Khwab

ab judai ke safar ko mere aasan karo tum mujhe khwab mein aa kar na pareshan karo

aur to kya tha bechne ke liye apni aankhon ke khwab beche hain

utho ye manzar-e-shab-tab dekhne ke liye ki nind shart nahin khwab dekhne ke liye

khwab ki tarah bikhar jaane ko ji chahta hai aisi tanhai ki mar jaane ko ji chahta hai

kabhi jo khwab tha wo pa liya hai magar jo kho gai wo chiz kya thi

khwab hote hain dekhne ke liye un mein ja kar magar raha na karo

har ek raat ko mahtab dekhne ke liye main jagta hun tera khwab dekhne ke liye

yahi hai zindagi kuchh khwab chand ummiden inhin khilaunon se tum bhi bahal sako to chalo

aashiqi mein 'mir' jaise khwab mat dekha karo bawle ho jaoge mahtab mat dekha karo

ek muamma hai samajhne ka na samjhane ka zindagi kahe ko hai khwab hai diwane ka

khwab hi khwab kab talak dekhun kash tujh ko bhi ek jhalak dekhun

ye zaruri hai ki aankhon ka bharam qaem rahe nind rakkho ya na rakkho khwab meyari rakho

betiyan bap ki aankhon mein chhupe khwab ko pahchanti hain aur koi dusra is khwab ko padh le to bura manti hain

kahani likhte hue dastan sunate hue wo so gaya hai mujhe khwab se jagate hue

jis tarah khwab mere ho gae reza reza us tarah se na kabhi tut ke bikhre koi

roz wo khwab mein aate hain gale milne ko main jo sota hun to jag uthti hai qismat meri

meri ruswai ke asbab hain mere andar aadmi hun so bahut khwab hain mere andar

aankhen khulin to jag uthin hasraten tamam us ko bhi kho diya jise paya tha khwab mein as my eyes did ope my yearnings did rebound for i lost the person who in my dreams i found

tumhaare khwab se har shab lipat ke sote hain sazaen bhej do hum ne khataen bheji hain

main ne dekha hai bahaaron mein chaman ko jalte hai koi khwab ki tabir batane wala

khwab, ummid, tamannaen, talluq, rishte jaan le lete hain aakhir ye sahaare sare

barha tera intizar kiya apne khwabon mein ek dulhan ki tarah

muddat se khwab mein bhi nahin nind ka khayal hairat mein hun ye kis ka mujhe intizar hai

ta phir na intizar mein nind aae umr bhar aane ka ahd kar gae aae jo khwab mein this couplet presents a cruel paradox of love. the beloved visited the poet in a dream and promised to return, but this very promise ensures the poet will remain eternally awake in anticipation. since the beloved only appears in dreams, and the poet can no longer sleep due to the excitement of waiting, the reunion becomes impossible.

dekhi thi ek raat teri zulf khwab mein phir jab talak jiya main pareshan hi raha

mere khwabon mein bhi tu mere khayalon mein bhi tu kaun si chiz tujhe tujh se juda pesh karun

zindagi khwab dekhti hai magar zindagi zindagi hai khwab nahin

talab karen to ye aankhen bhi in ko de dun main magar ye log in aankhon ke khwab mangte hain

khwabon par ikhtiyar na yaadon pe zor hai kab zindagi guzari hai apne hisab mein

han kabhi khwab-e-ishq dekha tha ab tak aankhon se khun tapakta hai