chupke chupke raat din aansu bahana yaad hai
chupke chupke raat din aansu bahana yaad hai
ham ko ab tak ashiqi ka vo zamana yaad hai
ba-hazaran iztirab o sad-hazaran ishtiyaq
tujh se vo pahle-pahal dil ka lagana yaad hai
baar baar uthna usi janib nigah-e-shauq ka
aur tira ghhurfe se vo ankhen ladana yaad hai
tujh se kuchh milte hi vo bebak ho jaana mira
aur tira danton men vo ungli dabana yaad hai
khinch lena vo mira parde ka kona dafatan
aur dupatte se tira vo munh chhupana yaad hai
jaan kar sota tujhe vo qasd-e-pa-bosi mira
aur tira thukra ke sar vo muskurana yaad hai
tujh ko jab tanha kabhi paana to az-rah-e-lihaz
hal-e-dil baton hi baton men jatana yaad hai
jab siva mere tumhara koi divana na tha
sach kaho kuchh tum ko bhi vo kar-khana yaad hai
ghhair ki nazron se bach kar sab ki marzi ke khilaf
vo tira chori-chhupe raton ko aana yaad hai
aa gaya gar vasl ki shab bhi kahin zikr-e-firaq
vo tira ro ro ke mujh ko bhi rulana yaad hai
dopahar ki dhuup men mere bulane ke liye
vo tira kothe pe nange paanv aana yaad hai
aaj tak nazron men hai vo sohbat-e-raz-o-niyaz
apna jaana yaad hai tera bulana yaad hai
mithi mithi chhed kar baten nirali pyaar ki
zikr dushman ka vo baton men udana yaad hai
dekhna mujh ko jo bargashta to sau sau naaz se
jab mana lena to phir khud ruuth jaana yaad hai
chori chori ham se tum aa kar mile the jis jagah
muddaten guzrin par ab tak vo thikana yaad hai
shauq men mehndi ke vo be-dast-o-pa hona tira
aur mira vo chhedna vo gudgudana yaad hai
bavajud-e-iddia-e-ittiqa 'hasrat' mujhe
aaj tak ahd-e-havas ka vo fasana yaad hai
chupke chupke raat din aansu bahana yaad hai
hum ko ab tak aashiqi ka wo zamana yaad hai
ba-hazaran iztirab o sad-hazaran ishtiyaq
tujh se wo pahle-pahal dil ka lagana yaad hai
bar bar uthna usi jaanib nigah-e-shauq ka
aur tera ghurfe se wo aankhen ladana yaad hai
tujh se kuchh milte hi wo bebak ho jaana mera
aur tera danton mein wo ungli dabana yaad hai
khinch lena wo mera parde ka kona dafatan
aur dupatte se tera wo munh chhupana yaad hai
jaan kar sota tujhe wo qasd-e-pa-bosi mera
aur tera thukra ke sar wo muskurana yaad hai
tujh ko jab tanha kabhi pana to az-rah-e-lihaz
haal-e-dil baaton hi baaton mein jatana yaad hai
jab siwa mere tumhaara koi diwana na tha
sach kaho kuchh tum ko bhi wo kar-khana yaad hai
ghair ki nazron se bach kar sab ki marzi ke khilaf
wo tera chori-chhupe raaton ko aana yaad hai
aa gaya gar wasl ki shab bhi kahin zikr-e-firaq
wo tera ro ro ke mujh ko bhi rulana yaad hai
dopahar ki dhup mein mere bulane ke liye
wo tera kothe pe nange panw aana yaad hai
aaj tak nazron mein hai wo sohbat-e-raaz-o-niyaz
apna jaana yaad hai tera bulana yaad hai
mithi mithi chhed kar baaten nirali pyar ki
zikr dushman ka wo baaton mein udana yaad hai
dekhna mujh ko jo bargashta to sau sau naz se
jab mana lena to phir khud ruth jaana yaad hai
chori chori hum se tum aa kar mile the jis jagah
muddaten guzrin par ab tak wo thikana yaad hai
shauq mein mehndi ke wo be-dast-o-pa hona tera
aur mera wo chhedna wo gudgudana yaad hai
bawajud-e-iddia-e-ittiqa 'hasrat' mujhe
aaj tak ahd-e-hawas ka wo fasana yaad hai
itni muddat baad mile ho
itni muddat baad mile ho
kin sochon men gum phirte ho
itne khaif kyuun rahte ho
har aahat se dar jaate ho
tez hava ne mujh se puchha
ret pe kya likhte rahte ho
kaash koi ham se bhi puchhe
raat gae tak kyuun jaage ho
men dariya se bhi darta huun
tum dariya se bhi gahre ho
kaun si baat hai tum men aisi
itne achchhe kyuun lagte ho
pichhe mud kar kyuun dekha tha
patthar ban kar kya takte ho
jaao jiit ka jashn manao
men jhuta huun tum sachche ho
apne shahar ke sab logon se
meri khatir kyuun uljhe ho
kahne ko rahte ho dil men
phir bhi kitne duur khade ho
raat hamen kuchh yaad nahin tha
raat bahut hi yaad aae ho
ham se na puchho hijr ke qisse
apni kaho ab tum kaise ho
'mohsin' tum badnam bahut ho
jaise ho phir bhi achchhe ho
itni muddat baad mile ho
kin sochon mein gum phirte ho
itne khaif kyun rahte ho
har aahat se dar jate ho
tez hawa ne mujh se puchha
ret pe kya likhte rahte ho
kash koi hum se bhi puchhe
raat gae tak kyun jage ho
mein dariya se bhi darta hun
tum dariya se bhi gahre ho
kaun si baat hai tum mein aisi
itne achchhe kyun lagte ho
pichhe mud kar kyun dekha tha
patthar ban kar kya takte ho
jao jit ka jashn manao
mein jhuta hun tum sachche ho
apne shahar ke sab logon se
meri khatir kyun uljhe ho
kahne ko rahte ho dil mein
phir bhi kitne dur khade ho
raat hamein kuchh yaad nahin tha
raat bahut hi yaad aae ho
hum se na puchho hijr ke qisse
apni kaho ab tum kaise ho
'mohsin' tum badnam bahut ho
jaise ho phir bhi achchhe ho
kahan aa ke rukne the raste kahan mod tha use bhul ja
kahan aa ke rukne the raste kahan mod tha use bhuul ja
vo jo mil gaya use yaad rakh jo nahin mila use bhuul ja
vo tire nasib ki barishen kisi aur chhat pe baras gaiin
dil-e-be-khabar miri baat sun use bhuul ja use bhuul ja
main to gum tha tere hi dhyan men tiri aas tere guman men
saba kah gai mire kaan men mire saath aa use bhuul ja
kisi aankh men nahin ashk-e-ghham tire baa'd kuchh bhi nahin hai kam
tujhe zindagi ne bhula diya tu bhi muskura use bhuul ja
kahin chak-e-jan ka rafu nahin kisi astin pe lahu nahin
ki shahid-e-rah-e-malal ka nahin khun-baha use bhuul ja
kyuun ata hua hai ghhubar men ghham-e-zindagi ke fishar men
vo jo dard tha tire bakht men so vo ho gaya use bhuul ja
tujhe chand ban ke mila tha jo tire sahilon pe khila tha jo
vo tha ek dariya visal ka so utar gaya use bhuul ja
kahan aa ke rukne the raste kahan mod tha use bhul ja
wo jo mil gaya use yaad rakh jo nahin mila use bhul ja
wo tere nasib ki barishen kisi aur chhat pe baras gain
dil-e-be-khabar meri baat sun use bhul ja use bhul ja
main to gum tha tere hi dhyan mein teri aas tere guman mein
saba kah gai mere kan mein mere sath aa use bhul ja
kisi aankh mein nahin ashk-e-gham tere ba'd kuchh bhi nahin hai kam
tujhe zindagi ne bhula diya tu bhi muskura use bhul ja
kahin chaak-e-jaan ka rafu nahin kisi aastin pe lahu nahin
ki shahid-e-rah-e-malal ka nahin khun-baha use bhul ja
kyun ata hua hai ghubar mein gham-e-zindagi ke fishaar mein
wo jo dard tha tere bakht mein so wo ho gaya use bhul ja
tujhe chand ban ke mila tha jo tere sahilon pe khila tha jo
wo tha ek dariya visal ka so utar gaya use bhul ja
ye zulf agar khul ke bikhar jae to achchha
ye zulf agar khul ke bikhar jaae to achchha
is raat ki taqdir sanvar jaae to achchha
jis tarah se thodi si tire saath kati hai
baaqi bhi usi tarah guzar jaae to achchha
duniya ki nigahon men bhala kya hai bura kya
ye bojh agar dil se utar jaae to achchha
vaise to tumhin ne mujhe barbad kiya hai
ilzam kisi aur ke sar jaae to achchha
ye zulf agar khul ke bikhar jae to achchha
is raat ki taqdir sanwar jae to achchha
jis tarah se thodi si tere sath kati hai
baqi bhi usi tarah guzar jae to achchha
duniya ki nigahon mein bhala kya hai bura kya
ye bojh agar dil se utar jae to achchha
waise to tumhin ne mujhe barbaad kiya hai
ilzam kisi aur ke sar jae to achchha
jab se tu ne mujhe diwana bana rakkha hai
jab se tu ne mujhe divana bana rakkha hai
sang har shakhs ne hathon men utha rakkha hai
us ke dil par bhi kadi ishq men guzri hogi
naam jis ne bhi mohabbat ka saza rakkha hai
pattharo aaj mire sar pe baraste kyuun ho
main ne tum ko bhi kabhi apna khuda rakkha hai
ab miri diid ki duniya bhi tamashai hai
tu ne kya mujh ko mohabbat men bana rakkha hai
pi ja ayyam ki talkhi ko bhi hans kar 'nasir'
ghham ko sahne men bhi qudrat ne maza rakkha hai
jab se tu ne mujhe diwana bana rakkha hai
sang har shakhs ne hathon mein utha rakkha hai
us ke dil par bhi kadi ishq mein guzri hogi
nam jis ne bhi mohabbat ka saza rakkha hai
pattharo aaj mere sar pe baraste kyun ho
main ne tum ko bhi kabhi apna khuda rakkha hai
ab meri did ki duniya bhi tamashai hai
tu ne kya mujh ko mohabbat mein bana rakkha hai
pi ja ayyam ki talkhi ko bhi hans kar 'nasir'
gham ko sahne mein bhi qudrat ne maza rakkha hai
apne hathon ki lakiron mein saja le mujhko
apne hathon ki lakiron men saja le mujh ko
main huun tera tu nasib apna bana le mujh ko
in the fate lines of your hand please do let me be
make me yours my love because i am your destiny
main jo kanta huun to chal mujh se bacha kar daman
main huun gar phuul to juude men saja le mujh ko
save your cloak from me if i am thought to be a thorn
and if a flower deemed to be then in your hair adorn
tark-e-ulfat ki qasam bhi koi hoti hai qasam
tu kabhi yaad to kar bhulne vaale mujh ko
the vow to sever someone's love is no vow at all
you who have forgotten me someday should recall
mujh se tu puchhne aaya hai vafa ke maani
ye tiri sada-dili maar na daale mujh ko
you come to me asking the meaning of fidelity
your innocence may truly well, be the end of me
main samundar bhi huun moti bhi huun ghhota-zan bhi
koi bhi naam mira le ke bula le mujh ko
i am the diver, i'm the pearl, i also am the sea
by any of these names, you may call out to me
tu ne dekha nahin aine se aage kuchh bhi
khud-parasti men kahin tu na ganva le mujh ko
beside a mirror nothing else have you ever espied
in self admiration you may lose me by your side
bandh kar sang-e-vafa kar diya tu ne ghharqab
kaun aisa hai jo ab dhundh nikale mujh ko
----
----
khud ko main baant na dalun kahin daman daman
kar diya tu ne agar mere havale mujh ko
tomorrow is another day, same i might not remain
however much you wish today you may cause me pain
main khule dar ke kisi ghar ka huun saman pyare
tu dabe-panv kabhi aa ke chura le mujh ko
what of wine i will, drink poison happily
if someones there to take in their arms and tend to me
kal ki baat aur hai main ab sa rahun ya na rahun
jitna ji chahe tira aaj sata le mujh ko
in a house with open doors, like valuables i stay
come someday with padded feet and steal me away
baada phir baada hai main zahr bhi pi jaun 'qatil'
shart ye hai koi banhon men sambhale mujh ko
tomorrow is another day, same i might not remain
however much you wish today you may cause me pain
what of wine i will, drink poison happily
if someones there to take in their arms and tend to me
apne hathon ki lakiron mein saja le mujh ko
main hun tera tu nasib apna bana le mujh ko
in the fate lines of your hand please do let me be
make me yours my love because i am your destiny
main jo kanta hun to chal mujh se bacha kar daman
main hun gar phul to jude mein saja le mujh ko
save your cloak from me if i am thought to be a thorn
and if a flower deemed to be then in your hair adorn
tark-e-ulfat ki qasam bhi koi hoti hai qasam
tu kabhi yaad to kar bhulne wale mujh ko
the vow to sever someone's love is no vow at all
you who have forgotten me someday should recall
mujh se tu puchhne aaya hai wafa ke mani
ye teri sada-dili mar na dale mujh ko
you come to me asking the meaning of fidelity
your innocence may truly well, be the end of me
main samundar bhi hun moti bhi hun ghota-zan bhi
koi bhi nam mera le ke bula le mujh ko
i am the diver, i'm the pearl, i also am the sea
by any of these names, you may call out to me
tu ne dekha nahin aaine se aage kuchh bhi
khud-parasti mein kahin tu na ganwa le mujh ko
beside a mirror nothing else have you ever espied
in self admiration you may lose me by your side
bandh kar sang-e-wafa kar diya tu ne gharqab
kaun aisa hai jo ab dhundh nikale mujh ko
----
----
khud ko main bant na dalun kahin daman daman
kar diya tu ne agar mere hawale mujh ko
tomorrow is another day, same i might not remain
however much you wish today you may cause me pain
main khule dar ke kisi ghar ka hun saman pyare
tu dabe-panw kabhi aa ke chura le mujh ko
what of wine i will, drink poison happily
if someones there to take in their arms and tend to me
kal ki baat aur hai main ab sa rahun ya na rahun
jitna ji chahe tera aaj sata le mujh ko
in a house with open doors, like valuables i stay
come someday with padded feet and steal me away
baada phir baada hai main zahr bhi pi jaun 'qatil'
shart ye hai koi banhon mein sambhaale mujh ko
tomorrow is another day, same i might not remain
however much you wish today you may cause me pain
what of wine i will, drink poison happily
if someones there to take in their arms and tend to me
tumhein us se mohabbat hai to himmat kyun nahin karte
tumhen us se mohabbat hai to himmat kyuun nahin karte
kisi din us ke dar pe raqs-e-vahshat kyuun nahin karte
ilaaj apna karate phir rahe ho jaane kis kis se
mohabbat kar ke dekho na mohabbat kyuun nahin karte
tumhare dil pe apna naam likkha ham ne dekha hai
hamari chiiz phir ham ko inayat kyuun nahin karte
miri dil ki tabahi ki shikayat par kaha us ne
tum apne ghar ki chizon ki hifazat kyuun nahin karte
badan baitha hai kab se kasa-e-ummid ki surat
so de kar vasl ki khairat rukhsat kyuun nahin karte
qayamat dekhne ke shauq men ham mar mite tum par
qayamat karne vaalo ab qayamat kyuun nahin karte
main apne saath jazbon ki jamaat le ke aaya huun
jab itne muqtadi hain to imamat kyuun nahin karte
tum apne honth aine men dekho aur phir socho
ki ham sirf ek bose par qanaat kyuun nahin karte
bahut naraz hai vo aur use ham se shikayat hai
ki is narazgi ki bhi shikayat kyuun nahin karte
kabhi allah-miyan puchhenge tab un ko bataenge
kisi ko kyuun bataen ham ibadat kyuun nahin karte
murattab kar liya hai kulliyat-e-zakhm agar apna
to phir 'ehsas-ji' is ki ishaat kyuun nahin karte
tumhein us se mohabbat hai to himmat kyun nahin karte
kisi din us ke dar pe raqs-e-wahshat kyun nahin karte
ilaj apna karaate phir rahe ho jaane kis kis se
mohabbat kar ke dekho na mohabbat kyun nahin karte
tumhaare dil pe apna nam likkha hum ne dekha hai
hamari chiz phir hum ko inayat kyun nahin karte
meri dil ki tabahi ki shikayat par kaha us ne
tum apne ghar ki chizon ki hifazat kyun nahin karte
badan baitha hai kab se kasa-e-ummid ki surat
so de kar wasl ki khairaat rukhsat kyun nahin karte
qayamat dekhne ke shauq mein hum mar mite tum par
qayamat karne walo ab qayamat kyun nahin karte
main apne sath jazbon ki jamaat le ke aaya hun
jab itne muqtadi hain to imamat kyun nahin karte
tum apne honth aaine mein dekho aur phir socho
ki hum sirf ek bose par qanaat kyun nahin karte
bahut naraaz hai wo aur use hum se shikayat hai
ki is naraazgi ki bhi shikayat kyun nahin karte
kabhi allah-miyan puchhenge tab un ko bataenge
kisi ko kyun bataen hum ibaadat kyun nahin karte
murattab kar liya hai kulliyat-e-zakhm agar apna
to phir 'ehsas-ji' is ki ishaat kyun nahin karte
kya kahun tum se main ki kya hai ishq
kya kahun tum se main ki kya hai ishq
jaan ka rog hai bala hai ishq
what can i say of love to thee
soul's ailment and calamity
ishq hi ishq hai jahan dekho
saare aalam men bhar raha hai ishq
its only love where'er you see
love fills this world entirely
ishq hai tarz o taur ishq ke taiin
kahin banda kahin khuda hai ishq
love is the mode and style of love
it's man below and god above
ishq maashuq ishq ashiq hai
yaani apna hi mubtala hai ishq
both lover and beloved be
love's self-involved entirely
gar parastish khuda ki sabit ki
kisu surat men ho bhala hai ishq
if god's worship's true you say
then love is good in every way
dilkash aisa kahan hai dushman-e-jan
muddai hai pa muddaa hai ishq
so charming beautiful is she?
that love i seek, tho foe she be
hai hamare bhi taur ka ashiq
jis kisi ko kahin hua hai ishq
is there a paramour like me
'mongst lovers whosoever be
koi khvahan nahin mohabbat ka
tu kahe jins-e-na-rava hai ishq
love an improper thing you deem
for love does no one ever dream?
'mir'-ji zard hote jaate ho
kya kahin tum ne bhi kiya hai ishq
miirji, colour's drained from you
by love, have you been smitten too?
kya kahun tum se main ki kya hai ishq
jaan ka rog hai bala hai ishq
what can i say of love to thee
soul's ailment and calamity
ishq hi ishq hai jahan dekho
sare aalam mein bhar raha hai ishq
its only love where'er you see
love fills this world entirely
ishq hai tarz o taur ishq ke tain
kahin banda kahin khuda hai ishq
love is the mode and style of love
it's man below and god above
ishq mashuq ishq aashiq hai
yani apna hi mubtala hai ishq
both lover and beloved be
love's self-involved entirely
gar parastish khuda ki sabit ki
kisu surat mein ho bhala hai ishq
if god's worship's true you say
then love is good in every way
dilkash aisa kahan hai dushman-e-jaan
muddai hai pa muddaa hai ishq
so charming beautiful is she?
that love i seek, tho foe she be
hai hamare bhi taur ka aashiq
jis kisi ko kahin hua hai ishq
is there a paramour like me
'mongst lovers whosoever be
koi khwahan nahin mohabbat ka
tu kahe jins-e-na-rawa hai ishq
love an improper thing you deem
for love does no one ever dream?
'mir'-ji zard hote jate ho
kya kahin tum ne bhi kiya hai ishq
miirji, colour's drained from you
by love, have you been smitten too?
apne ehsas se chhu kar mujhe sandal kar do
apne ehsas se chhu kar mujhe sandal kar do
main ki sadiyon se adhura huun mukammal kar do
na tumhen hosh rahe aur na mujhe hosh rahe
is qadar tuut ke chaho mujhe pagal kar do
tum hatheli ko mire pyaar ki mehndi se rango
apni ankhon men mire naam ka kajal kar do
is ke saae men mire khvab dahak utthenge
mere chehre pe chamakta hua anchal kar do
dhuup hi dhuup huun main tuut ke barso mujh par
is qadar barso miri ruuh men jal-thal kar do
jaise sahraon men har shaam hava chalti hai
is tarah mujh men chalo aur mujhe jal-thal kar do
tum chhupa lo mira dil ot men apne dil ki
aur mujhe meri nigahon se bhi ojhal kar do
masala huun to nigahen na churao mujh se
apni chahat se tavajjoh se mujhe hal kar do
apne ghham se kaho har vaqt mire saath rahe
ek ehsan karo is ko musalsal kar do
mujh pe chha jaao kisi aag ki surat janan
aur miri zaat ko sukha hua jangal kar do
apne ehsas se chhu kar mujhe sandal kar do
main ki sadiyon se adhura hun mukammal kar do
na tumhein hosh rahe aur na mujhe hosh rahe
is qadar tut ke chaho mujhe pagal kar do
tum hatheli ko mere pyar ki mehndi se rango
apni aankhon mein mere nam ka kajal kar do
is ke sae mein mere khwab dahak utthenge
mere chehre pe chamakta hua aanchal kar do
dhup hi dhup hun main tut ke barso mujh par
is qadar barso meri ruh mein jal-thal kar do
jaise sahraon mein har sham hawa chalti hai
is tarah mujh mein chalo aur mujhe jal-thal kar do
tum chhupa lo mera dil ot mein apne dil ki
aur mujhe meri nigahon se bhi ojhal kar do
masala hun to nigahen na churao mujh se
apni chahat se tawajjoh se mujhe hal kar do
apne gham se kaho har waqt mere sath rahe
ek ehsan karo is ko musalsal kar do
mujh pe chha jao kisi aag ki surat jaanan
aur meri zat ko sukha hua jangal kar do
tum apna ranj-o-gham apni pareshani mujhe de do
tum apna ranj-o-ghham apni pareshani mujhe de do
tumhen ghham ki qasam is dil ki virani mujhe de do
ye maana main kisi qabil nahin huun in nigahon men
bura kya hai agar ye dukh ye hairani mujhe de do
main dekhun to sahi duniya tumhen kaise satati hai
koi din ke liye apni nigahbani mujhe de do
vo dil jo main ne manga tha magar ghhairon ne paaya hai
badi shai hai agar us ki pashemani mujhe de do
tum apna ranj-o-gham apni pareshani mujhe de do
tumhein gham ki qasam is dil ki virani mujhe de do
ye mana main kisi qabil nahin hun in nigahon mein
bura kya hai agar ye dukh ye hairani mujhe de do
main dekhun to sahi duniya tumhein kaise satati hai
koi din ke liye apni nigahbani mujhe de do
wo dil jo main ne manga tha magar ghairon ne paya hai
badi shai hai agar us ki pashemani mujhe de do
bhadkaen meri pyas ko aksar teri aankhen
bhadkaen miri pyaas ko aksar tiri ankhen
sahra mira chehra hai samundar tiri ankhen
phir kaun bhala dad-e-tabassum unhen dega
roengi bahut mujh se bichhad kar tiri ankhen
khali jo hui sham-e-ghhariban ki hatheli
kya kya na lutati rahin gauhar teri ankhen
bojhal nazar aati hain ba-zahir mujhe lekin
khulti hain bahut dil men utar kar tiri ankhen
ab tak miri yadon se mitae nahin mitta
bhigi hui ik shaam ka manzar tiri ankhen
mumkin ho to ik taaza ghhazal aur bhi kah luun
phir odh na len khvab ki chadar tiri ankhen
main sang-sifat ek hi raste men khada huun
shayad mujhe dekhengi palat kar tiri ankhen
yuun dekhte rahna use achchha nahin 'mohsin'
vo kanch ka paikar hai to patthar tiri ankhen
bhadkaen meri pyas ko aksar teri aankhen
sahra mera chehra hai samundar teri aankhen
phir kaun bhala dad-e-tabassum unhen dega
roengi bahut mujh se bichhad kar teri aankhen
khali jo hui sham-e-ghariban ki hatheli
kya kya na lutati rahin gauhar teri aankhen
bojhal nazar aati hain ba-zahir mujhe lekin
khulti hain bahut dil mein utar kar teri aankhen
ab tak meri yaadon se mitae nahin mitta
bhigi hui ek sham ka manzar teri aankhen
mumkin ho to ek taza ghazal aur bhi kah lun
phir odh na len khwab ki chadar teri aankhen
main sang-sifat ek hi raste mein khada hun
shayad mujhe dekhengi palat kar teri aankhen
yun dekhte rahna use achchha nahin 'mohsin'
wo kanch ka paikar hai to patthar teri aankhen
chehre pe mere zulf ko phailao kisi din
chehre pe mire zulf ko phailao kisi din
kya roz garajte ho baras jaao kisi din
razon ki tarah utro mire dil men kisi shab
dastak pe mire haath ki khul jaao kisi din
pedon ki tarah husn ki barish men naha luun
badal ki tarah jhuum ke ghar aao kisi din
khushbu ki tarah guzro mire dil ki gali se
phulon ki tarah mujh pe bikhar jaao kisi din
guzren jo mere ghar se to ruk jaaen sitare
is tarah miri raat ko chamkao kisi din
main apni har ik saans usi raat ko de duun
sar rakh ke mire siine pe so jaao kisi din
chehre pe mere zulf ko phailao kisi din
kya roz garajte ho baras jao kisi din
raazon ki tarah utro mere dil mein kisi shab
dastak pe mere hath ki khul jao kisi din
pedon ki tarah husn ki barish mein naha lun
baadal ki tarah jhum ke ghar aao kisi din
khushbu ki tarah guzro mere dil ki gali se
phulon ki tarah mujh pe bikhar jao kisi din
guzren jo mere ghar se to ruk jaen sitare
is tarah meri raat ko chamkao kisi din
main apni har ek sans usi raat ko de dun
sar rakh ke mere sine pe so jao kisi din
kabhi yun bhi aa meri aankh mein ki meri nazar ko khabar na ho
kabhi yuun bhi aa miri aankh men ki miri nazar ko khabar na ho
mujhe ek raat navaz de magar is ke baad sahar na ho
vo bada rahim o karim hai mujhe ye sifat bhi ata kare
tujhe bhulne ki dua karun to miri dua men asar na ho
mire bazuon men thaki thaki abhi mahv-e-khvab hai chandni
na uthe sitaron ki palki abhi ahaton ka guzar na ho
ye ghhazal ki jaise hiran ki aankh men pichhli raat ki chandni
na bujhe kharabe ki raushni kabhi be-charaghh ye ghar na ho
kabhi din ki dhuup men jhuum ke kabhi shab ke phuul ko chuum ke
yuun hi saath saath chalen sada kabhi khatm apna safar na ho
kabhi yun bhi aa meri aankh mein ki meri nazar ko khabar na ho
mujhe ek raat nawaz de magar is ke baad sahar na ho
wo bada rahim o karim hai mujhe ye sifat bhi ata kare
tujhe bhulne ki dua karun to meri dua mein asar na ho
mere bazuon mein thaki thaki abhi mahw-e-khwab hai chandni
na uthe sitaron ki palki abhi aahaton ka guzar na ho
ye ghazal ki jaise hiran ki aankh mein pichhli raat ki chandni
na bujhe kharabe ki raushni kabhi be-charagh ye ghar na ho
kabhi din ki dhup mein jhum ke kabhi shab ke phul ko chum ke
yun hi sath sath chalen sada kabhi khatm apna safar na ho
dur rah kar na karo baat qarib aa jao
duur rah kar na karo baat qarib aa jaao
yaad rah jaegi ye raat qarib aa jaao
ek muddat se tamanna thi tumhen chhune ki
aaj bas men nahin jazbat qarib aa jaao
sard jhonkon se bhadakte hain badan men shoale
jaan le legi ye barsat qarib aa jaao
is qadar ham se jhijakne ki zarurat kya hai
zindagi bhar ka hai ab saath qarib aa jaao
dur rah kar na karo baat qarib aa jao
yaad rah jaegi ye raat qarib aa jao
ek muddat se tamanna thi tumhein chhune ki
aaj bas mein nahin jazbaat qarib aa jao
sard jhonkon se bhadakte hain badan mein shoale
jaan le legi ye barsat qarib aa jao
is qadar hum se jhijakne ki zarurat kya hai
zindagi bhar ka hai ab sath qarib aa jao
duniya ke sitam yaad na apni hi wafa yaad
duniya ke sitam yaad na apni hi vafa yaad
ab mujh ko nahin kuchh bhi mohabbat ke siva yaad
main shikva ba-lab tha mujhe ye bhi na raha yaad
shayad ki mire bhulne vaale ne kiya yaad
chheda tha jise pahle-pahal teri nazar ne
ab tak hai vo ik naghhma-e-be-saz-o-sada yaad
jab koi hasin hota hai sargarm-e-navazish
us vaqt vo kuchh aur bhi aate hain siva yaad
kya janiye kya ho gaya arbab-e-junun ko
marne ki ada yaad na jiine ki ada yaad
muddat hui ik hadsa-e-ishq ko lekin
ab tak hai tire dil ke dhadakne ki sada yaad
haan haan tujhe kya kaam miri shiddat-e-ghham se
haan haan nahin mujh ko tire daman ki hava yaad
main tark-e-rah-o-rasm-e-junun kar hi chuka tha
kyuun aa gai aise men tiri laghhzish-e-pa yaad
kya lutf ki main apna pata aap bataun
kiije koi bhuli hui khaas apni ada yaad
duniya ke sitam yaad na apni hi wafa yaad
ab mujh ko nahin kuchh bhi mohabbat ke siwa yaad
main shikwa ba-lab tha mujhe ye bhi na raha yaad
shayad ki mere bhulne wale ne kiya yaad
chheda tha jise pahle-pahal teri nazar ne
ab tak hai wo ek naghma-e-be-saz-o-sada yaad
jab koi hasin hota hai sargarm-e-nawazish
us waqt wo kuchh aur bhi aate hain siwa yaad
kya jaaniye kya ho gaya arbab-e-junun ko
marne ki ada yaad na jine ki ada yaad
muddat hui ek hadsa-e-ishq ko lekin
ab tak hai tere dil ke dhadakne ki sada yaad
han han tujhe kya kaam meri shiddat-e-gham se
han han nahin mujh ko tere daman ki hawa yaad
main tark-e-rah-o-rasm-e-junun kar hi chuka tha
kyun aa gai aise mein teri laghzish-e-pa yaad
kya lutf ki main apna pata aap bataun
kije koi bhuli hui khas apni ada yaad
mere jaise ban jaoge jab ishq tumhein ho jaega
mere jaise ban jaoge jab ishq tumhen ho jaega
divaron se sar takraoge jab ishq tumhen ho jaega
har baat gavara kar loge minnat bhi utara kar loge
taavizen bhi bandhvaoge jab ishq tumhen ho jaega
tanhai ke jhule kholenge har baat purani bhulenge
aine se tum ghabraoge jab ishq tumhen ho jaega
jab suraj bhi kho jaega aur chand kahin so jaega
tum bhi ghar der se aaoge jab ishq tumhen ho jaega
bechaini badh jaegi aur yaad kisi ki aaegi
tum meri ghhazlen gaoge jab ishq tumhen ho jaega
mere jaise ban jaoge jab ishq tumhein ho jaega
diwaron se sar takraoge jab ishq tumhein ho jaega
har baat gawara kar loge minnat bhi utara kar loge
tawizen bhi bandhwaoge jab ishq tumhein ho jaega
tanhai ke jhule kholenge har baat purani bhulenge
aaine se tum ghabraoge jab ishq tumhein ho jaega
jab suraj bhi kho jaega aur chand kahin so jaega
tum bhi ghar der se aaoge jab ishq tumhein ho jaega
bechaini badh jaegi aur yaad kisi ki aaegi
tum meri ghazlen gaoge jab ishq tumhein ho jaega
jab tere nain muskuraate hain
jab tire nain muskurate hain
ziist ke ranj bhuul jaate hain
kyuun shikan dalte ho mathe par
bhuul kar aa gae hain jaate hain
kashtiyan yuun bhi duub jaati hain
nakhuda kis liye darate hain
ik hasin aankh ke ishare par
qafile raah bhuul jaate hain
jab tere nain muskuraate hain
zist ke ranj bhul jate hain
kyun shikan dalte ho mathe par
bhul kar aa gae hain jate hain
kashtiyan yun bhi dub jati hain
nakhuda kis liye daraate hain
ek hasin aankh ke ishaare par
qafile rah bhul jate hain
kya haqiqat kahun ki kya hai ishq
kya haqiqat kahun ki kya hai ishq
haq-shanason ke haan khuda hai ishq
dil laga ho to ji jahan se utha
maut ka naam pyaar ka hai ishq
aur tadbir ko nahin kuchh dakhl
ishq ke dard ki dava hai ishq
kya dubaya muhit men ghham ke
ham ne jaana tha ashna hai ishq
ishq se ja nahin koi khali
dil se le arsh tak bhara hai ishq
kohkan kya pahad katega
parde men zor-azma hai ishq
ishq hai ishq karne valon ko
kaisa kaisa baham kiya hai ishq
kaun maqsad ko ishq bin pahuncha
aarzu ishq muddaa hai ishq
'mir' marna pade hai khuban par
ishq mat kar ki bad bala hai ishq
kya haqiqat kahun ki kya hai ishq
haq-shanason ke han khuda hai ishq
dil laga ho to ji jahan se utha
maut ka nam pyar ka hai ishq
aur tadbir ko nahin kuchh dakhl
ishq ke dard ki dawa hai ishq
kya dubaya muhit mein gham ke
hum ne jaana tha aashna hai ishq
ishq se ja nahin koi khali
dil se le arsh tak bhara hai ishq
kohkan kya pahad katega
parde mein zor-azma hai ishq
ishq hai ishq karne walon ko
kaisa kaisa baham kiya hai ishq
kaun maqsad ko ishq bin pahuncha
aarzu ishq muddaa hai ishq
'mir' marna pade hai khuban par
ishq mat kar ki bad bala hai ishq
khwabon se na jao ki abhi raat bahut hai
khvabon se na jaao ki abhi raat bahut hai
pahlu men tum aao ki abhi raat bahut hai
ji bhar ke tumhen dekh luun taskin ho kuchh to
mat shama bujhao ki abhi raat bahut hai
kab pau phate kab raat kate kaun ye jaane
mat chhod ke jaao ki abhi raat bahut hai
rahne do abhi chand sa chehra mire aage
mai aur pilao ki abhi raat bahut hai
kat jaae yunhi pyaar ki baton men har ik pal
kuchh jaago jagao ki abhi raat bahut hai
khwabon se na jao ki abhi raat bahut hai
pahlu mein tum aao ki abhi raat bahut hai
ji bhar ke tumhein dekh lun taskin ho kuchh to
mat shama bujhao ki abhi raat bahut hai
kab pau phate kab raat kate kaun ye jaane
mat chhod ke jao ki abhi raat bahut hai
rahne do abhi chand sa chehra mere aage
mai aur pilao ki abhi raat bahut hai
kat jae yunhi pyar ki baaton mein har ek pal
kuchh jago jagao ki abhi raat bahut hai
lipat lipat ke main us gul ke sath sota tha
lipat lipat ke main us gul ke saath sota tha
raqib subh ko munh ansuon se dhota tha
tamam raat thi aur kuhniyan o laten thiin
na sone deta tha mujh ko na aap sota tha
jo baat hijr ki aati to apne daman se
vo aansu ponchhta jaata tha aur main rota tha
masakti choli to logon se chhup ke siine ko
vo taage batta tha aur main suui pirota tha
ghharaz dikhane ko aan o ada ke sau aalam
vo mujh se paanv dhulata tha aur main dhota tha
lita ke siine pe chanchal ko pyaar se har-dam
main gudgudata tha hans hans vo zoaf khota tha
vo mujh pe phenkta paani ki kulliyan bhar bhar
main us ke chhinton se to pairahan bhigota tha
nahane jaate to phir aah karti chhinton se
vo ghhote deta tha aur main use dubota tha
hua na mujh ko khumar akhir un sharabon ka
'nazir' aah isi roz ko main rota tha
lipat lipat ke main us gul ke sath sota tha
raqib subh ko munh aansuon se dhota tha
tamam raat thi aur kuhniyan o laten thin
na sone deta tha mujh ko na aap sota tha
jo baat hijr ki aati to apne daman se
wo aansu ponchhta jata tha aur main rota tha
masakti choli to logon se chhup ke sine ko
wo tage batta tha aur main sui pirota tha
gharaz dikhane ko aan o ada ke sau aalam
wo mujh se panw dhulata tha aur main dhota tha
lita ke sine pe chanchal ko pyar se har-dam
main gudgudata tha hans hans wo zoaf khota tha
wo mujh pe phenkta pani ki kulliyan bhar bhar
main us ke chhinton se to pairahan bhigota tha
nahane jate to phir aah karti chhinton se
wo ghote deta tha aur main use dubota tha
hua na mujh ko khumar aakhir un sharabon ka
'nazir' aah isi roz ko main rota tha
na tum zaban se jawab dena
na tum zaban se javab dena
jo de sako to gulab dena
na kah sako to, to aisa karna
ki phuul rakh kar kitab dena
na main mohabbat men tum se lungi
na tum hi mujh ko hisab dena
mari taraf se bhi le ke jaana
ye phuul un ki janab dena
na tum zaban se jawab dena
jo de sako to gulab dena
na kah sako to, to aisa karna
ki phul rakh kar kitab dena
na main mohabbat mein tum se lungi
na tum hi mujh ko hisab dena
mari taraf se bhi le ke jaana
ye phul un ki janab dena
jahan mein aae na koi kami mohabbat ki
jahan men aae na koi kami mohabbat ki
sada lagata rahunga yunhi mohabbat ki
ye dil jo baaghh ki surat mahak raha hai miyan
kabhi khili thi yahan ik kali mohabbat ki
na jaane kitne hi lamhe palak pe thahr gae
kisi ne baat jo chhedi kabhi mohabbat ki
rakha hai ek hi meaar har mohabbat men
so jis kisi se bhi ki ek si mohabbat ki
tha pahli pahli mohabbat ka nashsha khuub magar
kuchh aur baat hai is akhiri mohabbat ki
ye shahr-e-dil ke makinon ko khuub hai malum
har ik pe khulti nahin hai gali mohabbat ki
na mal-o-zar ki talab phir use hui koi
jise nasib hui hai pari mohabbat ki
jab aaine men nazar aae koi aur hi shakhs
hai pahli pahli alamat yahi mohabbat ki
vahi to jaan sakega hamara haal 'aqil'
vo jis ne hijr saha ya kabhi mohabbat ki
jahan mein aae na koi kami mohabbat ki
sada lagata rahunga yunhi mohabbat ki
ye dil jo bagh ki surat mahak raha hai miyan
kabhi khili thi yahan ek kali mohabbat ki
na jaane kitne hi lamhe palak pe thahr gae
kisi ne baat jo chhedi kabhi mohabbat ki
rakha hai ek hi mear har mohabbat mein
so jis kisi se bhi ki ek si mohabbat ki
tha pahli pahli mohabbat ka nashsha khub magar
kuchh aur baat hai is aakhiri mohabbat ki
ye shahr-e-dil ke makinon ko khub hai malum
har ek pe khulti nahin hai gali mohabbat ki
na mal-o-zar ki talab phir use hui koi
jise nasib hui hai pari mohabbat ki
jab aaine mein nazar aae koi aur hi shakhs
hai pahli pahli alamat yahi mohabbat ki
wahi to jaan sakega hamara haal 'aqil'
wo jis ne hijr saha ya kabhi mohabbat ki
You have reached the end.