kis se izhaar-e-muddaa kije
kis se izhar-e-muddaa kiije
aap milte nahin hain kya kiije
ho na paaya ye faisla ab tak
aap kiije to kya kiya kiije
aap the jis ke chara-gar vo javan
sakht bimar hai dua kiije
ek hi fan to ham ne sikha hai
jis se miliye use khafa kiije
hai taqaza miri tabiat ka
har kisi ko charaghh-pa kiije
hai to baare ye alam-e-asbab
be-sabab chikhne laga kiije
aaj ham kya gila karen us se
gila-e-tangi-e-qaba kiije
nutq haivan par garan hai abhi
guftugu kam se kam kiya kiije
hazrat-e-zulf-e-ghhaliya-afshan
naam apna saba saba kiije
zindagi ka ajab moamla hai
ek lamhe men faisla kiije
mujh ko aadat hai ruuth jaane ki
aap mujh ko mana liya kiije
milte rahiye isi tapak ke saath
bevafai ki intiha kiije
kohkan ko hai khud-kushi khvahish
shah-bano se iltija kiije
mujh se kahti thiin vo sharab ankhen
aap vo zahr mat piya kiije
rang har rang men hai dad-talab
khuun thukun to vah-va kiije
kis se izhaar-e-muddaa kije
aap milte nahin hain kya kije
ho na paya ye faisla ab tak
aap kije to kya kiya kije
aap the jis ke chaara-gar wo jawan
sakht bimar hai dua kije
ek hi fan to hum ne sikha hai
jis se miliye use khafa kije
hai taqaza meri tabiat ka
har kisi ko charagh-pa kije
hai to bare ye aalam-e-asbab
be-sabab chikhne laga kije
aaj hum kya gila karen us se
gila-e-tangi-e-qaba kije
nutq haiwan par garan hai abhi
guftugu kam se kam kiya kije
hazrat-e-zulf-e-ghaaliya-afshan
nam apna saba saba kije
zindagi ka ajab moamla hai
ek lamhe mein faisla kije
mujh ko aadat hai ruth jaane ki
aap mujh ko mana liya kije
milte rahiye isi tapak ke sath
bewafai ki intiha kije
kohkan ko hai khud-kushi khwahish
shah-bano se iltija kije
mujh se kahti thin wo sharab aankhen
aap wo zahr mat piya kije
rang har rang mein hai dad-talab
khun thukun to wah-wa kije
mujhe udas kar gae ho khush raho
mujhe udaas kar gae ho khush raho
mire mizaj par gae ho khush raho
mire liye na ruk sake to kya hua
jahan kahin thahar gae ho khush raho
khushi hui hai aaj tum ko dekh kar
bahut nikhar sanvar gae ho khush raho
udaas ho kisi ki bevafai par
vafa kahin to kar gae ho khush raho
gali men aur log bhi the ashna
hamen salam kar gae ho khush raho
tumhen to meri dosti pe naaz tha
isi se ab mukar gae ho khush raho
kisi ki zindagi bano ki bandagi
mire liye to mar gae ho khush raho
mujhe udas kar gae ho khush raho
mere mizaj par gae ho khush raho
mere liye na ruk sake to kya hua
jahan kahin thahar gae ho khush raho
khushi hui hai aaj tum ko dekh kar
bahut nikhar sanwar gae ho khush raho
udas ho kisi ki bewafai par
wafa kahin to kar gae ho khush raho
gali mein aur log bhi the aashna
hamein salam kar gae ho khush raho
tumhein to meri dosti pe naz tha
isi se ab mukar gae ho khush raho
kisi ki zindagi bano ki bandagi
mere liye to mar gae ho khush raho
zindagi di hai to jine ka hunar bhi dena
zindagi di hai to jiine ka hunar bhi dena
paanv bakhshen hain to taufiq-e-safar bhi dena
guftugu tu ne sikhai hai ki main gunga tha
ab main bolunga to baton men asar bhi dena
main to is khana-badoshi men bhi khush huun lekin
agli naslen to na bhatken unhen ghar bhi dena
zulm aur sabr ka ye khel mukammal ho jaae
us ko khanjar jo diya hai mujhe sar bhi dena
zindagi di hai to jine ka hunar bhi dena
panw bakhshen hain to taufiq-e-safar bhi dena
guftugu tu ne sikhai hai ki main gunga tha
ab main bolunga to baaton mein asar bhi dena
main to is khana-badoshi mein bhi khush hun lekin
agli naslen to na bhatken unhen ghar bhi dena
zulm aur sabr ka ye khel mukammal ho jae
us ko khanjar jo diya hai mujhe sar bhi dena
gham-e-ashiqi se kah do rah-e-am tak na pahunche
ghham-e-ashiqi se kah do rah-e-am tak na pahunche
mujhe khauf hai ye tohmat tire naam tak na pahunche
main nazar se pi raha tha to ye dil ne bad-dua di
tira haath zindagi bhar kabhi jaam tak na pahunche
vo nava-e-muzmahil kya na ho jis men dil ki dhadkan
vo sada-e-ahl-e-dil kya jo avaam tak na pahunche
mire tair-e-nafas ko nahin baghhban se ranjish
mile ghar men ab-o-dana to ye daam tak na pahunche
nai subh par nazar hai magar aah ye bhi dar hai
ye sahar bhi rafta rafta kahin shaam tak na pahunche
ye ada-e-be-niyazi tujhe bevafa mubarak
magar aisi be-rukhi kya ki salam tak na pahunche
jo naqab-e-rukh utha di to ye qaid bhi laga di
uthe har nigah lekin koi baam tak na pahunche
unhen apne dil ki khabren mire dil se mil rahi hain
main jo un se ruuth jaun to payam tak na pahunche
vahi ik khamosh naghhma hai 'shakil' jan-e-hasti
jo zaban par na aae jo kalam tak na pahunche
gham-e-ashiqi se kah do rah-e-am tak na pahunche
mujhe khauf hai ye tohmat tere nam tak na pahunche
main nazar se pi raha tha to ye dil ne bad-dua di
tera hath zindagi bhar kabhi jam tak na pahunche
wo nawa-e-muzmahil kya na ho jis mein dil ki dhadkan
wo sada-e-ahl-e-dil kya jo awam tak na pahunche
mere tair-e-nafas ko nahin baghban se ranjish
mile ghar mein aab-o-dana to ye dam tak na pahunche
nai subh par nazar hai magar aah ye bhi dar hai
ye sahar bhi rafta rafta kahin sham tak na pahunche
ye ada-e-be-niyazi tujhe bewafa mubarak
magar aisi be-rukhi kya ki salam tak na pahunche
jo naqab-e-rukh utha di to ye qaid bhi laga di
uthe har nigah lekin koi baam tak na pahunche
unhen apne dil ki khabren mere dil se mil rahi hain
main jo un se ruth jaun to payam tak na pahunche
wahi ek khamosh naghma hai 'shakil' jaan-e-hasti
jo zaban par na aae jo kalam tak na pahunche
ya-rab gham-e-hijran mein itna to kiya hota
ya-rab ghham-e-hijran men itna to kiya hota
jo haath jigar par hai vo dast-e-dua hota
ik ishq ka ghham aafat aur us pe ye dil aafat
ya ghham na diya hota ya dil na diya hota
nakam-e-tamanna dil is soch men rahta hai
yuun hota to kya hota yuun hota to kya hota
ummid to bandh jaati taskin to ho jaati
vaada na vafa karte vaada to kiya hota
ghhairon se kaha tum ne ghhairon se suna tum ne
kuchh ham se kaha hota kuchh ham se suna hota
ya-rab gham-e-hijran mein itna to kiya hota
jo hath jigar par hai wo dast-e-dua hota
ek ishq ka gham aafat aur us pe ye dil aafat
ya gham na diya hota ya dil na diya hota
nakaam-e-tamanna dil is soch mein rahta hai
yun hota to kya hota yun hota to kya hota
ummid to bandh jati taskin to ho jati
wada na wafa karte wada to kiya hota
ghairon se kaha tum ne ghairon se suna tum ne
kuchh hum se kaha hota kuchh hum se suna hota
~ Chiragh Hasan Hasrat
ab to mazhab koi aisa bhi chalaya jae
ab to mazhab koi aisa bhi chalaya jaae
jis men insan ko insan banaya jaae
jis ki khushbu se mahak jaae padosi ka bhi ghar
phuul is qism ka har samt khilaya jaae
aag bahti hai yahan ganga men jhelam men bhi
koi batlae kahan ja ke nahaya jaae
pyaar ka khuun hua kyuun ye samajhne ke liye
har andhere ko ujale men bulaya jaae
mere dukh-dard ka tujh par ho asar kuchh aisa
main rahun bhuka to tujh se bhi na khaya jaae
jism do ho ke bhi dil ek hon apne aise
mera aansu teri palkon se uthaya jaae
giit anman hai ghhazal chup hai rubai hai dukhi
aise mahaul men 'niraj' ko bulaya jaae
ab to mazhab koi aisa bhi chalaya jae
jis mein insan ko insan banaya jae
jis ki khushbu se mahak jae padosi ka bhi ghar
phul is qism ka har samt khilaya jae
aag bahti hai yahan ganga mein jhelam mein bhi
koi batlae kahan ja ke nahaya jae
pyar ka khun hua kyun ye samajhne ke liye
har andhere ko ujale mein bulaya jae
mere dukh-dard ka tujh par ho asar kuchh aisa
main rahun bhuka to tujh se bhi na khaya jae
jism do ho ke bhi dil ek hon apne aise
mera aansu teri palkon se uthaya jae
git anman hai ghazal chup hai rubai hai dukhi
aise mahaul mein 'niraj' ko bulaya jae
garaj-baras pyasi dharti par phir pani de maula
garaj-baras pyasi dharti par phir paani de maula
chidiyon ko daane bachchon ko gud-dhani de maula
do aur do ka jod hamesha chaar kahan hota hai
soch samajh valon ko thodi nadani de maula
phir raushan kar zahr ka pyala chamka nai saliben
jhuton ki duniya men sach ko tabani de maula
phir murat se bahar aa kar charon or bikhar ja
phir mandir ko koi 'mira' divani de maula
tere hote koi kisi ki jaan ka dushman kyuun ho
jiine valon ko marne ki asani de maula
garaj-baras pyasi dharti par phir pani de maula
chidiyon ko dane bachchon ko gud-dhani de maula
do aur do ka jod hamesha chaar kahan hota hai
soch samajh walon ko thodi nadani de maula
phir raushan kar zahr ka pyala chamka nai saliben
jhuton ki duniya mein sach ko tabani de maula
phir murat se bahar aa kar chaaron or bikhar ja
phir mandir ko koi 'mira' diwani de maula
tere hote koi kisi ki jaan ka dushman kyun ho
jine walon ko marne ki aasani de maula
har ek gham nichod ke har ek baras jiye
har ek ghham nichod ke har ik baras jiye
do din ki zindagi men hazaron baras jiye
sadiyon pe ikhtiyar nahin tha hamara dost
do chaar lamhe bas men the do chaar bas jiye
sahra ke us taraf se gae saare karvan
sun sun ke ham to sirf sada-e-jaras jiye
honton men le ke raat ke anchal ka ik sira
ankhon pe rakh ke chand ke honton ka mas jiye
mahdud hain duaen mire ikhtiyar men
har saans pur-sukun ho tu sau baras jiye
har ek gham nichod ke har ek baras jiye
do din ki zindagi mein hazaron baras jiye
sadiyon pe ikhtiyar nahin tha hamara dost
do chaar lamhe bas mein the do chaar bas jiye
sahra ke us taraf se gae sare karwan
sun sun ke hum to sirf sada-e-jaras jiye
honton mein le ke raat ke aanchal ka ek sira
aankhon pe rakh ke chand ke honton ka mas jiye
mahdud hain duaen mere ikhtiyar mein
har sans pur-sukun ho tu sau baras jiye
nadi ka aab diya hai to kuchh bahaw bhi de
nadi ka aab diya hai to kuchh bahav bhi de
miri ghhazal ko naya-pan bhi de rachav bhi de
chala ke sard hava mujh ko munjamid bhi kar
pighal ke phailna chahun to ik alaav bhi de
ki jis ke dard ka ehsas tere jaisa ho
kabhi kabhi miri fitrat ko aisa ghaav bhi de
azab-e-sail-e-musalsal jo de raha hai mujhe
to sath-e-ab pe chalne ko ek naav bhi de
musafirat ke kai marhale tamam hue
ki meri khana-badoshi ko ab padav bhi de
nadi ka aab diya hai to kuchh bahaw bhi de
meri ghazal ko naya-pan bhi de rachaw bhi de
chala ke sard hawa mujh ko munjamid bhi kar
pighal ke phailna chahun to ek alaw bhi de
ki jis ke dard ka ehsas tere jaisa ho
kabhi kabhi meri fitrat ko aisa ghaw bhi de
azab-e-sail-e-musalsal jo de raha hai mujhe
to sath-e-ab pe chalne ko ek naw bhi de
musafirat ke kai marhale tamam hue
ki meri khana-badoshi ko ab padaw bhi de
jo usne kiya use sila de
jo us ne kiya use sila de
maula mujhe sabr ki jaza de
ya mere diye ki lau badha de
ya raat ko subh se mila de
sach huun to mujhe amar bana de
jhuta huun to naqsh sab mita de
ye qaum ajiib ho gai hai
is qaum ko khu-e-ambiya de
utrega na koi asman se
ik aas men dil magar sada de
bachchon ki tarah ye lafz mere
maabud inhen bolna sikha de
dukh dahr ke apne naam likkhun
har dukh mujhe zaat ka maza de
ik mera vajud sun raha hai
ilham jo raat ki hava de
mujh se mira koi milne vaala
bichhda to nahin magar mila de
chehra mujhe apna dekhne ko
ab dast-e-havas men aina de
jis shakhs ne umar-e-hijr kaati
us shakhs ko ek raat kya de
dukhta hai badan ki phir mile vo
mil jaae to ruuh ko dikha de
kya chiiz hai khvahish-e-badan bhi
har baar naya hi zaiqa de
chhune men ye dar ki mar na jaun
chhu luun to vo zindagi siva de
jo us ne kiya use sila de
maula mujhe sabr ki jaza de
ya mere diye ki lau badha de
ya raat ko subh se mila de
sach hun to mujhe amar bana de
jhuta hun to naqsh sab mita de
ye qaum ajib ho gai hai
is qaum ko khu-e-ambiya de
utrega na koi aasman se
ek aas mein dil magar sada de
bachchon ki tarah ye lafz mere
mabud inhen bolna sikha de
dukh dahr ke apne nam likkhun
har dukh mujhe zat ka maza de
ek mera wajud sun raha hai
ilham jo raat ki hawa de
mujh se mera koi milne wala
bichhda to nahin magar mila de
chehra mujhe apna dekhne ko
ab dast-e-hawas mein aaina de
jis shakhs ne umar-e-hijr kati
us shakhs ko ek raat kya de
dukhta hai badan ki phir mile wo
mil jae to ruh ko dikha de
kya chiz hai khwahish-e-badan bhi
har bar naya hi zaiqa de
chhune mein ye dar ki mar na jaun
chhu lun to wo zindagi siwa de
kisi ke chhut jaane ka use kyon gham nahin hota
kisi ke chhut jaane ka use kyon ghham nahin hota
tira dil hai ki patthar hai kabhi jo nam nahin hota
parinde gungunate hain tumhare shahr men lekin
hamare shahr ka aisa kabhi mausam nahin hota
ba-zahir jugnuon ki raushni se ghar to raushan hai
magar phir bhi mire ghar ka andhera kam nahin hota
khuda se gar tujhe manga nahin hota du'aon men
tujhe khone ka phir ham ko zara bhi ghham nahin hota
nigahon ne hamari ek manzar vo bhi dekha hai
jahan apnon ke marne ka koi matam nahin hota
kisi ke chhut jaane ka use kyon gham nahin hota
tera dil hai ki patthar hai kabhi jo nam nahin hota
parinde gungunate hain tumhaare shahr mein lekin
hamare shahr ka aisa kabhi mausam nahin hota
ba-zahir jugnuon ki raushni se ghar to raushan hai
magar phir bhi mere ghar ka andhera kam nahin hota
khuda se gar tujhe manga nahin hota du'aon mein
tujhe khone ka phir hum ko zara bhi gham nahin hota
nigahon ne hamari ek manzar wo bhi dekha hai
jahan apnon ke marne ka koi matam nahin hota
kuchh faede bhi hote hain ujde makan ke
kuchh faede bhi hote hain ujde makan ke
alfaz is men gunjte hain raftagan ke
ai chand is men teri bhi sazish zarur hai
taare kidhar gae hain mire asman ke
ud jaega yaqin ke pinjre ko tod kar
thode se par nikalne do vahm-o-guman ke
ghhazlen miri bacha lo bure vaqt ke liye
alfaz bech dalna mujh be-zaban ke
karbal ki ret dekh ke itne the mutmain
jaise ki muntazir hon isi imtihan ke
ik baar mere lafzon ko padh kar zaban se
kirdar zinda kar do miri dastan ke
itna asar to rakhti hai maan ki du'a 'ali'
dekhe hain main ne khulte kivad asman ke
kuchh faede bhi hote hain ujde makan ke
alfaz is mein gunjte hain raftagan ke
ai chand is mein teri bhi sazish zarur hai
tare kidhar gae hain mere aasman ke
ud jaega yaqin ke pinjre ko tod kar
thode se par nikalne do wahm-o-guman ke
ghazlen meri bacha lo bure waqt ke liye
alfaz bech dalna mujh be-zaban ke
karbal ki ret dekh ke itne the mutmain
jaise ki muntazir hon isi imtihan ke
ek bar mere lafzon ko padh kar zaban se
kirdar zinda kar do meri dastan ke
itna asar to rakhti hai man ki du'a 'ali'
dekhe hain main ne khulte kiwad aasman ke
bhitar basne wala khud bahar ki sair kare maula khair kare
bhitar basne vaala khud bahar ki sair kare maula khair kare
ik murat ko chahe phir kaabe ko dair kare maula khair kare
ishq-vishiq ye chahat-vahat man ka bhulava phir man bhi apna kya
yaar ye kaisa rishta jo apnon ko ghhair kare maula khair kare
ret ka tuuda andhi ki faujon par tiir chalae tahni ped chabae
chhoti machhli dariya men ghadiyal se bair kare maula khair kare
soch ki kafir har murat pe jaan chhidakta hai bin paanv thirakta hai
man ka musalman ab qible ki janib pair kare maula khair kare
fikr ki chaak pe maati ki tu shakl badalta hai ya khud hi dhalta hai
'bekal' be-par lafzon ki takhil ko tair kare maula khair kare
bhitar basne wala khud bahar ki sair kare maula khair kare
ek murat ko chahe phir kabe ko dair kare maula khair kare
ishq-wishiq ye chahat-wahat man ka bhulawa phir man bhi apna kya
yar ye kaisa rishta jo apnon ko ghair kare maula khair kare
ret ka tuda aandhi ki faujon par tir chalae tahni ped chabae
chhoti machhli dariya mein ghadiyal se bair kare maula khair kare
soch ki kafir har murat pe jaan chhidakta hai bin panw thirakta hai
man ka musalman ab qible ki jaanib pair kare maula khair kare
fikr ki chaak pe mati ki tu shakl badalta hai ya khud hi dhalta hai
'bekal' be-par lafzon ki takhil ko tair kare maula khair kare
meri dastaras mein hai gar qalam mujhe husn-e-fikr-o-khayal de
miri dastaras men hai gar qalam mujhe husn-e-fikr-o-khayal de
mujhe shahryar-e-sukhan bana aur enan-e-shahr-e-kamal de
miri shakh-e-sher rahe hari de mire sukhan ko sanobari
miri jhiil men bhi kanval khila miri guddiyon ko bhi laal de
tiri bakhshishon men hai sarvari mire ishq ko de qalandari
jo uthe to dast-e-dua lage mujhe aisa dast-e-saval de
rag-e-jan men jamne laga lahu use mushk banne ki aarzu
hai udaas dasht-e-tatar-e-dil use phir shalang-e-ghhazal de
koi baat aqrab-o-shams ki koi zikr-e-zohra-o-mushtari
tu bada sitara-shanas hai mujhe koi achchhi si faal de
hain ye jism-o-jan ki quyud kya khad-o-khal ke ye hudud kya
main huun aks-e-manzar-e-mavara mujhe ainon se nikal de
main vahi huun 'tishna'-e-ba-vafa mira aaj bhi vahi muddaa
na firaq de mujhe mustaqil na mujhe hamesha visal de
meri dastaras mein hai gar qalam mujhe husn-e-fikr-o-khayal de
mujhe shahryar-e-sukhan bana aur enan-e-shahr-e-kamal de
meri shakh-e-sher rahe hari de mere sukhan ko sanobari
meri jhil mein bhi kanwal khila meri guddiyon ko bhi lal de
teri bakhshishon mein hai sarwari mere ishq ko de qalandari
jo uthe to dast-e-dua lage mujhe aisa dast-e-sawal de
rag-e-jaan mein jamne laga lahu use mushk banne ki aarzu
hai udas dasht-e-tatar-e-dil use phir shalang-e-ghazal de
koi baat aqrab-o-shams ki koi zikr-e-zohra-o-mushtari
tu bada sitara-shanas hai mujhe koi achchhi si fal de
hain ye jism-o-jaan ki quyud kya khad-o-khal ke ye hudud kya
main hun aks-e-manzar-e-mawara mujhe aainon se nikal de
main wahi hun 'tishna'-e-ba-wafa mera aaj bhi wahi muddaa
na firaq de mujhe mustaqil na mujhe hamesha visal de
mere khuda tu mujhe khud se aashna kar de
mire khuda tu mujhe khud se ashna kar de
main teri shab se bhatkun mujhe fana kar de
tamam umr vo mere visal ko tarse
tu us ke dil ko judai se ashna kar de
vo ham ko duur se dekhe tadap ke rah jaae
hamare beach men tu itna fasla kar de
main us ke baad se tanha huun ek muddat se
kisi ko bhej de duniya men aasra kar de
main teri shab se ghhafil na hone paun kabhi
tu apni zaat men kuchh itna mubtala kar de
bas ek akhiri khvahish hai tere 'kashif' ki
tu apne paas bula le use riha kar de
mere khuda tu mujhe khud se aashna kar de
main teri shab se bhatkun mujhe fana kar de
tamam umr wo mere visal ko tarse
tu us ke dil ko judai se aashna kar de
wo hum ko dur se dekhe tadap ke rah jae
hamare beach mein tu itna fasla kar de
main us ke baad se tanha hun ek muddat se
kisi ko bhej de duniya mein aasra kar de
main teri shab se ghafil na hone paun kabhi
tu apni zat mein kuchh itna mubtala kar de
bas ek aakhiri khwahish hai tere 'kashif' ki
tu apne pas bula le use riha kar de
amn ki kar khairaat ata mere maula
amn ki kar khairat ata mere maula
jang-o-jadal ko duur hata mere maula
ab ke baras to shakhon pe phal-phul khilen
dharti ko gulzar bana mere maula
nafrat aur taassub ki is nagri men
chahat ka bazar saja mere maula
ham ko is barud ke ahd men zinda rakh
aisa koi khel racha mere maula
tariki se raushniyon ki manzil tak
qarya qarya diip jala mere maula
tufanon men haath hilane valon ko
sahil pe ik baar bula mere maula
amn ki kar khairaat ata mere maula
jang-o-jadal ko dur hata mere maula
ab ke baras to shakhon pe phal-phul khilen
dharti ko gulzar bana mere maula
nafrat aur tassub ki is nagri mein
chahat ka bazar saja mere maula
hum ko is barud ke ahd mein zinda rakh
aisa koi khel racha mere maula
tariki se raushniyon ki manzil tak
qarya qarya dip jala mere maula
tufanon mein hath hilane walon ko
sahil pe ek bar bula mere maula
dar dar phirte logon ko dar de maula
dar dar phirte logon ko dar de maula
banjaron ko bhi apna ghar de maula
jo auron ki khushiyon men khush hote hain
un ka bhi ghar khushiyon se bhar de maula
zulm-o-sitam ho khatm na ho dahshat-gardi
amn-o-aman ki yuun barish kar de maula
bhuke pyase muflis aur yatim hain jo
nazar-e-inayat un par bhi kar de maula
jo karte hain khun-kharaba zulm-o-sitam
un ke bhi dil men thoda dar de maula
dar dar phirte logon ko dar de maula
banjaron ko bhi apna ghar de maula
jo auron ki khushiyon mein khush hote hain
un ka bhi ghar khushiyon se bhar de maula
zulm-o-sitam ho khatm na ho dahshat-gardi
amn-o-aman ki yun barish kar de maula
bhuke pyase muflis aur yatim hain jo
nazar-e-inayat un par bhi kar de maula
jo karte hain khun-kharaba zulm-o-sitam
un ke bhi dil mein thoda dar de maula
gham diye hain to masarrat ke guhar bhi dena
ghham diye hain to masarrat ke guhar bhi dena
ai khuda tu mujhe jiine ka hunar bhi dena
hakim-e-vaqt ye hijrat mujhe manzur magar
dam-e-rukhsat mujhe saman-e-safar bhi dena
ai shab-o-roz ke malik mujhe is duniya men
lailatul-qadr ki manind sahar bhi dena
sun zara ghhaur se sun ai shajar-e-saya-fagan
jab tire saae men pahunchun to samar bhi dena
lafz niklen jo zaban se to dilon tak pahunchen
meri taqrir men kuchh aisa asar bhi dena
tere altaf-o-karam ki hai bahar-su shohrat
mal-o-zar dega hi to laal-o-gohar bhi dena
tu jo shamshir-ba-kaf ho to main sar pesh karun
jo hain dil vaale unhen aata hai sar bhi dena
bakhshne vaale zamane ko jamal-e-har-rang
jo tujhe dekh sake aisi nazar bhi dena
le chala main tiri jannat se bayaban ki taraf
sar chhupane ko vahan tu mujhe ghar bhi dena
harf aa jaae na tujh par kahin kam-zarfi ka
daman-e-'shams' ko tu dida-e-tar bhi dena
gham diye hain to masarrat ke guhar bhi dena
ai khuda tu mujhe jine ka hunar bhi dena
hakim-e-waqt ye hijrat mujhe manzur magar
dam-e-rukhsat mujhe saman-e-safar bhi dena
ai shab-o-roz ke malik mujhe is duniya mein
lailatul-qadr ki manind sahar bhi dena
sun zara ghaur se sun ai shajar-e-saya-fagan
jab tere sae mein pahunchun to samar bhi dena
lafz niklen jo zaban se to dilon tak pahunchen
meri taqrir mein kuchh aisa asar bhi dena
tere altaf-o-karam ki hai bahar-su shohrat
mal-o-zar dega hi to lal-o-gohar bhi dena
tu jo shamshir-ba-kaf ho to main sar pesh karun
jo hain dil wale unhen aata hai sar bhi dena
bakhshne wale zamane ko jamal-e-har-rang
jo tujhe dekh sake aisi nazar bhi dena
le chala main teri jannat se bayaban ki taraf
sar chhupane ko wahan tu mujhe ghar bhi dena
harf aa jae na tujh par kahin kam-zarfi ka
daman-e-'shams' ko tu dida-e-tar bhi dena
jam ki hai na ye subu ki hai
jaam ki hai na ye subu ki hai
ye mahak to mire lahu ki hai
ungliyan meri khuun rone lagin
zindagi is qadar rafu ki hai
ye jo nuraniyat hai chehre par
ye karamat mire vuzu ki hai
apne parvardigar se main ne
der tak raat guftugu ki hai
khud se samjhauta ab nahin hoga
baat ab meri aabru ki hai
bargah-e-khuda men ai 'najmi'
jab du'a ki hai ba-vuzu ki hai
jam ki hai na ye subu ki hai
ye mahak to mere lahu ki hai
ungliyan meri khun rone lagin
zindagi is qadar rafu ki hai
ye jo nuraniyat hai chehre par
ye karamat mere wuzu ki hai
apne parwardigar se main ne
der tak raat guftugu ki hai
khud se samjhauta ab nahin hoga
baat ab meri aabru ki hai
bargah-e-khuda mein ai 'najmi'
jab du'a ki hai ba-wuzu ki hai
nasib-e-khasta ki meraj-o-id chahta hun
nasib-e-khasta ki me'raj-o-'id chahta huun
main apne chand ki ik baar diid chahta huun
tamam zakhm-e-dil ab ho gae purane se
ai mehrban koi ghaav jadid chahta huun
mariz-e-'ishq ko jo khench laae marghat se
mire khuda koi aisi umiid chahta huun
use sunaun ki vo zulm phir kabhi na kare
sitam pe shaikh ji aisi va'id chahta huun
hai ik nigah ka teri mujhe to ab bhi khumar
tira karam koi aisa mazid chahta huun
bahut sataya hai makhluq ne tiri ya-rab
sukun ab pae-hazrat-farid chahta huun
nasib-e-khasta ki me'raj-o-'id chahta hun
main apne chand ki ek bar did chahta hun
tamam zakhm-e-dil ab ho gae purane se
ai mehrban koi ghaw jadid chahta hun
mariz-e-'ishq ko jo khench lae marghat se
mere khuda koi aisi umid chahta hun
use sunaun ki wo zulm phir kabhi na kare
sitam pe shaikh ji aisi wa'id chahta hun
hai ek nigah ka teri mujhe to ab bhi khumar
tera karam koi aisa mazid chahta hun
bahut sataya hai makhluq ne teri ya-rab
sukun ab pae-hazrat-farid chahta hun
na to main hi khud se hun mutmain na yun hai ki mauj-e-bala nahin
na to main hi khud se huun mutmain na yuun hai ki mauj-e-bala nahin
pa khuda-e-pak ke ru-baru kabhi uthte dast-e-du'a nahin
ye ghhurur-o-zo'm hai na-rava ye sitam ye zulm hai be-sabab
tah-e-khak tujh ko bhi hona hai tu bhi aadmi hai khuda nahin
tu ki us ki zulf ki khush-bu hai tira ek apna maqam hai
tiri ru men bad-e-nasim hai tu asir-e-bad-e-saba nahin
mujhe muztarib hi na kar saki vo khalish vo shokhi-e-naqsh-e-pa
tiri chaal men vo ada nahin tiri ankhon men bhi haya nahin
na faqih-e-shar' ke hukm par na amir-e-shahr ke amr par
tire dar ko chhod ke ai khuda main kisi ke dar pe jhuka nahin
mire dil ko aaj sukun nahin miri jaan aaj hai muztarib
tire lab ki kaliyan khili nahin tira tir-e-chashm chala nahin
tire zulm ki hon vo andhiyan ya thapede mauj-e-bala ke hon
mira 'ishq aisa charaghh hai jo kisi bhi vaqt bujha nahin
tu bhi bad-guman hai be-sabab hai abhi bhi us ko tiri talab
use tanha aise na chhod ki tira 'sani' itna bura nahin
na to main hi khud se hun mutmain na yun hai ki mauj-e-bala nahin
pa khuda-e-pak ke ru-baru kabhi uthte dast-e-du'a nahin
ye ghurur-o-zo'm hai na-rawa ye sitam ye zulm hai be-sabab
tah-e-khak tujh ko bhi hona hai tu bhi aadmi hai khuda nahin
tu ki us ki zulf ki khush-bu hai tera ek apna maqam hai
teri ru mein baad-e-nasim hai tu asir-e-baad-e-saba nahin
mujhe muztarib hi na kar saki wo khalish wo shokhi-e-naqsh-e-pa
teri chaal mein wo ada nahin teri aankhon mein bhi haya nahin
na faqih-e-shar' ke hukm par na amir-e-shahr ke amr par
tere dar ko chhod ke ai khuda main kisi ke dar pe jhuka nahin
mere dil ko aaj sukun nahin meri jaan aaj hai muztarib
tere lab ki kaliyan khili nahin tera tir-e-chashm chala nahin
tere zulm ki hon wo aandhiyan ya thapede mauj-e-bala ke hon
mera 'ishq aisa charagh hai jo kisi bhi waqt bujha nahin
tu bhi bad-guman hai be-sabab hai abhi bhi us ko teri talab
use tanha aise na chhod ki tera 'sani' itna bura nahin
khushbu riwayaton ki ho fikr-e-sukhan ke sath
khushbu rivayaton ki ho fikr-e-sukhan ke saath
rakhiye ghhazal saja ke nae pairahan ke saath
narmi hai mom ki si basi lafz lafz men
khush-bu hai sham'-e-fikr ki dil men jalan ke saath
ham kaghhazi nuqush ke khanon men bant gae
mahdud kyuun hon sarhaden dil ki vatan ke saath
pahchaniye bhi kaise ki meri sadi ke log
chehre badalte rahte hain ab pairahan ke saath
rasman sahi salam to karne lage hain vo
bal de ke abruon pe rukh-e-pur-shikan ke saath
thakti nahin kabhi ye umiden du'aon se
sajde men so gaya huun bhale hi thakan ke saath
murjha rahe hain phuul khayalon ke dam-ba-dam
chashm-e-hunar ki dhuup men jalte badan ke saath
simti hai kainat mire la-shu'ur men
badhti hain is ki vus'aten 'razi' zaman ke saath
khushbu riwayaton ki ho fikr-e-sukhan ke sath
rakhiye ghazal saja ke nae pairahan ke sath
narmi hai mom ki si basi lafz lafz mein
khush-bu hai sham'-e-fikr ki dil mein jalan ke sath
hum kaghazi nuqush ke khanon mein bant gae
mahdud kyun hon sarhaden dil ki watan ke sath
pahchaniye bhi kaise ki meri sadi ke log
chehre badalte rahte hain ab pairahan ke sath
rasman sahi salam to karne lage hain wo
bal de ke abruon pe rukh-e-pur-shikan ke sath
thakti nahin kabhi ye umiden du'aon se
sajde mein so gaya hun bhale hi thakan ke sath
murjha rahe hain phul khayalon ke dam-ba-dam
chashm-e-hunar ki dhup mein jalte badan ke sath
simti hai kainat mere la-shu'ur mein
badhti hain is ki wus'aten 'raazi' zaman ke sath
sab doston ki khair sabhi dushmanon ki khair
sab doston ki khair sabhi dushmanon ki khair
ai ku-e-astin tire basiyon ki khair
honton ko sinchte hue chashmon ki khair ho
pairon ko chumti hui pagdandiyon ki khair
tu ne sula diya mujhe kitne sukun se
ai bhairvin ke raag tire antaron ki khair
khulti hai mujh pe roz nae ehtimam se
us kaenat-e-husn ke sab zaviyon ki khair
shamil hain un men kitne hi mere 'aziz log
maula mukhalifin ki saari safon ki khair
jin ka nasib hain tiri gori kalaiyan
un chudiyon ki khair ho un kanganon ki khair
sab doston ki khair sabhi dushmanon ki khair
ai ku-e-astin tere basiyon ki khair
honton ko sinchte hue chashmon ki khair ho
pairon ko chumti hui pagdandiyon ki khair
tu ne sula diya mujhe kitne sukun se
ai bhairwin ke rag tere antaron ki khair
khulti hai mujh pe roz nae ehtimam se
us kaenat-e-husn ke sab zawiyon ki khair
shamil hain un mein kitne hi mere 'aziz log
maula mukhalifin ki sari safon ki khair
jin ka nasib hain teri gori kalaiyan
un chudiyon ki khair ho un kanganon ki khair
You have reached the end.