gale lagaen karen tumko pyar eid ke din
gale lagaen karen tum ko pyaar eid ke din
idhar to aao mire gul-ezar eid ke din
ghhazab ka husn hai araishen qayamat ki
ayaan hai qudrat-e-parvardigar eid ke din
sanbhal saki na tabiat kisi tarah meri
raha na dil pe mujhe ikhtiyar eid ke din
vo saal bhar se kudurat bhari jo thi dil men
vo duur ho gai bas ek baar eid ke din
laga liya unhen siine se josh-e-ulfat men
ghharaz ki aa hi gaya mujh ko pyaar eid ke din
kahin hai naghhma-e-bulbul kahin hai khanda-e-gul
ayaan hai josh-e-shabab-e-bahar eid ke din
sivayyan duudh shakar meva sab muhayya hai
magar ye sab hai mujhe nagavar eid ke din
mile agar lab-e-shirin ka tere ik bosa
to lutf ho mujhe albatta yaar eid ke din
gale lagaen karen tum ko pyar eid ke din
idhar to aao mere gul-ezar eid ke din
ghazab ka husn hai aaraishen qayamat ki
ayan hai qudrat-e-parwardigar eid ke din
sanbhal saki na tabiat kisi tarah meri
raha na dil pe mujhe ikhtiyar eid ke din
wo sal bhar se kudurat bhari jo thi dil mein
wo dur ho gai bas ek bar eid ke din
laga liya unhen sine se josh-e-ulfat mein
gharaz ki aa hi gaya mujh ko pyar eid ke din
kahin hai naghma-e-bulbul kahin hai khanda-e-gul
ayan hai josh-e-shabab-e-bahaar eid ke din
siwayyan dudh shakar mewa sab muhayya hai
magar ye sab hai mujhe nagawar eid ke din
mile agar lab-e-shirin ka tere ek bosa
to lutf ho mujhe albatta yar eid ke din
aaj yaron ko mubarak ho ki subh-e-id hai
aaj yaron ko mubarak ho ki subh-e-id hai
raag hai mai hai chaman hai dilruba hai diid hai
dil divana ho gaya hai dekh ye subh-e-bahar
rasmasa phulon basa aaya ankhon men niind hai
sher ashiq aaj ke din kyuun raqiban pe na hon
yaar paaya hai baghhal men khana-e-khurshid hai
ghham ke pichho raast kahte hain ki shadi hove hai
hazrat-e-ramazan gae tashrif le ab iid hai
iid ke din rovta hai hijr siin ramzan ke
be-nasib us shaikh ki dekho ajab fahmid hai
silk us ki nazm ka kyunkar na hove qimti
'abru' ka sher jo dekha so marvarid hai
aaj yaron ko mubarak ho ki subh-e-id hai
rag hai mai hai chaman hai dilruba hai did hai
dil diwana ho gaya hai dekh ye subh-e-bahaar
rasmasa phulon basa aaya ankhon mein nind hai
sher aashiq aaj ke din kyun raqiban pe na hon
yar paya hai baghal mein khana-e-khurshid hai
gham ke pichho rast kahte hain ki shadi howe hai
hazrat-e-ramazan gae tashrif le ab id hai
id ke din rowta hai hijr sin ramzan ke
be-nasib us shaikh ki dekho ajab fahmid hai
silk us ki nazm ka kyunkar na howe qimti
'abru' ka sher jo dekha so marwarid hai
chaak-e-daman ko jo dekha to mila eid ka chand
chak-e-daman ko jo dekha to mila eid ka chand
apni taqdir kahan bhuul gaya eid ka chand
un ke abru-e-khamida ki tarah tikha hai
apni ankhon men badi der chhupa eid ka chand
jaane kyuun aap ke rukhsar mahak uthte hain
jab kabhi kaan men chupke se kaha eid ka chand
duur viran basere men diya ho jaise
ghham ki divar se dekha to laga eid ka chand
le ke halat ke sahraon men aa jaata hai
aaj bhi khuld ki rangin faza eid ka chand
talkhiyan badh gaiin jab ziist ke paimane men
ghol kar dard ke maron ne piya eid ka chand
chashm to vusat-e-aflak men khoi 'saghhar'
dil ne ik aur jagah dhund liya eid ka chand
chaak-e-daman ko jo dekha to mila eid ka chand
apni taqdir kahan bhul gaya eid ka chand
un ke abru-e-khamida ki tarah tikha hai
apni aankhon mein badi der chhupa eid ka chand
jaane kyun aap ke rukhsar mahak uthte hain
jab kabhi kan mein chupke se kaha eid ka chand
dur viran basere mein diya ho jaise
gham ki diwar se dekha to laga eid ka chand
le ke haalat ke sahraon mein aa jata hai
aaj bhi khuld ki rangin faza eid ka chand
talkhiyan badh gain jab zist ke paimane mein
ghol kar dard ke maron ne piya eid ka chand
chashm to wusat-e-aflak mein khoi 'saghar'
dil ne ek aur jagah dhund liya eid ka chand
aa jae wo milne to mujhe id-mubarak
aa jaae vo milne to mujhe id-mubarak
mat aae ba-har-hal use id-mubarak
aisa ho sab insan hon khush itne ki har roz
ik dusre se kahta phire id-e-mubarak
haan mujh se jise jis se mujhe jo bhi gila ho
abad rahe shaad rahe id-e-mubarak
tanhai si tanhai ki divar bhi shashdar
ab khul ke kahe ya na kahe id-e-mubarak
sargoshi ne patthar ko sabaq yaad dilaya
paani ne likha aine pe id-e-mubarak
tum jo mire sheron ke mukhatib the na hoge
akhir men tumhen sirf tumhe id-mubarak
aa jae wo milne to mujhe id-mubarak
mat aae ba-har-haal use id-mubarak
aisa ho sab insan hon khush itne ki har roz
ek dusre se kahta phire id-e-mubarak
han mujh se jise jis se mujhe jo bhi gila ho
aabaad rahe shad rahe id-e-mubarak
tanhai si tanhai ki diwar bhi shashdar
ab khul ke kahe ya na kahe id-e-mubarak
sargoshi ne patthar ko sabaq yaad dilaya
pani ne likha aaine pe id-e-mubarak
tum jo mere sheron ke mukhatib the na hoge
aakhir mein tumhein sirf tumhe id-mubarak
sahr-e-gah-e-id mein daur-e-subu tha
sahr-e-gah-e-id men daur-e-subu tha
par apne jaam men tujh bin lahu tha
ghhalat tha aap se ghhafil guzarna
na samjhe ham ki is qalib men tu tha
chaman ki vaz' ne ham ko kya daaghh
ki har ghhuncha dil-e-pur-arzu tha
gulo-aina kya khurshid-o-mah kya
jidhar dekha tidhar tera hi ru tha
karoge yaad baten to kahoge
ki koi rafta-e-bisyar-go tha
jahan par hai fasane se hamare
dimaghh-e-ishq ham ko bhi kabhu tha
magar divana tha gul bhi kisu ka
ki pairahan men so jaaga rafu tha
kahin kya baal tere khul gae the
ki jhonka baav ka kuchh mushkbu tha
na dekha 'mir' avara ko lekin
ghhubar ik na-tavan sa ku-ba-ku tha
sahr-e-gah-e-id mein daur-e-subu tha
par apne jam mein tujh bin lahu tha
ghalat tha aap se ghafil guzarna
na samjhe hum ki is qalib mein tu tha
chaman ki waz' ne hum ko kya dagh
ki har ghuncha dil-e-pur-arzu tha
gulo-aina kya khurshid-o-mah kya
jidhar dekha tidhar tera hi ru tha
karoge yaad baaten to kahoge
ki koi rafta-e-bisyar-go tha
jahan par hai fasane se hamare
dimagh-e-ishq hum ko bhi kabhu tha
magar diwana tha gul bhi kisu ka
ki pairahan mein so jaga rafu tha
kahin kya baal tere khul gae the
ki jhonka baw ka kuchh mushkbu tha
na dekha 'mir' aawara ko lekin
ghubar ek na-tawan sa ku-ba-ku tha
kahte hain id hai aaj apni bhi id hoti
kahte hain iid hai aaj apni bhi iid hoti
ham ko agar mayassar janan ki diid hoti
qimat men did-e-rukh ki ham naqd-e-jan lagate
bazar-e-naz lagta dil ki kharid hoti
kuchh apni baat kahte kuchh mera haal sunte
naz-o-niyaz ki yuun guft-o-shunid hoti
jalve dikhate jaate vo tarz-e-dilbari ke
aur dil men yaan hava-e-naz-e-mazid hoti
teghh-e-nazar se dil par vo vaar karte jaate
aur lab pe yaan sada-e-hal-mim-mazid hoti
abru se un ke ghhamza tir-e-ada lagata
ye dil qatil hota ye jaan shahid hoti
kuchh hausla badhata andaz-e-lutf-e-janan
kuchh daghhdaghha sa hota kuchh kuchh umiid hoti
kahte hain id hai aaj apni bhi id hoti
hum ko agar mayassar jaanan ki did hoti
qimat mein did-e-rukh ki hum naqd-e-jaan lagate
bazar-e-naz lagta dil ki kharid hoti
kuchh apni baat kahte kuchh mera haal sunte
naz-o-niyaz ki yun guft-o-shunid hoti
jalwe dikhate jate wo tarz-e-dilbari ke
aur dil mein yan hawa-e-naz-e-mazid hoti
tegh-e-nazar se dil par wo war karte jate
aur lab pe yan sada-e-hal-mim-mazid hoti
abru se un ke ghamza tir-e-ada lagata
ye dil qatil hota ye jaan shahid hoti
kuchh hausla badhata andaz-e-lutf-e-jaanan
kuchh daghdagha sa hota kuchh kuchh umid hoti
unhen kyun phul dushman eid mein pahnae jate hain
unhen kyuun phuul dushman eid men pahnae jaate hain
vo shakh-e-gul ki surat naaz se bal khaae jaate hain
agar ham se khushi ke din bhi vo ghabrae jaate hain
to kya ab eid milne ko farishte aae jaate hain
vo hans kar kah rahe hain mujh se sun kar ghhair ke shikve
ye kab kab ke fasane eid men dohrae jaate hain
na chhed itna unhen ai vaada-e-shab ki pashemani
ki ab to eid milne par bhi vo sharmae jaate hain
'qamar' afshan chuni hai rukh pe us ne is saliqe se
sitare asman se dekhne ko aae jaate hain
unhen kyun phul dushman eid mein pahnae jate hain
wo shakh-e-gul ki surat naz se bal khae jate hain
agar hum se khushi ke din bhi wo ghabrae jate hain
to kya ab eid milne ko farishte aae jate hain
wo hans kar kah rahe hain mujh se sun kar ghair ke shikwe
ye kab kab ke fasane eid mein dohrae jate hain
na chhed itna unhen ai wada-e-shab ki pashemani
ki ab to eid milne par bhi wo sharmae jate hain
'qamar' afshan chuni hai rukh pe us ne is saliqe se
sitare aasman se dekhne ko aae jate hain
aai eid wa dil mein nahin kuchh hawa-e-eid
aai eid va dil men nahin kuchh hava-e-eid
ai kaash mere paas tu aata bajae eid
qurban sau tarah se kiya tujh par aap ko
tu bhi kabhu to jaan na aaya bajae eid
jitne hain jama-zeb jahan men sabhon ke biich
sajti hai tere bar men sarapa qaba-e-eid
aai eid wa dil mein nahin kuchh hawa-e-eid
ai kash mere pas tu aata bajae eid
qurban sau tarah se kiya tujh par aap ko
tu bhi kabhu to jaan na aaya bajae eid
jitne hain jama-zeb jahan mein sabhon ke bich
sajti hai tere bar mein sarapa qaba-e-eid
muskurao ki eid ho jae
muskurao ki eid ho jaae
gungunao ke eid ho jaae
apne chhote badon ki sab ghhalati
bhuul jaao ki eid ho jaae
be-dili se na yuun gale se lago
dil milao ki eid ho jaae
gar tumhen koi apna kah de to
maan jaao ki eid ho jaae
ja ke apne badon ke qadmon men
sar jhukao ki eid ho jaae
yuun to ghar men tamam mehman hain
aap aao ki eid ho jaae
muskurao ki eid ho jae
gungunao ke eid ho jae
apne chhote badon ki sab ghalati
bhul jao ki eid ho jae
be-dili se na yun gale se lago
dil milao ki eid ho jae
gar tumhein koi apna kah de to
man jao ki eid ho jae
ja ke apne badon ke qadmon mein
sar jhukao ki eid ho jae
yun to ghar mein tamam mehman hain
aap aao ki eid ho jae
hamare shahr mein elan-e-id ho gaya hai
hamare shahr men elan-e-id ho gaya hai
tire na hone ka ghham aur shadid ho gaya hai
hamari ruuh badan tod kar nikal sakti
hamara dard kuchh itna shadid ho gaya hai
hamare andar ik achchha sharif insan tha
hamare saath men rah kar palid ho gaya hai
faqat dimaghh hi rakhta hai ab hamara khayal
hamara dil to kisi ka murid ho gaya hai
hamare shahr mein elan-e-id ho gaya hai
tere na hone ka gham aur shadid ho gaya hai
hamari ruh badan tod kar nikal sakti
hamara dard kuchh itna shadid ho gaya hai
hamare andar ek achchha sharif insan tha
hamare sath mein rah kar palid ho gaya hai
faqat dimagh hi rakhta hai ab hamara khayal
hamara dil to kisi ka murid ho gaya hai
phir dil ko roz o shab ki wahi id chahiye
phir dil ko roz o shab ki vahi iid chahiye
tuute taalluqat ki tajdid chahiye
khali nahin hai ek bhi bistar makan men
ik khvab dekhne ke liye niind chahiye
ham mangte rahe tire rukhsar o lab ki khair
ai sahab-e-jamal tiri diid chahiye
ham ko to ik rifaqat-e-ashufta-sar bahut
in ko hujum-e-rah ki taid chahiye
har astin ke khuun ne qatil bata diye
shahr-e-sitam ko zulm ki tardid chahiye
ham par zamin ke raaz to sab munkashif hue
ab asman ke hone ki tamhid chahiye
phir dil ko roz o shab ki wahi id chahiye
tute talluqat ki tajdid chahiye
khali nahin hai ek bhi bistar makan mein
ek khwab dekhne ke liye nind chahiye
hum mangte rahe tere rukhsar o lab ki khair
ai sahab-e-jamal teri did chahiye
hum ko to ek rifaqat-e-ashufta-sar bahut
in ko hujum-e-rah ki taid chahiye
har aastin ke khun ne qatil bata diye
shahr-e-sitam ko zulm ki tardid chahiye
hum par zamin ke raaz to sab munkashif hue
ab aasman ke hone ki tamhid chahiye
laga ke aai thi sautan khizab id ke din
laga ke aai thi sautan khizab 'iid ke din
mui pe tuut pada tha shabab 'iid ke din
udhar vo husn men tha intikhab 'iid ke din
idhar na tha koi mera javab 'iid ke din
vo chand raat ko mujh se bigad ke chalte bane
bikhar ke rah gae rangin khvab 'iid ke din
main kya bataun ki kya hashr kar raha tha bapa
nigodi saut ka uthta shabab 'iid ke din
vo ab bhi mere dupatte ki tah men rakkha hai
jo us ne pesh kiya tha gulab 'iid ke din
laga ke aai thi sautan khizab 'id ke din
mui pe tut pada tha shabab 'id ke din
udhar wo husn mein tha intikhab 'id ke din
idhar na tha koi mera jawab 'id ke din
wo chand raat ko mujh se bigad ke chalte bane
bikhar ke rah gae rangin khwab 'id ke din
main kya bataun ki kya hashr kar raha tha bapa
nigodi saut ka uthta shabab 'id ke din
wo ab bhi mere dupatte ki tah mein rakkha hai
jo us ne pesh kiya tha gulab 'id ke din
id hai aur saqi-e-nau-khez maikhane mein hai
iid hai aur saqi-e-nau-khez maikhane men hai
aaj piine ka maza pi kar bahak jaane men hai
kaif-o-masti jo tiri ankhon ke khum-khane men hai
vo tiri miina men hai saaqi na paimane men hai
hai ghham-e-divar us ko aur na fikr-e-pairahan
kya faraghhat tere divane ko virane men hai
gar jalane men jigar ka khuun hai lutf-e-intizar
hijr ki lazzat bhi mar mar ke jiye jaane men hai
us ki nazren bhanp leti hain tujhe har rang men
kis bala ki hoshiyari tere divane men hai
aur uljhate chale jaate ho mere subh-o-sham
jab se tum ko ye shaghhaf gesu ke suljhane men hai
ab bala se ho charaghh-e-dair ya sham-e-haram
qasd jal kar khaak ho jaane ka parvane men hai
id hai aur saqi-e-nau-khez maikhane mein hai
aaj pine ka maza pi kar bahak jaane mein hai
kaif-o-masti jo teri aankhon ke khum-khane mein hai
wo teri mina mein hai saqi na paimane mein hai
hai gham-e-diwar us ko aur na fikr-e-pairahan
kya faraghat tere diwane ko virane mein hai
gar jalane mein jigar ka khun hai lutf-e-intizar
hijr ki lazzat bhi mar mar ke jiye jaane mein hai
us ki nazren bhanp leti hain tujhe har rang mein
kis bala ki hoshiyari tere diwane mein hai
aur uljhate chale jate ho mere subh-o-sham
jab se tum ko ye shaghaf gesu ke suljhane mein hai
ab bala se ho charagh-e-dair ya sham-e-haram
qasd jal kar khak ho jaane ka parwane mein hai
id ka din hua karti thi har ek raat mujhe
iid ka din hua karti thi har ik raat mujhe
haae vo vaqt ki raas aati thi barsat mujhe
kuchh bhi ho tauba mohabbat se na hogi vaaiz
jan-o-dil donon se pyari hai miri baat mujhe
jagmagati tiri ankhon ki qasam furqat men
bade dukh deti hai ye taron bhari raat mujhe
dil ne un ko bhi kiya chashm-e-muravvat ke supurd
aap se the bhi jo kuchh shikva shikayat mujhe
dukh bhara huun mire nalon se hazar kar naseh
buri maalum na ho jaae koi baat mujhe
jitne din ziist ke baaqi hain nichhavar kar duun
phir jo mil jaae javani ki koi raat mujhe
abr-e-baran ke maze lutun main kyunkar 'manzar'
dam bhi lene de miri ankhon ki barsat mujhe
id ka din hua karti thi har ek raat mujhe
hae wo waqt ki ras aati thi barsat mujhe
kuchh bhi ho tauba mohabbat se na hogi waiz
jaan-o-dil donon se pyari hai meri baat mujhe
jagmagati teri aankhon ki qasam furqat mein
bade dukh deti hai ye taron bhari raat mujhe
dil ne un ko bhi kiya chashm-e-murawwat ke supurd
aap se the bhi jo kuchh shikwa shikayat mujhe
dukh bhara hun mere nalon se hazar kar naseh
buri malum na ho jae koi baat mujhe
jitne din zist ke baqi hain nichhawar kar dun
phir jo mil jae jawani ki koi raat mujhe
abr-e-baran ke maze lutun main kyunkar 'manzar'
dam bhi lene de meri aankhon ki barsat mujhe
ai chand nazar aa ki meri eid nazar ho
ai chand nazar aa ki miri eid nazar ho
ai subh-e-munin aa ki shab-e-ghham ki sahar ho
ye kyon ki har ik kar-e-numayan ki mujhe daad
ye kya ki miri bhuul kisi aur ke sar ho
khush-rang hain murghhan-e-chaman laal hai laala
khadsha hai na un men bhi mira khun-e-jigar ho
teri hi banai hui duniya men muqayyad
teri hi raza ho to ye qatra bhi guhar ho
har phuul pe qadghhan ki tiri shakl pe nikle
har zakhm pe lazim ki tira dast-e-nigar ho
ai chand nazar aa ki meri eid nazar ho
ai subh-e-munin aa ki shab-e-gham ki sahar ho
ye kyon ki har ek kar-e-numayan ki mujhe dad
ye kya ki meri bhul kisi aur ke sar ho
khush-rang hain murghan-e-chaman lal hai lala
khadsha hai na un mein bhi mera khun-e-jigar ho
teri hi banai hui duniya mein muqayyad
teri hi raza ho to ye qatra bhi guhar ho
har phul pe qadghan ki teri shakl pe nikle
har zakhm pe lazim ki tera dast-e-nigar ho
~ Mohammad Javed Anwar
baithe hain id ko sab yar baghal mein le kar
baithe hain iid ko sab yaar baghhal men le kar
baithen ham kya dil-e-bimar baghhal men le kar
kushta-e-naz faqat is pe hain nazan ji men
ki nikalta hai vo talvar baghhal men le kar
roe ham us ki tamanna-e-ham-goshi men
dil-e-mayus ko na-char baghhal men le kar
bad-gumani se hamen baithte uthte hai ye soch
baithe honge use aghhyar baghhal men le kar
mai-e-ulfat ki tarang aai to aaya dauda
shisha-e-mai ko vo mai-khvar baghhal men le kar
ku-ba-ku khana-nashini ka ho us ki charcha
baithe jo tujh sa trahdar baghhal men le kar
shab-e-tanhai men so rahte hain mushtaq tire
ba-tasavvur tujhe har baar baghhal men le kar
sun ke ham mahv-e-chaman us ko 'ghhazanfar' aae
dil-e-pur-daghh se gulzar baghhal men le kar
baithe hain id ko sab yar baghal mein le kar
baithen hum kya dil-e-bimar baghal mein le kar
kushta-e-naz faqat is pe hain nazan ji mein
ki nikalta hai wo talwar baghal mein le kar
roe hum us ki tamanna-e-ham-goshi mein
dil-e-mayus ko na-chaar baghal mein le kar
bad-gumani se hamein baithte uthte hai ye soch
baithe honge use aghyar baghal mein le kar
mai-e-ulfat ki tarang aai to aaya dauda
shisha-e-mai ko wo mai-khwar baghal mein le kar
ku-ba-ku khana-nashini ka ho us ki charcha
baithe jo tujh sa trahdar baghal mein le kar
shab-e-tanhai mein so rahte hain mushtaq tere
ba-tasawwur tujhe har bar baghal mein le kar
sun ke hum mahw-e-chaman us ko 'ghazanfar' aae
dil-e-pur-dagh se gulzar baghal mein le kar
pahle to aati thin iden bhi tumhaare aae
pahle to aati thiin iiden bhi tumhare aae
khairiyat ab ke tum aae to akele aae
teri be-sakhta hairani kahan hai ai dost
ham to atish kahin indhan ke evaz de aae
ab to rahzan hi koi roke to malum pade
rahnuma kaise ujadon men hamen le aae
ham to yak-rang ujale se hi mashur rahe
raushni tujh men ye sat-rang kahan se aae
ham ne bechi thiin jahan ninden usi mandi se
teri ankhon ke liye khvab suhane aae
pahle to aati thin iden bhi tumhaare aae
khairiyat ab ke tum aae to akele aae
teri be-sakhta hairani kahan hai ai dost
hum to aatish kahin indhan ke ewaz de aae
ab to rahzan hi koi roke to malum pade
rahnuma kaise ujadon mein hamein le aae
hum to yak-rang ujale se hi mashur rahe
raushni tujh mein ye sat-rang kahan se aae
hum ne bechi thin jahan ninden usi mandi se
teri aankhon ke liye khwab suhane aae
ab aa bhi jao ki phir ehtimam-e-id karen
ab aa bhi jaao ki phir ehtimam-e-id karen
nashat-e-did se tashviq-e-dil mazid karen
shikast-e-tauba se vaaiz ke dil ko khuun karen
faroghh-e-bada se zahid ko na-umid karen
baya ki qaida-e-asman badal dalen
ba-naqd-e-bada dil-o-jan-e-nau kharid karen
ba-nam-e-saqi-e-gulgun laban-e-simin-saq
vafur-e-bada se zauq-e-talab shadid karen
bina-e-kuhna ke asar munhadim kar ke
jahan-e-taza ba-dast-e-khud afrid karen
darun-e-somea har muqtadi ko jul de kar
khud apne pir-e-kharabat ka murid karen
hata ke phir rukh-e-zeba se ghhairiyat ka hijab
har ek daghhdaghha-e-dil saqar-rasid karen
junun-e-tishna-labi ko do-atisha kar ke
aqiq-e-lab se mai-e-arghhavan kashid karen
ab aa bhi jao ki phir ehtimam-e-id karen
nashat-e-did se tashwiq-e-dil mazid karen
shikast-e-tauba se waiz ke dil ko khun karen
farogh-e-baada se zahid ko na-umid karen
baya ki qaida-e-asman badal dalen
ba-naqd-e-baada dil-o-jaan-e-nau kharid karen
ba-nam-e-saqi-e-gulgun laban-e-simin-saq
wafur-e-baada se zauq-e-talab shadid karen
bina-e-kuhna ke aasar munhadim kar ke
jahan-e-taza ba-dast-e-khud aafrid karen
darun-e-somea har muqtadi ko jul de kar
khud apne pir-e-kharabaat ka murid karen
hata ke phir rukh-e-zeba se ghairiyat ka hijab
har ek daghdagha-e-dil saqar-rasid karen
junun-e-tishna-labi ko do-atisha kar ke
aqiq-e-lab se mai-e-arghawan kashid karen
id aai aaj aish ka saman tamam hai
iid aai aaj aish ka saman tamam hai
saaqi hai mai hai abr hai miina hai jaam hai
ghhafil nikal hasrat-e-dil sochta hai kya
yaan to kisi ka kuuch kisi ka maqam hai
ham to kahe hi jaenge ye majra-e-dil
tum muskura ke dekh lo qissa tamam hai
ai 'ranj' mai-kade ko chalo aur piyo sharab
sab kahte hain ki iid ka roza haram hai
id aai aaj aish ka saman tamam hai
saqi hai mai hai abr hai mina hai jam hai
ghafil nikal hasrat-e-dil sochta hai kya
yan to kisi ka kuch kisi ka maqam hai
hum to kahe hi jaenge ye majra-e-dil
tum muskura ke dekh lo qissa tamam hai
ai 'ranj' mai-kade ko chalo aur piyo sharab
sab kahte hain ki id ka roza haram hai
id ho jae abhi talib-e-didaron ko
'iid ho jaae abhi talib-e-didaron ko
khol do zulf se gar chand se rukhsaron ko
le ke dil chain se ja baithe vo ghar men chhup ke
ab to ankhen bhi tarasne lagin nazzaron ko
phal ye qatil ko diya meri giran-jani ne
tod kar dher kiya saikdon talvaron ko
ain altaf hai mazhab men hasinon ke sitam
bad-shuguni hai unhen puchhna bimaron ko
daur-e-saqi men bhi ulti bahi ganga har roz
jab diya jam-e-mai-e-nab to aghhyaron ko
kabhu sauda kabhu vahshat kabhu ghhaflat kabhu dard
aag lag jaae mohabbat ke in azaron ko
vo pari-ru hai piyo shauq se tum ai 'tanvir'
mai se parhez nahin chahiye mai-khvaro ko
'id ho jae abhi talib-e-didaron ko
khol do zulf se gar chand se rukhsaron ko
le ke dil chain se ja baithe wo ghar mein chhup ke
ab to aankhen bhi tarasne lagin nazzaron ko
phal ye qatil ko diya meri giran-jaani ne
tod kar dher kiya saikdon talwaron ko
ain altaf hai mazhab mein hasinon ke sitam
bad-shuguni hai unhen puchhna bimaron ko
daur-e-saqi mein bhi ulti bahi ganga har roz
jab diya jam-e-mai-e-nab to aghyaron ko
kabhu sauda kabhu wahshat kabhu ghaflat kabhu dard
aag lag jae mohabbat ke in aazaron ko
wo pari-ru hai piyo shauq se tum ai 'tanwir'
mai se parhez nahin chahiye mai-khwaro ko
duniya tamam lut rahi hai bahaar-e-id
duniya tamam luut rahi hai bahar-e-id
lekin hamen to aaj bhi hai intizar-e-eid
har zarra ashk-bar hai maazi ki yaad men
hai iid bhi baja-e-khud ik yadgar-e-id
ham asman pe chand ka nazzara kya karen
abru ko un ke dekhen to ho e'tibar-e-id
ab ke siyah-khane men baithe guzar di
allah ham ko yaad rahegi bahar-e-id
hai ghar ka ek gosha main huun yad-e-yar hai
har daghh-e-dil bana hai charaghh-e-mazar-e-id
'saib' gale ka haar hui ab ke muflisi
kuchh kam nahin khizan-e-alam se bahar-e-id
duniya tamam lut rahi hai bahaar-e-id
lekin hamein to aaj bhi hai intizar-e-eid
har zarra ashk-bar hai mazi ki yaad mein
hai id bhi baja-e-khud ek yaadgar-e-id
hum aasman pe chand ka nazzara kya karen
abru ko un ke dekhen to ho e'tibar-e-id
ab ke siyah-khane mein baithe guzar di
allah hum ko yaad rahegi bahaar-e-id
hai ghar ka ek gosha main hun yaad-e-yar hai
har dagh-e-dil bana hai charagh-e-mazar-e-id
'saib' gale ka haar hui ab ke muflisi
kuchh kam nahin khizan-e-alam se bahaar-e-id
jaan-e-jaan kahoge nan ashk ponchh loge nan eid par miloge nan
jan-e-jan kahoge naan ashk ponchh loge naan eid par miloge naan
in udaas ankhon men khvab tum bharoge naan eid par miloge naan
vaqt kis tarah guzra chand kis tarah utra furqaton ke mausam men
in sabhi savalon ke tum javab doge naan eid par miloge naan
fasle jo aae hain kitne ghham uthae hain ghhair muskurae hain
haath thaam kar mere sab gile sunoge naan eid par miloge naan
dil men vahm palta hai jaise khvab jalta hai dil kahan sanbhalta hai
jaan yaqin dilao tum mere hi rahoge naan eid par miloge naan
tanha chand se mujh ko be-baha mohabbat hai haan milan ki hasrat hai
chand-rat ko 'nayyar' chand tum banoge naan eid par miloge naan
jaan-e-jaan kahoge nan ashk ponchh loge nan eid par miloge nan
in udas aankhon mein khwab tum bharoge nan eid par miloge nan
waqt kis tarah guzra chand kis tarah utra furqaton ke mausam mein
in sabhi sawalon ke tum jawab doge nan eid par miloge nan
fasle jo aae hain kitne gham uthae hain ghair muskurae hain
hath tham kar mere sab gile sunoge nan eid par miloge nan
dil mein wahm palta hai jaise khwab jalta hai dil kahan sanbhalta hai
jaan yaqin dilao tum mere hi rahoge nan eid par miloge nan
tanha chand se mujh ko be-baha mohabbat hai han milan ki hasrat hai
chand-raat ko 'nayyar' chand tum banoge nan eid par miloge nan
chaman pe apne bhi aaj rang-e-bahaar hota to id hoti
chaman pe apne bhi aaj rang-e-bahar hota to 'iid hoti
gulon pe thoda hamen bhi gar ikhtiyar hota to 'iid hoti
nisar-e-jan husn par koi jan-nisar hota to 'iid hoti
ghhazal ankhon men halka halka khumar hota to 'iid hoti
khushi men lipte hue hain matam hui hai ab 'iid bhi moharram
tadap rahe hain hazar-ha ghham qarar hota to 'iid hoti
ye kisht-e-be-ab qatre qatre ko dekh kab se taras rahi hai
zamin-e-dil par falak zara ashk-bar hota to 'iid hoti
na yuun sisaktin chaman men kaliyan na yuun dahaktin vatan men galiyan
hamare kahne men shahr aur shahryar hota to 'iid hoti
ravish-ravish atish-e-havadis qadam-qadam maut pal rahi hai
chaman ka mausam na itna na-khushgavar hota to 'iid hoti
gulon pe taaza lahu ke chhinte dilon ki dhadkan badha rahe hain
jo tere va'de pe baghhban e'tibar hota to 'iid hoti
agar na hijrat ka karb hota to ham bhi apnon men chahchahate
vatan men bazmi tira ghharib-ud-dayar hota to 'iid hoti
chaman pe apne bhi aaj rang-e-bahaar hota to 'id hoti
gulon pe thoda hamein bhi gar ikhtiyar hota to 'id hoti
nisar-e-jaan husn par koi jaan-nisar hota to 'id hoti
ghazal aankhon mein halka halka khumar hota to 'id hoti
khushi mein lipte hue hain matam hui hai ab 'id bhi moharram
tadap rahe hain hazar-ha gham qarar hota to 'id hoti
ye kisht-e-be-ab qatre qatre ko dekh kab se taras rahi hai
zamin-e-dil par falak zara ashk-bar hota to 'id hoti
na yun sisaktin chaman mein kaliyan na yun dahaktin watan mein galiyan
hamare kahne mein shahr aur shahryar hota to 'id hoti
rawish-rawish aatish-e-hawadis qadam-qadam maut pal rahi hai
chaman ka mausam na itna na-khushgawar hota to 'id hoti
gulon pe taza lahu ke chhinte dilon ki dhadkan badha rahe hain
jo tere wa'de pe baghban e'tibar hota to 'id hoti
agar na hijrat ka karb hota to hum bhi apnon mein chahchahate
watan mein bazmi tera gharib-ud-dayar hota to 'id hoti
hai id lao mai-e-lala-fam uth uth kar
hai iid laao mai-e-lala-fam uth uth kar
gale lagate hain shishon ko jaam uth uth kar
hava chali miri uftadgi ki ai saaqi
girenge nashshe men sab khush-khiram uth uth kar
zamin-o-arsh-o-falak paemal hote hain
na jaao sahn se bala-e-bam uth uth kar
koi bashar na ho maghhrur jism-e-khaki par
ki baithte hain bahut qasr-e-kham uth uth kar
dam-e-sahar nazar aaya hai kis ka munh yarab
sanam jo karte hain mujh ko salam uth uth kar
zara uthaiye tabut apne ashiq ka
khuda ki raah ka karte hain kaam uth uth kar
qayamat aai hai halchal hai asmanon par
na phiriye bahr-e-khuda baam baam uth uth kar
pade hain paanv ki surat zaban men ghatte
ye qasidon ko diye hain payam uth uth kar
banegi shoala-e-javvala gardish-e-qismat
tumhare gird phirega ghhulam uth uth kar
badhegi baat na baithenge chupke ham ai but
raqib se jo karoge kalam uth uth kar
rahegi ashiqon ke dast-o-pa men jab tak his
tumhari lenge balaen mudam uth uth kar
khuda bithae agar karbala men mujh ko 'munir'
phirun main gird-e-mazar-e-imam uth uth kar
hai id lao mai-e-lala-fam uth uth kar
gale lagate hain shishon ko jam uth uth kar
hawa chali meri uftadgi ki ai saqi
girenge nashshe mein sab khush-khiram uth uth kar
zamin-o-arsh-o-falak paemal hote hain
na jao sahn se baala-e-baam uth uth kar
koi bashar na ho maghrur jism-e-khaki par
ki baithte hain bahut qasr-e-kham uth uth kar
dam-e-sahar nazar aaya hai kis ka munh yarab
sanam jo karte hain mujh ko salam uth uth kar
zara uthaiye tabut apne aashiq ka
khuda ki rah ka karte hain kaam uth uth kar
qayamat aai hai halchal hai aasmanon par
na phiriye bahr-e-khuda baam baam uth uth kar
pade hain panw ki surat zaban mein ghatte
ye qasidon ko diye hain payam uth uth kar
banegi shoala-e-jawwala gardish-e-qismat
tumhaare gird phirega ghulam uth uth kar
badhegi baat na baithenge chupke hum ai but
raqib se jo karoge kalam uth uth kar
rahegi aashiqon ke dast-o-pa mein jab tak his
tumhaari lenge balaen mudam uth uth kar
khuda bithae agar karbala mein mujh ko 'munir'
phirun main gird-e-mazar-e-imam uth uth kar
eid aai to aksar humse khushiyon ne munh pher liya
eid aai to aksar ham se khushiyon ne munh pher liya
raushniyon ke tyauharon men tirgiyon ne gher liya
subh hui to palak jhapakte bhuul gae ham go shab bhar
do ankhon se yak-bini ka ek sabaq ta-der liya
qamat apna sach puchho to aisa koi kam bhi na tha
lekin chaar taraf se ham ko daraz-qadon ne gher liya
din men bhi ham dekhne vaale khvab kahan ankhen phoden
khvabon se pahle hi ham ko taabiron ne gher liya
tauba tauba ye bhi koi jiina hai 'muztar' sahab
aankh kahin pe ladai na mai pi aur na lutf-e-sher liya
eid aai to aksar hum se khushiyon ne munh pher liya
raushniyon ke tyauhaaron mein tirgiyon ne gher liya
subh hui to palak jhapakte bhul gae hum go shab bhar
do aankhon se yak-bini ka ek sabaq ta-der liya
qamat apna sach puchho to aisa koi kam bhi na tha
lekin chaar taraf se hum ko daraaz-qadon ne gher liya
din mein bhi hum dekhne wale khwab kahan aankhen phoden
khwabon se pahle hi hum ko tabiron ne gher liya
tauba tauba ye bhi koi jina hai 'muztar' sahab
aankh kahin pe ladai na mai pi aur na lutf-e-sher liya
~ Muztar Majaz
tumhaare bin ab ke jaan-e-jaan maine id karne ki than li hai
tumhare bin ab ke jan-e-jan main ne iid karne ki thaan li hai
ghhamon ke ek ek pal se khushiyan kashid karne ki thaan li hai
main us ki baton ka zahr apni khamoshiyon men utaar lunga
agar muzir hai to main ne us ko mufid karne ki thaan li hai
talash ki shiddaton ne arz-o-sama ki sab duriyan mita diin
so main ne ab teri justuju ko shadid karne ki thaan li hai
machine bona hai jin ka pesha unhen zamin bech di hai tum ne
kisan ho kar khud apni mitti palid karne ki thaan li hai
ye meri tahzib ka asasa hi meri pahchan ban sakega
tamam kohna rivayaton ko jadid karne ki thaan li hai
siyah shab ka ghhanim shayad ki aa gaya raushni ki zad men
sabhi charaghhon ko jis ne 'azim' shahid karne ki thaan li hai
tumhaare bin ab ke jaan-e-jaan main ne id karne ki than li hai
ghamon ke ek ek pal se khushiyan kashid karne ki than li hai
main us ki baaton ka zahr apni khamoshiyon mein utar lunga
agar muzir hai to main ne us ko mufid karne ki than li hai
talash ki shiddaton ne arz-o-sama ki sab duriyan mita din
so main ne ab teri justuju ko shadid karne ki than li hai
machine bona hai jin ka pesha unhen zamin bech di hai tum ne
kisan ho kar khud apni mitti palid karne ki than li hai
ye meri tahzib ka asasa hi meri pahchan ban sakega
tamam kohna riwayaton ko jadid karne ki than li hai
siyah shab ka ghanim shayad ki aa gaya raushni ki zad mein
sabhi charaghon ko jis ne 'azim' shahid karne ki than li hai
dil mein surur-e-eid-o-tamanna-e-jam hai
dil men surur-e-eid-o-tamanna-e-jam hai
aisi namaz ko bhi hamara salam hai
masti men aaj todenge kuuze sharab ke
tauba ke saath rukhsat-e-mah-e-tamam hai
dekho tum apne pahlu-e-dil men jagah na do
kahte hain jis ko 'ranj' vo mera hi naam hai
dil mein surur-e-eid-o-tamanna-e-jam hai
aisi namaz ko bhi hamara salam hai
masti mein aaj todenge kuze sharab ke
tauba ke sath rukhsat-e-mah-e-tamam hai
dekho tum apne pahlu-e-dil mein jagah na do
kahte hain jis ko 'ranj' wo mera hi nam hai
rang laenge mere dida-e-nam id ke din
rang laenge mire dida-e-nam iid ke din
khuun rulaenge tujhe bhi ye sanam iid ke din
teri furqat men sanam teri qasam iid ke din
kuchh rulaega mujhe bhi tira ghham iid ke din
dil ki duniya men masarrat ki baharen aaen
ghar men rakh den jo mire aap qadam iid ke din
husn aur ishq ki takrar habab-e-dariya
barhami chhod ke ho jaaen baham iid ke din
ab ke bachchon ke khilaune hain na jhule mela
daman-e-dil hua jaata hai yuun nam iid ke din
paas jis ke nahin duniya ki koi chiiz ai 'shad'
us ki aahon ka khuda rakkhe bharam iid ke din
rang laenge mere dida-e-nam id ke din
khun rulaenge tujhe bhi ye sanam id ke din
teri furqat mein sanam teri qasam id ke din
kuchh rulaega mujhe bhi tera gham id ke din
dil ki duniya mein masarrat ki bahaaren aaen
ghar mein rakh den jo mere aap qadam id ke din
husn aur ishq ki takrar habab-e-dariya
barhami chhod ke ho jaen baham id ke din
ab ke bachchon ke khilaune hain na jhule mela
daman-e-dil hua jata hai yun nam id ke din
pas jis ke nahin duniya ki koi chiz ai 'shad'
us ki aahon ka khuda rakkhe bharam id ke din
milte jo rahe sab ne kaha id mubarak
milte jo rahe sab ne kaha 'iid mubarak
par us ki tha ankhon men juda 'iid mubarak
bachchon ke jo hathon pe suhani si mahak hai
hanste hue kahti hai hina 'iid mubarak
kuchh shaikh ne garmaya hai iman bhi aise
kahne lagi sho'lon se hava 'iid mubarak
kaliyan thiin javan aur haya rasm-e-gulistan
phulon ne bhi bhanvron se kaha 'iid mubarak
chamki hain ziya-bar mah-e-nau se dishaen
zarron se bhi kahti hai faza 'iid mubarak
phulon ne jo pahni thiin tabassum ki qabaen
kahne lagi khush-bu se saba 'iid mubarak
milne ka 'shahab' us ka irada to nahin tha
rasman hi mila mujh se kaha 'iid mubarak
milte jo rahe sab ne kaha 'id mubarak
par us ki tha aankhon mein juda 'id mubarak
bachchon ke jo hathon pe suhani si mahak hai
hanste hue kahti hai hina 'id mubarak
kuchh shaikh ne garmaya hai iman bhi aise
kahne lagi sho'lon se hawa 'id mubarak
kaliyan thin jawan aur haya rasm-e-gulistan
phulon ne bhi bhanwron se kaha 'id mubarak
chamki hain ziya-bar mah-e-nau se dishaen
zarron se bhi kahti hai faza 'id mubarak
phulon ne jo pahni thin tabassum ki qabaen
kahne lagi khush-bu se saba 'id mubarak
milne ka 'shahab' us ka irada to nahin tha
rasman hi mila mujh se kaha 'id mubarak
You have reached the end.