Shaam

sham bhi thi dhuan dhuan husn bhi tha udas udas dil ko kai kahaniyan yaad si aa ke rah gain the couplet links outer scenery with inner feeling: a smoky dusk mirrors a dim, heavy mood. even “beauty” appears depressed, suggesting love itself has lost its shine. in that atmosphere, old memories and unfinished tales rise inside the heart and linger, not becoming clear words—only a persistent ache.

tumhaare shahr ka mausam bada suhana lage main ek sham chura lun agar bura na lage

wo na aaega hamein malum tha is sham bhi intizar us ka magar kuchh soch kar karte rahe

yun to har sham umidon mein guzar jati hai aaj kuchh baat hai jo sham pe rona aaya every evening was, by hope, sustained this evening's desperation makes me weep

sham tak subh ki nazron se utar jate hain itne samjhauton pe jite hain ki mar jate hain

tum parindon se ziyaada to nahin ho aazad sham hone ko hai ab ghar ki taraf laut chalo

ab udas phirte ho sardiyon ki shamon mein is tarah to hota hai is tarah ke kaamon mein

wo kaun tha jo din ke ujale mein kho gaya ye chand kis ko dhundne nikla hai sham se

bas ek sham ka har sham intizar raha magar wo sham kisi sham bhi nahin aai

kabhi to aasman se chand utre jam ho jae tumhaare nam ki ek khub-surat sham ho jae

na udas ho na malal kar kisi baat ka na khayal kar kai sal ba'd mile hain hum tere nam aaj ki sham hai

ab kaun muntazir hai hamare liye wahan sham aa gai hai laut ke ghar jaen hum to kya

main tamam din ka thaka hua tu tamam shab ka jaga hua zara thahar ja isi mod par tere sath sham guzar lun

doston se mulaqat ki sham hai ye saza kat kar apne ghar jaunga

yaad hai ab tak tujh se bichhadne ki wo andheri sham mujhe tu khamosh khada tha lekin baaten karta tha kajal

nai subh par nazar hai magar aah ye bhi dar hai ye sahar bhi rafta rafta kahin sham tak na pahunche

sham hote hi khuli sadkon ki yaad aati hai sochta roz hun main ghar se nahin niklunga

ab to chup-chap sham aati hai pahle chidiyon ke shor hote the

ghar ki wahshat se larazta hun magar jaane kyun sham hoti hai to ghar jaane ko ji chahta hai

kabhi to sham dhale apne ghar gae hote kisi ki aankh mein rah kar sanwar gae hote

sham se un ke tasawwur ka nasha tha itna nind aai hai to aankhon ne bura mana hai

baitha hua hun lag ke dariche se mahw-e-yas ye sham aaj mere barabar udas hai

sham se pahle teri sham na hone dunga zindagi main tujhe nakaam na hone dunga

kaun si baat nai ai dil-e-nakaam hui sham se subh hui subh se phir sham hui o luckless heart what was new today you tell me pray day first turned into night, then night turned into day

dhalegi sham jahan kuchh nazar na aaega phir is ke ba'd bahut yaad ghar ki aaegi

shamen kisi ko mangti hain aaj bhi 'firaq' go zindagi mein yun mujhe koi kami nahin the couplet contrasts outward completeness with an inner, unnamed need. “evenings” become a metaphor for loneliness, when the heart most clearly feels absence and seeks companionship. the speaker claims life is fine, yet admits a persistent yearning for a particular “someone.” the emotional core is quiet emptiness that survives despite material or practical sufficiency.

bhigi hui ek sham ki dahliz pe baithe hum dil ke sulagne ka sabab soch rahe hain

shajar ne puchha ki tujh mein ye kis ki khushbu hai hawa-e-sham-e-alam ne kaha udasi ki

hum bahut dur nikal aae hain chalte chalte ab thahar jaen kahin sham ke dhalte dhalte

asr ke waqt mere pas na baith mujh pe ek sanwli ka saya hai