kitne aish se rahte honge kitne itraate honge
kitne aish se rahte honge kitne itrate honge
jaane kaise log vo honge jo us ko bhate honge
shaam hue khush-bash yahan ke mere paas aa jaate hain
mere bujhne ka nazzara karne aa jaate honge
vo jo na aane vaala hai na us se mujh ko matlab tha
aane valon se kya matlab aate hain aate honge
us ki yaad ki bad-e-saba men aur to kya hota hoga
yunhi mere baal hain bikhre aur bikhar jaate honge
yaaro kuchh to zikr karo tum us ki qayamat banhon ka
vo jo simatte honge un men vo to mar jaate honge
mera saans ukhadte hi sab bain karenge roenge
yaani mere baad bhi yaani saans liye jaate honge
kitne aish se rahte honge kitne itraate honge
jaane kaise log wo honge jo us ko bhate honge
sham hue khush-bash yahan ke mere pas aa jate hain
mere bujhne ka nazzara karne aa jate honge
wo jo na aane wala hai na us se mujh ko matlab tha
aane walon se kya matlab aate hain aate honge
us ki yaad ki baad-e-saba mein aur to kya hota hoga
yunhi mere baal hain bikhre aur bikhar jate honge
yaro kuchh to zikr karo tum us ki qayamat banhon ka
wo jo simatte honge un mein wo to mar jate honge
mera sans ukhadte hi sab bain karenge roenge
yani mere baad bhi yani sans liye jate honge
insha-ji utho ab kuch karo is shahr mein ji ko lagana kya
'insha'-ji utho ab kuuch karo is shahr men ji ko lagana kya
vahshi ko sukun se kya matlab jogi ka nagar men thikana kya
is dil ke darida daman ko dekho to sahi socho to sahi
jis jholi men sau chhed hue us jholi ka phailana kya
shab biiti chand bhi duub chala zanjir padi darvaze men
kyuun der gae ghar aae ho sajni se karoge bahana kya
phir hijr ki lambi raat miyan sanjog ki to yahi ek ghadi
jo dil men hai lab par aane do sharmana kya ghabrana kya
us roz jo un ko dekha hai ab khvab ka aalam lagta hai
us roz jo un se baat hui vo baat bhi thi afsana kya
us husn ke sachche moti ko ham dekh saken par chhu na saken
jise dekh saken par chhu na saken vo daulat kya vo khazana kya
us ko bhi jala dukhte hue man ik shoala laal bhabuka ban
yuun aansu ban bah jaana kya yuun maati men mil jaana kya
jab shahr ke log na rasta den kyuun ban men na ja bisram kare
divanon ki si na baat kare to aur kare divana kya
'insha'-ji utho ab kuch karo is shahr mein ji ko lagana kya
wahshi ko sukun se kya matlab jogi ka nagar mein thikana kya
is dil ke darida daman ko dekho to sahi socho to sahi
jis jholi mein sau chhed hue us jholi ka phailana kya
shab biti chand bhi dub chala zanjir padi darwaze mein
kyun der gae ghar aae ho sajni se karoge bahana kya
phir hijr ki lambi raat miyan sanjog ki to yahi ek ghadi
jo dil mein hai lab par aane do sharmana kya ghabrana kya
us roz jo un ko dekha hai ab khwab ka aalam lagta hai
us roz jo un se baat hui wo baat bhi thi afsana kya
us husn ke sachche moti ko hum dekh saken par chhu na saken
jise dekh saken par chhu na saken wo daulat kya wo khazana kya
us ko bhi jala dukhte hue man ek shoala lal bhabuka ban
yun aansu ban bah jaana kya yun mati mein mil jaana kya
jab shahr ke log na rasta den kyun ban mein na ja bisram kare
diwanon ki si na baat kare to aur kare diwana kya
ye dil ye pagal dil mera kyun bujh gaya aawargi
ye dil ye pagal dil mira kyuun bujh gaya avargi
is dasht men ik shahr tha vo kya hua avargi
kal shab mujhe be-shakl ki avaz ne chaunka diya
main ne kaha tu kaun hai us ne kaha avargi
logo bhala is shahr men kaise jiyenge ham jahan
ho jurm tanha sochna lekin saza avargi
ye dard ki tanhaiyan ye dasht ka viran safar
ham log to ukta gae apni suna avargi
ik ajnabi jhonke ne jab puchha mire ghham ka sabab
sahra ki bhigi ret par main ne likha avargi
us samt vahshi khvahishon ki zad men paiman-e-vafa
us samt lahron ki dhamak kachcha ghada avargi
kal raat tanha chand ko dekha tha main ne khvab men
'mohsin' mujhe raas aaegi shayad sada avargi
ye dil ye pagal dil mera kyun bujh gaya aawargi
is dasht mein ek shahr tha wo kya hua aawargi
kal shab mujhe be-shakl ki aawaz ne chaunka diya
main ne kaha tu kaun hai us ne kaha aawargi
logo bhala is shahr mein kaise jiyenge hum jahan
ho jurm tanha sochna lekin saza aawargi
ye dard ki tanhaiyan ye dasht ka viran safar
hum log to ukta gae apni suna aawargi
ek ajnabi jhonke ne jab puchha mere gham ka sabab
sahra ki bhigi ret par main ne likha aawargi
us samt wahshi khwahishon ki zad mein paiman-e-wafa
us samt lahron ki dhamak kachcha ghada aawargi
kal raat tanha chand ko dekha tha main ne khwab mein
'mohsin' mujhe ras aaegi shayad sada aawargi
diwaron se mil kar rona achchha lagta hai
divaron se mil kar rona achchha lagta hai
ham bhi pagal ho jaenge aisa lagta hai
kitne dinon ke pyase honge yaaro socho to
shabnam ka qatra bhi jin ko dariya lagta hai
ankhon ko bhi le duuba ye dil ka pagal-pan
aate jaate jo milta hai tum sa lagta hai
is basti men kaun hamare aansu ponchhega
jo milta hai us ka daman bhiga lagta hai
duniya bhar ki yaden ham se milne aati hain
shaam dhale is suune ghar men mela lagta hai
kis ko patthar marun 'qaisar' kaun paraya hai
shish-mahal men ik ik chehra apna lagta hai
diwaron se mil kar rona achchha lagta hai
hum bhi pagal ho jaenge aisa lagta hai
kitne dinon ke pyase honge yaro socho to
shabnam ka qatra bhi jin ko dariya lagta hai
aankhon ko bhi le duba ye dil ka pagal-pan
aate jate jo milta hai tum sa lagta hai
is basti mein kaun hamare aansu ponchhega
jo milta hai us ka daman bhiga lagta hai
duniya bhar ki yaaden hum se milne aati hain
sham dhale is sune ghar mein mela lagta hai
kis ko patthar marun 'qaisar' kaun paraya hai
shish-mahal mein ek ek chehra apna lagta hai
mujhe gharaz hai meri jaan ghul machane se
mujhe ghharaz hai miri jaan ghhul machane se
na tere aane se matlab na tere jaane se
ajiib hai miri fitrat ki aaj hi maslan
mujhe sukun mila hai tire na aane se
ik ijtihad ka pahlu zarur hai tujh men
khushi hui tire na-vaqt muskurane se
ye mera josh-e-mohabbat faqat ibarat hai
tumhari champai ranon ko noch khane se
mohazzab aadmi patlun ke batan to laga
ki irtiqa hai ibarat batan lagane se
mujhe gharaz hai meri jaan ghul machane se
na tere aane se matlab na tere jaane se
ajib hai meri fitrat ki aaj hi maslan
mujhe sukun mila hai tere na aane se
ek ijtihad ka pahlu zarur hai tujh mein
khushi hui tere na-waqt muskurane se
ye mera josh-e-mohabbat faqat ibarat hai
tumhaari champai ranon ko noch khane se
mohazzab aadmi patlun ke batan to laga
ki irtiqa hai ibarat batan lagane se
shahr-e-gul ke khas-o-khashak se khauf aata hai
shahr-e-gul ke khas-o-khashak se khauf aata hai
jis ka varis huun usi khaak se khauf aata hai
shakl banne nahin paati ki bigad jaati hai
nai mitti ko nae chaak se khauf aata hai
vaqt ne aise ghumae ufuq afaq ki bas
mehvar-e-gardish-e-saffak se khauf aata hai
yahi lahja tha ki meyar-e-sukhan thahra tha
ab isi lahja-e-be-bak se khauf aata hai
aag jab aag se milti hai to lau deti hai
khaak ko khaak ki poshak se khauf aata hai
qamat-e-jan ko khush aaya tha kabhi khilat-e-ishq
ab isi jama-e-sad-chak se khauf aata hai
kabhi aflak se nalon ke javab aate the
in dinon alam-e-aflak se khauf aata hai
rahmat-e-sayyad-e-laulak pe kamil iman
ummat-e-sayyad-e-laulak se khauf aata hai
shahr-e-gul ke khas-o-khashak se khauf aata hai
jis ka waris hun usi khak se khauf aata hai
shakl banne nahin pati ki bigad jati hai
nai mitti ko nae chaak se khauf aata hai
waqt ne aise ghumae ufuq aafaq ki bas
mehwar-e-gardish-e-saffak se khauf aata hai
yahi lahja tha ki meyar-e-sukhan thahra tha
ab isi lahja-e-be-bak se khauf aata hai
aag jab aag se milti hai to lau deti hai
khak ko khak ki poshak se khauf aata hai
qamat-e-jaan ko khush aaya tha kabhi khilat-e-ishq
ab isi jama-e-sad-chaak se khauf aata hai
kabhi aflak se nalon ke jawab aate the
in dinon aalam-e-aflak se khauf aata hai
rahmat-e-sayyad-e-laulak pe kaamil iman
ummat-e-sayyad-e-laulak se khauf aata hai
raaz-e-sar-basta mohabbat ke zaban tak pahunche
raz-e-sar-basta mohabbat ke zaban tak pahunche
baat badh kar ye khuda jaane kahan tak pahunche
kya tasarruf hai tire husn ka allah allah
jalve ankhon se utar kar dil-o-jan tak pahunche
tiri manzil pe pahunchna koi asan na tha
sarhad-e-aql se guzre to yahan tak pahunche
hairat-e-ishq miri husn ka aina hai
dekhne vaale kahan se hain kahan tak pahunche
khul gaya aaj nigahen hain nigahen apni
jalve hi jalve nazar aae jahan tak pahunche
vahi is gosha-e-daman ki haqiqat jaane
jo mire dida-e-khun-naba-fishan tak pahunche
ibtida men jinhen ham nang-e-vafa samjhe the
hote hote vo gile husn-e-bayan tak pahunche
aah vo harf-e-tamanna ki na lab tak aae
haae vo baat ki ik ik ki zaban tak pahunche
kis ka dil hai ki sune qissa-e-furqat mera
kaun hai jo mire andoh-e-nihan tak pahunche
khalish-angez tha kya kya tiri mizhgan ka khayal
tuut kar dil men ye nashtar rag-e-jan tak pahunche
na pata sang-e-nishan ka na khabar rahbar ki
justuju men tire divane yahan tak pahunche
na ghhubar-e-rah-e-manzil hai na avaz-e-jaras
kaun mujh rahrav-e-gum-karda-e-nishan tak pahunche
saaf tauhin hai ye dard-e-mohabbat ki 'hafiz'
husn ka raaz ho aur meri zaban tak pahunche
raaz-e-sar-basta mohabbat ke zaban tak pahunche
baat badh kar ye khuda jaane kahan tak pahunche
kya tasarruf hai tere husn ka allah allah
jalwe aankhon se utar kar dil-o-jaan tak pahunche
teri manzil pe pahunchna koi aasan na tha
sarhad-e-aql se guzre to yahan tak pahunche
hairat-e-ishq meri husn ka aaina hai
dekhne wale kahan se hain kahan tak pahunche
khul gaya aaj nigahen hain nigahen apni
jalwe hi jalwe nazar aae jahan tak pahunche
wahi is gosha-e-daman ki haqiqat jaane
jo mere dida-e-khun-naba-fishan tak pahunche
ibtida mein jinhen hum nang-e-wafa samjhe the
hote hote wo gile husn-e-bayan tak pahunche
aah wo harf-e-tamanna ki na lab tak aae
hae wo baat ki ek ek ki zaban tak pahunche
kis ka dil hai ki sune qissa-e-furqat mera
kaun hai jo mere andoh-e-nihan tak pahunche
khalish-angez tha kya kya teri mizhgan ka khayal
tut kar dil mein ye nashtar rag-e-jaan tak pahunche
na pata sang-e-nishan ka na khabar rahbar ki
justuju mein tere diwane yahan tak pahunche
na ghubar-e-rah-e-manzil hai na aawaz-e-jaras
kaun mujh rahraw-e-gum-karda-e-nishan tak pahunche
saf tauhin hai ye dard-e-mohabbat ki 'hafiz'
husn ka raaz ho aur meri zaban tak pahunche
tere kuche mein jo baitha hai pagal
tire kuche men jo baitha hai pagal
vo dil se haath dho baitha hai pagal
tasavvur men tumhara saath pa kar
lo apne hosh kho baitha hai pagal
tiri khushbu jidhar ko ja rahi hai
usi janib hi to baitha hai pagal
zamane par to khul kar hans raha tha
tire chhute hi ro baitha hai pagal
ishare ishq ki maujon ke pa kar
badan-kashti dubo baitha hai pagal
taaruf yuun mira deti hai duniya
chale jaao ki vo baitha hai pagal
sukhan-var fikr ke lamhon men aksar
lage hai yuun ki go baitha hai pagal
tumhare dar pe kitni muddaton se
nigahen pher lo baitha hai pagal
miri ankhon ke ziine se utar kar
mira daman bhigo baitha hai pagal
tere kuche mein jo baitha hai pagal
wo dil se hath dho baitha hai pagal
tasawwur mein tumhaara sath pa kar
lo apne hosh kho baitha hai pagal
teri khushbu jidhar ko ja rahi hai
usi jaanib hi to baitha hai pagal
zamane par to khul kar hans raha tha
tere chhute hi ro baitha hai pagal
ishaare ishq ki maujon ke pa kar
badan-kashti dubo baitha hai pagal
taaruf yun mera deti hai duniya
chale jao ki wo baitha hai pagal
sukhan-war fikr ke lamhon mein aksar
lage hai yun ki go baitha hai pagal
tumhaare dar pe kitni muddaton se
nigahen pher lo baitha hai pagal
meri aankhon ke zine se utar kar
mera daman bhigo baitha hai pagal
dur kisi ko yaad aata hun raat mujhe pagal karti hai
duur kisi ko yaad aata huun raat mujhe pagal karti hai
ghar se duur nikal jaata huun raat mujhe pagal karti hai
ik anjane shahr men dekhun shakl koi jani-pahchani
us ki or khincha jaata huun raat mujhe pagal karti hai
duur des ik ghar hai apna jaise koi ik sundar sapna
sapne men khud ko paata huun raat mujhe pagal karti hai
'pashi' dil ko chain na aae gheren un ki yaad ke saae
raat aae to ghabrata huun raat mujhe pagal karti hai
dur kisi ko yaad aata hun raat mujhe pagal karti hai
ghar se dur nikal jata hun raat mujhe pagal karti hai
ek anjaane shahr mein dekhun shakl koi jaani-pahchani
us ki or khincha jata hun raat mujhe pagal karti hai
dur des ek ghar hai apna jaise koi ek sundar sapna
sapne mein khud ko pata hun raat mujhe pagal karti hai
'pashi' dil ko chain na aae gheren un ki yaad ke sae
raat aae to ghabraata hun raat mujhe pagal karti hai
aankhon ko phod dalun ya dil ko tod dalun
ankhon ko phod dalun ya dil ko tod dalun
ya ishq ki pakad kar gardan marod dalun
yak-qatra khuun baghhal men hai dil miri so us ko
palkon se teri khatir kyun-kar nichod dalun
vo ahu-e-ramida mil jaae tira-shab gar
kutta banun shikari us ko bhanbhod dalun
khayyat ne qaza ke jaama siya jo mera
aaya na ji men itna kya is men jod dalun
vo sang-dil hua hai ik sang-dil pe ashiq
aata hai ji men sar ko pathron se phod dalun
baitha huun khali akhir ai ansuo karun kya
do chaar gokharo hi laao na mod dalun
taqsir 'mushafi' ki hove muaaf sahib
farmao to tumhare la us ko god dalun
aankhon ko phod dalun ya dil ko tod dalun
ya ishq ki pakad kar gardan marod dalun
yak-qatra khun baghal mein hai dil meri so us ko
palkon se teri khatir kyun-kar nichod dalun
wo aahu-e-ramida mil jae tira-shab gar
kutta banun shikari us ko bhanbhod dalun
khayyat ne qaza ke jama siya jo mera
aaya na ji mein itna kya is mein jod dalun
wo sang-dil hua hai ek sang-dil pe aashiq
aata hai ji mein sar ko pathron se phod dalun
baitha hun khali aakhir ai aansuo karun kya
do chaar gokharo hi lao na mod dalun
taqsir 'mushafi' ki howe muaf sahib
farmao to tumhaare la us ko god dalun
palkon par hasrat ki ghataen hum bhi pagal tum bhi
palkon par hasrat ki ghataen ham bhi pagal tum bhi
ji na saken aur marte jaaen ham bhi pagal tum bhi
donon apni aan ke sachche donon aql ke andhe
haath badhaen phir hat jaaen ham bhi pagal tum bhi
khvab men jaise jaan chhuda kar bhaag na sakne vaale
bhagen aur vahin rah jaaen ham bhi pagal tum bhi
sandal phule jangal jaage naag phirin matvale
nange paanv chalen ghabraen ham bhi pagal tum bhi
palkon par hasrat ki ghataen hum bhi pagal tum bhi
ji na saken aur marte jaen hum bhi pagal tum bhi
donon apni aan ke sachche donon aql ke andhe
hath badhaen phir hat jaen hum bhi pagal tum bhi
khwab mein jaise jaan chhuda kar bhag na sakne wale
bhagen aur wahin rah jaen hum bhi pagal tum bhi
sandal phule jangal jage nag phirin matwale
nange panw chalen ghabraen hum bhi pagal tum bhi
lagte hain nit jo khuban sharmane bawle hain
lagte hain nit jo khuban sharmane bavle hain
ham log vahshi khabti divane bavle hain
ye sehr kya kiya hai balon ki darhami ne
jo us pari par apne begane bavle hain
ji jhonkta hai koi atish men nahaq apna
jalte hain shama par jo parvane bavle hain
ismat ka apni us ko jab aaphi ghham na hove
lagte hain ham jo nahaq ghham khane bavle hain
us mai ka ek qatra surakh-e-dil kare hai
bhar bhar jo ham piyen hain paimane bavle hain
gardish se putliyon ki sar-gashta hai zamana
masti se us nigah ki mai-khane bavle hain
jaate hain us gali men ladkon ko saath le kar
myaan 'mushafi' bhi yaaro kya syane bavle hain
lagte hain nit jo khuban sharmane bawle hain
hum log wahshi khabti diwane bawle hain
ye sehr kya kiya hai baalon ki darhami ne
jo us pari par apne begane bawle hain
ji jhonkta hai koi aatish mein nahaq apna
jalte hain shama par jo parwane bawle hain
ismat ka apni us ko jab aaphi gham na howe
lagte hain hum jo nahaq gham khane bawle hain
us mai ka ek qatra surakh-e-dil kare hai
bhar bhar jo hum piyen hain paimane bawle hain
gardish se putliyon ki sar-gashta hai zamana
masti se us nigah ki mai-khane bawle hain
jate hain us gali mein ladkon ko sath le kar
myan 'mushafi' bhi yaro kya syane bawle hain
numayan dil ki wahshat kyon karen hum
numayan dil ki vahshat kyon karen ham
tujhe paane ki hasrat kyon karen ham
'adavat bhi to ham par lazmi hai
mohabbat hi mohabbat kyon karen ham
hamen milna isi mitti men hai to
tire kuche se hijrat kyon karen hain
hamen vo bevafa jo kah rahe hain
to phir is ki vazahat kyon karen ham
hamari dushmani apnon talak hai
to ghhairon se baghhavat kyon karen ham
numayan dil ki wahshat kyon karen hum
tujhe pane ki hasrat kyon karen hum
'adawat bhi to hum par lazmi hai
mohabbat hi mohabbat kyon karen hum
hamein milna isi mitti mein hai to
tere kuche se hijrat kyon karen hain
hamein wo bewafa jo kah rahe hain
to phir is ki wazahat kyon karen hum
hamari dushmani apnon talak hai
to ghairon se baghawat kyon karen hum
You have reached the end.