hamara dil sawere ka sunahra jam ho jae
hamara dil savere ka sunahra jaam ho jaae
charaghhon ki tarah ankhen jalen jab shaam ho jaae
kabhi to asman se chand utre jaam ho jaae
tumhare naam ki ik khub-surat shaam ho jaae
ajab halat the yuun dil ka sauda ho gaya akhir
mohabbat ki haveli jis tarah nilam ho jaae
samundar ke safar men is tarah avaz de ham ko
havaen tez hon aur kashtiyon men shaam ho jaae
mujhe malum hai us ka thikana phir kahan hoga
parinda asman chhune men jab nakam ho jaae
ujale apni yadon ke hamare saath rahne do
na jaane kis gali men zindagi ki shaam ho jaae
hamara dil sawere ka sunahra jam ho jae
charaghon ki tarah aankhen jalen jab sham ho jae
kabhi to aasman se chand utre jam ho jae
tumhaare nam ki ek khub-surat sham ho jae
ajab haalat the yun dil ka sauda ho gaya aakhir
mohabbat ki haweli jis tarah nilam ho jae
samundar ke safar mein is tarah aawaz de hum ko
hawaen tez hon aur kashtiyon mein sham ho jae
mujhe malum hai us ka thikana phir kahan hoga
parinda aasman chhune mein jab nakaam ho jae
ujale apni yaadon ke hamare sath rahne do
na jaane kis gali mein zindagi ki sham ho jae
aadmi waqt par gaya hoga
aadmi vaqt par gaya hoga
vaqt pahle guzar gaya hoga
vo hamari taraf na dekh ke bhi
koi ehsan dhar gaya hoga
khud se mayus ho ke baitha huun
aaj har shakhs mar gaya hoga
shaam tere dayar men akhir
koi to apne ghar gaya hoga
marham-e-hijr tha ajab iksir
ab to har zakhm bhar gaya hoga
aadmi waqt par gaya hoga
waqt pahle guzar gaya hoga
wo hamari taraf na dekh ke bhi
koi ehsan dhar gaya hoga
khud se mayus ho ke baitha hun
aaj har shakhs mar gaya hoga
sham tere dayar mein aakhir
koi to apne ghar gaya hoga
marham-e-hijr tha ajab iksir
ab to har zakhm bhar gaya hoga
sham-e-firaq ab na puchh aai aur aa ke tal gai
sham-e-firaq ab na puchh aai aur aa ke tal gai
dil tha ki phir bahal gaya jaan thi ki phir sambhal gai
query not my lonely night it came and went away
the heart was consoled and life managed not to fray
bazm-e-khayal men tire husn ki shama jal gai
dard ka chand bujh gaya hijr ki raat dhal gai
in the parlour of my thoughts your beauty's lamp was lit
the moon of pain vanished again, the night of parting quit
jab tujhe yaad kar liya subh mahak mahak uthi
jab tira ghham jaga liya raat machal machal gai
when your thoughts arose, fragrant was the morn
when your sorrow's woke, the night was all forlorn
dil se to har moamla kar ke chale the saaf ham
kahne men un ke samne baat badal badal gai
i ventured forth with all my thoughts properly arranged
in her presence when i spoke, the meaning had all changed
akhir-e-shab ke ham-safar 'faiz' na jaane kya hue
rah gai kis jagah saba subh kidhar nikal gai
where the night's companions went i do not know
where did the breeze vanish where did the morning go
sham-e-firaq ab na puchh aai aur aa ke tal gai
dil tha ki phir bahal gaya jaan thi ki phir sambhal gai
query not my lonely night it came and went away
the heart was consoled and life managed not to fray
bazm-e-khayal mein tere husn ki shama jal gai
dard ka chand bujh gaya hijr ki raat dhal gai
in the parlour of my thoughts your beauty's lamp was lit
the moon of pain vanished again, the night of parting quit
jab tujhe yaad kar liya subh mahak mahak uthi
jab tera gham jaga liya raat machal machal gai
when your thoughts arose, fragrant was the morn
when your sorrow's woke, the night was all forlorn
dil se to har moamla kar ke chale the saf hum
kahne mein un ke samne baat badal badal gai
i ventured forth with all my thoughts properly arranged
in her presence when i spoke, the meaning had all changed
aakhir-e-shab ke ham-safar 'faiz' na jaane kya hue
rah gai kis jagah saba subh kidhar nikal gai
where the night's companions went i do not know
where did the breeze vanish where did the morning go
sham se aankh mein nami si hai
shaam se aankh men nami si hai
aaj phir aap ki kami si hai
dafn kar do hamen ki saans aae
nabz kuchh der se thami si hai
kaun pathra gaya hai ankhon men
barf palkon pe kyuun jami si hai
vaqt rahta nahin kahin tik kar
aadat is ki bhi aadmi si hai
aaiye raste alag kar len
ye zarurat bhi bahami si hai
sham se aankh mein nami si hai
aaj phir aap ki kami si hai
dafn kar do hamein ki sans aae
nabz kuchh der se thami si hai
kaun pathra gaya hai aankhon mein
barf palkon pe kyun jami si hai
waqt rahta nahin kahin tik kar
aadat is ki bhi aadmi si hai
aaiye raste alag kar len
ye zarurat bhi bahami si hai
ujad ujad ke sanwarti hai tere hijr ki sham
ujad ujad ke sanvarti hai tere hijr ki shaam
na puchh kaise guzarti hai tere hijr ki shaam
ye barg barg udasi bikhar rahi hai miri
ki shakh shakh utarti hai tere hijr ki shaam
ujaad ghar men koi chand kab utarta hai
saval mujh se ye karti hai tere hijr ki shaam
mire safar men ik aisa bhi mod aata hai
jab apne aap se darti hai tere hijr ki shaam
bahut aziiz hain dil ko ye zakhm zakhm ruten
inhi ruton men nikharti hai tere hijr ki shaam
ye mera dil ye sarasar nigar-khana-e-ghham
sada isi men utarti hai tere hijr ki shaam
jahan jahan bhi milen teri qurbaton ke nishan
vahan vahan se ubharti hai tere hijr ki shaam
ye hadisa tujhe shayad udaas kar dega
ki mere saath hi marti hai tere hijr ki shaam
ujad ujad ke sanwarti hai tere hijr ki sham
na puchh kaise guzarti hai tere hijr ki sham
ye barg barg udasi bikhar rahi hai meri
ki shakh shakh utarti hai tere hijr ki sham
ujad ghar mein koi chand kab utarta hai
sawal mujh se ye karti hai tere hijr ki sham
mere safar mein ek aisa bhi mod aata hai
jab apne aap se darti hai tere hijr ki sham
bahut aziz hain dil ko ye zakhm zakhm ruten
inhi ruton mein nikharti hai tere hijr ki sham
ye mera dil ye sarasar nigar-khana-e-gham
sada isi mein utarti hai tere hijr ki sham
jahan jahan bhi milen teri qurbaton ke nishan
wahan wahan se ubharti hai tere hijr ki sham
ye hadisa tujhe shayad udas kar dega
ki mere sath hi marti hai tere hijr ki sham
kitni mushkil se bahla tha ye kya kar gai sham
kitni mushkil se bahla tha ye kya kar gai shaam
hanste gaate dil ko pal men tanha kar gai shaam
duur ufuq par kis ki ankhen ro ro ho gaiin laal
ret kinare kis ka anchal giila kar gai shaam
ata, chahe koi na aata aas to thi din bhar
ab kya rasta dekhen rasta dhundla kar gai shaam
mere bichhde dost se kitni milti-julti hai
aai aur aa kar ankhon ko dariya kar gai shaam
duur pahadi ki choti par roti rah gai dhuup
raat andhere se duniya ka sauda kar gai shaam
panchhi laute maahi laute to bhi laut 'hasan'
dharti ambar ka manzar suuna kar gai shaam
kitni mushkil se bahla tha ye kya kar gai sham
hanste gate dil ko pal mein tanha kar gai sham
dur ufuq par kis ki aankhen ro ro ho gain lal
ret kinare kis ka aanchal gila kar gai sham
aata, chahe koi na aata aas to thi din bhar
ab kya rasta dekhen rasta dhundla kar gai sham
mere bichhde dost se kitni milti-julti hai
aai aur aa kar aankhon ko dariya kar gai sham
dur pahadi ki choti par roti rah gai dhup
raat andhere se duniya ka sauda kar gai sham
panchhi laute mahi laute to bhi laut 'hasan'
dharti ambar ka manzar suna kar gai sham
kahan se aa gaya kahan ye sham bhi kahan hui
kahan se aa gaya kahan ye shaam bhi kahan hui
na ham-nafas na ham-zaban ye shaam bhi kahan hui
bujhi nazar bujhe qadam na rahbar na ham-safar
na rahguzar na karvan ye shaam bhi kahan hui
na sham-e-dil na shama-e-rukh nujum-e-shab na mah-e-shab
nigah-o-dil dhuan dhuan ye shaam bhi kahan hui
na gesuon ki chhanv hai na arizon ki chandni
na maang ki vo kahkashan ye shaam bhi kahan hui
hayat-e-ghham ke bojh se dabi dabi thaki thaki
luti luti si bazm-e-jan ye shaam bhi kahan hui
lagi hai jaise aag si chita men jal raha huun main
pighal rahe hain jism-o-jan ye shaam bhi kahan hui
'payam' us maqam par hai aaj dil ka karvan
jahan zamin na asman ye shaam bhi kahan hui
kahan se aa gaya kahan ye sham bhi kahan hui
na ham-nafas na ham-zaban ye sham bhi kahan hui
bujhi nazar bujhe qadam na rahbar na ham-safar
na rahguzar na karwan ye sham bhi kahan hui
na sham-e-dil na shama-e-rukh nujum-e-shab na mah-e-shab
nigah-o-dil dhuan dhuan ye sham bhi kahan hui
na gesuon ki chhanw hai na aarizon ki chandni
na mang ki wo kahkashan ye sham bhi kahan hui
hayat-e-gham ke bojh se dabi dabi thaki thaki
luti luti si bazm-e-jaan ye sham bhi kahan hui
lagi hai jaise aag si chita mein jal raha hun main
pighal rahe hain jism-o-jaan ye sham bhi kahan hui
'payam' us maqam par hai aaj dil ka karwan
jahan zamin na aasman ye sham bhi kahan hui
de uthi lau jo tere sath guzari hui sham
de uthi lau jo tire saath guzari hui shaam
hujra-e-jan ki har ik chiiz pe taari hui shaam
umr bhar dhuup lapete rahe apne tan par
ham se pahni na gai us ki utari hui shaam
pahle to mujh se miri zaat ka matlab puchha
aur phir apne hi ehsas se aari hui shaam
ai junun puchh isi lamha-e-maujud se puchh
lams ye kis ka uthaya hai ki bhari hui shaam
do hi kirdar numayan hain kahani men miri
be-karan dasht hua main to shikari hui shaam
is taraf dasht-e-badan men koi suraj duuba
us taraf sina-e-aflak se jaari hui shaam
main nasen kaat ke suraj men utar hi jaata
par khayal aaya tira hijr ki maari hui shaam
kya faqat ham se savalat kiye jaenge
kya faqat ham se mukhatib hai ye haari hui shaam
ham ne har shai men utarte hue dekha khud ko
yaad aai jo tire qurb pe vaari hui shaam
de uthi lau jo tere sath guzari hui sham
hujra-e-jaan ki har ek chiz pe tari hui sham
umr bhar dhup lapete rahe apne tan par
hum se pahni na gai us ki utari hui sham
pahle to mujh se meri zat ka matlab puchha
aur phir apne hi ehsas se aari hui sham
ai junun puchh isi lamha-e-maujud se puchh
lams ye kis ka uthaya hai ki bhaari hui sham
do hi kirdar numayan hain kahani mein meri
be-karan dasht hua main to shikari hui sham
is taraf dasht-e-badan mein koi suraj duba
us taraf sina-e-aflak se jari hui sham
main nasen kat ke suraj mein utar hi jata
par khayal aaya tera hijr ki mari hui sham
kya faqat hum se sawalat kiye jaenge
kya faqat hum se mukhatib hai ye haari hui sham
hum ne har shai mein utarte hue dekha khud ko
yaad aai jo tere qurb pe wari hui sham
aankhon ke kashkol shikasta ho jaenge sham ko
ankhon ke kashkol shikasta ho jaenge shaam ko
din bhar chehre jam' kiye hain kho jaenge shaam ko
saare ped safar men honge aur gharon ke samne
jitne ped hain utne saae lahraenge shaam ko
din ke shor men shamil shayad koi tumhari baat bhi ho
avazon ke uljhe dhage suljhaenge shaam ko
shaam se pahle dard ki daulat maujen hain be-nam si
dariyaon se mil ke dariya bal khaenge shaam ko
subh se angan men andhi hai andhiyara hai dhuul hai
shayad aag churane vaale ghar aenge shaam ko
aankhon ke kashkol shikasta ho jaenge sham ko
din bhar chehre jam' kiye hain kho jaenge sham ko
sare ped safar mein honge aur gharon ke samne
jitne ped hain utne sae lahraenge sham ko
din ke shor mein shamil shayad koi tumhaari baat bhi ho
aawazon ke uljhe dhage suljhaenge sham ko
sham se pahle dard ki daulat maujen hain be-nam si
dariyaon se mil ke dariya bal khaenge sham ko
subh se aangan mein aandhi hai andhiyara hai dhul hai
shayad aag churane wale ghar aaenge sham ko
kya karoge bachaw suraj ka
kya karoge bachav suraj ka
jante ho subhav suraj ka
garm hai vo to kam nahin ham bhi
kaun sahta hai taao suraj ka
mere ghar ka charaghh bujhte hi
chadh gaya kitna bhaav suraj ka
surmai shaam aae kamre men
ab to parda hatao suraj ka
raat se jang kar ke aaya hai
taaza taaza hai ghaav suraj ka
milne jaata hai raat se chhup kar
ik fasana banao suraj ka
asmanon se dosti kar ke
badh gaya hai tanav suraj ka
ho gai shaam sochte kya ho
ab janaza uthao suraj ka
raat bhar munh chhupae phirta raha
kam nahin phir bhi taao suraj ka
roz dariya kinare baith ke ham
jodte hain ghatao suraj ka
jugnuon se muqabla tha 'fahim'
kaun karta bachao suraj ka
kya karoge bachaw suraj ka
jaante ho subhaw suraj ka
garm hai wo to kam nahin hum bhi
kaun sahta hai tao suraj ka
mere ghar ka charagh bujhte hi
chadh gaya kitna bhaw suraj ka
surmai sham aae kamre mein
ab to parda hatao suraj ka
raat se jang kar ke aaya hai
taza taza hai ghaw suraj ka
milne jata hai raat se chhup kar
ek fasana banao suraj ka
aasmanon se dosti kar ke
badh gaya hai tanaw suraj ka
ho gai sham sochte kya ho
ab janaza uthao suraj ka
raat bhar munh chhupae phirta raha
kam nahin phir bhi tao suraj ka
roz dariya kinare baith ke hum
jodte hain ghatao suraj ka
jugnuon se muqabla tha 'fahim'
kaun karta bachao suraj ka
dhani surmai sabz gulabi jaise man ka aanchal sham
dhani surmai sabz gulabi jaise maan ka anchal shaam
kaise kaise rang dikhae roz labalab chhagal shaam
charvahe ko ghar pahunchae pahre-dar se ghar chhudvae
aate jaate chhedti jaae darvaze ki sankal shaam
suraj ke papon ki gathri sar par laade thaki thaki si
khamoshi se munh latkae chal deti hai paidal shaam
behis duniya-daron ko ho duniya ki har chiiz mubarak
ghham-zadon ka sarmaya hain aansu aahen botal shaam
suraj ke jaate hi apne rang pe aa jaati hai duniya
jane-bujhe chup rahti hai shab ke mod pe komal shaam
sanson ki pur-shor dagar pe raqs karega sannata
chupke se jis roz achanak chhanka degi paael shaam
'badr' tumhen kya haal sunain itna hi bas kaafi hai
tanhai men kat jaati hai jaise-taise makhmal shaam
dhani surmai sabz gulabi jaise man ka aanchal sham
kaise kaise rang dikhae roz labaalab chhagal sham
charwahe ko ghar pahunchae pahre-dar se ghar chhudwae
aate jate chhedti jae darwaze ki sankal sham
suraj ke papon ki gathri sar par lade thaki thaki si
khamoshi se munh latkae chal deti hai paidal sham
behis duniya-daron ko ho duniya ki har chiz mubarak
gham-zadon ka sarmaya hain aansu aahen botal sham
suraj ke jate hi apne rang pe aa jati hai duniya
jaane-bujhe chup rahti hai shab ke mod pe komal sham
sanson ki pur-shor dagar pe raqs karega sannata
chupke se jis roz achanak chhanka degi pael sham
'badr' tumhein kya haal sunain itna hi bas kafi hai
tanhai mein kat jati hai jaise-taise makhmal sham
kahte hain log ye ki badi dil-nashin hai sham
kahte hain log ye ki badi dil-nashin hai shaam
lekin mujhe ye lagta hai andoh-gin hai shaam
ye ik chhalava hai ki pahadon ki aag hai
vahm-o-guman ki shakl men jaise yaqin hai shaam
kya us ko dhundte ho khalaon ke darmiyan
tum apne dil men khoj ke dekho yahin hai shaam
ye kaisi machhliyan hain chamakti hain raat bhar
ye jhiil hai ki ek nigah-e-hasin hai shaam
donon ka vasl ho to shafaq-rang ho ye dil
hai raat asman to goya zamin hai shaam
din ka gunah raat ke sar aa gaya hai kyun?
kya shab ki be-gunahi ki shahid nahin hai sham?
ye to badal chuki hai 'karamat' hava ka rukh
kaise kahun ki vaqt ke zer-e-nagin hai shaam
kahte hain log ye ki badi dil-nashin hai sham
lekin mujhe ye lagta hai andoh-gin hai sham
ye ek chhalawa hai ki pahadon ki aag hai
wahm-o-guman ki shakl mein jaise yaqin hai sham
kya us ko dhundte ho khalaon ke darmiyan
tum apne dil mein khoj ke dekho yahin hai sham
ye kaisi machhliyan hain chamakti hain raat bhar
ye jhil hai ki ek nigah-e-hasin hai sham
donon ka wasl ho to shafaq-rang ho ye dil
hai raat aasman to goya zamin hai sham
din ka gunah raat ke sar aa gaya hai kyun?
kya shab ki be-gunahi ki shahid nahin hai sham?
ye to badal chuki hai 'karamat' hawa ka rukh
kaise kahun ki waqt ke zer-e-nagin hai sham
ta-hashr zid mein subh ki aati rahegi sham
ta-hashr zid men subh ki aati rahegi shaam
gul honge jo charaghh jalati rahegi shaam
har shaam le ke aaegi paighham subh ka
har subh jal ke dhuup men laati rahegi shaam
shamen jala ke shaam se nafrat karenge log
logon ko pyaar karna sikhati rahegi shaam
tazin-e-chashm ho na ho kajal ki dhaar se
be-vaqt bhi jahan men aati rahegi shaam
jaise hinai haath ho duuba sharab men
manzar hamen vo roz dikhati rahegi shaam
jaane lagengi baaghh se jab din ki raniyan
raton ki raniyon ko jagati rahegi shaam
thak kar girega to ye sambhalegi god men
suraj ko tutne se bachati rahegi shaam
insan to phenk denge libas-e-haya ko duur
un ka har ik gunah chhupati rahegi shaam
kisht-e-falak men daal ke khun-e-shafaq ki khaad
taron ki ek fasl ugati rahegi shaam
kirnen kuchh aftab ki 'jazib' samet kar
moti rida-e-shab pe sajati rahegi shaam
ta-hashr zid mein subh ki aati rahegi sham
gul honge jo charagh jalati rahegi sham
har sham le ke aaegi paigham subh ka
har subh jal ke dhup mein lati rahegi sham
shamen jala ke sham se nafrat karenge log
logon ko pyar karna sikhati rahegi sham
tazin-e-chashm ho na ho kajal ki dhaar se
be-waqt bhi jahan mein aati rahegi sham
jaise hinai hath ho duba sharab mein
manzar hamein wo roz dikhati rahegi sham
jaane lagengi bagh se jab din ki raniyan
raaton ki raniyon ko jagati rahegi sham
thak kar girega to ye sambhaalegi god mein
suraj ko tutne se bachati rahegi sham
insan to phenk denge libas-e-haya ko dur
un ka har ek gunah chhupati rahegi sham
kisht-e-falak mein dal ke khun-e-shafaq ki khad
taron ki ek fasl ugati rahegi sham
kirnen kuchh aaftab ki 'jazib' samet kar
moti rida-e-shab pe sajati rahegi sham
albeli kaamni ki nashili ghadi hai sham
albeli kamni ki nashili ghadi hai shaam
sar mastiyon ki sej pe nangi padi hai shaam
bekal kiye hai rain ke rasiya ka intizar
ghhamgin hai husn-e-shokh ki hairan khadi hai shaam
chamka diya hai is ke shararon ne fikr ko
ehsas-e-ishq-o-husn ki ik phuljadi hai shaam
taban hai tera chehra ki hai jalva-e-sahar
rakhshan hai teri maang ki taron jadi hai shaam
ruthe hue dilon ko bhi is ne mana liya
man-mohni hai kamni chanchal badi hai shaam
jaane kab aae aaj sa hangam-e-dil-navaz
yaaro uthao jaam ghadi do ghadi hai shaam
albeli kaamni ki nashili ghadi hai sham
sar mastiyon ki sej pe nangi padi hai sham
bekal kiye hai rain ke rasiya ka intizar
ghamgin hai husn-e-shokh ki hairan khadi hai sham
chamka diya hai is ke shararon ne fikr ko
ehsas-e-ishq-o-husn ki ek phuljadi hai sham
taban hai tera chehra ki hai jalwa-e-sahar
rakhshan hai teri mang ki taron jadi hai sham
ruthe hue dilon ko bhi is ne mana liya
man-mohni hai kaamni chanchal badi hai sham
jaane kab aae aaj sa hangam-e-dil-nawaz
yaro uthao jam ghadi do ghadi hai sham
hayat-e-sokhta-saman ek istiara-e-sham
hayat-e-sokhta-saman ik istiara-e-sham
chamak chamak ke bujha hai koi sitara-e-sham
kisi ko faeda-e-sham-e-khush-khisal mila
kisi ke hisse men likkha gaya khasara-e-sham
bujha rahe hain charag-e-shaguftagi-e-bahar
samajh chuke hain bahut ham bhi ye ishara-e-sham
isi qadar hai hayat-o-ajal ke biich ka farq
ye ek dhuup ka dariya vo ik kinara-e-sham
junun ki bazm saji hai isi ke saae men
ki ham to girne nahin denge ye manara-e-sham
hayat-e-sokhta-saman ek istiara-e-sham
chamak chamak ke bujha hai koi sitara-e-sham
kisi ko faeda-e-sham-e-khush-khisal mila
kisi ke hisse mein likkha gaya khasara-e-sham
bujha rahe hain charag-e-shaguftagi-e-bahaar
samajh chuke hain bahut hum bhi ye ishaara-e-sham
isi qadar hai hayat-o-ajal ke bich ka farq
ye ek dhup ka dariya wo ek kinara-e-sham
junun ki bazm saji hai isi ke sae mein
ki hum to girne nahin denge ye manara-e-sham
You have reached the end.