jati hai translation whenever my boat comes amidst tempest, mother comes praying in my dreams. sagar akbarabadi

ghar laut ke roenge man bap akele mein mitti ke khilaune bhi saste na the mele mein

man ki dua na bap ki shafqat ka saya hai aaj apne sath apna janam din manaya hai

tere daman mein sitare hain to honge ai falak mujh ko apni man ki maili odhni achchhi lagi

munawwar man ke aage yun kabhi khul kar nahin rona jahan buniyaad ho itni nami achchhi nahin hoti

barbaad kar diya hamein pardes ne magar man sab se kah rahi hai ki beta maze mein hai

kal apne-ap ko dekha tha man ki aankhon mein ye aaina hamein budha nahin batata hai

muddaton ba'd mayassar hua man ka aanchal muddaton ba'd hamein nind suhani aai

man ki aaghosh mein kal maut ki aaghosh mein aaj hum ko duniya mein ye do waqt suhane se mile

ye aisa qarz hai jo main ada kar hi nahin sakta main jab tak ghar na lautun meri man sajde mein rahti hai

kitabon se nikal kar titliyan ghazlen sunati hain tiffin rakhti hai meri man to basta muskuraata hai

shahr mein aa kar padhne wale bhul gae kis ki man ne kitna zewar becha tha

ghar ki is bar mukammal main talashi lunga gham chhupa kar mere man bap kahan rakhte the

ai raat mujhe man ki tarah god mein le le din bhar ki mashaqqat se badan tut raha hai

main ne kal shab chahaton ki sab kitaben phad den sirf ek kaghaz pe likkha lafz-e-man rahne diya

sab ne mana marne wala dahshat-gard aur qatil tha man ne phir bhi qabr pe us ki raj-dulara likkha tha

jab tak matha chum ke rukhsat karne wali zinda thi darwaze ke bahar tak bhi munh mein luqma hota tha

bap zina hai jo le jata hai unchai tak man dua hai jo sada saya-figan rahti hai

din bhar ki mashaqqat se badan chur hai lekin man ne mujhe dekha to thakan bhul gai hai

dur rahti hain sada un se balaen sahil apne man bap ki jo roz dua lete hain

bachche fareb kha ke chatai pe so gae ek man ubaalti rahi pathar tamam raat

aaj phir man mujhe maregi bahut rone par aaj phir ganw mein aaya hai khilaune wala