Politics

dushmani jam kar karo lekin ye gunjaish rahe jab kabhi hum dost ho jaen to sharminda na hon bear enmity with all your might, but this we should decide if ever we be friends again, we are not mortified

leader jab aansoo bahaa kar logon se kahte hain ki mazhab khatre mein hai to ismein koi haqeeqat nahi hoti. mazhab aisi cheez hi nahi ki khatre mein pad sake, agar kisi baat ka khatra hai to woh leaderon ka hai jo apna ulloo seedha karne ke liye mazhab ko khatre mein daalte hain.

har aadmi mein hote hain das bis aadmi jis ko bhi dekhna ho kai bar dekhna

pahle mazhab seenon mein hota tha, aaj-kal topiyon mein hota hai. siyaasat bhi ab topiyon mein chali aayi hai. zindaabaad topiyaan.

kursi hai tumhaara ye janaza to nahin hai kuchh kar nahin sakte to utar kyon nahin jate

hindustan ko un leaderon se bachaao jo mulk ki fiza bigaad rahe hain aur awaam ko gumraah kar rahe hain.

nae kirdar aate ja rahe hain magar natak purana chal raha hai

yeh log jinhein urf-e-aam mein leader kahaa jaata hai, siyaasat aur mazhab ko langda, loolda aur zakhmi aadmi tasawwur karte hain.

ek aansu bhi hukumat ke liye khatra hai tum ne dekha nahin aaankhon ka samundar hona

siyaasat aur mazhab ki laash hamaare naam-war leader apne kandhe par uthaae phirte hain aur seedhe-saade logon ko jo har baat maan lene ke aadi hote hain ye kahte-phirte hain ki woh is laash ko az sar-e-nau zindagi bakhsh rahe hain.

kanton se guzar jata hun daman ko bacha kar phulon ki siyasat se main begana nahin hun

yeh log jo apne gharon ka nizaam durust nahi kar sakte, yeh log jinka character be-had past hota hai, siyaasat ke maidan mein apne watan ka nizaam theek karne aur logon ko akhlaaqiyaat ka sabaq dene ke liye nikalte hain... kis qadar mazhaka-khez cheez hai!

dekhoge to har mod pe mil jaengi lashen dhundoge to is shahr mein qatil na milega

siyaasiyaat se mujhe koi dilchaspi nahi. leaderon aur dawa-faroshon ko main eik hi zumre mein shumaar karta hun. leaderi aur dawa-faroshi, ye dono peshe hain. dawa-farosh aur leader dono doosron ke nuskhe istemaal karte hain.

dhuan jo kuchh gharon se uth raha hai na pure shahar par chhae to kahna

badshaahon aur mutlaq-ul-anaan hukmaraanon ki mustaqil aur dil-pasand sawaari dar-haqeeqat ri'aayaa hoti hai.

ishq mein bhi siyasaten niklin qurbaton mein bhi fasla nikla

mehnat-kash mazdooron ki sahi nafsiyaat kuch unka apna paseena hi ba-tareeq-e-ahsan bayaan kar sakta hai. usko daulat ke taur par istemaal kar ke uske paseene ki raushnaai mein qalam dubo-dubo kar grandeel lafzon mein manshoor likhne waale, ho sakta hai bade mukhlis aadmi hon, magar maaf kijiye main ab bhi unhein bahrupiya samajhta hun.

samajhne hi nahin deti siyasat hum ko sachchai kabhi chehra nahin milta kabhi darpan nahin milta

in se ummid na rakh hain ye siyasat wale ye kisi se bhi mohabbat nahin karne wale

mujh se kya baat likhani hai ki ab mere liye kabhi sone kabhi chandi ke qalam aate hain

ye sach hai rang badalta tha wo har ek lamha magar wahi to bahut kaamyab chehra tha

wo taza-dam hain nae shoabde dikhate hue awam thakne lage taliyan bajate hue

sawal ye hai hawa aai kis ishaare par charagh kis ke bujhe ye sawal thodi hai

aisa gulshan ki siyasat ne kiya hai paband hum asiran-e-qafas aah bhi karne ke nahin

nai lashen bichhane ke liye hi gade murde ukhade ja rahe hain

tumhaare sath ta'alluq to dostana tha tum is mein rang-e-siyasat kahan se le aae