Justaju

nahin nigah mein manzil to justuju hi sahi nahin visal mayassar to aarzu hi sahi

tumhaari anjuman se uth ke diwane kahan jate

tumhari anjuman se uth ke divane kahan jaate jo vabasta hue tum se vo afsane kahan jaate departing from your company, where could your lovers go? what would happen to those legends that around you grow? nikal kar dair-o-kaaba se agar milta na mai-khana to thukrae hue insan khuda jaane kahan jaate if on leaving temple,mosque no tavern were be found what refuge would outcasts find? this only god would know tumhari be-rukhi ne laaj rakh li bada-khane ki tum ankhon se pila dete to paimane kahan jaate your indifference has managed to preserve the tavern's name had we feasted from your eyes, what then would wine bestow? chalo achchha hua kaam aa gai divangi apni vagarna ham zamane bhar ko samjhane kahan jaate twas a good thing that my madness was to some avail else, for my state, what other reason could the world i show? 'qatil' apna muqaddar ghham se begana agar hota to phir apne parae ham se pahchane kahan jaate had pain and misery been strangers to my life somehow how would then i know the difference between friend and foe tumhaari anjuman se uth ke diwane kahan jate jo wabasta hue tum se wo afsane kahan jate departing from your company, where could your lovers go? what would happen to those legends that around you grow? nikal kar dair-o-kaba se agar milta na mai-khana to thukrae hue insan khuda jaane kahan jate if on leaving temple,mosque no tavern were be found what refuge would outcasts find? this only god would know tumhaari be-rukhi ne laj rakh li baada-khane ki tum aankhon se pila dete to paimane kahan jate your indifference has managed to preserve the tavern's name had we feasted from your eyes, what then would wine bestow? chalo achchha hua kaam aa gai diwangi apni wagarna hum zamane bhar ko samjhane kahan jate twas a good thing that my madness was to some avail else, for my state, what other reason could the world i show? 'qatil' apna muqaddar gham se begana agar hota to phir apne parae hum se pahchane kahan jate had pain and misery been strangers to my life somehow how would then i know the difference between friend and foe

ai shakhs main teri justuju se be-zar nahin hun thak gaya hun

naya hai shahr nae aasre talash karun

naya hai shahr nae aasre talash karun tu kho gaya hai kahan ab tujhe talash karun jo dasht men bhi jalate the fasl-e-gul ke charaghh main shahr men bhi vahi aable talash karun tu aks hai to kabhi meri chashm-e-tar men utar tire liye main kahan aaine talash karun tujhe havas ki avargi ka ilm kahan kabhi main tujh ko tire samne talash karun ghhazal kahun kabhi saada se khat likhun us ko udaas dil ke liye mashghhale talash karun mire vajud se shayad mile suraghh tira kabhi main khud ko tire vaste talash karun main chup rahun kabhi be-vajh hans padun 'mohsin' use ganva ke ajab hausle talash karun naya hai shahr nae aasre talash karun tu kho gaya hai kahan ab tujhe talash karun jo dasht mein bhi jalate the fasl-e-gul ke charagh main shahr mein bhi wahi aable talash karun tu aks hai to kabhi meri chashm-e-tar mein utar tere liye main kahan aaine talash karun tujhe hawas ki aawargi ka ilm kahan kabhi main tujh ko tere samne talash karun ghazal kahun kabhi sada se khat likhun us ko udas dil ke liye mashghale talash karun mere wajud se shayad mile suragh tera kabhi main khud ko tere waste talash karun main chup rahun kabhi be-wajh hans padun 'mohsin' use ganwa ke ajab hausle talash karun

justuju jis ki thi us ko to na paya hum ne is bahane se magar dekh li duniya hum ne

nahin ki nama-baron ko talash karte hain

nahin ki nama-baron ko talash karte hain ham apne be-khabaron ko talash karte hain mohabbaton ka bhi mausam hai jab guzar jaae sab apne apne gharon ko talash karte hain suna hai kal jinhen dastar-e-iftikhar mili vo aaj apne saron ko talash karte hain ye ishq kya hai ki izhar-e-arzu ke liye harif nauhagaron ko talash karte hain ye ham jo dhundte phirte hain qatl-gahon ko dar-asl charagaron ko talash karte hain riha hue pa ajab haal hai asiron ka ki ab vo apne paron ko talash karte hain 'faraz' daad ke qabil hai justuju un ki jo ham se dar-badaron ko talash karte hain nahin ki nama-baron ko talash karte hain hum apne be-khabaron ko talash karte hain mohabbaton ka bhi mausam hai jab guzar jae sab apne apne gharon ko talash karte hain suna hai kal jinhen dastar-e-iftikhar mili wo aaj apne saron ko talash karte hain ye ishq kya hai ki izhaar-e-arzu ke liye harif nauhagaron ko talash karte hain ye hum jo dhundte phirte hain qatl-gahon ko dar-asl chaaragaron ko talash karte hain riha hue pa ajab haal hai asiron ka ki ab wo apne paron ko talash karte hain 'faraaz' dad ke qabil hai justuju un ki jo hum se dar-badaron ko talash karte hain

sab kuchh to hai kya dhundti rahti hain nigahen kya baat hai main waqt pe ghar kyun nahin jata

be-laus mohabbat ka sila dhundh raha hun

be-laus mohabbat ka sila dhundh raha huun nadan huun ye is shahr men kya dhundh raha huun ik mod pe tuute hue khandar se makan men guzre hue lamhon ka pata dhundh raha huun muddat se ye khanjar mire siine men hai aur main riste hue zakhmon ki dava dhundh raha huun divana jise sang-tarashi ka junun hai kahta hai ki patthar men khuda dhundh raha huun munsif tire insaf se vaqif huun tabhi to na-karda gunahon ki saza dhundh raha huun ye shaam aur us par tiri yadon ki halavat ik jaam men do shai ka nasha dhundh raha huun be-laus mohabbat ka sila dhundh raha hun nadan hun ye is shahr mein kya dhundh raha hun ek mod pe tute hue khandar se makan mein guzre hue lamhon ka pata dhundh raha hun muddat se ye khanjar mere sine mein hai aur main riste hue zakhmon ki dawa dhundh raha hun diwana jise sang-tarashi ka junun hai kahta hai ki patthar mein khuda dhundh raha hun munsif tere insaf se waqif hun tabhi to na-karda gunahon ki saza dhundh raha hun ye sham aur us par teri yaadon ki halawat ek jam mein do shai ka nasha dhundh raha hun

pa sakenge na umr bhar jis ko justuju aaj bhi usi ki hai

sabhi ye puchhte rahte hain kya gum ho gaya hai

sabhi ye puchhte rahte hain kya gum ho gaya hai bata duun? mujh se khud apna pata gum ho gaya hai tumhare din men ik rudad thi jo kho gai hai hamari raat men ik khvab thaa, gum ho gaya hai vo jis ke pech-o-kham men dastan lipti hui thi kahani men kahin vo majra gum ho gaya hai zara ahl-e-junun aao hamen rasta sujhao yahan ham aql valon ka khuda gum ho gaya hai nazar baaqi hai lekin tab-e-nazzara nahin ab sukhan baaqi hai lekin muddaa gum ho gaya hai mujhe dukh hai ki zakhm o ranj ke is jamghate men tumhara aur mera vaqia gum ho gaya hai ye shiddat dard ki us ke na hone se na hoti yaqinan aur kuchh us ke siva gum ho gaya hai vo jis ko khinchne se zaat ki parten khulengi hamari zindagi ka vo sira gum ho gaya hai vo dar va ho na ho, azad o khud-bin ham kahan ke palat aaen to samjho rasta gum ho gaya hai sabhi ye puchhte rahte hain kya gum ho gaya hai bata dun? mujh se khud apna pata gum ho gaya hai tumhaare din mein ek rudad thi jo kho gai hai hamari raat mein ek khwab tha, gum ho gaya hai wo jis ke pech-o-kham mein dastan lipti hui thi kahani mein kahin wo majra gum ho gaya hai zara ahl-e-junun aao hamein rasta sujhao yahan hum aql walon ka khuda gum ho gaya hai nazar baqi hai lekin tab-e-nazzara nahin ab sukhan baqi hai lekin muddaa gum ho gaya hai mujhe dukh hai ki zakhm o ranj ke is jamghate mein tumhaara aur mera waqia gum ho gaya hai ye shiddat dard ki us ke na hone se na hoti yaqinan aur kuchh us ke siwa gum ho gaya hai wo jis ko khinchne se zat ki parten khulengi hamari zindagi ka wo sira gum ho gaya hai wo dar wa ho na ho, aazad o khud-bin hum kahan ke palat aaen to samjho rasta gum ho gaya hai

tere baghair bhi to ghanimat hai zindagi khud ko ganwa ke kaun teri justuju kare

is waste adam ki manzil ko dhundte hain

is vaste adam ki manzil ko dhundte hain muddat se doston ki mahfil ko dhundte hain ye dil ke paar ho kar phir dil ko dhundte hain tir-e-nigah us ke bismil ko dhundte hain ik lahr men na the ham kyuun ai habab dekha yuun aankh band kar ke sahil ko dhundte hain tarz-e-karam ki shahid hain meva-dar shakhen is tarah sar jhuka kar saail ko dhundte hain hai vasl o hijr apna ai qais turfa-mazmun mahmil men baithe hain aur mahmil ko dhundte hain tul-e-amal ka rasta mumkin nahin ki tai ho manzil pe bhi pahunch kar manzil ko dhundte hain hasrat shabab ki hai ayyam-e-sheb men bhi maadum ki havas hai zaail ko dhundte hain uthte hain valvale kuchh har baar dard ban kar kya janiye jigar ko ya dil ko dhundte hain zakhm-e-jigar ka mere hai rashk doston ko marta huun main ki ye kyuun qatil ko dhundte hain ahl-e-havas ki kashti yak baam o do hava hai dariya-e-ishq men bhi sahil ko dhundte hain aaya jo rahm mujh par is men bhi chaal hai kuchh siine pe haath rakh kar ab dil ko dhundte hain karte hain kar-e-farhad asan zamin men bhi mushkil-pasand hain ham mushkil ko dhundte hain ai khizr pai-e-khajista bahr-e-khuda karam kar bhatke hue musafir manzil ko dhundte hain dil-khvah tere ishve dil-ju tire ishare vo dil tatolte hain ye dil ko dhundte hain ai 'nazm' kya bataen hajj-o-tavaf apna kaabe men bhi kisi ki mahmil ko dhundte hain is waste adam ki manzil ko dhundte hain muddat se doston ki mahfil ko dhundte hain ye dil ke par ho kar phir dil ko dhundte hain tir-e-nigah us ke bismil ko dhundte hain ek lahr mein na the hum kyun ai habab dekha yun aankh band kar ke sahil ko dhundte hain tarz-e-karam ki shahid hain mewa-dar shakhen is tarah sar jhuka kar sail ko dhundte hain hai wasl o hijr apna ai qais turfa-mazmun mahmil mein baithe hain aur mahmil ko dhundte hain tul-e-amal ka rasta mumkin nahin ki tai ho manzil pe bhi pahunch kar manzil ko dhundte hain hasrat shabab ki hai ayyam-e-sheb mein bhi madum ki hawas hai zail ko dhundte hain uthte hain walwale kuchh har bar dard ban kar kya jaaniye jigar ko ya dil ko dhundte hain zakhm-e-jigar ka mere hai rashk doston ko marta hun main ki ye kyun qatil ko dhundte hain ahl-e-hawas ki kashti yak baam o do hawa hai dariya-e-ishq mein bhi sahil ko dhundte hain aaya jo rahm mujh par is mein bhi chaal hai kuchh sine pe hath rakh kar ab dil ko dhundte hain karte hain kar-e-farhad aasan zamin mein bhi mushkil-pasand hain hum mushkil ko dhundte hain ai khizr pai-e-khajista bahr-e-khuda karam kar bhatke hue musafir manzil ko dhundte hain dil-khwah tere ishwe dil-ju tere ishaare wo dil tatolte hain ye dil ko dhundte hain ai 'nazm' kya bataen hajj-o-tawaf apna kabe mein bhi kisi ki mahmil ko dhundte hain

teri aarzu teri justuju mein bhatak raha tha gali gali meri dastan teri zulf hai jo bikhar bikhar ke sanwar gai

wo jo etibar-e-jamal the wo kahan gae

vo jo e'tibar-e-jamal the vo kahan gae vo jo aap apni misal the vo kahan gae kabhi har taraf koi dilkashi si muhit thi usi dasht men jo ghhazal the vo kahan gae kahin ek pal ko bhi tu nazar nahin aa raha ghham-e-dil tire mah-o-sal the vo kahan gae vo jo khvab le ke chale the ham vo kahan gaya vo jo us ke ghham men nidhal the vo kahan gae kabhi pahron us ka bas ik usi ka khayal tha vo jo hijr the jo visal the vo kahan gae kabhi pahle jab vo mila tha vaisa nahin raha kai rang us men kamal the vo kahan gae ye jo log mere qarib hain ye kahan ke hain vo jo husn-e-khvab-o-khayal the vo kahan gae wo jo e'tibar-e-jamal the wo kahan gae wo jo aap apni misal the wo kahan gae kabhi har taraf koi dilkashi si muhit thi usi dasht mein jo ghazal the wo kahan gae kahin ek pal ko bhi tu nazar nahin aa raha gham-e-dil tere mah-o-sal the wo kahan gae wo jo khwab le ke chale the hum wo kahan gaya wo jo us ke gham mein nidhaal the wo kahan gae kabhi pahron us ka bas ek usi ka khayal tha wo jo hijr the jo visal the wo kahan gae kabhi pahle jab wo mila tha waisa nahin raha kai rang us mein kamal the wo kahan gae ye jo log mere qarib hain ye kahan ke hain wo jo husn-e-khwab-o-khayal the wo kahan gae

mere tarane mere saz ka taaqub hai

mire tarane mire saaz ka ta'aqub hai ye nasl-e-nau ki hi avaz ka ta'aqub hai pata nahin tha vo avaz meri apni thi aur 'arse se usi avaz ka ta'aqub hai farishte bhi miri takhliq ke mukhalif the hamesha se mire aghhaz ka ta'aqub hai mire junun-e-musalsal ki fikr mat karna abhi tiri nigah-e-naz ka ta'aqub hai abhi to mahzar-e-hu ki bhi justuju na hui abhi se dida-e-ghhammaz ka ta'aqub hai jo pak-daman-o-'isyan sarisht hain barham ye husn-e-tafraqa-pardaz ka ta'aqub hai hai guftagu-e-man-o-tu ka ik tajassus bhi kahin ishara-e-ham-raz ka ta'aqub hai paron ko todte jaate hain jo sabhi taair isi men hasrat-e-parvaz ka ta'aqub hai na ho saki hai kisi se bhi naz-bardari suna hai anjuman-e-naz ka ta'aqub hai mere tarane mere saz ka ta'aqub hai ye nasl-e-nau ki hi aawaz ka ta'aqub hai pata nahin tha wo aawaz meri apni thi aur 'arse se usi aawaz ka ta'aqub hai farishte bhi meri takhliq ke mukhalif the hamesha se mere aaghaz ka ta'aqub hai mere junun-e-musalsal ki fikr mat karna abhi teri nigah-e-naz ka ta'aqub hai abhi to mahzar-e-hu ki bhi justuju na hui abhi se dida-e-ghammaz ka ta'aqub hai jo pak-daman-o-'isyan sarisht hain barham ye husn-e-tafraqa-pardaz ka ta'aqub hai hai guftagu-e-man-o-tu ka ek tajassus bhi kahin ishaara-e-ham-raaz ka ta'aqub hai paron ko todte jate hain jo sabhi tair isi mein hasrat-e-parwaz ka ta'aqub hai na ho saki hai kisi se bhi naz-bardari suna hai anjuman-e-naz ka ta'aqub hai

justuju karni har ek amr mein nadani hai jo ki peshani pe likkhi hai wo pesh aani hai

hai justuju ki khub se hai khub-tar kahan ab thaharti hai dekhiye ja kar nazar kahan

yun pi raha hun jaise koi pyas hi nahin

yuun pi raha huun jaise koi pyaas hi nahin saghhar hamare dil ko zara raas hi nahin main yuun hi ji raha huun tiri kaenat men mujh ko to zindagi se koi aas hi nahin paiham talash jaari hai is dil ki dar-ba-dar ya'ni ki mera dil hai mire paas hi nahin kaise lubhe-ga vo but-e-nazuk shab-e-visal kya daliye ki paas koi ghaas hi nahin hazrat ke pichhe ho ke bhi manzil nahin mili ki gumrahi ka khizr ko ehsas hi nahin raz-e-khirad junun ki hikayat-e-khun-chakan sab kuchh miri ghhazal men hai bakvas hi nahin yun pi raha hun jaise koi pyas hi nahin saghar hamare dil ko zara ras hi nahin main yun hi ji raha hun teri kaenat mein mujh ko to zindagi se koi aas hi nahin paiham talash jari hai is dil ki dar-ba-dar ya'ni ki mera dil hai mere pas hi nahin kaise lubhe-ga wo but-e-nazuk shab-e-visal kya daliye ki pas koi ghas hi nahin hazrat ke pichhe ho ke bhi manzil nahin mili ki gumrahi ka khizr ko ehsas hi nahin raaz-e-khirad junun ki hikayat-e-khun-chakan sab kuchh meri ghazal mein hai bakwas hi nahin

khoya hai kuchh zarur jo us ki talash mein har chiz ko idhar se udhar kar rahe hain hum

sahil pe na aa jaun bhanwar mein hi rahun main

sahil pe na aa jaun bhanvar men hi rahun main ta-'umr tire dida-e-tar men hi rahun main hai meri zarurat ko safar roz hi darkar kahti hai thakan paaon ki ghar men hi rahun main behtar hai karun khud ko khirad ke bhi havale kab tak dil-e-nadan ke asar men hi rahun main kya is ki zamanat hai ki tu tu hi rahega ik 'umr bhi ai dost agar main hi rahun main ik miil ke patthar ki tarah rah-e-adab men gumnam bhi ho kar ke khabar men hi rahun main tu vaqt ka aazar hai to phir main bhi ai 'mahir' patthar huun tire dast-e-hunar men hi rahun main sahil pe na aa jaun bhanwar mein hi rahun main ta-'umr tere dida-e-tar mein hi rahun main hai meri zarurat ko safar roz hi darkar kahti hai thakan paon ki ghar mein hi rahun main behtar hai karun khud ko khirad ke bhi hawale kab tak dil-e-nadan ke asar mein hi rahun main kya is ki zamanat hai ki tu tu hi rahega ek 'umr bhi ai dost agar main hi rahun main ek mil ke patthar ki tarah rah-e-adab mein gumnam bhi ho kar ke khabar mein hi rahun main tu waqt ka aazar hai to phir main bhi ai 'mahir' patthar hun tere dast-e-hunar mein hi rahun main

warna insan mar gaya hota koi be-nam justuju hai abhi

apna jise samajhta tha wo bhi mera na tha

apna jise samajhta tha vo bhi mira na tha ye aisa hadsa tha jo dekha suna na tha kitni shadid dhuup hai ehsas ab hua tha sar pe saeban to kuchh bhi pata na tha vallah husn-e-shauq ki maktub-e-yar men vo bhi padha hai main ne jo us ne likha na tha mauzu'-e-ghham pe karta tha din raat guftugu vo shakhs jis ka ghham se koi vasta na tha tufan ka siina chiir ke sahil pe aa gaiin vo kashtiyan bhi jin ka koi na-khuda na tha din raat jin ko paane ki karte the justuju vo mil gae to ham ko hamara pata na tha maqbul kaise hotin ye rasmi 'ibadaten sar hi jhuka tha sajde men dil to jhuka na tha apna jise samajhta tha wo bhi mera na tha ye aisa hadsa tha jo dekha suna na tha kitni shadid dhup hai ehsas ab hua tha sar pe saeban to kuchh bhi pata na tha wallah husn-e-shauq ki maktub-e-yar mein wo bhi padha hai main ne jo us ne likha na tha mauzu'-e-gham pe karta tha din raat guftugu wo shakhs jis ka gham se koi wasta na tha tufan ka sina chir ke sahil pe aa gain wo kashtiyan bhi jin ka koi na-khuda na tha din raat jin ko pane ki karte the justuju wo mil gae to hum ko hamara pata na tha maqbul kaise hotin ye rasmi 'ibaadaten sar hi jhuka tha sajde mein dil to jhuka na tha

meri tarah se mah-o-mahr bhi hain aawara kisi habib ki ye bhi hain justuju karte

tamam umr khushi ki talash mein guzri tamam umr taraste rahe khushi ke liye

justuju khoe huon ki umr bhar karte rahe chand ke hamrah hum har shab safar karte rahe

tumhaari aarzu mein main ne apni aarzu ki thi khud apni justuju ka aap hasil ho gaya hun main

talatum aarzu mein hai na tufan justuju mein hai jawani ka guzar jaana hai dariya ka utar jaana

nishan-e-manzil-e-jaanan mile mile na mile maze ki chiz hai ye zauq-e-jushtuju mera

jise tum dhundti rahti ho mujh mein wo ladka jaane kab ka mar chuka hai

hum ki mayus nahin hain unhen pa hi lenge log kahte hain ki dhunde se khuda milta hai