Zakhm

suna hai shahar mein zakhmi dilon ka mela hai chalenge hum bhi magar pairahan rafu kar ke

hota hai mitne hi ke liye har laga hua

hota hai mitne hi ke liye har laga hua lekin vo ek daaghh na lag kar laga hua dil baith baith jaata hai aina dekh kar jaane ye kaisa rog hai bhitar laga hua aise hi baat baat pe rota nahin huun main ik zakhm hai kahin mire andar laga hua andar bichha hua hai koi jaal aur hi daam aur hai dukan ke bahar laga hua darta bhi huun ki ho hi na jaae kahin vo kaam ik 'umr se huun jis men barabar laga hua hota nahin javan ladakpan ke baa'd bhi lagta nahin ghharib ka number laga hua vo ittifaq se mira mahbub hai to kya jachta hai ek shakhs hi afsar laga hua 'javvad' zindagi ki tarah thi koi sadak donon taraf qatar men kikar laga hua hota hai mitne hi ke liye har laga hua lekin wo ek dagh na lag kar laga hua dil baith baith jata hai aaina dekh kar jaane ye kaisa rog hai bhitar laga hua aise hi baat baat pe rota nahin hun main ek zakhm hai kahin mere andar laga hua andar bichha hua hai koi jal aur hi dam aur hai dukan ke bahar laga hua darta bhi hun ki ho hi na jae kahin wo kaam ek 'umr se hun jis mein barabar laga hua hota nahin jawan ladakpan ke ba'd bhi lagta nahin gharib ka number laga hua wo ittifaq se mera mahbub hai to kya jachta hai ek shakhs hi afsar laga hua 'jawwad' zindagi ki tarah thi koi sadak donon taraf qatar mein kikar laga hua

is taraf se guzre the qafile bahaaron ke aaj tak sulagte hain zakhm rahguzaron ke

khamoshi ke nakhun se chhil jaya karte hain koi phir in zakhmon par aawazen malta hai

main tere hadiya-e-furqat pe kaise nazan hun meri jabin pe tera zakhm tak hasin nahin

shakh-e-mizhgan pe mahakne lage zakhmon ke gulab pichhle mausam ki mulaqat ki bu zinda hai

ye aas bahut hai ki tere dast sitam se jitne bhi mile ghaw hain bhar jaenge ek din

tadap raha hai jo betab ho ke zakhmon se ye raste mein mere dil ke hu-bahu kya hai

khil rahe hain gulab zakhmon ke shukriya aap ki nawazish ka

nae zakhm lati hai baad-e-saba chaman mein har ek phul bimar hai

aaj kis ki jaan se kheloge ai chaaragaro aaj pahlu mein mere zakhm-e-jigar koi nahin

jab us ne haar ke khanjar zamin pe phenk diya tamam zakhm-e-jigar muskurae hain kya kya

kisi ke hath hi raazi na the rafu ke liye wagarna zakhm had-e-indimal tak aae

dard ki chah mein pahle to kuredun shab-bhar phir usi zakhm ko sine ka maza leta hun

chaaragar marham bharega tu kahan ruh tak hain zakhm ki gahraiyan

ta-umr tera naqsh-e-farozan rahe mujh mein ek zakhm ki surat mere mathe pe ubhar ja