Dushman

dosti jab kisi se ki jae dushmanon ki bhi rae li jae translation while befriending someone, opinion of the foes may also be sought. sagar akbarabadi

jidhar jate hain sab jaana udhar achchha nahin lagta

jidhar jaate hain sab jaana udhar achchha nahin lagta mujhe pamal raston ka safar achchha nahin lagta ghhalat baton ko khamoshi se sunna haami bhar lena bahut hain faede is men magar achchha nahin lagta mujhe dushman se bhi khuddari ki ummid rahti hai kisi ka bhi ho sar qadmon men sar achchha nahin lagta bulandi par unhen mitti ki khushbu tak nahin aati ye vo shakhen hain jin ko ab shajar achchha nahin lagta ye kyuun baaqi rahe atish-zano ye bhi jala daalo ki sab be-ghar hon aur mera ho ghar achchha nahin lagta jidhar jate hain sab jaana udhar achchha nahin lagta mujhe pamal raston ka safar achchha nahin lagta ghalat baaton ko khamoshi se sunna hami bhar lena bahut hain faede is mein magar achchha nahin lagta mujhe dushman se bhi khuddari ki ummid rahti hai kisi ka bhi ho sar qadmon mein sar achchha nahin lagta bulandi par unhen mitti ki khushbu tak nahin aati ye wo shakhen hain jin ko ab shajar achchha nahin lagta ye kyun baqi rahe aatish-zano ye bhi jala dalo ki sab be-ghar hon aur mera ho ghar achchha nahin lagta

mukhalifat se meri shakhsiyat sanwarti hai main dushmanon ka bada ehtiram karta hun

main is umid pe duba ki tu bacha lega

main is umiid pe duuba ki tu bacha lega ab is ke baad mira imtihan kya lega ye ek mela hai vaada kisi se kya lega dhalega din to har ik apna rasta lega main bujh gaya to hamesha ko bujh hi jaunga koi charaghh nahin huun ki phir jala lega kaleja chahiye dushman se dushmani ke liye jo be-amal hai vo badla kisi se kya lega main us ka ho nahin sakta bata na dena use lakiren haath ki apni vo sab jala lega hazar tod ke aa jaun us se rishta 'vasim' main janta huun vo jab chahega bula lega main is umid pe duba ki tu bacha lega ab is ke baad mera imtihan kya lega ye ek mela hai wada kisi se kya lega dhalega din to har ek apna rasta lega main bujh gaya to hamesha ko bujh hi jaunga koi charagh nahin hun ki phir jala lega kaleja chahiye dushman se dushmani ke liye jo be-amal hai wo badla kisi se kya lega main us ka ho nahin sakta bata na dena use lakiren hath ki apni wo sab jala lega hazar tod ke aa jaun us se rishta 'wasim' main jaanta hun wo jab chahega bula lega

dushmanon se pyar hota jaega doston ko aazmate jaiye

agarche main ek chatan sa aadmi raha hun

agarche main ik chatan sa aadmi raha huun magar tire baad hausla hai ki ji raha huun vo reza reza mire badan men utar raha hai main qatra qatra usi ki ankhon ko pi raha huun tiri hatheli pe kis ne likkha hai qatl mera mujhe to lagta hai main tira dost bhi raha huun khuli hain ankhen magar badan hai tamam patthar koi batae main mar chuka huun ki ji raha huun kahan milegi misal meri sitamgari ki ki main gulabon ke zakhm kanton se si raha huun na puchh mujh se ki shahr valon ka haal kya tha ki main to khud apne ghar men bhi do ghadi raha huun mila to biite dinon ka sach us ki aankh men tha vo ashna jis se muddaton ajnabi raha huun bhula de mujh ko ki bevafai baja hai lekin ganva na mujh ko ki main tiri zindagi raha huun vo ajnabi ban ke ab mile bhi to kya hai 'mohsin' ye naaz kam hai ki main bhi us ka kabhi raha huun agarche main ek chatan sa aadmi raha hun magar tere baad hausla hai ki ji raha hun wo reza reza mere badan mein utar raha hai main qatra qatra usi ki aankhon ko pi raha hun teri hatheli pe kis ne likkha hai qatl mera mujhe to lagta hai main tera dost bhi raha hun khuli hain aankhen magar badan hai tamam patthar koi batae main mar chuka hun ki ji raha hun kahan milegi misal meri sitamgari ki ki main gulabon ke zakhm kanton se si raha hun na puchh mujh se ki shahr walon ka haal kya tha ki main to khud apne ghar mein bhi do ghadi raha hun mila to bite dinon ka sach us ki aankh mein tha wo aashna jis se muddaton ajnabi raha hun bhula de mujh ko ki bewafai baja hai lekin ganwa na mujh ko ki main teri zindagi raha hun wo ajnabi ban ke ab mile bhi to kya hai 'mohsin' ye naz kam hai ki main bhi us ka kabhi raha hun

dushmanon ke sath mere dost bhi aazad hain dekhna hai khinchta hai mujh pe pahla tir kaun

ye fitna aadmi ki khana-virani ko kya kam hai hue tum dost jis ke dushman us ka aasman kyun ho is this trouble not enough, to ruin one what else should be if you are someone's friend then why needs heaven be his enemy ghalib employs sharp irony to describe the destructive nature of the beloved's affection. he suggests that the beloved's 'friendship' is such a chaotic force that it ruins a person completely on its own. therefore, if someone has the poet's beloved as a friend, they do not need the heavens (fate) to be against them; the beloved's attention is a sufficient disaster.

us ke dushman hain bahut aadmi achchha hoga wo bhi meri hi tarah shahr mein tanha hoga

dushmanon ne jo dushmani ki hai doston ne bhi kya kami ki hai

dushmanon ki jafa ka khauf nahin doston ki wafa se darte hain i do nor fear injury from my enemies what frightens me is my friend's fidelities

bahaaron ki nazar mein phul aur kante barabar hain mohabbat kya karenge dost dushman dekhne wale

doston se is qadar sadme uthae jaan par dil se dushman ki adawat ka gila jata raha

ajab harif tha mere hi sath dub gaya mere safine ko gharqab dekhne ke liye

maut hi insan ki dushman nahin zindagi bhi jaan le kar jaegi

khuda ke waste mauqa na de shikayat ka ki dosti ki tarah dushmani nibhaya kar

dost har aib chhupa lete hain koi dushman bhi tera hai ki nahin

jo dost hain wo mangte hain sulh ki dua dushman ye chahte hain ki aapas mein jang ho

ai dost tujh ko rahm na aae to kya karun dushman bhi mere haal pe ab aab-dida hai

main aa kar dushmanon mein bas gaya hun yahan hamdard hain do-chaar mere

tartib de raha tha main fahrist-e-dushmanan yaron ne itni baat pe khanjar utha liya

dushmanon se pasheman hona pada hai doston ka khulus aazmane ke baad

din ek sitam ek sitam raat karo ho wo dost ho dushman ko bhi tum mat karo ho

'arsh' kis dost ko apna samjhun sab ke sab dost hain dushman ki taraf

dosti ki tum ne dushman se ajab tum dost ho main tumhaari dosti mein mehrban mara gaya

aa gaya 'jauhar' ajab ulta zamana kya kahen dost wo karte hain baaten jo adu karte nahin

sach kahte hain ki nam mohabbat ka hai bada ulfat jata ke dost ko dushman bana liya

ye dil lagane mein main ne maza uthaya hai mila na dost to dushman se ittihad kiya

mujhe dushman se apne ishq sa hai main tanha aadmi ki dosti hun

mere dushman na mujh ko bhul sake warna rakhta hai kaun kis ko yaad