Justaju

nahin nigah mein manzil to justuju hi sahi nahin visal mayassar to aarzu hi sahi

ai shakhs main teri justuju se be-zar nahin hun thak gaya hun

justuju jis ki thi us ko to na paya hum ne is bahane se magar dekh li duniya hum ne

sab kuchh to hai kya dhundti rahti hain nigahen kya baat hai main waqt pe ghar kyun nahin jata

pa sakenge na umr bhar jis ko justuju aaj bhi usi ki hai

tere baghair bhi to ghanimat hai zindagi khud ko ganwa ke kaun teri justuju kare

teri aarzu teri justuju mein bhatak raha tha gali gali meri dastan teri zulf hai jo bikhar bikhar ke sanwar gai

justuju karni har ek amr mein nadani hai jo ki peshani pe likkhi hai wo pesh aani hai

hai justuju ki khub se hai khub-tar kahan ab thaharti hai dekhiye ja kar nazar kahan

khoya hai kuchh zarur jo us ki talash mein har chiz ko idhar se udhar kar rahe hain hum

warna insan mar gaya hota koi be-nam justuju hai abhi

meri tarah se mah-o-mahr bhi hain aawara kisi habib ki ye bhi hain justuju karte

tamam umr khushi ki talash mein guzri tamam umr taraste rahe khushi ke liye

justuju khoe huon ki umr bhar karte rahe chand ke hamrah hum har shab safar karte rahe

tumhaari aarzu mein main ne apni aarzu ki thi khud apni justuju ka aap hasil ho gaya hun main

talatum aarzu mein hai na tufan justuju mein hai jawani ka guzar jaana hai dariya ka utar jaana

nishan-e-manzil-e-jaanan mile mile na mile maze ki chiz hai ye zauq-e-jushtuju mera

jise tum dhundti rahti ho mujh mein wo ladka jaane kab ka mar chuka hai

hum ki mayus nahin hain unhen pa hi lenge log kahte hain ki dhunde se khuda milta hai

teri talash mein nikle to itni dur gae ki hum se tai na hue fasle judai ke

ye khud-e-farebi-e-ehsas-e-arzu to nahin teri talash kahin apni justuju to nahin

main ye chahta hun ki umr-bhar rahe tishnagi mere ishq mein koi justuju rahe darmiyan tere sath bhi tere ba'd bhi

jis husn ki hai chashm-e-tamanna ko justuju wo aaftab mein hai na hai mahtab mein

umr-e-rafta ja kisi diwar ke sae mein baith be-sabab ki khwahishen hain aur ghar ki justuju

kahan se aai thi aakhir teri talab mujh mein khuda ne mujh ko banaya to main akela tha

usi 'iqbaal' ki main justuju karta raha barson badi muddat ke ba'd aakhir wo shahin zer-e-dam aaya the couplet speaks of a prolonged inner quest: the speaker seeks “iqbal” not just as a name but as elevation, fortune, and awakened selfhood. the “shaheen” (falcon) symbolizes a high-flying, free, noble spirit that is hard to tame. when it finally comes “under the snare,” it suggests the hard-won moment when one’s disciplined effort brings the desired strength and direction into one’s command. the emotion moves from restless yearning to fulfilled mastery.

mujh ko shauq-e-justuju-e-kaenat khak se 'adil' khala tak le gaya

apne hone se bhi inkar kiye jate hain tere hone ka yaqin khud ko dilate hue hum

nahin ki zindagi hamein kahan kahan liye phiri hai yun ki hum gae use kahan kahan liye hue

dar-ba-dar mara-phira main justuju-e-yar mein zahid-e-kaba hua rahban-e-but-khana hua