Teacher

jin ke kirdar se aati ho sadaqat ki mahak un ki tadris se patthar bhi pighal sakte hain

sang-e-be-qimat tarasha aur jauhar kar diya

sang-e-be-qimat tarasha aur jauhar kar diya sham-e-ilm-o-agahi se dil munavvar kar daya fikr-o-fan tahzib-o-hikmat di shuur-o-agahi gum-shudan-e-rah ko goya ki rahbar kar daya chashm-e-faiz aur dast vo paras-sifat jab chhu gae mujh ko mitti se uthaya aur falak par kar diya de jaza allah tu is baghhban-e-ilm ko jis ne ghhunchon ko khilaya aur gul-e-tar kar diya khaka-e-tasvir tha main khali-az-rang-e-hayat yuun sajaya aap ne mujh ko ki 'qaisar' kar diya sang-e-be-qimat tarasha aur jauhar kar diya sham-e-ilm-o-agahi se dil munawwar kar daya fikr-o-fan tahzib-o-hikmat di shuur-o-agahi gum-shudan-e-rah ko goya ki rahbar kar daya chashm-e-faiz aur dast wo paras-sifat jab chhu gae mujh ko mitti se uthaya aur falak par kar diya de jaza allah tu is baghban-e-ilm ko jis ne ghunchon ko khilaya aur gul-e-tar kar diya khaka-e-taswir tha main khali-az-rang-e-hayat yun sajaya aap ne mujh ko ki 'qaisar' kar diya

achchhe ustaad ke andar eik bachcha baitha hota hai jo haath utha-utha kar aur sar hila-hila kar bataata jaata ki baat samajh mein aayi ki nahi.

man bap aur ustad sab hain khuda ki rahmat hai rok-tok un ki haq mein tumhaare neamat

muddaton tak jo padhaya kiya ustad mujhe

muddaton tak jo padhaya kiya ustad mujhe ishq men bhuul gaya kuchh na raha yaad mujhe kya main divana huun ya-rab ki sar-e-rahguzar duur se ghurne lagte hain pari-zad mujhe ab hai avaz ki vo shaan na baazu ki udaan aur sayyad kiye deta hai azad mujhe dad-khvahi ke liye aur to saman na mila nala-o-ah pe rakhni padi buniyad mujhe mere sheron pe vo sharmae to ahbab hanse ai 'hafiz' aaj ghhazal ki ye mili daad mujhe muddaton tak jo padhaya kiya ustad mujhe ishq mein bhul gaya kuchh na raha yaad mujhe kya main diwana hun ya-rab ki sar-e-rahguzar dur se ghurne lagte hain pari-zad mujhe ab hai aawaz ki wo shan na bazu ki udan aur sayyaad kiye deta hai aazad mujhe dad-khwahi ke liye aur to saman na mila nala-o-ah pe rakhni padi buniyaad mujhe mere sheron pe wo sharmae to ahbab hanse ai 'hafiz' aaj ghazal ki ye mili dad mujhe

daanishgahon mein mushkil se chaar feesad ya teen feesad asaatezaa aise honge jo mutaalea farmate hain. baqi sab taraqqi ki hijje karte rahte hain. aisay qahat ke aalam mein jab yeh maaloom hota hai ki falaan shakhs ne kitaab parhi hai to kis qadar musarrat hoti hai, is ko sahih taur par bayaan karna mushkil hai.

dekha na kohkan koi farhad ke baghair aata nahin hai fan koi ustad ke baghair

mere afkar badle jo wahi ustad ho mera

mire afkar badle jo vahi ustad ho mera maharat ho jise fan par vahi naqqad ho mera mire ash'ar afaqi miri ghhazlen hon paighhami ho meri fikr sanjida qalam azad ho mera rahe qaaem nami honton ki tera naam lene se tire hi zikr se banjar ye dil abad ho mera mire par noch kar donon dar-e-zindan hi va kar de ki itna mehrban mujh par kabhi sayyad ho mera saza-e-‘ishq de mujh ko sar-e-bazar latka kar bada be-rahm patthar-dil koi jallad ho mera dilasa koi jhuta duun batao kya ye mumkin hai main sab kuchh bhuul jaun aur use sab yaad ho mera 'mubarak' vajd men aae mukarrar ki sadaon se ilahi pur-asar aisa koi irshad ho mera mere afkar badle jo wahi ustad ho mera mahaarat ho jise fan par wahi naqqad ho mera mere ash'ar aafaqi meri ghazlen hon paighami ho meri fikr sanjida qalam aazad ho mera rahe qaem nami honton ki tera nam lene se tere hi zikr se banjar ye dil aabaad ho mera mere par noch kar donon dar-e-zindan hi wa kar de ki itna mehrban mujh par kabhi sayyaad ho mera saza-e-‘ishq de mujh ko sar-e-bazar latka kar bada be-rahm patthar-dil koi jallad ho mera dilasa koi jhuta dun batao kya ye mumkin hai main sab kuchh bhul jaun aur use sab yaad ho mera 'mubarak' wajd mein aae mukarrar ki sadaon se ilahi pur-asar aisa koi irshad ho mera

shagird hain hum 'mir' se ustad ke 'rasikh' ustadon ka ustad hai ustad hamara

adab talim ka jauhar hai zewar hai jawani ka wahi shagird hain jo khidmat-e-ustad karte hain

rahbar bhi ye hamdam bhi ye gham-khwar hamare ustad ye qaumon ke hain meamar hamare

wahi shagird phir ho jate hain ustad ai 'jauhar' jo apne jaan-o-dil se khidmat-e-ustad karte hain

madrasa mera meri zat mein hai khud moallim hun khud kitab hun main

ustad ke ehsan ka kar shukr 'munir' aaj ki ahl-e-sukhan ne teri tarif badi baat

ab mujhe manen na manen ai 'hafiz' mante hain sab mere ustad ko

ahl-e-binash ko hai tufan-e-hawadis maktab lutma-e-mauj kam az saili-e-ustad nahin ghalib says true understanding is educated by upheavals: disasters and sudden turns of fate function as a school for the perceptive. the “storm” and the “wave’s slap” are metaphors for repeated shocks and hardships. these blows discipline the mind like a strict teacher, shaping wisdom through pain rather than comfort.

falsafe sare kitabon mein ulajh kar rah gae dars-gahon mein nisabon ki thakan baqi rahi

kis tarah 'amanat' na rahun gham se main dil-gir aankhon mein phira karti hai ustad ki surat

sach ye hai hum hi mohabbat ka sabaq padh na sake warna an-padh to na the hum ko padhane wale

mahrum hun main khidmat-e-ustad se 'munir' kalkatta mujh ko gor se bhi tang ho gaya

ye fann-e-ishq hai aawe use tinat mein jis ki ho tu zahid pir-e-na-baaligh hai be-tah tujh ko kya aawe meer says love is not a skill learned by display of piety; it requires an inborn capacity of the heart. he mocks the zahid who poses as a spiritual guide yet lacks depth and lived experience. the metaphor of a “childish elder” exposes hollow authority: outward age or religiosity without inner maturity cannot grasp عشق.

mujh se jo chahiye wo dars-e-basirat lije main khud aawaz hun meri koi aawaz nahin

shagird tarz-e-khanda-zani mein hai gul tera ustad-e-andalib hain soz-o-fughan mein hum

asatiza ne mera hath tham rakkha hai isi liye to main pahuncha hun apni manzil par

padhne wala bhi to karta hai kisi se mansub sabhi kirdar kahani ke nahin hote hain

hai aur ilm o adab maktab-e-mohabbat mein ki hai wahan ka moallim juda adib juda zauq highlights that the path of love operates on principles completely different from worldly education. in the school of love, conventional logic does not apply, and the instructors who teach the heart's curriculum are of a rare and spiritual breed, unlike standard academic teachers.

shab-e-mah mein jab bhi ye dard utha kabhi bait kahe likhi chand-nagar kabhi koh se ja sar phod mare kabhi qais ko ja ustad kiya

tu ne ustad ko ustad nahin samjha hai ja tujhe koi sabaq yaad nahin ho sakta