Kanta

na ham-safar na kisi ham-nashin se niklega hamare panw ka kanta hamin se niklega

log kanton se bach ke chalte hain main ne phulon se zakhm khae hain

hum ne kanton ko bhi narmi se chhua hai aksar log bedard hain phulon ko masal dete hain

kanton se guzar jata hun daman ko bacha kar phulon ki siyasat se main begana nahin hun

buri sarisht na badli jagah badalne se chaman mein aa ke bhi kanta gulab ho na saka

kanton se dil lagao jo ta-umr sath den phulon ka kya jo sans ki garmi na sah saken befriend the thorns for they will be loyal until death what of these flowers that will wilt with just a burning breath

bahut hasin sahi sohbaten gulon ki magar wo zindagi hai jo kanton ke darmiyan guzre

phul kar le nibah kanton se aadmi hi na aadmi se mile

koi samjhega kya raaz-e-gulshan jab tak uljhe na kanton se daman

gulshan-parast hun mujhe gul hi nahin aziz kanton se bhi nibah kiye ja raha hun main

kante to khair kante hain is ka gila hi kya phulon ki wardat se ghabra ke pi gaya

aaram kya ki jis se ho taklif aur ko phenko kabhi na panw se kanta nikal ke what good relief if it may cause others any pain let the thorn embedded in your sole remain

khar-e-hasrat bayan se nikla dil ka kanta zaban se nikla the couplet treats unspoken sorrow as a “thorn” lodged in the heart. when the speaker gives it voice, the pain that was stuck inside finds a way out, bringing a sense of relief. it suggests that confession and expression can lessen inner torment, even if the truth is bitter. speech becomes the instrument that removes what was hurting within.

phulon ki tazgi hi nahin dekhne ki chiz kanton ki samt bhi to nigahen utha ke dekh

kanton pe chale hain to kahin phul khile hain phulon se mile hain to badi chot lagi hai

ruk gaya hath tera kyun 'basir' koi kanta to na tha phulon mein

zakhm bigde to badan kat ke phenk warna kanta bhi mohabbat se nikal

kanta sa jo chubha tha wo lau de gaya hai kya ghulta hua lahu mein ye khurshid sa hai kya translation what had pricked like a thorn, has it started flaming, what is this sun-like thing, in blood that is dissolving. sagar akbarabadi

kante se bhi nichod li ghairon ne bu-e-gul yaron ne bu-e-gul se bhi kanta bana diya

phulon ko gulistan mein kab ras bahaar aai kanton ko mila jab se ejaz-e-masihai

kanta hua hun sukh ke yan tak ki ab sunar kante mein taulte hain mere ustukhan ka bojh

nahin kante bhi kya ujde chaman mein koi roke mujhe main ja raha hun

ek nashtar hai ki deta hai rag-e-jaan ko kharash ek kanta hai ki pahlu mein chubhota hai koi

wo kanta hai jo chubh kar tut jae mohabbat ki bas itni dastan hai

rah-e-hayat mein kanton ne mehrban ho kar bacha liya hai azab-e-shaguftagi se mujhe