Muflisi

ghar laut ke roenge man bap akele mein mitti ke khilaune bhi saste na the mele mein

khandani rishton mein aksar raqabat hai bahut

khandani rishton men aksar raqabat hai bahut ghar se niklo to ye duniya khubsurat hai bahut apne college men bahut maghhrur jo mashhur hai dil mira kahta hai us ladki men chahat hai bahut un ke chehre chand taron ki tarah raushan rahe jin ghharibon ke yahan husn-e-qanaat hai bahut ham se ho sakti nahin duniya ki duniya-dariyan ishq ki divar ke saae men rahat hai bahut dhuup ki chadar mire suraj se kahna bhej de ghhurbaton ka daur hai jadon ki shiddat hai bahut in andheron men jahan sahmi hui thi ye zamin raat se tanha lada jugnu men himmat hai bahut khandani rishton mein aksar raqabat hai bahut ghar se niklo to ye duniya khubsurat hai bahut apne college mein bahut maghrur jo mashhur hai dil mera kahta hai us ladki mein chahat hai bahut un ke chehre chand taron ki tarah raushan rahe jin gharibon ke yahan husn-e-qanaat hai bahut hum se ho sakti nahin duniya ki duniya-dariyan ishq ki diwar ke sae mein rahat hai bahut dhup ki chadar mere suraj se kahna bhej de ghurbaton ka daur hai jadon ki shiddat hai bahut in andheron mein jahan sahmi hui thi ye zamin raat se tanha lada jugnu mein himmat hai bahut

khada hun aaj bhi roti ke chaar harf liye sawal ye hai kitabon ne kya diya mujh ko

gharib-e-shahr to faqe se mar gaya 'arif' amir-e-shahr ne hire se khud-kushi kar li

siyah-bakhti mein kab koi kisi ka sath deta hai ki tariki mein saya bhi juda rahta hai insan se

farishte aa kar un ke jism par khushbu lagate hain wo bachche rail ke dibbon mein jo jhadu lagate hain

wo aksar din mein bachchon ko sula deti hai is dar se gali mein phir khilaune bechne wala na aa jae

bhuk chehron pe liye chand se pyare bachche bechte phirte hain galiyon mein ghubare bachche

eid ka din hai so kamre mein pada hun 'aslam' apne darwaze ko bahar se muqaffal kar ke

aaj phir man mujhe maregi bahut rone par aaj phir ganw mein aaya hai khilaune wala

jab chali thandi hawa bachcha thithur kar rah gaya man ne apne lal ki takhti jala di raat ko

bachchon ki fees un ki kitaben qalam dawat meri gharib aankhon mein school chubh gaya

jo mere ganw ke kheton mein bhuk ugne lagi mere kisanon ne shahron mein naukri kar li

muflisi hiss-e-latafat ko mita deti hai bhuk aadab ke sanchon mein nahin dhal sakti

sharm aati hai ki us shahr mein hum hain ki jahan na mile bhik to lakhon ka guzara hi na ho

us ke hath mein ghubbare the phir bhi bachcha gum-sum tha wo ghubbare bech raha ho aisa bhi ho sakta hai

bhatakti hai hawas din-raat sone ki dukanon mein gharibi kan chhidwati hai tinka dal deti hai

muflisi sab bahaar khoti hai mard ka e'tibar khoti hai

bich sadak ek lash padi thi aur ye likkha tha bhuk mein zahrili roti bhi mithi lagti hai

bhuke bachchon ki tasalli ke liye man ne phir pani pakaya der tak

gham ki duniya rahe aabaad 'shakil' muflisi mein koi jagir to hai

khilaunon ki dukano rasta do mere bachche guzarna chahte hain

ghurbat ki tez aag pe aksar pakai bhuk khush-haaliyon ke shahr mein kya kuchh nahin kiya

hato kandhe se aansu ponchh dalo wo dekho rail-gadi aa rahi hai main tum ko chhod kar hargiz na jata gharibi mujh ko le kar ja rahi hai

apne bachchon ko main baaton mein laga leta hun jab bhi aawaz lagata hai khilaune wala

khilaunon ke liye bachche abhi tak jagte honge tujhe ai muflisi koi bahana dhund lena hai

muflison ki zindagi ka zikr kya muflisi ki maut bhi achchhi nahin

aaya hai ek rah-numa ke istiqbaal ko ek bachcha pet hai khali aankh mein hasrat hathon mein gul-dasta hai

main ojhal ho gai man ki nazar se gali mein jab koi baraat aai

jurat-e-shauq to kya kuchh nahin kahti lekin panw phailane nahin deti hai chadar mujh ko