Zulf

puchha jo un se chand nikalta hai kis tarah zulfon ko rukh pe dal ke jhatka diya ki yun

zulfen chhodin hain ki joda usne chhoda sanp ka

zulfen chhodin hain ki joda us ne chhoda saanp ka dekhiye kis kis ko dasta hai ye joda saanp ka gore galon par tire zulfen ye lahrati nahin yasmin-zar-e-sabahat men hai joda saanp ka ishq un zulfon ka mujh se tark hone ka nahin hai mira ham-zad ai naseh ye joda saanp ka donon zulfen yaar ki ulti hain balon par mire vajd karta hai sada-e-nai ye joda saanp ka mund gaiin zulfen hain shaer kis se ab denge misal ho gaya tashbih ki khatir bhi toda saanp ka umr bhar dil ko khayal-e-gesu-e-pechan raha dhyan is nadan ne hargiz na chhoda saanp ka nuqrai mubaf choti men raha un ki sada kenchuli ne umr bhar pichha na chhoda saanp ka pad gai iza-dahandi ki tiri zulfon ko khu katta hai ud ke ashiq ko ye joda saanp ka kuchh samajh kar raha huun yaar ki zulfon ki dasht palta huun apne katvane ko joda saanp ka shaam se un gesuon ki yaad men jo so raha khvab men dekha kiya ta-subh joda saanp ka ishq men gesu o abru ke agar deni hai jaan nish-e-aqrab kha ke pi le zahr thoda saanp ka vaste muuzi ke akhir men bhi muuzi ban gaya sar kisi halat men be-kuchle na chhoda saanp ka ishq-e-gesu men na qatra bhi talaf hone diya zahr saara halaq men main ne nichoda saanp ka khat pe aate hain bahut lahra ke gesu yaar ke sabza-e-nau-khez par ghhash hai ye joda saanp ka halqa-e-gesu-e-shab ko zarra-e-afshan chuni raat ko chun chun ke ik ik daant toda saanp ka har qadam par maar kar sar kar raha hai nag-pech ab chalan sikha hai is muuzi ne thoda saanp ka dushman-e-jani ko apne di na iiza 'rind' ne daant hi toda na chhala us ne phoda saanp ka zulfen chhodin hain ki joda us ne chhoda sanp ka dekhiye kis kis ko dasta hai ye joda sanp ka gore galon par tere zulfen ye lahraati nahin yasmin-zar-e-sabahat mein hai joda sanp ka ishq un zulfon ka mujh se tark hone ka nahin hai mera ham-zad ai naseh ye joda sanp ka donon zulfen yar ki ulti hain baalon par mere wajd karta hai sada-e-nai ye joda sanp ka mund gain zulfen hain shaer kis se ab denge misal ho gaya tashbih ki khatir bhi toda sanp ka umr bhar dil ko khayal-e-gesu-e-pechan raha dhyan is nadan ne hargiz na chhoda sanp ka nuqrai mubaf choti mein raha un ki sada kenchuli ne umr bhar pichha na chhoda sanp ka pad gai iza-dahandi ki teri zulfon ko khu katta hai ud ke aashiq ko ye joda sanp ka kuchh samajh kar raha hun yar ki zulfon ki dasht palta hun apne katwane ko joda sanp ka sham se un gesuon ki yaad mein jo so raha khwab mein dekha kiya ta-subh joda sanp ka ishq mein gesu o abru ke agar deni hai jaan nish-e-aqrab kha ke pi le zahr thoda sanp ka waste muzi ke aakhir mein bhi muzi ban gaya sar kisi haalat mein be-kuchle na chhoda sanp ka ishq-e-gesu mein na qatra bhi talaf hone diya zahr sara halaq mein main ne nichoda sanp ka khat pe aate hain bahut lahra ke gesu yar ke sabza-e-nau-khez par ghash hai ye joda sanp ka halqa-e-gesu-e-shab ko zarra-e-afshan chuni raat ko chun chun ke ek ek dant toda sanp ka har qadam par mar kar sar kar raha hai nag-pech ab chalan sikha hai is muzi ne thoda sanp ka dushman-e-jaani ko apne di na iza 'rind' ne dant hi toda na chhaala us ne phoda sanp ka

aah ko chahiye ek umr asar hote tak kaun jita hai teri zulf ke sar hote tak a prayer needs a lifetime, an answer to obtain who can live until the time that you decide to deign ghalib laments the disparity between the brevity of human life and the time required to win a beloved's heart. while a plea for love might eventually be heard, life is too short to wait for that moment. the 'conquering of tresses' metaphorically refers to untangling the complexities of the relationship, a task that outlasts the lover's life.

apne andar panah mushkil hai

apne andar panah mushkil hai ya'ni khud se nibah mushkil hai tere jhanse men phir se aaen ham ab to 'alam-panah mushkil hai ek to aable hain paanv men ik tire ghar ki raah mushkil hai thak chuka huun main ab ghhanim mire ab tiri vaah vaah mushkil hai ek to be-ghharaz mohabbat ho aur ho be-panah mushkil hai vo jo palte hain astinon men hon kabhi khair-khvah mushkil hai us ki zulfon ka rang hai varna shab ho itni siyah mushkil hai saaf batin na ho to murshid ki ham pe koi nigah mushkil hai husn-e-be-parda dekh kar 'arshad' na ho phir bhi gunah mushkil hai apne andar panah mushkil hai ya'ni khud se nibah mushkil hai tere jhanse mein phir se aaen hum ab to 'alam-panah mushkil hai ek to aable hain panw mein ek tere ghar ki rah mushkil hai thak chuka hun main ab ghanim mere ab teri wah wah mushkil hai ek to be-gharaz mohabbat ho aur ho be-panah mushkil hai wo jo palte hain aastinon mein hon kabhi khair-khwah mushkil hai us ki zulfon ka rang hai warna shab ho itni siyah mushkil hai saf baatin na ho to murshid ki hum pe koi nigah mushkil hai husn-e-be-parda dekh kar 'arshad' na ho phir bhi gunah mushkil hai

hum hue tum hue ki 'mir' hue us ki zulfon ke sab asir hue whether me or you, or miir it may be are prisoners of her tresses for eternity meer taqi meer says love levels everyone: speaker, listener, even the poet himself. the beloved’s “tresses” are a metaphor for the snares of beauty that bind the heart. the couplet carries a half-playful, half-resigned tone: no one escapes this captivity. it suggests an inevitable, shared fate in عشق.

ye udi udi si rangat ye khule khule se gesu teri subh kah rahi hai teri raat ka fasana

kai chand the sar-e-asman ki chamak chamak ke palat gae na lahu mere hi jigar mein tha na tumhaari zulf siyah thi

nind us ki hai dimagh us ka hai raaten us ki hain teri zulfen jis ke bazu par pareshan ho gain ghalib describes the ultimate romantic success, stating that the person who holds the beloved in their arms possesses everything. the scattering of hair on the lover's arm symbolizes deep intimacy, granting that person true rest and the right to be proud, while others are left restless.

kis ne bhige hue baalon se ye jhatka pani jhum ke aai ghata tut ke barsa pani

jab yar ne utha kar zulfon ke baal bandhe tab main ne apne dil mein lakhon khayal bandhe when my beloved raised her arms to gather up her tresses a million desires gathered in my heart and got tied up in a tangle.

us zulf pe phabti shab-e-dijur ki sujhi andhe ko andhere mein badi dur ki sujhi

apne sar ek bala to leni thi main ne wo zulf apne sar li hai

bikhri hui wo zulf ishaaron mein kah gai main bhi sharik hun tere haal-e-tabah mein

bahut mushkil hai duniya ka sanwarna teri zulfon ka pech-o-kham nahin hai

kuchh bikhri hui yaadon ke qisse bhi bahut the kuchh us ne bhi baalon ko khula chhod diya tha

ye khule khule se gesu inhen lakh tu sanware mere hath se sanwarte to kuchh aur baat hoti

chhedti hain kabhi lab ko kabhi rukhsaron ko tum ne zulfon ko bahut sar pe chadha rakkha hai

zahid ne mera hasil-e-iman nahin dekha rukh par teri zulfon ko pareshan nahin dekha the priest has seen my piety, he hasn't seen your grace he has not seen your tresses strewn across your face

ai junun phir mere sar par wahi shamat aai phir phansa zulfon mein dil phir wahi aafat aai

ijazat ho to main tasdiq kar lun teri zulfon se suna hai zindagi ek khub-surat dam hai saqi

hath tuten main ne gar chhedi hon zulfen aap ki aap ke sar ki qasam baad-e-saba thi main na tha

uljha hai panw yar ka zulf-e-daraaz mein lo aap apne dam mein sayyaad aa gaya the couplet plays on a witty reversal: the beloved’s long hair becomes a “trap,” and the lover who once seemed the hunter turns into the caught one. the image suggests that beauty ensnares even the one who thinks he controls the chase. emotionally, it celebrates love’s power to disarm pride and flip roles in an instant.

sarak kar aa gain zulfen jo in makhmur aankhon tak main ye samjha ki mai-khane pe badli chhai jati hai

dekhi thi ek raat teri zulf khwab mein phir jab talak jiya main pareshan hi raha

zulfen sina naf kamar ek nadi mein kitne bhanwar

jo dekhte teri zanjir-e-zulf ka aalam asir hone ki aazad aarzu karte

na jhatko zulf se pani ye moti tut jaenge tumhaara kuchh na bigdega magar dil tut jaenge

phir yaad bahut aaegi zulfon ki ghani sham jab dhup mein saya koi sar par na milega

aap ki nazuk kamar par bojh padta hai bahut badh chale hain had se gesu kuchh inhen kam kijiye

dekh lete jo mere dil ki pareshani ko aap baithe hue zulfen na sanwara karte