Khwab

ab judai ke safar ko mere aasan karo tum mujhe khwab mein aa kar na pareshan karo

tum haqiqat nahin ho hasrat ho

tum haqiqat nahin ho hasrat ho jo mile khvab men vo daulat ho main tumhare hi dam se zinda huun mar hi jaun jo tum se fursat ho tum ho khushbu ke khvab ki khushbu aur utni hi be-muravvat ho tum ho pahlu men par qarar nahin yaani aisa hai jaise furqat ho tum ho angdai rang-o-nikhat ki kaise angdai se shikayat ho kis tarah chhod duun tumhen janan tum miri zindagi ki aadat ho kis liye dekhti ho aina tum to khud se bhi khub-surat ho dastan khatm hone vaali hai tum miri akhri mohabbat ho tum haqiqat nahin ho hasrat ho jo mile khwab mein wo daulat ho main tumhaare hi dam se zinda hun mar hi jaun jo tum se fursat ho tum ho khushbu ke khwab ki khushbu aur utni hi be-murawwat ho tum ho pahlu mein par qarar nahin yani aisa hai jaise furqat ho tum ho angdai rang-o-nikhat ki kaise angdai se shikayat ho kis tarah chhod dun tumhein jaanan tum meri zindagi ki aadat ho kis liye dekhti ho aaina tum to khud se bhi khub-surat ho dastan khatm hone wali hai tum meri aakhri mohabbat ho

aur to kya tha bechne ke liye apni aankhon ke khwab beche hain

pareshan raat sari hai sitaro tum to so jao

pareshan raat saari hai sitaro tum to so jaao sukut-e-marg taari hai sitaro tum to so jaao hanso aur hanste hanste dubte jaao khalaon men hamin pe raat bhari hai sitaro tum to so jaao hamen to aaj ki shab pau phate tak jagna hoga yahi qismat hamari hai sitaro tum to so jaao tumhen kya aaj bhi koi agar milne nahin aaya ye baazi ham ne haari hai sitaro tum to so jaao kahe jaate ho ro ro kar hamara haal duniya se ye kaisi razdari hai sitaro tum to so jaao hamen bhi niind aa jaegi ham bhi so hi jaenge abhi kuchh be-qarari hai sitaro tum to so jaao pareshan raat sari hai sitaro tum to so jao sukut-e-marg tari hai sitaro tum to so jao hanso aur hanste hanste dubte jao khalaon mein hamin pe raat bhaari hai sitaro tum to so jao hamein to aaj ki shab pau phate tak jagna hoga yahi qismat hamari hai sitaro tum to so jao tumhein kya aaj bhi koi agar milne nahin aaya ye bazi hum ne haari hai sitaro tum to so jao kahe jate ho ro ro kar hamara haal duniya se ye kaisi raazdari hai sitaro tum to so jao hamein bhi nind aa jaegi hum bhi so hi jaenge abhi kuchh be-qarari hai sitaro tum to so jao

utho ye manzar-e-shab-tab dekhne ke liye ki nind shart nahin khwab dekhne ke liye

ek bujhao ek jalao khwab ka kya hai

ek bujhao ek jalao khvab ka kya hai ankhon men rakh kar so jaao khvab ka kya hai panv-tale hai raund ke guzro kuchal ke dekho pichhe jaao aage aao khvab ka kya hai shelf pe ulta kar ke rakh do aur bisra do gul-danon men phuul sajao khvab ka kya hai khvab ka kya hai raat ke naqsh-o-nigar banao raat ke naqsh-o-nigar banao khvab ka kya hai niind mili hai gud se mithi shahd se shirin gaao nacho nacho gaao khvab ka kya hai la-yani hai sab la-yani yaani yaani aur kahani likh kar laao khvab ka kya hai ek kabadi galiyon galiyon vaaj lagae raakh kharido aag ke bhaav khvab ka kya hai ek bujhao ek jalao khwab ka kya hai aankhon mein rakh kar so jao khwab ka kya hai panw-tale hai raund ke guzro kuchal ke dekho pichhe jao aage aao khwab ka kya hai shelf pe ulta kar ke rakh do aur bisra do gul-danon mein phul sajao khwab ka kya hai khwab ka kya hai raat ke naqsh-o-nigar banao raat ke naqsh-o-nigar banao khwab ka kya hai nind mili hai gud se mithi shahd se shirin gao nacho nacho gao khwab ka kya hai la-yani hai sab la-yani yani yani aur kahani likh kar lao khwab ka kya hai ek kabadi galiyon galiyon waj lagae rakh kharido aag ke bhaw khwab ka kya hai

khwab ki tarah bikhar jaane ko ji chahta hai aisi tanhai ki mar jaane ko ji chahta hai

dhal chuki raat mulaqat kahan so jao

dhal chuki raat mulaqat kahan so jaao so gaya saara jahan saara jahan so jaao so gae vahm-o-guman vahm-o-guman so jaao so gaya dard-e-nihan dard-e-nihan so jaao kab talak dida-e-nam dida-e-nam dida-e-nam kab talak ah-o-fughhan ah-o-fughhan so jaao aah ab tuut chala tuut chala tuut chala aah ye rishta-e-jan rishta-e-jan so jaao uth chale dil ke makin dil ke makin dil ke makin lut gaya saara makan saara makan so jaao dhal chuki raat mulaqat kahan so jao so gaya sara jahan sara jahan so jao so gae wahm-o-guman wahm-o-guman so jao so gaya dard-e-nihan dard-e-nihan so jao kab talak dida-e-nam dida-e-nam dida-e-nam kab talak aah-o-fughan aah-o-fughan so jao aah ab tut chala tut chala tut chala aah ye rishta-e-jaan rishta-e-jaan so jao uth chale dil ke makin dil ke makin dil ke makin lut gaya sara makan sara makan so jao

kabhi jo khwab tha wo pa liya hai magar jo kho gai wo chiz kya thi

chamak rahi hai jo aankhon mein raushni ki tarah

chamak rahi hai jo ankhon men raushni ki tarah vo dil pe chhai hui hai kisi pari ki tarah laga ke dil ko sajati hai khvab ke jaale chhupi hui hai khayalon men chandni ki tarah qadam jo rakhti hai dharti pe guunj uthti hai ki jaise saaz baje koi ragni ki tarah vo ek lamha ki jis men mila tha tu mujh se abhi bhi zinda hai dil men kisi sadi ki tarah nigah daale jo pal bhar vo meri janib bhi samet luun main vo lamha kisi khushi ki tarah chamak rahi hai jo aankhon mein raushni ki tarah wo dil pe chhai hui hai kisi pari ki tarah laga ke dil ko sajati hai khwab ke jale chhupi hui hai khayalon mein chandni ki tarah qadam jo rakhti hai dharti pe gunj uthti hai ki jaise saz baje koi ragni ki tarah wo ek lamha ki jis mein mila tha tu mujh se abhi bhi zinda hai dil mein kisi sadi ki tarah nigah dale jo pal bhar wo meri jaanib bhi samet lun main wo lamha kisi khushi ki tarah

khwab hote hain dekhne ke liye un mein ja kar magar raha na karo

sab ke hisse mein kai bar hai bat kar dekha

sab ke hisse men kai baar hai bat kar dekha kuchh na hasil hua manzar se bhi hat kar dekha duur be-kar sa mubham sa nazar aata huun aaine se bhi bahar-taur chimat kar dekha hai musalsal mire sar dhuup kisi sahra si laakh divaron ke saae se lipat kar dekha farq hone se na hone se mire kuchh bhi nahin bar-ha ham ne kahani men simat kar dekha kitni hasrat thi ki anjam badal jaega varaq akhir ka kai baar palat kar dekha phir yahi hota hai rah jaata huun tanha main hi vaqt ke saaz ko har lai ko ulat kar dekha jitni shiddat se mire khvab ko toda gaya hai utni shiddat se vahi khvab hai dat kar dekha jo parakh sakti hamen aankh mayassar na hui apni qimat se bhi 'abrak' ne to ghat kar dekha sab ke hisse mein kai bar hai bat kar dekha kuchh na hasil hua manzar se bhi hat kar dekha dur be-kar sa mubham sa nazar aata hun aaine se bhi bahar-taur chimat kar dekha hai musalsal mere sar dhup kisi sahra si lakh diwaron ke sae se lipat kar dekha farq hone se na hone se mere kuchh bhi nahin bar-ha hum ne kahani mein simat kar dekha kitni hasrat thi ki anjam badal jaega waraq aakhir ka kai bar palat kar dekha phir yahi hota hai rah jata hun tanha main hi waqt ke saz ko har lai ko ulat kar dekha jitni shiddat se mere khwab ko toda gaya hai utni shiddat se wahi khwab hai dat kar dekha jo parakh sakti hamein aankh mayassar na hui apni qimat se bhi 'abrak' ne to ghat kar dekha

har ek raat ko mahtab dekhne ke liye main jagta hun tera khwab dekhne ke liye

khatm ho jaen na ye sari riwayat kahin

khatm ho jaaen na ye saari rivayat kahin shahr kha jaaen na saare hi mazafat kahin log sote hi nahin khvab bhala kya dekhen kyunki ab shahr men hoti hi nahin raat kahin diary sukhe hue phuul kitaben aansu ghar men rakkhi hain sabhi hijr ki saughhat kahin jhank kar dekh kabhi dil ke bhi angan men jahan muntazir ankhen to rakkhi hain shikayat kahin 'ain mumkin hai lage phir se koi zakhm naya yaar baithe hain lagae hue phir ghaat kahin chhod aaya tha tira shahr junun se pahle phir na le aaen vahin par mire halat kahin khatm ho jaen na ye sari riwayat kahin shahr kha jaen na sare hi mazafat kahin log sote hi nahin khwab bhala kya dekhen kyunki ab shahr mein hoti hi nahin raat kahin diary sukhe hue phul kitaben aansu ghar mein rakkhi hain sabhi hijr ki saughat kahin jhank kar dekh kabhi dil ke bhi aangan mein jahan muntazir aankhen to rakkhi hain shikayat kahin 'ain mumkin hai lage phir se koi zakhm naya yar baithe hain lagae hue phir ghat kahin chhod aaya tha tera shahr junun se pahle phir na le aaen wahin par mere haalat kahin

yahi hai zindagi kuchh khwab chand ummiden inhin khilaunon se tum bhi bahal sako to chalo

aashiqi mein 'mir' jaise khwab mat dekha karo bawle ho jaoge mahtab mat dekha karo

ek muamma hai samajhne ka na samjhane ka zindagi kahe ko hai khwab hai diwane ka

khwab hi khwab kab talak dekhun kash tujh ko bhi ek jhalak dekhun

ye zaruri hai ki aankhon ka bharam qaem rahe nind rakkho ya na rakkho khwab meyari rakho

betiyan bap ki aankhon mein chhupe khwab ko pahchanti hain aur koi dusra is khwab ko padh le to bura manti hain

kahani likhte hue dastan sunate hue wo so gaya hai mujhe khwab se jagate hue

jis tarah khwab mere ho gae reza reza us tarah se na kabhi tut ke bikhre koi

roz wo khwab mein aate hain gale milne ko main jo sota hun to jag uthti hai qismat meri

meri ruswai ke asbab hain mere andar aadmi hun so bahut khwab hain mere andar

aankhen khulin to jag uthin hasraten tamam us ko bhi kho diya jise paya tha khwab mein as my eyes did ope my yearnings did rebound for i lost the person who in my dreams i found

tumhaare khwab se har shab lipat ke sote hain sazaen bhej do hum ne khataen bheji hain

main ne dekha hai bahaaron mein chaman ko jalte hai koi khwab ki tabir batane wala

khwab, ummid, tamannaen, talluq, rishte jaan le lete hain aakhir ye sahaare sare

barha tera intizar kiya apne khwabon mein ek dulhan ki tarah

muddat se khwab mein bhi nahin nind ka khayal hairat mein hun ye kis ka mujhe intizar hai